هوا ليه موضوع السخونة×الطوالي لسه متحلش

[حسام السويدي]

ههههههههههههه ياعم دانا عندي مروحة دايو ولا مأثره!!!!

ههه عقبال متجيب الدايو
انا معايا لانوس وبتسخن الطبيعي بس سخونتها رخمه المهم

خد بالك من المياه وحاول تعملها بدل ملقدر الله تدخلك في حاجه تانيه

[zastaffa]

وبرضوا موضوع سخونة الطوالي وصل للاشيء زي كتير غيره من الموضوعات المشابهة!!!!
ع العموم لو جد جديد أكيد هادخل وأقول أزاي حليتها عشان كلنا نستفاد

[aw2100]

وبرضوا موضوع سخونة الطوالي وصل للاشيء زي كتير غيره من الموضوعات المشابهة!!!!
ع العموم لو جد جديد أكيد هادخل وأقول أزاي حليتها عشان كلنا نستفاد

بص زى ماقولتلك انا كانت معايا ال128 زاستافا لمده 14 عام جوة البلد وسفر على 110 مفيش سخونه نهائى وجرب انك تغير حاجتين كوعة المية ركبها صينى لو الأصلى ركبه عندك بتفرق فى الحرارة كتير وتانى حاجة ركب رادياتير استعمال خارج انا ركبت الرادياتير النحاس بستانى 3 ماسورة حوالى 4 سنين بعد ماشتريت العربية وبعدين واحد كنت بصلح الرادياتير عنده نصحنى بالرادياتير الأستعمال خارج الحديد كان عنده فى الورشة وركبهولى على التجربة وبمجرد ماركبه فوجئت بان الحرارة واطيه ومروحة التبريد بقت تشتغل وتفصل فى السلانسية لكن مع الرادياتير المصرى كانت دايرة عالطول والحرارة كانت ثابتة على النص مهما جريت بس انا طبعا كنت باستعمل مية خضراء موبيل والموتور عندى مظبوط 10/10 ومروحه التبريد بتاعه ال128 4ريشة ومفيش هباب فى الجكمان فلو عاوز السخونة تروح جرب اللى قولته وان شاء الله حتدعيلى وحاول تغير نوع الزيت وتجرب وتحط شيل الأحمر بيفرق فى السخونة وبيوطى صوت الموتور وبيدى top speed اعلى وطبعا براحتك لكن ماتقولش ان مافيش حل لموضوع السخونة فى ال128 الحكاية دى اتحلت من سنيين تحياتى !!

[zastaffa]

بص زى ماقولتلك انا كانت معايا ال128 زاستافا لمده 14 عام جوة البلد وسفر على 110 مفيش سخونه نهائى وجرب انك تغير حاجتين كوعة المية ركبها صينى لو الأصلى ركبه عندك بتفرق فى الحرارة كتير وتانى حاجة ركب رادياتير استعمال خارج انا ركبت الرادياتير النحاس بستانى 3 ماسورة حوالى 4 سنين بعد ماشتريت العربية وبعدين واحد كنت بصلح الرادياتير عنده نصحنى بالرادياتير الأستعمال خارج الحديد كان عنده فى الورشة وركبهولى على التجربة وبمجرد ماركبه فوجئت بان الحرارة واطيه ومروحة التبريد بقت تشتغل وتفصل فى السلانسية لكن مع الرادياتير المصرى كانت دايرة عالطول والحرارة كانت ثابتة على النص مهما جريت بس انا طبعا كنت باستعمل مية خضراء موبيل والموتور عندى مظبوط 10/10 ومروحه التبريد بتاعه ال128 4ريشة ومفيش هباب فى الجكمان فلو عاوز السخونة تروح جرب اللى قولته وان شاء الله حتدعيلى وحاول تغير نوع الزيت وتجرب وتحط شيل الأحمر بيفرق فى السخونة وبيوطى صوت الموتور وبيدى top speed اعلى وطبعا براحتك لكن ماتقولش ان مافيش حل لموضوع السخونة فى ال128 الحكاية دى اتحلت من سنيين تحياتى !!

