نصيحة اخوية.. اسقط موتور استيراد ولا أعمر الموتور بتاعي؟؟

[hazem_khidr]

هات موتور استيراد احسن
لان اعتقد ان موتور الفيليشا الومنيوم و قليل لو العمره فلحت معاه.

[Adham]

الريسورس من كابري درويش اللي في شارع دمشق في مصر الجديدة

او من الشركة نفسها في التوفيقية

[MOHAMED ABD EL SHAFY]

الف شكر على الايضاح يا هندسة

[Ghamrawy]

هات موتور استيراد احسن
لان اعتقد ان موتور الفيليشا الومنيوم و قليل لو العمره فلحت معاه.

اؤيد كلامك مليون فى الميه

[bee]

وايه الي يمنع العمرة يا جماعة ؟؟
يعني ايه قليل لو فلحت
يا ريت الاسباب منكوا انتوا الاتنين عشان نستفاد ..

[hazem_khidr]

انا قولت لحضرتك السببب بس باين حضرتك ما اخدتش بالك:)
قولت ان الموتور الومنيوم
علشان كده العمره مش بتفلح فيه كتير اوي
لان اي مسمار بيحلق من مكانه و دا سهل في الالومنيوم جدا بينهي الفارغه نهائيا

[Ghamrawy]

وايه الي يمنع العمرة يا جماعة ؟؟
يعني ايه قليل لو فلحت
يا ريت الاسباب منكوا انتوا الاتنين عشان نستفاد ..

علشان الكبس نادرا ما بيطلع زى الاول و نفس المشاكل القديمة حاترجع تانى من سخونية لزيت بينقص

[driftracer11]

والله المواتير ديه نصيب انا كنت عند ميكانيكى معرفه وكان شغال فى فليشيا وقاللى اصحابها جابوا ماتور استيراد وبعدها ب 3 اسابيع قرصوا عليها حرقوا المكنه ورجعنا نركب اجزاع من المكنه القديمه وجابوا السبب على الميكانيكى مع انهم واخدين العربيه من عنده ميه ميه وممكن تجيب مكنه بعد مده تنفخ انت وظروفك المهم اللى انته تاخده علشان يشوفلك المكنه يكون ثقه والا هيبيعك لانهم كلهم صنايعيه مفيش اخلاق والقرش هو سيدهم

[MOHAMED ABD EL SHAFY]

الف شكر على الافادة

[MOHAMED ABD EL SHAFY]

على فكرة يا شباب حصل حاجة غريبة اوى
بعد اسبوع كدا الزيت نقص تانى فقلت اجيب زيت وازود ففكرت اجيب زيت كنت بستعملة ايام ال 128 فرحت اشتريت زيت تعاون سايب ب 7 جنية الكيلو وزودت السيارة ومشيت بعد يوم لقيت الزيت مبقاش ينقص ولقيت كبس الموتور اتحسن والدخا الابيض اختفى تماما
ايه اللى حصل دا؟
هل من زيت الشمبر
ام من زيت التعاون
وخليط الزيوت اللى فالسيارة دا مفيش منه مشكلة؟
زيت الامارات 5000 + زيت شمبر 440 ملل + 1 لتر زيت تعاون

[yyy]

[quote=Adham;359204]الريسورس من كابري درويش اللي في شارع دمشق في مصر الجديدة

او من الشركة نفسها في التوفيقية[/q

الريسورس فية منة انواع..انت اقصدك على اى نوع؟

وطب لو الموتور بينفخ زيت على خفيف هاينفع معه ولا لا؟
ومكان الشركة مكانها فين فى التوفقية اما تدخل من عند السينما

[noble911]

زيت التعاون زيت تقيل علشان كده بينفع مع الموتور الخفيف
بيقل حرق الزيت و التبخر من المسافات البينية المتاكلة في الموتور

بس الاحسن العمرة من الحلول المؤقتة علشان تاخد اداء من الموتور مناسب و يتماشي مع البنزين اللي بتحطه
و يستحسن العمرة تكون في الشتاء

[MOHAMED ABD EL SHAFY]

ليه تكون فى الشتاء ؟

[MOHAMED ABD EL SHAFY]

ويعنى كدا ان زيت التعاون افضل من زيت الشمبر خاصة ان كيلو زيت تعاون ب 7 جنية وعلبة زيت الشمبر 440مل ب 15 جنية ؟
وهل لتر زيت التعاون ال 1000 كيلو لما اخلطة مع 3 لتر زيت الامارات 5000 كيلو هيمشى العربية نقول 4000 كيلو ؟ ولا دا غلط
( انا مبحبش احط زيت اقل من 5000 لانى بعمل الاف فى 10 ايام بالكتيير فمعنديش وقت كل شوية اروح اغير زيت )

[noble911]

انا مش متاكد من موضوع الشتا بالظبط لاكن اللي اعرفه
1- في الشتا فرصة ان العربية تسخن نتيجة الافراط في الاستخدام لتحقيق عملية التليين اقل منه في الصيف
2- المعلومة دي مش متاكد منها
انما الخراطة في الشتا و الحديد منكمش و التليين بعدها بيخلي الموتور مظبوط من حيث المقاسات

بس الصراحة انا معرفش الاجابة العلمية المظبوطة يمكن حد تاني يفيدك اكتر بس الكل بيقول عمر في الشتا علشان تستفيد من العمرة تطلع باحسن نتايج


بالنسبة للزيت
انا بحط في 128 ام موتور خفيف زيت التعاون النظيف ابو 40-50 جنيه الجالون و ده ماشي كويس معاها و ده المكافئ بتاعه في موبيل الاكس اتش بي ابو 80-90 جنيه بس ده اتقل نسبيا و المقياس مش بيقل بتاع الزيت و بيقعد اكتر من 3000 كيلو
في درجة اقل منه و ده اللي بتحطه كل عربيات التاكسي لكن النتيجة انو زيت سئ و مستحملش 1500 كيلو علي بعض

لكن كل الحلول دي هي مسكنات لحد ما تظبط الموتور
و بتحقق بيها انك متحطش زيت غالي و يطير منك و تزود حالة الموتور و التاكل و تعمل لنفسك مشاكل علي الطريق و تخسر تمن الزيت و اكتر

مسالة التخليط بيقوم بيها صديق لي مهندس بريمة حفر ابار البترول بس انا معرفش ايه القاعدة اللي هو ماشي عليها هو بيقول ان كل زيت و له خواص و انه بيجمع الخواص بالتخليط
انا بحط من نوع واحد لحد الشتا علي شهر 10-11و حعمل عمرة كاملة لاني خايف اتدبس في موتور مستعمل نص كم