صوتين محيرنّي: ياريت الافادة

[caysersosaih]

بعد اذن الباشمهندس سمير
انا كنت باعاني من صوت الخشانة اللي حضرتك قلته والعربية باردة وغلبت كتير لف علي الميكانيكية واح يقولي بلية الدبرياج وواحد يقولي مش عارف ايه
المهم رحت قست زيت الفتيس لقيتة ناقص خالص المهم زودتة والصوت اختفي ولكن رجع تاني بعد اسبوعين بصورة اقل
كشفت عليه تاني لقيت الزيت نقص برضه المهم رفعت العربية وبصيت عليها لقيت كاوتش الكوبلن الداخلي متاكلة وبترشح زيت
غيرتها ب 30 جنيه وزودت زيت الفتيس والحمد لله ماشية كويس انا عربيتي تمبرا 1999
مع ملاحظة ان اخر مره حطيت زيت فتيس 140 عشان اتقل شوية وافضل في الصيف
هذه تجربتي وارجو ان اكون قد افدت
شكرا

[ainshouka]

الموديل فيات أرجنتا مو 82 ، 2000 سى سى
عاملة 40000 كيلومتر بس الرقم دا مش واثق منه لانها مستعملة
استهلاك الزيت : لاتستهلك
الشكمان : عادى
الفرامل : جيدة
سير الكاتينة بحالة جيدة وسيتم تغييره قريبا ، سير الدينامو بحالة جيدة -الكهربائى كشف عليه-
لايوجد تكييف
الدينامو : الكهربائى كشف عليه ووجده بحالة جيدة
البطارية : جافة وفى حالة جيدة
البوجيهات واسلاكها وقوة الشرارة : معنديش معلومات عنها
فلتر الهواء : بحالة جيدة ، فلتر البنزين : اظن انه كويس لان العربية ماشية طبيعى ، فلتر الزيت بنغيره عند كل 10000 كيلو
استهلاك البنزين : عادى

الصوت مبيظهرش عالمارش علطول
انا بشغل العربية طبيعى جدا وبعد دقيقتين يظهر الصوت مرة واحدة ويستمر لمدة 5 دقائق ويختفى وكأن شيئا لم يكن

بالنسبة لزيت الفتيس حفحصه ان شاء الله فى اول الشهر اللى جاى لانى عندى فحص بس هل دا ممكن يكون سبب الصوت اللى بيظهر عندى انا بحس انه جاى من قدام من تحت الكبوت هل الفتيس ممكن صوته يسمع عند المكنة

وشكرا

[samirayad]

الموديل فيات أرجنتا مو 82 ، 2000 سى سى
عاملة 40000 كيلومتر بس الرقم دا مش واثق منه لانها مستعملة

موديل 82 وعامله 40 ألف ......مش منطقى الكلام ده ....وكده العداد ملعوب فيه أو متغير ......دا لو مكنتش أنت أول مالك للسياره ......وأعتقد أنك شاريها من قريب

سير الكاتينة بحالة جيدة وسيتم تغييره قريبا ، سير الدينامو بحالة جيدة -الكهربائى كشف عليه

طيب ماتعجل بتغيير سير الكاتينه للأطمئنان على بلى طلمبة الميه برضه............أو تكون بلية شداد الكاتينه وحشه برضه وده غلط على السير لاقدر الله ..............

[ainshouka]

انا خلاااااااص تعبت من العربية دى
معدتش عارف الصوت دا جاى منين

موديل 82 وعامله 40 ألف ......مش منطقى الكلام ده ....وكده العداد ملعوب فيه أو متغير ......دا لو مكنتش أنت أول مالك للسياره ......وأعتقد أنك شاريها من قريب طيب ماتعجل بتغيير سير الكاتينه للأطمئنان على بلى طلمبة الميه برضه............أو تكون بلية شداد الكاتينه وحشه برضه وده غلط على السير لاقدر الله ..............