طب معلش أستحملني....أصلي أنا بصراحة أول مرة أسمع عن أن الراديراتير الحديد أكفأ في التبريد من نظيره النحاس....دا كل الناس اللي أخدت رأيهم نصحوني أبدله فورا بواحد نحاس لو كان اللي عندي حديد وماحدش قاللي أعمل العكس غير حضرتك....بس طالما عن تجربه شخصية أنت مريت بيها فأنا مصدقك
بس اللي عاوز أعرفه...الراديراتير الحديد ده أجيبه منين؟؟؟ وأيه اللي يضمنلي أنه مايكونش أنيل من اللي عندي خصوصا وأني هاجيبه أستيراد وما أدراك بالأستيراد......وهل ممكن أجيبه جديد ولا الجديد كله نحاس بس؟؟؟؟
أما بخصوص الكوعة فأنا فعلا مركب الصيني ومافيش أي تقدم!!!
وأخيرا كنت عاوز أسألك عن رأيك في سرابانتنات المصانع الحربية اللي بتيجي من غير علب؟؟؟؟ هل ديه ممكن تكون أفضل الأختيارات لو قررت أتجنب النحاس المصري والحديد الأستيراد؟؟؟؟

[zastaffa]

احتمال كده يبقى العيب من فتحه الشكمان لازم الفتحه الستاندر بتاعت موتور الريجاتا وممكن تمد حتى اخر فتحه للشكمان(ولازم تنضف دوره التبريد زى مقولتلك الاول)
اما موضوع هو موتور ريجاتا مقدرش افتى
وفتحه العادم مهمه لان فى تعديلات بتزود حتى 20 حصان بمجرد اللعب وتوسيع فتحه العادم وده يبين اهميتها لانها بتخرج النار بتاعت الحريق والفتحه الديقه عندك بتعمل رجع مولع المكنه
ايه اخبار وش السلندر
ولو عملت كل ده فى واحد صحبى عمل حركه فى الاونو بعد عزاب السخونه وهى خرط نص ملى من وش الاربع بساتم كانت نهايه الحراره معاه بعد تغيير وش السليندر وتعمير المكنه وتغيير الشكمان وكل ما تتخيله

أنا عندي فتحة الشكمان العادية بتاعت أل128.....أما وش السلندر فكويس جدا ومستوي المية والزيت مظبوطين وتمام التمام وفين وفين لما بزود ميه يمكن كل 3أيام مره في عز الحر ده....وحتي لما بفتح غطا الريدراتير وأجي أدور العربية الميه مابتنترش برا.....بس لو زودت بنزين جامد ألاقي المية كلها خرجت من الراديراتير زي النافورة وبصراحة مش قادر أقيم هل ده من قوة تقليب الطرنبة ولا نفخ من الجوان....بس هارجع أقولك تاني لو نفخ جوان كنت أول مادور العربية الميه تنتر من الراديراتير
اما بأه موضوع خرط نص مللي من وش البستم ده اول مرة أسمع عنه...وكان ممكن تجنبه بأضافة جوان وش سلندر....أو شراء وش جديد فيه لحمية

[aw2100]

أنا عندي فتحة الشكمان العادية بتاعت أل128.....أما وش السلندر فكويس جدا ومستوي المية والزيت مظبوطين وتمام التمام وفين وفين لما بزود ميه يمكن كل 3أيام مره في عز الحر ده....وحتي لما بفتح غطا الريدراتير وأجي أدور العربية الميه مابتنترش برا.....بس لو زودت بنزين جامد ألاقي المية كلها خرجت من الراديراتير زي النافورة وبصراحة مش قادر أقيم هل ده من قوة تقليب الطرنبة ولا نفخ من الجوان....بس هارجع أقولك تاني لو نفخ جوان كنت أول مادور العربية الميه تنتر من الراديراتير
اما بأه موضوع خرط نص مللي من وش البستم ده اول مرة أسمع عنه...وكان ممكن تجنبه بأضافة جوان وش سلندر....أو شراء وش جديد فيه لحمية

حكاية ان المية تخرج من الرادياتير ده غلط كده يبقى غطاء الرادياتير عندك او الزور اللى فى الرادياتير بايظ وده ممكن يكون سبب السخونية عندك لازم المية مع ضغط الحرارة وتقليب الطرمبة تروح فى قربة الفايظ وماتزودش المية فى الرادياتير لازم الرادياتير يسحب المية من قربة الفايظ رايح وراجع والمية ماتقلش من الرادياتير تلاقيها تقل فى القربة والرادياتير يفضل مليان صلح العيب ده الأول قبل ماتفكر تعمل اى حاجة فى العربية انا جربت السربنتينه البستانى ريش التبريد واسعة وده بيقلل من كفائة التبريد بالنسبة للرادياتير الأستيراد بيبقى الريش بتاعته حديد لكن المواسير والعلب نحاس بس بتبقى الريش ضيقة فبتزود من كفائة الرادياتير فى التبريد فلو السربنتينه المصانع ريشها ضيقة اعتقد انها حتبقى افضل من البستانى

