صوتين محيرنّي: ياريت الافادة

[HRH_Sameh]

من فترة بسيطة صوت في الموتور اول ما أدوّر بيعمل عااااااااااااااااااااااااا
مش عالي قوي بس انا بسمعه
احيانا يستمر وانا ماشي ويختفي تاني
واحيانا ما يظهرش اصلا

وفي صوت تاني من فترة كبيرة بيظهر بس وانا ببطل العربية بيعمل نعععع (لمدة ثانية كده صوت حاجة بتدور وبتقف)

بالنسبة للأداء مش حاسس بفرق يذكر
جايز سؤال صعب نظريا بس ممكن يكون من ايه الصوتين دول
العربية الشاهين 2004

[Rembrandt]

من فترة بسيطة صوت في الموتور اول ما أدوّر بيعمل عااااااااااااااااااااااااا


وفي صوت تاني من فترة كبيرة بيظهر بس وانا ببطل العربية بيعمل نعععع

بصراحة انا عمرى ما سمعت فى حياتى عربية بتعمل عاااااااااااااااااااااا او حتى بتعمل نععععع ياريت حد من الخبراء يقولنا طبيعة العااا ونععع دى اية

[HRH_Sameh]

بصراحة انا عمرى ما سمعت فى حياتى عربية بتعمل عاااااااااااااااااااااا او حتى بتعمل نععععع ياريت حد من الخبراء يقولنا طبيعة العااا ونععع دى اية

انت عارف
في حاجات كده مش بتعرف تقلدها بالظبط
بس في حاجات تانية بيبقى ليها مسميات مشهورة زي : ونة . زنة ......
بس انا معرفتش اسميهم ايه فقلدتهم بس هما كده فعلا

[Rembrandt]

انت عارف
في حاجات كده مش بتعرف تقلدها بالظبط
بس في حاجات تانية بيبقى ليها مسميات مشهورة زي : ونة . زنة ......
بس انا معرفتش اسميهم ايه فقلدتهم بس هما كده فعلا :f_eyeb1[1]:

أوعى تكون زعلت انا بس بهزر معاك وانشاءاللة حد يفيدك من الاخوة مهندسيين الصوت

[samirayad]

أوعى تكون زعلت انا بس بهزر معاك وانشاءاللة حد يفيدك من الاخوة مهندسيين الصوت

هى مش موضوع صوت فقط ..........لأن أكيد الأصوات دى مرتبطه بالآداء ............وعلشان كده ياريت نأخد البيانات كامله ( مثل البيانات اللى زى دى )..............................http://www.nilemotors.net/Nile/showthread.php?t=75775

[Rembrandt]

هى مش موضوع صوت فقط ..........لأن أكيد الأصوات دى مرتبطه بالآداء ............وعلشان كده ياريت نأخد البيانات كامله ( مثل البيانات اللى زى دى )..............................http://www.nilemotors.net/Nile/showthread.php?t=75775

اللة ينور عليك

[samirayad]

الله يخليك يا أخى ..............

[tananybasha]

طيب مفيش ميكانيكى شفها و قلك دى ايه

[HRH_Sameh]

هى مش موضوع صوت فقط ..........لأن أكيد الأصوات دى مرتبطه بالآداء ............وعلشان كده ياريت نأخد البيانات كامله ( مثل البيانات اللى زى دى )..............................http://www.nilemotors.net/nile/showthread.php?t=75775

