رجرجة شديدة جدا جدا في العربية تكون اية ؟

[mohamed2002]

السلام عليكم يا شباب
ملاحظ من فترة ان العربية لما اكون في اخر التاني علي سرعة 40 احس بهزة بسيطة جدا لا تذاكر ,دة بعد العيد ,المهم بقيت اريح العربية في الغيار بس برضة الرجة الخفيفة دي موجودة (رجة بسيطة جدا جدا)
ومشيت العربية تمام اسبوع
النهاردة خدت مشواري من ميامي الي المنشية والعربية تمام وانا راجع وماشي لقيت العربية بتتهز جامد جدااااا والهزة جاية من ورا الدركسيون بيترعش والتابلوة وانا والكراسي
والمهم مشيت علي التاني من 20 الي 30 وبالتالي مفيش هزة لانها بتكون من 30 وطالع وروحت
وانا ماشي في منزلاية كبيرة فكنت ممور والعربية جابت 60 من المنزلاية بس متهزتش خالص (الاهتزاز مربوط بدوسي علي البنزين )الهزة تخليك تعتقد ان انت ماشي والكاوتش الخلفي مريح
العربية في الدوارة مفهاش اي مشكلة

سئلت سائق تاكسي كنت راكب معاه من شوية قالي شداد وانا بصيت علي ال 5شدادت الظهر سلام,قالي ممكن تكون اسطوانة ,او حاجة في عمود الكردان:)

مش عارف اعمل اية؟الميكانيكي بتاعي في المنشية فاروح بيها عادي علي ال 20 الي 30 ولا ؟

تفتكرم تكون اية ؟ الهزة شديدة اوي اوي وجاية من ورا وتقريبا من اليمين ورا
منتظر رائكم وشكرا لكم مقدما:)

[yaskhl]

نصائح من مالك لادا سابق:
1- لو طلع العيب فى الكردان أوعى تغير اى حلجة فيه هاته استيراد من عزبة شلبى بالفلانشه والمتلوتة (بس لما تتأكد فعلا انه عيب كردان) لانى مرة صرفت اكتر من 450 على الكردان بسبب مشكلة مشابهه وفى الاخر جبت الاستيراد على التجربة وعمل ساعتها 240 جنيه بالفلانشة والمتلوتة.
2- انت بتقول ان الرجرجة جايه من قدام وبتسمع فى التابلوه والدريكسيون (خلى بالك ان عفشة اللادا الاماميه كلها راكبه على القنطرة(راجع القنطرة)
3- راجع الكربراتير لانه ممكن يهز الموتور وبالتالى القنطرة والجزء الامامى كله.
4- راجع اكسات العجل الخلفى.
وان شاء الله تتحل المشكلة وياريت تبلغنا ايه السبب .

[mohamed2002]

نصائح من مالك لادا سابق:
1- لو طلع العيب فى الكردان أوعى تغير اى حلجة فيه هاته استيراد من عزبة شلبى بالفلانشه والمتلوتة (بس لما تتأكد فعلا انه عيب كردان) لانى مرة صرفت اكتر من 450 على الكردان بسبب مشكلة مشابهه وفى الاخر جبت الاستيراد على التجربة وعمل ساعتها 240 جنيه بالفلانشة والمتلوتة.
2- انت بتقول ان الرجرجة جايه من قدام وبتسمع فى التابلوه والدريكسيون (خلى بالك ان عفشة اللادا الاماميه كلها راكبه على القنطرة(راجع القنطرة)
3- راجع الكربراتير لانه ممكن يهز الموتور وبالتالى القنطرة والجزء الامامى كله.
4- راجع اكسات العجل الخلفى.
وان شاء الله تتحل المشكلة وياريت تبلغنا ايه السبب .

شكرا لنصيحتك يعني انت متوقع انها حتكون في الكردان؟الرجة بتيجي من اول ال 30 وطالع والرجة جاية من ورا علي اليمين ومسمعه في العربية كلها ,الرجة مرتبطة بدوسي علب بدال البنزين فالعربية لو ممورة ونازل منزلاية علي سرعة 60 متحسش باي حاجة

[mohamed2002]

اية رائيكم يا شباب ؟؟؟؟

[mohamed2002]

صديق لي قالي ان العيب حيكون من كاوتشة بين عمود الكردان والفتيس
بصيت تحت العربية ولقيت ان في كاوتشة دائرية بين الكردان والفتيس مقطوعة من النص وفيها بوش هل دة السبب ؟
وممكن امشي بيها علي سرعة بسيطة علي ال 30 عشان اوصل للميكانيكي بتاعي (بس هوة بعيد شوية )
صحبي قالي ممكن يكون الكردان اتعوج وساعتها حتكون مشكل !

[yaskhl]

ماهى الكاوتشة دى اسمها الفلانشة ولو هاتغيرها يبقى تجيبها استيراد احسن لان الجديدة موش بتيقى كويسه فى الغالب.

[shanodaa]

ممكن مايلقييش منها استيراد التركي من افضل الموجود في السوق

[shanodaa]

في قاعده فتيس اكشف عليها ممكن تكون تالفه او صليبه الكردان

[yaskhl]

ياجماعة اى شغل فى الكردان هايجر بعضه يعنى هانبدأ بالصلايب ويطلع العيب موش فيها هانغير كرسى النص ويطلع برضه موش فيها وبعدين الفلانشة و المتلوته وهلم جر. للأسف مافيش اى واحد ميكانيكى بيفهم مشاكل الكردان. انا رأيى لو هايحصل شغل فى الكردان يبقى الاستيراد أفضل وبيجى كامل والفرق فى التكلفة المادية بسيط. بس نشوف المشكلة هاترسى على ايه فى الاخر.

[ibrahimsaad]

المشكله دى كان عندى زيها وراحت بعد الترصيص

حاول ترصص الاول وشوف النتيجه

[mohamed2002]

ماهى الكاوتشة دى اسمها الفلانشة ولو هاتغيرها يبقى تجيبها استيراد احسن لان الجديدة موش بتيقى كويسه فى الغالب.

غالبا منها لانها مقطوعة ,ان شاء الله افضي واروح للميكانيكي قريب:)

[mohamed2002]

ممكن مايلقييش منها استيراد التركي من افضل الموجود في السوق

شكرا لردك وان شاء الله حبحث عن الايطالي او التركي؟

[mohamed2002]

ياجماعة اى شغل فى الكردان هايجر بعضه يعنى هانبدأ بالصلايب ويطلع العيب موش فيها هانغير كرسى النص ويطلع برضه موش فيها وبعدين الفلانشة و المتلوته وهلم جر. للأسف مافيش اى واحد ميكانيكى بيفهم مشاكل الكردان. انا رأيى لو هايحصل شغل فى الكردان يبقى الاستيراد أفضل وبيجى كامل والفرق فى التكلفة المادية بسيط. بس نشوف المشكلة هاترسى على ايه فى الاخر.

احنا الاول نغير الكاوتشة دي لو العربية اتظبطت يبقي تمام متظبطتش نفكر في مووضوع عمود الكردان الاستيراد

[mohamed2002]

المشكله دى كان عندى زيها وراحت بعد الترصيص

حاول ترصص الاول وشوف النتيجه

بعد الكلام اللي فات لا اعتقد انها مشكلة ترصيص يا استاذ ابراهيم ,شكرا لردك

[MMamdouh]

دى فلانشة مقطوعة بنسبة 99%

MMamdouh