رجرجة شديدة جدا جدا في العربية تكون اية ؟

[khaledsl]

السلام عليكم ورحمه الله
بص الرجه دي في اللادا عباره عن الفلنشه او رمان البلي بتاع العجل شيك علي كل عجله يعني ارفع كل جنب وامسك العجله وهزها افقي ورائسي اذا اتحركت معاك لاتسير بيها وهات الميكانيكي في مكانها لان هناك خطر ان العجله تسيب العربيه اثناء السير وربنا يسترها معنا ومعاك

[mohamed2002]

دى فلانشة مقطوعة بنسبة 99%

MMamdouh

شكرا استاذ محمد علي ردك الكريم
الفلانشة دي اللي هية (دائرة من الكاوتش ) مربوطة بمسامير؟ هية فعلا مقطوعة من النص

[mohamed2002]

السلام عليكم ورحمه الله
بص الرجه دي في اللادا عباره عن الفلنشه او رمان البلي بتاع العجل شيك علي كل عجله يعني ارفع كل جنب وامسك العجله وهزها افقي ورائسي اذا اتحركت معاك لاتسير بيها وهات الميكانيكي في مكانها لان هناك خطر ان العجله تسيب العربيه اثناء السير وربنا يسترها معنا ومعاك

شكرا لردك استاذ خالد

[meeezo333eg]

بص على المسامير اللى رابطة الكردان فى الكرونة

[mohamed2002]

بص على المسامير اللى رابطة الكردان فى الكرونة

العيب طلع ان الفلانشة مقطوعة وجاري التغيير

[mohamed2002]

تم تغيير الفلانشة المقطوعة بفلانشة كردان روسي ب 25 جنية

[mohamed2002]

النهاردة وانا ماشي علي البحر سمعت صوت تطقة من تحت فرامل اليد ولمحت حتة كاوتش مقطوعة ,كملت مشواري وعديت علي الميكانيكي لقيت الصبي بتاعه وقالي دي مقطوعة!
قمت مكمل ومروح وانا ماشي علي البحر برضة :) سمعت تاني صوت طقة

اية رائيكم؟ اية سبب ان هية اتقطعت في فترة اقل من 15 يوم

[yaskhl]

والله انا قولت بلاش الجديد خليك فى الاستيراد.

[mohamed2002]

والله انا قولت بلاش الجديد خليك فى الاستيراد.

يا باشا دي لو مصنوعة تحت بير السلم كانت قعدت شوية
دة انا معملتش بيها حتي 200 كيلو :)

اية يا شباب اية سبب انها تكون اتقطعت يكون في مشكل في الكردان؟

[mohamed2002]

الرجة زادت اوي النهاردة والفلانشة اتقطع منها جزء تالت النهاردة
حركن العربية لغاية اقرب وقت اكون فاضي واروح للميكانيكي


عاوز اعرف يا شباب اية سبب انها تتقطع في اقل من 15 يوم ؟؟؟؟
اكيد الكردان فيه مشكلة ,ممكن تكون اية؟ كم يبلغ سعر الكردان تقريبا ؟

[yaskhl]

إرجع لأول نصيحة منى ليك.

[mohamed2002]

إرجع لأول نصيحة منى ليك.

شكرا لردك
طيب ممكن نفكر في شراء عمود كردان جديد؟

[yaskhl]

جرب الاول تجيب فلانشة ومتلوتة استيراد الاتنين بيجوا مع بعضهم راكبين وشوف لواتحلت المشكلة خلاص وتمنهم تقريبا من 110 الى 120 جنيه. لو لسه ماتحلتش المشكلة جيب كردان كامل استيراد وتمنه 140 جنيه.

[l0new0lf]

اللى بيقولوا عليها روسى ده مصرى ب20 و 25 جنيه, هاتف فلنشه بيرللى ايطالى ب 65 او 75 انته و شطارك(اسعار التوفيقيه- القاهره)

[mohamed2002]

جرب الاول تجيب فلانشة ومتلوتة استيراد الاتنين بيجوا مع بعضهم راكبين وشوف لواتحلت المشكلة خلاص وتمنهم تقريبا من 110 الى 120 جنيه. لو لسه ماتحلتش المشكلة جيب كردان كامل استيراد وتمنه 140 جنيه.

شكرا لردكواهتمامك ,حضرتك انا لما جبت الفلانشة الجديد وركبتها العربية مشيت تممام لمدة اسبوعين تقريبا فازاي نقدر نحكم ان مفيش مشكلة في الكردان ؟؟