[zastaffa]

حكاية ان المية تخرج من الرادياتير ده غلط كده يبقى غطاء الرادياتير عندك او الزور اللى فى الرادياتير بايظ وده ممكن يكون سبب السخونية عندك لازم المية مع ضغط الحرارة وتقليب الطرمبة تروح فى قربة الفايظ وماتزودش المية فى الرادياتير لازم الرادياتير يسحب المية من قربة الفايظ رايح وراجع والمية ماتقلش من الرادياتير تلاقيها تقل فى القربة والرادياتير يفضل مليان صلح العيب ده الأول قبل ماتفكر تعمل اى حاجة فى العربية انا جربت السربنتينه البستانى ريش التبريد واسعة وده بيقلل من كفائة التبريد بالنسبة للرادياتير الأستيراد بيبقى الريش بتاعته حديد لكن المواسير والعلب نحاس بس بتبقى الريش ضيقة فبتزود من كفائة الرادياتير فى التبريد فلو السربنتينه المصانع ريشها ضيقة اعتقد انها حتبقى افضل من البستانى

لأ ياريس أنت فهمتني غلط....أنا أقصد لما باكون شايل غطا الراديراتير خالص ومدور العربية وأجي أزود بلاقي الميه طلعت من الرقبة زي النافورة فأنا مش عارف هل ده من قوة الطرنبة وتقليب الميه ولا تسريب كبس جاي من وش السلندر...
أنما لما مليته لأخره وشيلت الغطا برضوا وجيت دورت ملقيتش الميه ضربت لفوق....بتضرب لما أزود بنزين بس
جيت عملت الأختبار دا تاني بس مع القربة ومليتها لأخرها والعربية باردة خالص وجيت دورت...الميه ماضربتش لفوق ولا أي حاجة
هوا كان فيه سؤال مهم أنا سئلته في مشاركة سابقة في نفس الموضوع ده عن أن الماتور اللي عندي قد يكون ماتور ريجاتا بس متركبله فرن 128 عين واحدة بتاع أل1100 مش أل1300 ياريت حضرتك تبص عليه كدا وتقولي رأيك

[aw2100]

لأ ياريس أنت فهمتني غلط....أنا أقصد لما باكون شايل غطا الراديراتير خالص ومدور العربية وأجي أزود بلاقي الميه طلعت من الرقبة زي النافورة فأنا مش عارف هل ده من قوة الطرنبة وتقليب الميه ولا تسريب كبس جاي من وش السلندر...
أنما لما مليته لأخره وشيلت الغطا برضوا وجيت دورت ملقيتش الميه ضربت لفوق....بتضرب لما أزود بنزين بس
جيت عملت الأختبار دا تاني بس مع القربة ومليتها لأخرها والعربية باردة خالص وجيت دورت...الميه ماضربتش لفوق ولا أي حاجة
هوا كان فيه سؤال مهم أنا سئلته في مشاركة سابقة في نفس الموضوع ده عن أن الماتور اللي عندي قد يكون ماتور ريجاتا بس متركبله فرن 128 عين واحدة بتاع أل1100 مش أل1300 ياريت حضرتك تبص عليه كدا وتقولي رأيك

فى رخصة العربية الموتور سعة 1080 ولا 1300 لو 1300 يبقى لازم تغير فرن الموتور ال 1080 اللى بمخرج للجكمان واحد بفرن الموتور 1300 اللى هو بمخرجين وتغير شجرة الجكمان علشان تتربط فية علشان كده يبقى الموتور مخنوق عندك وطبعا يسخن ولو فى الرخصة الموتور 1080 يبقى الفرن ده يمشى الحال !!

[zastaffa]

فى رخصة العربية الموتور سعة 1080 ولا 1300 لو 1300 يبقى لازم تغير فرن الموتور ال 1080 اللى بمخرج للجكمان واحد بفرن الموتور 1300 اللى هو بمخرجين وتغير شجرة الجكمان علشان تتربط فية علشان كده يبقى الموتور مخنوق عندك وطبعا يسخن ولو فى الرخصة الموتور 1080 يبقى الفرن ده يمشى الحال !!