ازيك يابشمهندس سمير

معلش اتأخرت عليك فى الرد بس لان الواحد كان زهق من الصوت دا وقلت مش مهم اهو الواحد يستحمل الخمس دقائق الاولى وخلاص

بس المشكلة دلوقتى ان الصوت بقى مستمر معايا علطول ومبقاش يختفى
العربية والدى كان شاريها من سنة 88 وعملها عمرة كاملة سنة 92 بموتور 132 و2000سى سى
فممكن يكون العداد اتصفر من ساعتها ووالدى مكانش بيمشى بيها كتير واتعملها نص عمرة سنة 2002 واتغير لها طرمبة زيت وطرمبة ميه وسيور وحتى الان هى ماشية 40 الف من بعد العمرة الكاملة
وكنت عند الميكانيكى من قريب وغيرنا زيت الفتيس وغير بلية شداد الكاتينة كانت ناشفة شوية

بس للأسف الصوت فضل زى ماهو ولاقل ولاشئ

فأين يمكن ان تكمن المشكلة

وفيه حاجة كمان لاحظتها ان الصوت دا مبيظهرش الا عند rpmعند 2 وانت طالع لفوق لكن قبل كده مفيش صوت خالص والكلام دا على كل الغيارات الخمسة

[ainshouka]

اشهد ان لا اله الا الله ..........!!!!!!!!!

أخيرا الصوت رااااااااااااااااااااااااااااح

وطلعت فعلا السبب فى طرمبة الزيت

كان فيها رجلاش ودا كان بيخليها كل ماتلف تعمل الصوت دا على السرعات كل ماتزيد وبالاضافة ان كارتيرة الزيت مجوفة فالصوت بعلى اكتر والطرمبة نفسها اسطوانية فكمان مزودة الصوت اكتر

والسبب انها كانت مبتظهرش الصوت دا فى اول مبشغل لان الزيت بيكون لسه بارد وتقيل فالبوش دا مكنش بيظهر لكن لما يسخن بتقل لزوجته فبيظهر الصوت

تقريبا عامل زى نفس فكرة المكنة لما بتفوت بنجبلها زيت لزوجته عالية

وانا شاكر لكل اللى حاولوا يساعدونى بجد
وانا قلت اقولكم على النتيجة عشان لو حد اتعرض للموقف دا يكون عارفه

[Dr_AHMAD]

اشهد ان لا اله الا الله ..........!!!!!!!!!

أخيرا الصوت رااااااااااااااااااااااااااااح

وطلعت فعلا السبب فى طرمبة الزيت

كان فيها رجلاش ودا كان بيخليها كل ماتلف تعمل الصوت دا على السرعات كل ماتزيد وبالاضافة ان كارتيرة الزيت مجوفة فالصوت بعلى اكتر والطرمبة نفسها اسطوانية فكمان مزودة الصوت اكتر

والسبب انها كانت مبتظهرش الصوت دا فى اول مبشغل لان الزيت بيكون لسه بارد وتقيل فالبوش دا مكنش بيظهر لكن لما يسخن بتقل لزوجته فبيظهر الصوت

تقريبا عامل زى نفس فكرة المكنة لما بتفوت بنجبلها زيت لزوجته عالية

وانا شاكر لكل اللى حاولوا يساعدونى بجد
وانا قلت اقولكم على النتيجة عشان لو حد اتعرض للموقف دا يكون عارفه

حمد لله على السلامة والف شكر على متابعتك للحل
ليا سؤال
يعني ايه كان فيها رجلاش؟
وحليت الموضوع ازاي ؟غيرت طرمبة الزيت مثلا

[ainshouka]

حمد لله على السلامة والف شكر على متابعتك للحل
ليا سؤال
يعني ايه كان فيها رجلاش؟
وحليت الموضوع ازاي ؟غيرت طرمبة الزيت مثلا

الله يسلمك

معلش انا خاننى التعبير انا اقصد فيها بوش مش رجلاش
والميكانيكى حاول يصنفر جزء فيها عشان يقلل الصوت دا بس ملقيناش فيه اى فايدة
فاشتريت واحدة جديدة والحمد لله الصوت اختفى
والقديمة كانت فيات اصلى بس استيراد فمنه لله اللى اشتريناها منه وهى بايظة
بس مش مهم كدا رضا