Tweet
لماذا يوصي مركز أمير و جوزيف (مدينة نصر) بزيت توتال 9000 ؟
امبارح رحت مركز أمير و جوزيف إللي في مدينة نصر حجزت الأول بالتليفون (إللى أفادنا به د/ أحمد ربنا يكرمه) و مشيت على العنوان لحد ما وصلت المركز.
المهم كنت عايز أغير زيت و فلتر و أنظف فلتر التكييف. كل حاجة مشيت تمام لغاية ما وصلنا لموضوع الزيت أحد المختصين في المركز قاللي إنه ما عندهمش موبيل ون و ما بيتعاملوش معاه بسبب إنه عملهم مشاكل مع كام عميل.
استفسرت منه عن طبيعة المشاكل دي فقاللي إنه بينقص "يتبخر" و حسب كلامه أنه على بال ما هأوصل للعشر آلاف ها يبقى فاضل منه لتر و إن الكلام ده عمل مشاكل في مواتير عميلين عنده و اضطر يصلحلهم عربياتهم على حسابه (يظهر إن في نوع من انواع الضمان بيدوه للعربيات اللي بتتعامل معاهم بصفة دائمة).
المهم ذكر لي بصراحة إني طالما دخلت عنده فعربيتي بقت مسئوليته و كلام من هذا القبيل و أنه يرشح لي زيت TOTAL لأنه أفضل بكثير من موبايل ون و إن موبايل ون خلاص "إضرب" و إنه بيتصنع هنا في مصر على عكس TOTAL إللى مستورد بالكامل من الخارج (فرنسا تقريبا) و إن سيتروين بتنزل عربياتها بالزيت ده.
طبعا أن أصريت على موبيل ون و كان صعب إني أغير رأيي بعد كل المناقشات اللى قرأتها في هذا المنتدى و خرجت منها بنتيجة (إما موبيل ون أو شل) و فعلا" بعت اشترالي موبيل ون من محطة بنزين جنب المركز.
أحب أعرف من الأخوة المتخصصين أرائهم حول هذا الموضوع.
ملاحظة : ماء المساحات كان ناقص ببشاعة و اشتريت له 4لتر (اللتر بـ 16 جنيه) و أخبرني المختص أن العربية بتنزل من بلدها بلتر واحد بس ميه للمساحات. المهم كل الناس حسرتني و قالوللي كنت حطيت ميه عادية يللا الخيرة فيما اختاره الله و الحمد لله بس ياريت حد يفيدني في موضوع الزيت.
نسيت أقوللكم غيار الزيت و الفلتر و تزويد ماء المساحات و تنظيف فلتر التكييف كل ده تكلف مصنعية 50 جنيه للمركز و الفنيين بيرفضوا ياخذوا أي اكراميات و في قاعة مكيفة لانتظار الأسرة لو خدتهم معاك و المركز في مجمله محترم و نظيف و في أمانة و احترام
امبارح رحت مركز أمير و جوزيف إللي في مدينة نصر حجزت الأول بالتليفون (إللى أفادنا به د/ أحمد ربنا يكرمه) و مشيت على العنوان لحد ما وصلت المركز.
المهم كنت عايز أغير زيت و فلتر و أنظف فلتر التكييف. كل حاجة مشيت تمام لغاية ما وصلنا لموضوع الزيت أحد المختصين في المركز قاللي إنه ما عندهمش موبيل ون و ما بيتعاملوش معاه بسبب إنه عملهم مشاكل مع كام عميل.
استفسرت منه عن طبيعة المشاكل دي فقاللي إنه بينقص "يتبخر" و حسب كلامه أنه على بال ما هأوصل للعشر آلاف ها يبقى فاضل منه لتر و إن الكلام ده عمل مشاكل في مواتير عميلين عنده و اضطر يصلحلهم عربياتهم على حسابه (يظهر إن في نوع من انواع الضمان بيدوه للعربيات اللي بتتعامل معاهم بصفة دائمة).
المهم ذكر لي بصراحة إني طالما دخلت عنده فعربيتي بقت مسئوليته و كلام من هذا القبيل و أنه يرشح لي زيت TOTAL لأنه أفضل بكثير من موبايل ون و إن موبايل ون خلاص "إضرب" و إنه بيتصنع هنا في مصر على عكس TOTAL إللى مستورد بالكامل من الخارج (فرنسا تقريبا) و إن سيتروين بتنزل عربياتها بالزيت ده.
طبعا أن أصريت على موبيل ون و كان صعب إني أغير رأيي بعد كل المناقشات اللى قرأتها في هذا المنتدى و خرجت منها بنتيجة (إما موبيل ون أو شل) و فعلا" بعت اشترالي موبيل ون من محطة بنزين جنب المركز.
أحب أعرف من الأخوة المتخصصين أرائهم حول هذا الموضوع.
ملاحظة : ماء المساحات كان ناقص ببشاعة و اشتريت له 4لتر (اللتر بـ 16 جنيه) و أخبرني المختص أن العربية بتنزل من بلدها بلتر واحد بس ميه للمساحات. المهم كل الناس حسرتني و قالوللي كنت حطيت ميه عادية يللا الخيرة فيما اختاره الله و الحمد لله بس ياريت حد يفيدني في موضوع الزيت.
نسيت أقوللكم غيار الزيت و الفلتر و تزويد ماء المساحات و تنظيف فلتر التكييف كل ده تكلف مصنعية 50 جنيه للمركز و الفنيين بيرفضوا ياخذوا أي اكراميات و في قاعة مكيفة لانتظار الأسرة لو خدتهم معاك و المركز في مجمله محترم و نظيف و في أمانة و احترام
Comment