كوتش العربيه بيحك في الرفرف !!!!!!

[theking_med]

كوتش العربيه الوراني بيحك في الرفر الوراني الي على الشمال بس

طبعا بعد ما ركبت الجنوط بتعتي القديمه 16 كانت راكبه في صني وزي الفل ركبتها في الانسر بقيت بتحك !!!!!!!!؟

علما بأني مقاس الكوتشين الاماميين 16\45\205


والخلفي 16\55\205


يمكن يكون عشان مفيش تناسب بين الكوتشين الاميين والخلقين طيب لو مفيش تناسب اشمعنى الجمب الي على الشمال بس هوا الي بيحك واليمين لا ده بطعا لو حد قعد ورا او مطب او اي حاجه تلاقي الحكه زي الفل




ممكن افاده من اصحاب الخبره وشكرا

[samirayad]

حتلاقى سوستة الجنب الشمال ضعيفه شويه عن الجنب اليمين ...........أو المساعد بتاع الجنب الشمال أخف من اليمين برضه

[SAMEH_FOUAD]

زى ماقال البشمهندس سمير ولو مش عايز تغير الكاوتش ممكن تعلى العربية شوية او تغير العيب سواء من المساعد او السوستة

[dr_abooody]

زى ماقال البشمهندس سمير ولو مش عايز تغير الكاوتش ممكن تعلى العربية شوية او تغير العيب سواء من المساعد او السوستة

رايي بلاش تعلي او توطي العربية لأن دة بيأثر على الثبات و بيخلى العربية ناشفة و مش مريحة في المطبات

الحل هو انك تغير الكاوتشات بمقاس اقل او انك تشوف الجزء اللي بيحك و تخلى السمكري يبعدة عن الكاوتش و

و انا طبعا اختار الحل الاول لأن الحل الثاني بهدلة للعربية

[tananybasha]

علاية و لا حل اخر غير انك تطول مشاور المساعد بتاع العربية

[moussa ahmed]

العلاية كويسة ..انا جربتها وكان عندى نفس العيب ورا والكاوتش الشمال ...هذا إن لم تكن تسير على سرعات عالية عن 120000كم/ساعة مش حيفرق الثبات فى شىء

[samirayad]

هذا إن لم تكن تسير على سرعات عالية عن 120000كم/ساعة مش حيفرق الثبات فى شىء

كبير أوى الرقم ده يا أستاذ: موسى .........وأنا عارف أنك قصدك 120 كم/ ساعه

[Esam Mosaad]

طيب يا استاذ سمير انا عندى الكيا عاليه وعرفت لانى شوقت كذا عريبه
كيا برضوا ولقتهم واطين فده هيكون ايه السبب وبصراحه انا عاوزها واطيه مش عاليه اعمل ايه

[samirayad]

طيب يا استاذ سمير انا عندى الكيا عاليه وعرفت لانى شوقت كذا عريبه
كيا برضوا ولقتهم واطين فده هيكون ايه السبب

أفهم من كده ........أنك شارى العربيه من مالك قبلك .....

وبصراحه انا عاوزها واطيه مش عاليه اعمل ايه

مايمكن لما توطيها وتركب حد معاك على الكنبه الخلفيه تحك معاك فى المطبات ......لأن أكيد المشكله دى قابلت المالك الأول للسياره .....وأنا عربيتى 2007 وحاطط ليها علايات كاوتش خلفيه لنفس السبب ..........وعموما لو أنت بتركب العربيه لوحدك فقط بدون الأسره ........وليك رغبه فى خفض مستوى العربيه من الخلف.....لأنها برضه أحتمال تكون متعليه بشكل ملفت مثلا .....فيمكنك أخراج العلايات من أسفل اليايات (السست الخلفيه )........

[Esam Mosaad]

فعلا انا شاريها من مالك وكنت ديما بلاحظ وجود المشكله ديه
بس انا عاوز اوطيها لان شكلها بيبقى احلى
فدلوقتى على العيات بتكون موجوده فين يعنى بتتخلع من جوه العريبه ورى الكنه ولا من المساعد نفسوا
وياترى بيبقى موضوع كبير ولا ايه وبتكلف كام
وهوا فعلا فى الوقت الحالى لما بحمل وبمشى بتبوس الارض

[samirayad]

وهوا فعلا فى الوقت الحالى لما بحمل وبمشى بتبوس الارض

ياريت تبين معنى الجزئيه دى الأول

[samirayad]

على فكره .....لو زى ما أنا فاهم .............لو شيلت العلايات وحملت ......العربيه مش حتبوس الأرض .......دى حتحرت الأرض ههههههههههههه

[sayedafandy]

لازم تحل المشكلة دى بأى شكل لانها كانت بتحصل معايا وكنت مركب كاوتش عريض لقيت حافة الرفرف والكارتيرة البلاستك قطعه فى الكاوتش وعامله حز جامد فيه وساعتها الناس خوفونى قوى وقالوا ممكن عجلة تتقطع وانت ماشى وتعمل مشكلة جامدة وعليها رحت مغيير الاربع فرد بمقاس اقل ( المقاس الاستاندر الخاص بالسيارة ) وربنا يحفظ الجميع ان شاء الله

[Esam Mosaad]

هوا فعلا لما بحط اتنين ورى وامشى مثلا واخد مطب هوا بسمع
الرفرف بيحك مع الكواتش ويبقى اكيد الراجل الىقبلى كان معليها
امال لو مكنش معليها كان ايه الى حصل وانا برضوا عندى الكواتش عريض
بس هل التعليه ديه هتاثر على العريبه

بالنسبه لمعنى تبوس الارض يعنى كل شويه اسمع تكحيتع بين الارض والعريبه

[mohamed9999]

انا برضو شارى 128 موديل 1986 برضو من وراي الراجل اللى قبلى كان معليها و انا عاوز ارجع اوطيها