سخونه الموتور وريحة شياط من الكبوت (المؤشر تمام)

[amr_naser]

[quote=roberatef;3875899357]الصراحة عندي شك كبير في المراوح ... هي بتشتغل بعد المؤشر مايجي علي النص بشويه .. بس بلاحظ ان سرعتها مش قد كده ... مقارنة لما افتح التكييف .. سرعتها بتبقي شديده اوي ويعد شويه المؤشر بينزل حبه ....

بما اني مكنتش بفتح الكبوت كتير و خدت درس حلو :) ... عندي كذا سؤال وياريت لو حد عنده خبرة يجاوبني

1-هو طبيعي الاقي الموتور سخن اوي كده ,,,, والصهد ده؟
المكان اللى حضرتك اتكلمت عنة دة يبقى الشكمان ودا طبيعى انة يكون سخن اكتر مما تتصور لكن المالتور نفسة مش بيكون سخن اوى زى الشكمان

2- هل فعلا غلطت اني شلت الثرموستات ؟؟ في ناس قالولي علي قد انه ساعات بيسبب حرارة زياده لما يخرب بس مفيد للتبريد برده لانه بيدي فرصه للمياه اللي في الريداتير انها تهدي قبل ما تاخد دورتها في المكينه تاني؟
طبعا غلط كبير جدا انك تشيل الثرموستات ودا بيأثر على الماتور وجودة الحرق وعمر الماتور

3-هل في حساس للمراوح او بمعني تاني المروحة بتشتغل و تقف علي اساس درجه حرارة اكيد ... بس من فين ؟؟؟ لو حد عنده لانسر او ملم بيها يرد عليا في النقطه ديه
فية حساس طبعا للمراوح لما درجة الحرارة بتوصل عند درجة معينة بتشتغل المراوح وتبطل تانى وفى الغالب بيكونوا 2 حساس واحد عشان يشغل المراوح والعربية شغالة والثانى عشان يشغل المراوح والعربية مطفية اذا درجة الحرارة زايدة
وفية سيارات بيكون فية حساس زيادة عشان يغير سرعة المراوح يعنى بتكون المراوح سرعتين او 3 كمان

[Abo_Mazen]

جربت النهارده الصبح والمياه ما بتنطش... بتتهز اول ما ادور وبعد كده بحس انها بتتسحب لتحت و تمشي مع التيار !!!!!

شوفت موضوع الخرطوم تاني بعد مشوار ساعه و العربيه سخنه جدا .... لقيته عادي مش ناشف يعني اقدر اضغط عليه ويتني بس اكيد كان سخن :)

أهم حاجه إن وش السلندر ولله الحمد سليم ومفيش كبس هوا داخل على المياه ..كده بقى ممكن نشك في المرواح وخصوصا إنك بتقول مروحة التكييف لما بتشتغل الحراره بتنزل ..ما حضرتك قلت الحل أهو ..الحل في المروحه

[Mortredo]

انت واجع دماغك ليه في الموضوع ده
مادام مؤشر الحراره كويس يبقي العربيه ودورة المياه تمام.
الصهد او السخونيه اللي انت حاسس بيها اول ما تفتح الكبوت حاجه عاديه جدا وماتخوفش.
لا تلعب لا مروحه ولا تخلي اي ميكانيكي يعملك حاجه. لو المروجه في حاجه فعلا زي ما بيقولوا فعربيتك مش هتكمل عشر دقايق وتلاقي المؤشر بتاع الحراره عدي الالف.

[roberatef]

طب لو عندي شك في حساس الحرارة انه مبيقراش صح ... اعمل ايه عشان اتاكد