ازاى اعرف ان الموتور الخفيف

[H.ibrahim]

:shock: :shock: :roll: :roll: :roll: السلام عليكم و رحمة الله وبركاته
ارجو من الاخوة الاعضاء فى المنتدى الذين عندهم خبرة فى العربيات انهم يفيدونى بخصوص ازاى اعرف ان الموتور خفيف و طرق التصليح و ازاى اقدر اطيل عمر موتور العربية ( خاصة العربيات القديمة ) و لكم جزيل الشكر .

[Nader]

ابسط حاجة هتلاقي العربية بطلع دخان وبتاكل زيت وبنزين ولو انت طالع مطلع مش هتلاقي عزم هتحس ان العربية عوزاك تنزل تزقها علشان تطلع المطلع :D

والحل هو عمل عمرة للموتور.

[jimmy]

من وجهة نظرى علماً بأن خبرتى قليله جداً
ان الموتور الخفيف بيطلع دخان اسود كتير من ااشكمان

وبيبان فى مطلع كوبرى تبقى العربيه تقيله قوى

ولو فى تكييف فى العربيه تلاقيها بتقطع منك فى السالنسيه

ولما تقرص على دواسه البنزين تلاقى العربيه صوتها بيعلى دون استجابه فى السرعه

و تبقى علطول عاوزه تغير ليها زيت

والله أعلم

[Nader]

ارجو من مشرفينا الكرام نقل الموضوع إلى ورشـــة نــايل مــــوتـــورز

[fahd_628]

ان الموتور الخفيف بيطلع دخان اسود كتير من ااشكمان

اعتقد الدخان بيبقى ازرق لو الموتور مفوت صح ولا انا غلطان

الأسود دة معناة ان بنزين مش محروق كويس !

لو فية حاجة غلط ياريت حد يصلحلى المعلومة دية

[mina_ramsis]

انا اللى اعرفه ان الدخنه السوده معناها انها عاوزه ضبط هواء اما الدخنة الزرقاء معناها ان الموتور مفوت بس السؤال الاهم دلوقتى فى سائل بيحطوه فى الموتور بيمنع الدخنة مؤقتا يعنى ممكن تشترى عربية مابدخنش و بعد شويه تلاقيها بدخن يبقى نعرف العربية ديه موتورها مفوت و صاحبها طاطلها السائل ده ازاى؟؟؟؟؟؟؟؟؟؟؟؟؟؟؟؟؟؟؟؟؟؟؟

[vooooo]

الدخان الأسود معناه ان الكاربراتير فيه وساخه و لازم يتنضف

الدخانه البيضاء معناها ان الموتور بياكل زيت

الدخانه الزرقا معناها ان فيه صبغه زرقاء فى الموتور :lol: :lol: :lol:
لأ تقريبآ بيتبقة شنبر او بستم و فى كلتا الحالتين عمره موتور

فيه طريقه اعتقد انها صحيححه فى معرفه ان كان الموتور خفيف او لأ
و العربيه دايره تفتح غطاء الزيت و تشوف ان كانت العربيه بتنفر زيت ولا لأ
لو بتنفخ زيت يبقى خفيف و العكس طبعآ

و بالنسبه لسحب العربيه او لو كنت فى مطلع و العربيه تقيله معاه مش شرط تبقى ان الموترو خفيف... ممكن تبقى اسطوانه

و ياريت حد من الخبراء يأكد الكلام ده

[sab3aawy]

بص يا سيدى ، اسهل طريقة تعرف بيها ان الموتور خفيف انك تحطة على الميزان وتشوف وزنه نقص وللا زى ما هو :lol: :lol: :lol: :lol:

ننتقل للكلام الجد

كلمة ان الموتور خفيف تعنى ان اجزاء الموتور الحاكمة لعدم تسرب الحريق الى حيز الزيت وتسرب الزيت الى حيز الحريق اصبحت خلوصاتها واسعة وتسرب الحريق والضغط الى حيز الزيت والزيت الى حيز الحريق وهذا يؤدى الى اضطراب اداء المحرك وضعفه ونلاحظ ظهور الأعراض الآتية