شكرا على اهتمامك واليكم التفاصيل

1- موديل السياره وسنة الصنع (نوبيرا ولا لانوس ولا.....)
شاهين 2004
2-عدد الكيلومترات المقطوعه
46000
3-موقف أستهلاك الزيت ( بيتم تزويد زيت ولا لا)
لا
4-شكل العادم الخارج من الشكمان (أبيض مسود - أزرق مسود - عادى)
عادي
5-موقف البوجيهات وأسلاكها وهل تم عمل أختبار لقوة الشراره للبوجيهات الأربعه
جديدة من شهرين
6-موقف الفلاتر (هواء - بنزين - زيت)
الهواء من شهر - البنزين من 8 شهور - الزيت من اسبوعين
7-موقف أستهلاك البنزين (طبيعى ولا زياده)
مش متأكد بس غالبا عادي
8- موقف الشكمان (سالك وتمام .....ولا مكتوم)
سالك
9- موقف الفرامل (كويسه ولاقافشه والجنوط بتسخن)
كويسه
10-موقف السيور ( كاتينه - تكييف - دينامو ).....وأنا عارف أن فيه سيور مشتركه
الكاتينة متغير من شهرين - تكييف لا يوجد - دينامو من سنتين و8 شهور (11000 كم)
11-موقف البطاريه والدينامو من ناحية الفولت والأمبير
البطارية فيها ربع من 3 شهور بس شحنها كويس (الراجل قاللي الارضي العام مش قوي) الدينامو كويس
12-مصدر الصوت فى حالة ظهور أصوات من عند المحرك ومكانه بالضبط
من عند الدينامو وطرمبة المية والفرن
13- موقف آخر صيانه أتعملت ....وهل العيب المطروح ظهر بعدها ولا كان موجود من قبلها ....لأن دى نقطه مهمه جدا
آخر حاجة كانت تغيير سير الكاتية وسلك الدبرياج بس الصوت كان ظاهر قبليها بس على خفيف

طيب مفيش ميكانيكى شفها و قلك دى ايه

الصراحة احيانا الواحد بيحب يأجل موضوع الميكانيكي شوية لو حاجة بسيطة كده عشان ممكن يفتي في حاجات تانية مالهاش دعوة

[samirayad]

من فترة بسيطة صوت في الموتور اول ما أدوّر بيعمل عااااااااااااااااااااااااا

وفي صوت تاني من فترة كبيرة بيظهر بس وانا ببطل العربية بيعمل نعععع (لمدة ثانية كده صوت حاجة بتدور وبتقف)

12-مصدر الصوت فى حالة ظهور أصوات من عند المحرك ومكانه بالضبط
من عند الدينامو وطرمبة المية والفرن

حنختار السهل الأول ..........ظبط شد سير الدينامو (لأنه ممكن يكون مبوش شويه ) وده يعمل النعره فى البدايه ...لأنه حيفوت من على الطنبوره ......ولو ده مجبش نتيجه .....حتنزل السير ....وتشوف طنبورة بلى الدينامو (لأنك برضه ممكن تكون شادد السير جامد وحملت على البلى بتاع وش الدينامو .....وبدأ البلى يبوظ مثلا ............فجرب شد السير أولا لو كان مبوش والعكس صحيح لو كان مشدود (لأننا مش عارفين الحاله عندك ) وحنمشى واحده واحده ............الى أن يشاء الله أمرا كان مفروضا ( وهو الوصول لنتيجه بأذن الله )...............وأرجو من الله أن يكون هذا هو العيب وليس بلى طلمبة الميه لا قدر الله

[HRH_Sameh]

حنختار السهل الأول ..........ظبط شد سير الدينامو (لأنه ممكن يكون مبوش شويه ) وده يعمل النعره فى البدايه ...لأنه حيفوت من على الطنبوره ......ولو ده مجبش نتيجه .....حتنزل السير ....وتشوف طنبورة بلى الدينامو (لأنك برضه ممكن تكون شادد السير جامد وحملت على البلى بتاع وش الدينامو .....وبدأ البلى يبوظ مثلا ............فجرب شد السير أولا لو كان مبوش والعكس صحيح لو كان مشدود (لأننا مش عارفين الحاله عندك ) وحنمشى واحده واحده ............الى أن يشاء الله أمرا كان مفروضا ( وهو الوصول لنتيجه بأذن الله )...............وأرجو من الله أن يكون هذا هو العيب وليس بلى طلمبة الميه لا قدر الله :_alshmokh22[1]:

شكرا ياباشا وجاري التنفيذ

[samirayad]

بالتوفيق أن شاء الله .................

[ainshouka]

