نصيحة اخوية.. اسقط موتور استيراد ولا أعمر الموتور بتاعي؟؟

[MOHAMED ABD EL SHAFY]

امبارح حطيت زيت الشنبر على الزيت اللى كان نقص
اشتريت علبة من بنزينة موبل على طريق مصر اسكندرية الزراعى وكنت مسافر بنها
المهم قلت اشترى كدا واجرب الموضوع دا
الزيت عندى يعمل 5000 وكان عامل 1000 فقط يعنى ناقصلة 4000
المهم حطيت العلبة كلها عشان الزيت كان ناقص وسعتها 440 ملل
وفعلا زى المهندس سبعاوى ما وصف لونة مثل العسل تماما ولزج اشبة بكتيير للون ولزوجة الصمغ
المهم العلبة دى صناعة امريكى وعاملة زى الكانز و ب 15 جنية وكلها امريكى لايوجد علييا كلمة واحدة عربى
المهم مشيت ولاحظت ان صوت الموتور اتغيير بقى خشن شوية
بس الدخان زى ما هوا لما بجيب ال 3000 ار بى ام يبدا بالظهور
وانا راجع عديت على واحد صحبى فى طوخ ورحت اسال ميكانيكى هناك ايه الحلول البديلة
المهم الراجل جاب حل تانى خالص غير الفك والتصليح قالى سقط موتور استيراد يعملة حوالى من 2500 الى 3000 بالفتيس بالدينامو بالاسبراتير وطلمبة البنزين والمياة والزيت والكاربرتيير وممكن نجيبة انجكشن
المهم قلت افكر واحسبها طقم الشمبر هيعمل فى حدود 1000 جنية بكل حاجة
فاكيد حل موتور واقلب القديم قطع غيار هيكون اسهل ومش فارق كتيير فى السعر خصوصا لو اشتريتة من غير الفتيس هينزل 500 جنية
بصراحة محتار ومش عارف اعمل طقم شمبر فى حدود ال 1000 جنية وياخد 3 ايام شغل
ولا اسقط موتور بنفس السعة فى يوم واحد بس واستفيد بقطع غيار القديم لفترة طويلة لقدام
نصيحة اخوية ايه رايك؟؟

[shoudy2005]

انا مبحبش حكايه الموتور الأستيراد لآنه ممكن يكون اتفتح قبل كده و متعرفش اتعمله عمره كويس ولا لأ فأحسنلك انك تقطع الشك باليقين و تعمر مكنتك قدام عينك اضمنلك ده رأى الشخصى

[Goodle]

نصيحة اخوية.. اسقط موتور استيراد ولا أعمر الموتور بتاعي؟؟

لو متأكد من الموتور الاستيراد اوكي.. مش متأكد، يبقى خليكي في موتورك اللي انت ضامنه

[amir_ezzat]

انا ليا رأى اطلع على بورسعيد واشترى واحد طالع من عربيه انت تشوفه بعينك وتشوف عداد العربيه عامل كام

[MOHAMED ABD EL SHAFY]

الف شكر على ردودتكم ورايكم الجميل

[madvoodoo]

محمد على فكرة انا كمان من بنها من الفلل وده رقمي ياريت نتقابل
احمد محسن
0123777251

[Adham]

اللي يحدد ان كنت تغير الموتور وللا تعمر الموتور هو انك تشوف حالة موتورك من جوة, يعني تفك وش السلندر و يتشاف اذا كان فية عتب في الشمايز وللا لأ
لو مافيش عتب و كل اللي عايزة طقم شنبر و ربما سبيكة مع قواعد و دلايل و بالكتير طقم صباب, يبقى اعمل العمرة افضل و تكلفتها بسيطة حيث ان المكونات المطلوبة دي رخيصة و الموضوع بسيط

لكن لو الشمايز معتبة يبقى الموضوع محتاج خراطة شمايز (ودة مش كويس حيث ان خامة الصلب اللي حايتخرط منها مش حاتبقى كويسة زي بتاع بلادة) و ربما طقم بستم غير اللي قلناة كمان, كدة يبقى الاحسن موتور استيراد

تاني حاجة برضة نوع العربية و طبيعه استعمالك هي اللي حاتحدد ان كنت تعمر و للا تغير
قوللنا الاول نوع العربية و موديلها اية؟

[MOHAMED ABD EL SHAFY]

تشرفت بيك يا استاذ احمد بس انا للاسف مش ساكن فى بنها وانا ساكن فى المؤسسة بس بروح هناك لاصدقاء كتيير
انا كنت رايح مشوار هناك عند رانيا مول واعرف فى بنها الفيلل وشارع سعد زغلول وهيا بلد جميلة و شوارعها نظيفة والناس بتحافظ عليها
على العموم يشرفنى معرفتك وتليفونى 0123172584