1- تسرب الحريق الى حيز الزيت يضغط على الزيت ويسخنه فيهرب بخار الزيت من خرطوم الفايظ الذى يصل بين غرفة الزيت ووحدة تغذية الوقود، ويسهل الكشف عليه بالفحص النظرى لخرطوم الفايض اثناء دوران المحرك، فعندما تخرج كمية قليلة من البخار الأبيض من الخرطوم عند كبس دواسة البنزين بشدة فلا مشكلة اما لو ان البخار يخرج طوال فترة دوران المحرك وبكميات كبيرة فهذا معناه ان شمبر الضغط خفيف(لدينا 3 شنابر على كل مكبس، الأعلى مسئول عن الحبك على الحريق، والأوسط مسئول عن حبك الضغط داخل غرفة الحريق، اما الثالث فمسئول عن منع دخول الزيت الى غرفة الحريق،)

2- تسرب الزيت الى غرفة الحريق يؤدى الى عدة اعراض، اولها ظهورا هو تلف البوجيهات حيث يترسب عليها الزيت ويقلل كفائتها، ويلاحظ دلك بفك البوجيها وملاخظة وجود لمعة زيتية على طرفها المشتعل، وعندا يزيد التسرب يعرقل وجود الزيت بالمحرك سرعة دوران السيارة عندما تكون باردة ونجد انها اصبحت صعبة الدوران صباحا، وعندما يزداد تسرب الزيت نلاحظ عدم احتراق الزيت بالكامل ويخرج من الشكمان فى شكل دخنة بيضاء مائلة للأزرق ذات رائحة محترقة تظهر حصوصا فى بدايات النقلات او مع كبس البنزين، وطبعا تسرب الزيت للمحرك وكذلك تبخره نتيجة لكبس الحريق عليه يؤدى الى نقص الزيت من خزان الزيت ويلحظ ذلك على مقياس الزيت على المدى الطويل(الف كيلومتر متثلا-نقص نصف كيلوجرام من الزيت فى ألف كيلومتر بودن وجود تسرب من الجوانات يعنى مباشر ان المحرك خفيف، ايضا من اعراض تسرب الزيت الى المحرك تدهور خواص الإحتراق نتيجة لاختلاط الوقود بالزيت فنلاحظ ان المتور يصفع(يسقف) بشكل مبالغ فيه مع الحمل او المطالع او الكبس على البنزين وهذا عرض أخر لخفية المحرك

3- تأكل اسطوانات الكراسى (السبيكة) الخاصة بالكرنك والكامة يؤدى الى سرعة مرور الزيت خلالها وتدهور ضغط الزيت ونلاحظ ذلك عندما تضئ لمبة الزيت فى السلانسية

وعلى ذلك يمكن تلخيص اعراض خفية الموتور فى:

1- مشاهدة بخار زيت كثيف من خرطوم الفايظ اثانء دوران المحرك وبدون كبس

2-وجود زيت على البوجيهات

3- وجود آثار زيت بكثرة فى دورة تغدية الوقود (لو كان خرطوم الفايظ متصل بها ولم يقم الميكانيكى بنزعه)

4-صعوبة دوران السيارة فى الصباح( وإن كانت هذة لا تقوم لوحدها دليل على خفية الموتور لأن لها اكثر من سبب هذا احدها)

5-تسقيف الموتور بشكل مبالغ فيه فى المطالع او مع كبس البنزين

6-خروج دخنة بيضاء مائلة للأزرق مع بداية تحريك السيارة او مع كبس البنزين(طبعا لو وصلنا لمرحلة انها بتخرج طوال الوقت يبقى المحرك منتهى)

7- نقص الزيت مع استخدام السيارة(نصف كيلوجام زيت لكل ألف كيلومتر هو معدل بداية القلق)

[elrasy]

طيب ويا ترى اية العلاج الامثل يا باش مهندس سبعاوى


طيب ويا ترى اية العلاج الامثل للماتور الخفيف يا باش مهندس سبعاوى

[fahd_628]

