المياه بتغلى فى القربة

[moudy2002]

اخوانى الكرام

من يومين لاقيت بخار مية طالع من القربة وانا مشاى المهم ركنت بصيت على القربة لقيت المياه بتغلى جامد جوة القربة . وبعدين طلعت الخرطوم الى داخل على القربة لقيتة جايب مياة من الردراتير وبيصب فى القربة وبعد كدة فى بخار مياة كثيف طالع من خرطوم غطاء القربة .. وطبعا كل مزود مية فى القربة بعد مشوار القيها خلصت .
كمات بعد ما ابطل العربية بحس بصوت بخار طالع من غطاء القربة لدرجة انى بسمعه من غير مبفتح الكبوت .
مش المفروض الراديراتير يخد مية من القربة لما المية تنقص فية ؟ انا عندى العكس خرطوم القربة بيخد مية من الرادراتير وبيصبة جوة القربة و هو دة الى بيخلى مية القربة تغلى ....
مش عارف اية السبب منتظر المساعدة منكم كالعادة
العربية اكسنت 1500 انجيكشن

[eldeplomasy]

ان شاء الله بسيطة بس هو في سؤال هي العربية بتسخن ولا حرارتها طبيعية والميه بتغلي اتاكد ان الموتور مش بيسخن عن معدله الطبيعي لان لو بيسخن ممكن لاقدر الله يحصل فيه حاجه وكمان بص على الزيت اذا كان عامل زي الطحينة ولا لأ وكمان الميه يمكن بتنقص لانها بتخر من الخرطوم اللى بتقول عليه

[helmy537]

ياباشا انا معايا اوبل فكترا وكانت خنقتنى بسبب غليان المياه ودوشه الميكانيكيه لحد ماوقعت فى ايد ميكانيكى بيفهم وقلى طبب المياه عنده مصديه وعاوزه تتغير الطبب دى فى جسم الماتور من تحت الكربريتير تحت خالص بتبقى صدت ولما العربيه تسخن وانتا ماشى تقوم تدخل هوا فى المكنه والكبس يقل ويخلى المكنه فيها هوا عالطول وغيرهم والحمد لله مشكله الحراره اتحلت روح لحد يفهم وان شاء الله خير ولما تلاقيها بتسخن كدا ابقى امسك خرطوم المياه الى من الراديتير وداخل على المكنه الاسمر الطخين شوفها مليان ضغط هوا وسخن ولا لا لو منفوخ اوى يبقى زى مانا بقلك وان شاء الله خير

[moudy2002]

شكرا اخى eldeplomasy و helmy537
العربية انا لسة عملها عمرة كاملة من حوالى 15 الف كيلو وانا تقريبا غيرت الموتور كلة . يعنى طبب المياه انا مغيرها لانها كانت بترشح مية قبل العمرة .. وكمان الزيت عادى مفهوش طحينة . بس طبعا الراديراتير والقربة ملينين صدا ودة من استخدام مية الحنفية ..
الحمد الله الموتور مش بيسخن والحرارة فى العادى بس موضوع التنفيس الكتير الى بيطلع من خرطوم القربة وكمان المياه الى بترجع من الراديراتير على القربة هو دة الى بيخلى القربة تبقى مليانة طول ما العربية شغالة وطبعا المية جودة القربة بتغلى ...
انا مش فاهم ازى الراديراتير يدخل مياة جوة القربة وهو المفروض انه باخد منها مية لما تنقص المياة فى الراديراتير ..
مش عارف اروح لميكانيكى ولا اروح لحد بتاع رديراتير يسلكة ممكن يكون مسدود وبيخلى المياة ترجع على القربة ولا ايه منتظر بردة رأى باقى الاخوة الكرام ... وشكرا

[M.Mokhtar]

بس موضوع التنفيس الكتير الى بيطلع من خرطوم القربة وكمان المياه الى بترجع من الراديراتير على القربة هو دة الى بيخلى القربة تبقى مليانة طول ما العربية شغالة وطبعا المية جودة القربة بتغلى ...
انا مش فاهم ازى الراديراتير يدخل مياة جوة القربة وهو المفروض انه باخد منها مية لما تنقص المياة فى الراديراتير ..
مش عارف اروح لميكانيكى ولا اروح لحد بتاع رديراتير يسلكة ممكن يكون مسدود وبيخلى المياة ترجع على القربة ولا ايه منتظر بردة رأى باقى الاخوة الكرام ... وشكرا

موضوع ان الريداتير بيرجع فى القربه دى مش مشكله
دى الدوره الطبيعيه للتبريد

اخبار الشكمان ايه؟
بيطلع اى دخان او بخار فى درجه الحراره العاديه؟

[roky]

بص ، أنا مش فاهم ليه أو متأكد أن الكلام ده مضبوط ولا لأ
بس في واحد صاحبي حصلتله و الميكانيكي قاله غير غطا الراديتير

أتمني لك حظ سعيد

[kh_talaat]

أستاذ moudy2002

نفس الموضوع دة حصل معايا بالظبط و دة بسبب مياه الحنفيه والصدأ اللي بيترسب منها في الرداتير