[MOHAMED ABD EL SHAFY]

العربية يا استاذ ادهم هى سكودا فليشيا 96
الاستعمال لا يقل عن 100 كيلو يوميا =2500 كيلو فى الشهر
السيارة كحالة عامة كويسة ومريحانى ووقفت جنبى كتيير
بس انا اتغابيت عليها شوية فى الصيف دا
كنت بقرص كتيير وبزود سرعات عاليه كتيير
اخر مرة من 3 شهور كدا كان الميكانيكى بيقول ان حالة الموتور كويسة (من واقع مشاهدتة الخارجية للموتور) بس هتحتاج طقم شمبر قدام
الظاهر انى قصفت عمر الموتور وعجلت بموضوع الشمبر دا
الانسان لا يعرف قيمة الشئ الا بعد ضياعة

[bee]

بص يا باشا
انا واحد بحبز العمرة لو حاجه العربية متوفرة وأصلية
لان ده شغل نظيف جدا ...
المهم متسترخص الحاجه الي هتشتريها وتختار ميكانيكي صنايعي
وبكده هتكون ضبطت المكنة على كيفك والكهرباء زي ما هي متظبطه

بالنسبة لموضوع الاستيراد ده لو فكيت المكنه ولقيت فيها شغل مكلف ومش هيرجع زي الاول
وساعتها تعالى بورسعيد
وانا تحت أمرك يا باشا
انا اعرف تجيب منين الي تحتاجه

تحياتي

[dr_3eshoo]

و الله البشا مهندس سبعاوي عمل مقارنه بين انك تعمر متور و انك تسقط متور استيراد
و فيه مثل بيقول شراء العبد و لا تربيته
و قال ان الاتنين صح مافيش فرق
انا شايف لو انك تعرف تجيب متور استيراد يكون مضمون و يكون استيراد و ماتلعبش فيه قبل كده و تكون حااااااااااااااااااااالته كويسه يكون احسن
و انك تعمل عرمه صح الصح للمتور صح برضه بس انا مش بحب عمره المتور لاني بطبعي انسان موسوس مش بحب كده
شوف من الاخر اعمل صلاه استخاره و شوف انت مرتاح لايه بس انا اقلك سقط متور و بلاش العمره

[MOHAMED ABD EL SHAFY]

الف شكر يا استاذ bee إن شاء الله هجرب الاول العمرة زى راى حضرتك ولو لقيت مشكلة إن شاء الله هبلغك حضرتك تنصحنى وتقولى اجيب الموتور منين بس الموضوع دا هستنى عليه فى حدود شهر عشان اجمع فلوس الاول

[MOHAMED ABD EL SHAFY]

الف شكر لنصيحتك يا استاذ dr_3eshoo راى حضرتك مظبوط بردة بس هحاول اشوف الاةل الموتور لانة مش ضايع اوى دا بس شمبر (من كلام الميكانيكى قبل ما يفك ان حالتة كويسة من صوته)
هحاول اشوف لو شمبر بس تبقى بسيطة لكن لو لقيته فتح فى حجات تانية يبقى هجيب استيراد بس الاول لازم يكون فى جيبى فلوس اسوء احتمال عشان معطلش لانى لو سبت الشغل فترة ممكن افقد الوظيفة

[Adham]

انت حطيت زيت الشنبر و العربية سخنة ؟؟

خللي بالك زيت الشنبر يتحط والموتور سخن عالاقل ربع ساعه داير قبلها
و بعد ماتحطة تدورها تاني ربع ساعه او تمشي بيها مشوار

انا جربت زيت الشنبر زمان قبل كدة و معملش حاجة قوي يعني

بس انا لو منك استنى لما اغير زيت تاني و احط علبة ريسورس بعد ماتغير الزيت و الفلتر
وبرضة تحطة و العربية سخنة
و بعد ماتحطة تدورها ربع ساعه في مكانها
و لما تمشي بيها 150-200 كيلو تانيين تحط علبة تانية
احتمالات كبيرة ان تلاقي الموتور بقى كويس معاك
جرب مش حاتخسر غير 85 جنية تمن علبة الريسورس
يعني تقريبا تمن جوان وش السلندر و الفك و التركيب علشان تشوف الشمايز بتاعه الموتور بتمن العلبتين بتوع الريسورس

ناس كتير شكرت في الريسورس و منهم ناس شغالة في توكيلات عربيات قالوا علية رائع

[MOHAMED ABD EL SHAFY]

بالظبط حطيت الزيت والعربية سخنة ومشيت بعدها مشوار لبنها بس معملش حاجة اوى غير انه خفض شوية كميه الدخان على السرعة العالية
الرسيورس دا لو كويس يبقى اكيد هينفع بس بيتباع فى اى بنزينة ولا ليه اماكن محددة