طيب ويا ترى اية العلاج الامثل للماتور الخفيف يا باش مهندس سبعاوى

تعملة عمرة :)

[H.ibrahim]

:D :mrgreen: :lol: اشكر جميع من ساهم من الاخوة الاعزاء واخص بالشكر الاخ الكريم سبعاوى على هذه الردود الطيبة و جزاكم الله خيرا :lol: :lol: :lol: :mrgreen: :mrgreen:

[sab3aawy]

Re: طيب ويا ترى اية العلاج الامثل يا باش مهندس سبعاوى

طيب ويا ترى اية العلاج الامثل للماتور الخفيف يا باش مهندس سبعاوى

زى ما فهد قال لك كدة، تعمل له عمرة

فيه مسكنات بتتاخد للمواتير الخفيفة اشهرها زيت الشنبر، كما توجد بعض شركات تنتج مواد مالئة توضع على الزيت وتسد فراغات الموتور شوية، بس كلها مسكنات لا تسمن ولا تغنى من جوع، تمشيك فترة لحد ما تجمع فلوس العمرة

[شريف]

7- نقص الزيت مع استخدام السيارة(نصف كيلوجام زيت لكل ألف كيلومتر هو معدل بداية القلق)

بالنسبة للشاهين او اى عربية النقطة الصغرى فى المقياس بتبقى على قد اية زيت ناقص
يعنى المقياس كلة مسافتة قد اية زيت
انا لما اجى اغير الزيت بعد 3500 كم المقياس بيبقى على النصف و الزيت لزج و ومش اسود خالص
(دة معناة قد اية زيت تاقص بقى؟)

[Ahmed Hassan]

Re: طيب ويا ترى اية العلاج الامثل يا باش مهندس سبعاوى

بس كلها مسكنات لا تسمن ولا تغنى من جوع، تمشيك فترة لحد ما تجمع فلوس العمرة

كلام سليم هيه فعلا مسكنات و متنفعش غير في المراحل الاولي من المرض :)

بس بالنسبه للعمره انا ليه رأي متواضع... 90% من العربيات دلوقت المفروض ميتعملهاش عمره لأنها بتكون مشروع فاشل.. العمره كانت بتنفع في العربيات القديمه زي البيجو 504 و فيات 131 و الامريكي القديم و ممكن بردو المرسيدس القديم.

لو الموتور ودع يبقى تشوفلك ميكانيكي شاطر يروح معاك و تجيب موتور استيراد... انا عارف ان فيه ناس هتقولي ان الموتور الاستيراد بردو مش مضمون و لكن هوه ممكن يتجرب على الارض و فيه علامات للموتور الجيد و الغير جيد و في جميع الاحوال نسبه النجاح اعلى بكتييييييييييير من العمره.

مستني آرائكم و تجاربكم في الموضوع ده

[elrasy]

Re: طيب ويا ترى اية العلاج الامثل يا باش مهندس سبعاوى

بس كلها مسكنات لا تسمن ولا تغنى من جوع، تمشيك فترة لحد ما تجمع فلوس العمرة

كلام سليم هيه فعلا مسكنات و متنفعش غير في المراحل الاولي من المرض :)

بس بالنسبه للعمره انا ليه رأي متواضع... 90% من العربيات دلوقت المفروض ميتعملهاش عمره لأنها بتكون مشروع فاشل.. العمره كانت بتنفع في العربيات القديمه زي البيجو 504 و فيات 131 و الامريكي القديم و ممكن بردو المرسيدس القديم.

لو الموتور ودع يبقى تشوفلك ميكانيكي شاطر يروح معاك و تجيب موتور استيراد... انا عارف ان فيه ناس هتقولي ان الموتور الاستيراد بردو مش مضمون و لكن هوه ممكن يتجرب على الارض و فيه علامات للموتور الجيد و الغير جيد و في جميع الاحوال نسبه النجاح اعلى بكتييييييييييير من العمره.

مستني آرائكم و تجاربكم في الموضوع ده

والله انا متهيقلى بردة ان الواحد يدور على موتور استيراد كويس احسن من اى عمرة