إعـــــــلان

Collapse

.

,
See more
See less

مشكلة "الخنقة و التنتيشة" في الكريستاله

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    مشكلة "الخنقة و التنتيشة" في الكريستاله

    السلام عليكم اخواني الكرام .. كل عام و انتم بخير

    المشكلة ببساطة حصلت لما دخل علينا الصيف و بدأت استخدم المكيف في عربيتي .. فلاحظت انها بدأت تستهلك بنزين بشكل كبير .. يعني كانت بتعمل 420 كيلو متر في التفويلة و بقت تعمل 320 تقريبا بعد ما بقيت بشغل المكيف .. قلقت ساعتها و رحت لواحد بتاع كربوريتورات و كشف على البوجيهات و قالي عربيتك سليمة و مفيهاش حاجه .. بس لو عايزنا نفك الكاربوراتير بالمرة و ننضفه عشان تطمن يبقه مفيش مشكلة .. و سمعت كلامه و نضفت الكاربوراتير و من ساعتها و مش عارف اتهنى على العربية.

    اللي حصل ان العربية بقت تنتش و انا طالع على الاول .. احس انها مخنوقة و مرة واحده تفك الخنقة لدرجة انها بتعمل امريكاني .. طبعا الموضوع ده احرجني بشكل كبير في الملفات وانا جاي اطلع و الخنقة تحصل .. انما بعد الطلعة بتجري و بتفتح و تبقه زي الفل .

    فيه ناس دلتني على بنزينة "شل" و قالولي فيه جهاز اسمه "جاز 5" ده حيظبطلك الكاربوراتير .. و بالفعل رحت و ظبطت الكاربوراتير على الجهاز ده (طريقة شغله انه بيظبط كمية دخول الهوا مع البنزين) و بعدها العربية اتحسنت كتير .. قعدت على الكلام ده شهرين تقريبا قبل ما العربية تبدأ الخنقة و التنتيشة من تاني و تقرفني .. رجعت تاني للبنزينة و الراجل ظبطها تاني لكن ما بقتش زي الاول .. غيرت البوجيهات و فلتر الهوا و فلتر البنزين بدون فايدة .

    دلوقتي انا في حيرة من امري .. الموضوع ده مسببلي ارق و تاعبلي نفسيتي من العربية على الرغم من انها كانت مريحاني للغاية قبل ما الموضوع ده يحصل .. و اللي قرفني اكتر بقه ان فيه بعض الناس قالولي ان الكاربوراتير بدام اتفك يبقه مش حيرجع تاني لاصله و اني افضل كده احسن او اني اغير الكاربوراتير !!

    اللي عنده اي حل يلحقني بيه .. و اسف على الاطالة .. و جزاكم الله خيرا

    ملحوظة: عربيتي لانسر كرستاله موديل 98 .. كاربوراتير مش بخاخات
    الكلمات الدلالية (Tags): 20, font, lancer, أوبل, اصلاح, الاول, البنزين, الخنقة و التنتيشة, الكريستاله, اللي, الي, ام, انا, بدون, بس, بنزين, حل, رائع, ريس, سيتي, طريقة, عايز, عربية, عربيتك, على, عن, عيوب, فلتر, في, فيات, كريستاله, كشف, كل, لانسر, لكل, لينك, ما, مركز, مستعمل, مشكلة, مصر, مع, من, موديل, موضوع, مية, ميتسوبيشي, هل, هو, هي, ورش
  • #2
    غير بيكات الكربوراتير الأول وجرب

    لو الموضع بتاع البيكات مجبش نتيجه كويسه
    أعتقد حتحاج تغير طلمبة البنزين

    وياريت تطمن الأول على شرارة الأربع بوجيهات
    يكونوا زى بعض وفى نفس القوه
    لأستبعاد أى عيوب من كابلات البوجيهات أو البوبينا

    Comment

    • #3
      اول شيء مع احترامي لحضرتك الميكانيكي ده ابن حماااااااااااااااار

      ايه اللي خلاه يفك الكاربراتير ده المفروض اخرو ببينضف باسبراي هي مش عربببببية 128 علي العموم لازم تروح لحد متخصصص في الكلام ده بس معلش انا محروق دمي من فتي الميكانيكي

      علشان انا اخويا معايا نيييسان صني 99 مرة روحنا عند ميكانيكي ينضف الكربراتير فك العمة ورش اسبراي وشكرا علي كككده

      ودور العربببيية ونضف الكربراتير ولما سالتو انت مافكتهوش ليه قاللي العربببية مش هاينفع خااااااااااالص افكو ده ككده يبقي انا ببوظ العرببيية مش بصلح
      انا انسان عادي جداا.مسلم . اخطيء .واصيب . مرجعيتي هي القران والسنة وفقه الائمة الاربعة يعني انا ...[B][/B]

      Comment

      • #4
        المشاركة الأصلية كتبت بواسطة samirayad مشاهدة المشاركة
        غير بيكات الكربوراتير الأول وجرب