ازيك يابشمهندس سمير انا عارف انك زهقت منى خلاص ومعدتش تطيقنى من كتر اسئلتى
بس الظاهر انى بقيت قدرك ولازم انطلك كل شويه فى اى موضوع من اول التربو مرورا بالشامبر واللزق لغاية دلوقتى
بالنسبة لصوت العاااااااااااااااااااااااااااا دا فهو موجود عندى برضه بنفس المواصفات اللى صاحب الموضوع قالها
الاعراض :الموضوع دا بقاله معايا فترة طويلة ومبيظهرش الا لما تكون العربية بارده وبعد ما امشى بيها شوية يختفى الصوت ولو بطلتها واشغلها تانى مفيش صوت ( الصوت مبيظهرش الا لما اسيب العربية عدة ساعات -لغاية متبرد- واول مشغلها اول دقيقتين عادى وبعدها يظهر الصوت ويستمر ممكن 5 دقائق ويختفى ولا كأن فى حاجة (بس لو مشيت بيها فى الاول والصوت دا موجود اجد ان الصوت بيعلى قوى فى اخر الغيار الاول وبعدين لما انقل عالتانى يعلى برضه لغاية اخره وهكذا الى ان يختفى الصوت نهائيا وكل الامور تكون طبيعى .
وغيرت كل السيور بس ماعدا سير الكاتينة (هو المفروض ميعاده قرب خلاص ) فاضللى كام الف كده واغيره وروحت للميكانيكى وقاللى ان سير الكاتينة سليم ومفيهوش عيب وفصل الدينامو والصوت لسه موجود برضه وقاللى احتمال انه يكون من طرمبة الزيت بس هو مش متاكد برضه فهل ممكن يكون هذا هو السبب
وهل البلى بتاع طرمبة المية او الزيت هى اللى تخلى الصوت يظهر فى الاول كدا وبعدين يختفى وكأن شيئا لم يكن

معلش طولت فى الكلام
وشكرا

[Esam Mosaad]

ههههههههههه
عاااااااااااااا ونععععع اكيد جعانه
وانشاء الله الموضوع بسيط

[samirayad]

ازيك يابشمهندس سمير انا عارف انك زهقت منى خلاص ومعدتش تطيقنى من كتر اسئلتى

ياباشا متقولش الكلام ده ........دا كلنا أخوات وبنفكر مع بعض لتقريب الأمور .....والتوفيق من عند الله طبعا

بس الظاهر انى بقيت قدرك ولازم انطلك كل شويه فى اى موضوع من اول التربو مرورا بالشامبر واللزق لغاية دلوقتى

ده أحلى قدر ............وخللى بالك الواحد بيتعلم كتير من المناقشات معاك ومع الزملاء بدون أدنى شك ...........

الاعراض :الموضوع دا بقاله معايا فترة طويلة ومبيظهرش الا لما تكون العربية بارده وبعد ما امشى بيها شوية يختفى الصوت ولو بطلتها واشغلها تانى مفيش صوت ( الصوت مبيظهرش الا لما اسيب العربية عدة ساعات -لغاية متبرد- واول مشغلها اول دقيقتين عادى وبعدها يظهر الصوت ويستمر ممكن 5 دقائق ويختفى ولا كأن فى حاجة (بس لو مشيت بيها فى الاول والصوت دا موجود اجد ان الصوت بيعلى قوى فى اخر الغيار الاول وبعدين لما انقل عالتانى يعلى برضه لغاية اخره وهكذا الى ان يختفى الصوت نهائيا وكل الامور تكون طبيعى .

كده الأعراض بتبان مع البروده فقط ......ومع السخونه بتنتهى ..............بس كنت عاوز أسألك ( الأعراض دى بتظهر معاك أول ماتدى سنة المارش والعربيه واقفه قبل ماتتحرك )

وغيرت كل السيور بس ماعدا سير الكاتينة (هو المفروض ميعاده قرب خلاص ) فاضللى كام الف كده واغيره وروحت للميكانيكى وقاللى ان سير الكاتينة سليم ومفيهوش عيب وفصل الدينامو والصوت لسه موجود برضه وقاللى احتمال انه يكون من طرمبة الزيت بس هو مش متاكد برضه فهل ممكن يكون هذا هو السبب

وأحتمال طلمبة الميه برضه .....أو لو فيه شداد عندك مع مجموعة الكاتينه ............لأننى مش عارف برضه تقسيمة الأرجنتا ...............بس كده الدينامو بره الموضوع طبعا

وهل البلى بتاع طرمبة المية او الزيت هى اللى تخلى الصوت يظهر فى الاول كدا وبعدين يختفى وكأن شيئا لم يكن

لا هى طلمبة الزيت بتكون معمره أكتر من طلمبة الميه بدون شك .................وياريت برضه تدينا بيانات أكتر زى اللى قالها أخونا صاحب الموضوع الحالى .......يمكن نطلع بحاجه تانيه متوقعه برضه