صوت غريب مع السرعة

[kareem_eg]

السلام عليكم ..
انا عندي صوت حيجنني في العربية .الصوت تقريبا حاجة زي(شششششششششششششششششششششششششش) كان الاول بيظهر علي الخامس بس دلوقتي بقي فوق 70km/h بيظهر و مالوش علاقة بالحرق انا ممكن اكون علي 2.5 ~3 rpm
هو مش مزعج بس صوت غريب و انا مش بحب اسيب الحاجة لحد ماتبوظ
العربية شاهين موديل 2004 كاربيراتير
ارجو الافادة .
شكرا

[kareem_eg]

اسف لتكملة الموضوع في الرد
قبل كده كان الصوت بيظهر علي الخامس فقط انما دلوقتي بقي بيظهر علي سرعة 70km/h
و ماظونش ان ليه علاقة بالحرق لاني ممكن اكون علي 2.5 ~3 rpm

العربية شاهين 2004 كاربراتير

اتمني الافادة ..وشكرا مسبقا

[aldesha989]

ما حاولتش تركز مع الصوت جاى منين ؟

انا الصوت ده كان بيحصل عندى بس لما ادخل زحمه وكان من طقم الدبرياج

بس انتا بتقول على 70 يعنى بعيد عنه بس حاول تركز الصوت جاى منين ولو قدرت تسجل الصوت يبقى احسن لان الصوت مش مفهوم جاى منين ولا بيعمل معاك ايه

[kareem_eg]

انا شاكر جدا لردك ..
هو الصوت جي "تقريبا " من وسط العربية عشان كده استبعدت ان يكون في حاجة في العجل .. لدرجة اني قلت جايز ده هو صوت الكرونه لما بتبوظ .. بس برضو اظن ان الكرونه لما بتبوظ الصوت بيبقي مستمر مش علي سرعة محددة

و ان شاء الله هحاول اسجل الصوت بس يارب يبان في التسجيل

[kareem_eg]

ممكن تقول الصوت من تحت الماتور .. انا هحاول اكون بجري و امور ..سمعت ان لو الصوت اختفي مع المور يبقي المشكلة في الفتيس .. عموما حجرب برضو و اقولكم اللي حصل

[mama1979]

احتمال تكون حاجة بسيطة فى الشكمان (خرم بسيط)

[kareem_eg]

شاكر لردكmama1979
جايز من الشكمان حبقي اشيك عليه

حاولت اسجل الصوت بس مش واضح خالص في التسجيل عشان صوت الماتور مغطي عليه

و انا مورت لما سمعت الصوت .. و الصوت سكت .. تفتكرو ممكن يكوت الفتيس فيه حاجة

[aldesha989]

شاكر لردكmama1979
جايز من الشكمان حبقي اشيك عليه

حاولت اسجل الصوت بس مش واضح خالص في التسجيل عشان صوت الماتور مغطي عليه

و انا مورت لما سمعت الصوت .. و الصوت سكت .. تفتكرو ممكن يكوت الفتيس فيه حاجة

زود زيت فتيس وجرب تانى بس جرب وانتا ممور تدوس بنزين لان اكيد وانتا ممور شيلت رجلك من البنزين جرب لو الصوت بيظهر مع البنزين يبقى استبعد الفتيس والزيت

[kareem_eg]

جربت امور و ادوس علي البنزين .. الصوت بيختفي , انا شبه متاكد ان الصوت من الاجزاء اللي بتنقل الحركة من الماتور للعربية .. هو صوت زي ان فيه كوره حديد (او رايش حديد ) بيلف في اسطوانه
لو تسمحولي في التعبير كاني جايب "شخشيخة" و بحركها دائريا (معرفتش اجيب تشبيه احسن)
..
عموما انا ان شاء الله حروح للميكانيكي يوم الثلاثاء اغير زيت الفتيس و ااكد علي الشكمان

[kareem_eg]

