مستوى البنزين فى التانك

[m_aash]

سؤالى هو عن أفضل مستوى للبنزين فى التانك اللى عنده تفول العربية.
لأنى سمعت ناس تقول يستحسن إنك تفول العربية لما المؤشر يبقى قريب من الصفر وناس تانية تقول لأ تفول لما المؤشر يبقى فى النص علشان طلمبة البنزين , لو حد يعرف الصح ياريت يجاوبنى و هل تفرق لما تكون العربية جديدة أو لما تكون قديمة .
وشكرا

[Islam_galal]

يستحسن عدم الوصول للمنطقة الحمراء في العداد و ده لكل السيارات الجديدة و القديمة لأن مع الزمن او نتيجة لشحنة بنزين به شوائب توجد رواسب في قاع التاتك و الهبوط بالمستوي لتحت المنطقة الحمراء يعني احتمال سحب هذه الشوائب و عمل مشاكل بعملية الاحتراق
بالنسبة للسيارات الانجكشن يفضل عدم النزول لتحت مستوي نصف التانك لان الانجكشن حساس للشوائب اكثر و تنظيفه مكلف نسبيا

[Nader]

هو يفضل فعلاً عدم الوصول للمنطقة الحمراء ولو في المكان ممكن تفول عند الوصول للشرطة قبل الاخيرة قبل العلامة الحمراء وذلك للحفاظ على الرشاشات او حتي الكربياتير من اي شوائب قد توجد بالبنزين

[m_aash]

كلام الأساتذة االى ردوا جميل و منطقى , السؤال التانى هل يوجد تأثير لمستوى البنزين على طلمبة البنزين؟

[Nader]

مش جامد اوي بس لاحظ ان كل لما البنزين بيقل كل ما الضغط هيقل علي الطرمبة.

[CryptonX]

مش جامد اوي بس لاحظ ان كل لما البنزين بيقل كل ما الضغط هيقل علي الطرمبة.

اعتقد انت قصدك العكس !!

لما مستولى البنزين يقل , الطرمبة بتعمل مجهود اكتر لضخ البنزين من اسل التانك لحد فوق ! ولا انا مش فاهم حاجة ؟

[m_aash]

اعتقد انت قصدك العكس !!

لما مستولى البنزين يقل , الطرمبة بتعمل مجهود اكتر لضخ البنزين من اسل التانك لحد فوق ! ولا انا مش فاهم حاجة ؟

بيتهيألى يا أخ نادر إن الأخ Cryptonix عنده حق ...... إنت عكست الموضوع

[جندى مجند]

نادر و CryptonX كلامهم صح بس كل واحد بيتكلم من وجهة نظر مختلفة ... نادر بيقول ان كل ما البنزين يقل فى التانك بيبقى ضغط البنزين عند نقطة السحب بتاعه أقل و بالتالى زى ما CryptonX قال طلمبة البنزين محتاجة مجهود أكبر عشان تسحب البنزين ... لكن فى النهاية الموضوع دة غير مؤثر اطلاقاً و نظام الانجكشن بيضبط كمية البنزين المطلوبة ... المشكلة الأساسية ان لما كمية البنزين فى التانك بتبقى قليلة تركيز الشوائب بيبقى أكبر و بالتالى فلتر البنزين حيحتاج تغيير بعد فترة أقصر من المعتاد

[m_aash]

شكرا للأخ جندى مجند على التوضيح

[Abonora]

كلام جندى عشرة علي عشرة بس حبيت اضيف ان مستوى البنزين الضعيف قد يؤثر مع الوقت علي كفائة الطلمبة خاصة اذا كانت نوعية رديئه ( زي طلمبة الاكسنت الموديلات الاخيرة ) كمان كل ما كان فيه فراغ كبير في تانك البنزين كل ما ده بيخلي تبخير البنزين اسرع واسهل وطبعا الفاقد في استهلاك الوقود اكبر

[m_aash]

جزيل الشكر لكل الأخوة اللى تفضلوا بالرد على الموضوع
جزاكم الله كل خير
أخوكم
م/محمد عبدالمعز

[محمد البحيري]

انا عندي حاجه غريبه اوي
العربيه مبتفوقش غير وهي بتشطب بنزين وببقي مستخسر احط بنزين علشان مخسرش الفوقان ده بس ما باليد حيله

[hazem_khidr]

يستحسن انك ما تسيبش الؤشر لحد ما ينزل علي الاخر غير في اقصي المواقف صعوبه انما في العادي بلاش من الحركه دي احسن.
و بعدين انت لو بصيت لها حتلاقي انها هيا هياها ما انت كده كده بتحط بنزين و بتستعمله ف ليه بقي تسيب الامبير للاخر

[m_aash]

الحكاية وما فيها إن أنا كنت عاوز أعرف هل فيه ضرر وللا لأ ؟
لأنى سمعت كلام كتير و متناقض عن الموضوع ده .
قولت أسأل أعضاء النيل موتورز لأن معظمهم( بدون ذكر أسماء) عندهم خبرات كويسة .
و شكرا للإهتمام والرد

[osama]

الخلاصة لو انت عارف ان طلمبة البنزين بتعاتك تعبانة حاول لاتعدي نصف التنك غير كدة شغال