لا ياريس مش شرط لما تغير الماتور يكتب سعته الحقيقية في الرخصة
ناس كتير أعرفهم غيرت مواتير 128 وثبتوها ع الرخصة كأرقام فقط لا كسعة لترية لتجنب فروق الضريبة

[zastaffa]

فى رخصة العربية الموتور سعة 1080 ولا 1300 لو 1300 يبقى لازم تغير فرن الموتور ال 1080 اللى بمخرج للجكمان واحد بفرن الموتور 1300 اللى هو بمخرجين وتغير شجرة الجكمان علشان تتربط فية علشان كده يبقى الموتور مخنوق عندك وطبعا يسخن ولو فى الرخصة الموتور 1080 يبقى الفرن ده يمشى الحال !!

أنت بجد تبقي خدمتني خدمة العمر لو ساعدتني بس وقولتلي مين يقدر يفيدني في موضوع سير الكاتينة اللي طلع عندي بتاع ريجاتا....هل كدا الماتور فعلا بتاع ريجاتا والموضوع منتهي ولا فيها قولان؟؟؟
لأن اللغز ده لو عرفت أحله هايوفر عليا مسافات كتير أوي من القرف والمرمطة والدوران ع الميكانيكية

[aw2100]

أنت بجد تبقي خدمتني خدمة العمر لو ساعدتني بس وقولتلي مين يقدر يفيدني في موضوع سير الكاتينة اللي طلع عندي بتاع ريجاتا....هل كدا الماتور فعلا بتاع ريجاتا والموضوع منتهي ولا فيها قولان؟؟؟
لأن اللغز ده لو عرفت أحله هايوفر عليا مسافات كتير أوي من القرف والمرمطة والدوران ع الميكانيكية

ارفع صور الموتور بتاع عربيتك اشوف شكله ايه واسهلك لو رحت لميكانيكى محترم وهو يحدد لو موتور ريجاتا يبقى تغير الفرن وشجرة الجكمان وموضوع السخونة ينتهى !!

[zastaffa]

ارفع صور الموتور بتاع عربيتك اشوف شكله ايه واسهلك لو رحت لميكانيكى محترم وهو يحدد لو موتور ريجاتا يبقى تغير الفرن وشجرة الجكمان وموضوع السخونة ينتهى !!

هوا الخالق الناطق ماتور أل128 العادي وكمان كاربيراتير عين واحدة واللي مكتوب في الرخصة 1150
بس زي مقولت قبل كدا أني أول ماشتريتها وجيت أغير سير الكاتينة لقيت الراجل بيقولي السير اللي أنت جايبه ده أصغر من القديم اللي كان راكب فيها...روح بدله بسير ريجاتا 118
قولتله يعني كدا ماتور ريجاتا؟؟؟ قالي مافيهاش كلام
طيب أومال أزاي الفرن عين واحدة؟؟؟
هل ممكن اللي باعلي العربية بعد ماغير الماتور زنقت معاه الفلوس فقام مركب فرن الماتور القديم أبو عين واحدة عشان مايضطرش يغير ويعدل ويجيب مشترك للشكمان ويفك ويلحم ويفتح علي روحه موال تاني؟؟!!!

[rotanamasoud]

الصور من النت وانا مش خبير فى شكلهم
الاول ريجاتا التانى 128
الفروق فتحه الزيت يمين والتانى فتحه الزيت شمال
يوجد فى ال128 مقاس الزيت واضح فى صورتو وفى الرجاتا المكان شكله النحيه التانيه
ادى اوضح الفروق والله اعلم شوف موتورك اى شكل فيهم

[zastaffa]

الصور من النت وانا مش خبير فى شكلهم
الاول ريجاتا التانى 128
الفروق فتحه الزيت يمين والتانى فتحه الزيت شمال
يوجد فى ال128 مقاس الزيت واضح فى صورتو وفى الرجاتا المكان شكله النحيه التانيه
ادى اوضح الفروق والله اعلم شوف موتورك اى شكل فيهم

هوا اللي تحت ده أبن الكلللللللللللللللللللب
بس أنا عندي سؤال لحضرتك...هل ممكن يكون نوص المكنة التحتاني اللي هوا البلوك والبساتم والكرنك وخلافه بتوع ريجاتا والوش بتاع 128؟؟؟!!!
أصلي كدا كدا أي حد هايسقط ماتور ريجاتا في أل128 لازم هايغير الهيد ويحط بتاع أل128 عشان مكان شداد الماتور....وطالما غير الهيد يبقي بالتبعية هايغير وش السلندر
وجهة نظري صح ولا غلط؟؟؟

[rotanamasoud]

مش ممكن يكون بلوك اللى تحت بتاع ريجاتا طول ما مقاس الذيت من ادام دى اختلافات جوهريه بين الموتورين