غيرت زيت الفتيس و شيكت علي الشكمان .. و ما زالت المشكله قائمة

و زي ما قبت قبل كده " هو صوت زي ان فيه كوره حديد (او رايش حديد ) بيلف في اسطوانه
لو تسمحولي في التعبير كاني جايب "شخشيخة" و بحركها دائريا (معرفتش اجيب تشبيه احسن)"

طب ده ممكن يكون سير من السيور ؟ مثلا بلية كاتينة ؟ ولا ده بيبقي صوتها مختلف (ملحوظة الصوت بيظهر بعد سرعة
60 فقط )

[smsm_nabawy]

أنت و أنت بتركن... و بتركع بظهرك مؤخراً... خبطت الجكمان في رصيف؟؟

بص يا باشا .. الصوت ده كان في عربيتي و كان في عربيات ناس صحابي.. المشكلة أن الجكمان عندنا "علبة النصف" قريبة أوي من الكردان!!

الي بيحصل.. من مطب جامد مثلاً ولا و انت راجع بظهرك خبط في الجمان!! في رصيف

العلبة بتريح على الكردان!! و هو بيلف... بيحك في العلبة و تسمع الصوت ده!!!

انزل تحت العربية و شوف العلبة قريبة من الكردان ولا.. و لاحظ وجود علامات حكة على الكردان و العلبة من أقرب حته بينهم ولا...

و أذا لاقيت كده.. أرجع ورا العربية.. و امسك الجكمان من الفوهة بتاعته "طبعاً و هو بارد" و شد عليك "لخارج السيارة" بقوة!!

علشان تفرد الماسورة و بكده يرجع الجكمان في مكانه تاني!!

و أن شاء الله خير.. شوف و تابع معانا!! :)

[kareem_eg]

شكرا ا/ smsm

مع اني خليت الراجل ياكد علي الشكمان بس ان شاء الله حاكد عليه دلوقتي بعد الصلاة ان شاء الله و حجرب العربية بكره . و اقلك النتيجة

[smsm_nabawy]

تمام ربنا يسهل ان شاء الله و تطلع هي و تبقى سليمة!!!
خد بالك من وجود أي أآثار حكة على العلبة.. او حكة في الكردان

الحك في الكردان في الغالب بيبقى خط رفيع!! نتيجة حك طرف علبة النصف الرفيع ده في الكردان و ملامسته ليه و هو بيلف.. بيبقى كأنك بتاكل فيه كده أو بتخرطه!!!

[kareem_eg]

يوم الجمعة انا شديت الشكمان بس و معرفتش ابص تحت العربية ..
النهاردة نزلت بصيت لقيت العلبة بعيدة عن عمود الكردان بصراحة معرفتش ابص اذا كان فيه اثار احتكاك او لاء
بس اتاكدت ان العلبة مش لمسة العمود .

وما زال الصوت موجود الغريبة ان خصوصا في الرابع بيظهر يعني بيبتدي في اخر التالت ثم يعلي في الرابع ثم يقل تاني عالخامس

م/smsm شكرا .. و انا بصراحة شايف ان تحليلك هو الاقرب للواقع لان فعلا الصوت بيظهر مع الحركة كان فيه حاجة بتدور بتكحت في حاجة تانية ...
ده بالضبط اللي انا اكدت عليه (ممكن اكون باكد علي منطقة خاطئة)

[smsm_nabawy]

فعلاً هو ده المكان الي انا قصدي عليه!!! بيبقى البوز الي قريب أوي من الكردان ده لازق فيه او بيكون بعيد عنه لكن مع زيادة سرعة دوران الكردان "لو في بوش في النجمة الي ماسكة الكردان حيلق و يخبط فيها" او ا مع المطبات ولا زيادة الآر بي أم اوي مع عدم تثبيت العلبة دي كويس حتتهز و تخبط في الكردان!! طيب حقولك على حاجة!!!

أرفع العرربية من ورا بكوريك و حط طبتين قدام العجلتين الي قدام!!! و خلي حد يجيب الرابع و العربية مروفعة من ورا و يزود بنزين و شوف الصوت حيجي ولا؟؟؟ و تتبعه بودانك!!!