ما هي الطريقة المثالية للحفاظ علي الفتيس الاوتوماتيك؟

[Adham]

شكرااااااااااا لكل الردود المفيدة وفعلا انا سمعت عن درجة حرارة الفتيس الاوتوماتيك انها مهمة جدا

فعلا وبعض العربيات الحديثة فيها حساس لحرارة زيت الفتيس الاوتوماتيك

انا عندي في الفرونتيرا الحساس دة و اول ماتدور العربية بينور كل لمبات الحساسات و تبتدي تزمر و يطفوا واحد ورا التاني
ولو فضل اي لمبة حساس منهم منورة يبقى فية حاجة غلط في الموتور او الفتيس و ضروري تودي العربية للصيانة

بس ساعات لو شلت فيشة حاجة من الموتور بينور كود من الاكواد دي
ساعتها تشيل قطاش البطارية و و تركبة تاني حاتلاقي الأكواد اتطفت

دة حصل معايا و انا بانضف ال Air MASو اتخضيت ان لمبة كود ال Check Engine نورت
بس الميكانيكي قاللي ابطل و شال القطاش و ركبة تاني مش فاكر كنت فاتح كونتاكت و هو بيشيل و لا بيركب القطاش حسب ما هو قال المهم ان الكود طفى

[Ahmed Samy]

أنا عمري ما غيرت زيت الفتيس :shock: :shock: :shock:
و العربية عاملة 92000 :shock: :shock: :shock:

علشان كدة ال RPM بيوصل 6 على طوول .. و الكيك داون زي الزفت !!!!!!

بكرة الصبح هاغيره :P

[cyber007]

معااي كورولا 2001 اتوماتيك وعدت ال 100000 دلوقتى وشاريها مستعمله كمان الله اعلم ملعوب فى العداد والا لا ولغاية دلوقتى مغيرتش زيت الفتيس خالص لاقتناع الحاج التام ان زيت الاتوماتيك عمره ما يتيغير واللى يقول كده يبقى بيضحك عليا

ربما يكون الكورولا حاجه سبيشيال بتاعتنا بس مش بيتغيرلها زيت فتيس

طلب ممكن لو حد عنده المانيوال بتاع الكورولا يجيبلى الحته بتاع تغيير زيت الفتيس دى ؟؟؟؟؟؟؟؟

[FASTER]

العفو يا اسلام باشا انت وبيكس , وشكرا لكل اللي شاركوا بالردود المفيدة دي وبعدين اصل الفتيس الاوتوماتيك ده ينطبق عليه مثل الوقاية خير من العلاج لأنه مهما اتصلح مش هايرجع زي ما كان ابدا وربنا يسترها مع الجميع

[Adham]

العفو يا اسلام باشا انت وبيكس , وشكرا لكل اللي شاركوا بالردود المفيدة دي وبعدين اصل الفتيس الاوتوماتيك ده ينطبق عليه مثل الوقاية خير من العلاج لأنه مهما اتصلح مش هايرجع زي ما كان ابدا وربنا يسترها مع الجميع

+1000000

[Miss_Pharma]

الموضوع تاريخه قديم .. بس فعلا استفدت منه كتير ..
شكرا جدا