وروحت بعدها غسلت الرداتير والقربه في محطة البنزين وحطيت مياه خضراء والمشكلة والحمد لله اتحلت والميه مغليتش من ساعتها بقالها سنتين والحمد لله

فا أنت روحت لبتاع رداتير أو محطة بنزينه وأغسل وحط مياه خضراء وإن شاء الله كل شيئ هيرجع طبيعي

وبالنسبة لرجوع المياه من الرداتير للقربه دة شيئ طبيعي زي ما الزميل M.Mokhtar قالك دى الدوره الطبيعيه للتبريد

[lada2010]

بص انت طبعا عندك بيحصل غليان لمياة فبالتالى غليان دا حاجة من اتنين ممكن يكون القرابة عندك بتطلع مياة من الغطاء او تسريب هقول لك على حاجة تعملها دوار العربية وتكون القرابة مليان مياة واقفل غطاء القرابة كويس وزود بنيزين لو لقيت القرابة بتطلع مياة من الغطاء يباق على طول القرابة دى عايزة تتغير الحاجة التانية لو فى تسريب امشى بالعربية مشوار وتعالى فى نصف المشوار ووقف العربية وشوف لو فى نقاط بتنزل من الرياديتر طبعا لو لقيت يباق انت تروح لبتاع رياديتر ويشوف التسريب من اين

[Thebutcherr]

أكشف على جوان وش السلندر خصوصا لو الشكمان بيبخر و ان شاء الكريم خير

[M.Mokhtar]

أكشف على جوان وش السلندر خصوصا لو الشكمان بيبخر و ان شاء الكريم خير

+1000000000000
عشان كده كنت بسأل فى دخان بيخرج او بخار من الشكمان ولا لأ
مش عايز اخوف الراجل

[samirayad]

بص ، أنا مش فاهم ليه أو متأكد أن الكلام ده مضبوط ولا لأ
بس في واحد صاحبي حصلتله و الميكانيكي قاله غير غطا الراديتير

أتمني لك حظ سعيد

الكلام دة مضبوط.....على أساس ان المفروض غطاء الردياتير يعمل عملية تنفيس فى حالة الحرارة العالية......فكدة واضح ان الغطاء مسدود......والبخار مابيلقيش مكان يروحلة غير القربة...وبالتلى بيحدث فيها فوران وبتحس بالأعراض اللى انت قولت عليها.........

[moudy2002]

والهى انا مش عارف اشكركم ازاى على النصايح دية كلها ..
بس ممكن يكون القربة هى الى بايظة لانى فعلا زى الاخ ( لادا ) ماقال لانى فعلا القربة لما بتتملى والعربية تسخن شوية فى مية بتتطلع من خرطوم الفايظ بتاع القربة . بس ازاى بايظة وهى مش مخرمة ولا حاجة ؟ يمكن يكون خرطوم القربة هو البايظ او غطاء الراديراتير ؟؟؟

موضوع الدخان ووش السلندر دة الحمد لله مفيش دخان وبعدين انا لسة معمر الموتور كلة يعنى احتمال بعيد ...
على العموم انا هروح اسلك الراديراتير واغسلة وهو طبعا الحل الاسهل وبعدين اجرب واشوف واكيد هرجعلكوا تانى وهقول الحل دة نفع ولا لا
شكرا لكم جميعا وربنا يدوم علينا الحب والاحترام وفعلا الواحد حاسس انه بين اخواتة ..

[samirayad]

غطاء الردياتير هو السبب....................

[tananybasha]

انا مع الجماعة المحترمين اللى قالوا غطا الردياتير لأن الحوار ده حصل معايا فى النيسان و بعض اسبوع عند الصنيعية و تغيير ما لا يمكن تغييرة لدرجة الكوليهات الحديد
رحت لواحد بيفهم رح مس الغطا و راح رميه فى وسط الشارع - والله الأصلى - و جابلى غطا يابانى لونة اصفر من فوق
الدنيا بقت زى الفل
على فكرة اليابانى الأصلى ب23 جنية ما تدفعش اكتر من كده
والله ولى التوفيق

[samirayad]

انا مع الجماعة المحترمين اللى قالوا غطا الردياتير لأن الحوار ده حصل معايا فى النيسان و بعض اسبوع عند الصنيعية و تغيير ما لا يمكن تغييرة لدرجة الكوليهات الحديد
رحت لواحد بيفهم رح مس الغطا و راح رميه فى وسط الشارع - والله الأصلى - و جابلى غطا يابانى لونة اصفر من فوق
الدنيا بقت زى الفل
على فكرة اليابانى الأصلى ب23 جنية ما تدفعش اكتر من كده
والله ولى التوفيق

الله يكرمك ياباشا.......والحمد لله لاقينا مؤيديين......وربنا يسهل ويجرب الأخ السائل الموضوع دة علشان ماحدش من الصنايعية يلعب بالزميل على الفاضى........ربنا يكرم يا أخى وتكون توقعاتنا صح....