        لو الموضع بتاع البيكات مجبش نتيجه كويسه
        أعتقد حتحاج تغير طلمبة البنزين

        وياريت تطمن الأول على شرارة الأربع بوجيهات
        يكونوا زى بعض وفى نفس القوه
        لأستبعاد أى عيوب من كابلات البوجيهات أو البوبينا
        ربنا يكرمك و يبارك فيك يا باشمهندس .. جزاك الله خيرا على ردك و اهتمامك
        الحقيقة انا مشيت في سكة البوجيهات و غيرتهم كذا مرة عشان اتأكد تماما لكن العيب ما ظبطش .. لدرجة اني كنت شغال بالبوجيهات الشمعه الواحده و جبت ابو تلات شمعات قلت يمكن يظبط لكن للاسف ما حصلش .
        بالنسبة للبيكات .. انا اللي اعرفه من الراجل ده ان الكاربراتيرات دي ملهاش "طقم اصلاح" .. و بالتالي مش حلاقيلها بيكات اساسا .. و بالنسبة لطلمبة البنزين دي الحقيقة ما جاتش على بالي خالص .. بس انا خايف اني اغيرها و يطلع العيب مش منها .. طب ايه الحل ؟ و تنصحني اروح لمين يظبطلي العربية ؟

        المشاركة الأصلية كتبت بواسطة mrwho1982 مشاهدة المشاركة
        اول شيء مع احترامي لحضرتك الميكانيكي ده ابن حماااااااااااااااار

        ايه اللي خلاه يفك الكاربراتير ده المفروض اخرو ببينضف باسبراي هي مش عربببببية 128 علي العموم لازم تروح لحد متخصصص في الكلام ده بس معلش انا محروق دمي من فتي الميكانيكي

        علشان انا اخويا معايا نيييسان صني 99 مرة روحنا عند ميكانيكي ينضف الكربراتير فك العمة ورش اسبراي وشكرا علي كككده

        ودور العربببيية ونضف الكربراتير ولما سالتو انت مافكتهوش ليه قاللي العربببية مش هاينفع خااااااااااالص افكو ده ككده يبقي انا ببوظ العرببيية مش بصلح
        استغفر ربك يا mrwho1982 .. لحسن تتحسب عليك غيبه .. انا مقدر احساسك بيه و بالحالة اللي وصلتلها .. ياللا الله يسامحه بقه على عمله .
        اللي انته قلته و اتعمل في عربية اخوك ده عين العقل .. و ده اللي عرفته بعد كده بس بعد فوات الاوان :(

        Comment

        • #5
          الحقيقة انا مشيت في سكة البوجيهات و غيرتهم كذا مرة عشان اتأكد تماما لكن العيب ما ظبطش .. لدرجة اني كنت شغال بالبوجيهات الشمعه الواحده و جبت ابو تلات شمعات قلت يمكن يظبط لكن للاسف ما حصلش .
          أنا لا أقصد أنك تطمن على البوجيهات نفسها
          لا أنا عاوزك تطمن على قوة الشراره مره من عند الأسبراتير
          ومره من عند البوجيهات ( علشان تطمن على البوبينا والكابلات )
          بالنسبة للبيكات .. انا اللي اعرفه من الراجل ده ان الكاربراتيرات دي ملهاش "طقم اصلاح" .. و بالتالي مش حلاقيلها بيكات اساسا
          ممكن تلاقى بيكات تؤدى نفس الغرض بنفس المقاسات
          أنا غيرت لكربوراتير أوبل بيكات بتاعة عربيه فيات
          و بالنسبة لطلمبة البنزين دي الحقيقة ما جاتش على بالي خالص .. بس انا خايف اني اغيرها و يطلع العيب مش منها .. طب ايه الحل ؟ و تنصحني اروح لمين يظبطلي العربية ؟
          خللى موضوع الطلمبه بعد ماتطمن على النقطتين بتوع الشراره والبيكات

          Comment

          • #6
            بارك الله فيك على ردك .. ان شاء الله امشي في الخطوات اللي حضرتك نصحت بيها و حبلغك باللي تم .

            تحياتي لك و كل عام و انت بخير

            Comment

            • #7
              أرجو لك التوفيق من عند الله
              وكل عام وأنتم بخير

              Comment

              • #8
                السلام عليكم ورحمة الله وبركاته

                كيف حالكم أحلى منتدي

                أنا اخوكم مهندس يوسف
                أعمل بالخليج

                أنا مستغرب لحاجة فظييييييييييييييعة

                لما بنشوف التلفزيون والمسلسلات بتاعتنا بأحس إن مصر بقت غابة والناس كلها بتحشش وبتضرب سرنجات ولا بتشم كله على الأقل

                لكن لما بنص للمصريين اللى حوالينا ولا اللى زي اللى في المنتدى الجميل ده
                أحس إننا والله من أطيب وأأدب شعوب العالم وإن فعلا مصر بخير

                بخير بأهلها مش بحاجة تاني


                المهم بخصوص الموضوع بتاع الكربراتير

                أنا عندي هنا ميتسوبيشي جالانت
                وفيها نفس المشكلة وغير فلتر البنزين ورشيت كذا نوع من اسبراي التنظيف

                لكن ما عملش حاجة ملحوظه

                يمكن الاسبراي بيخلي الكربراتير نظيف لمدة اسبوع مثلا وبعد كده شكرا

                ولما حبيت أغير ( كت ) داخلي له الميكانيكي نصحني وقاللى طالما فكيت الكربراتير يبقى انساه مش هيرجع تاني

                الحل الأمثل في رأيي لسيارتك إنك تدور على كربراتير استيراد مستعمل وهتلاقي سعره على ما أظن رخيص مئة ولا مئتين جنيه وتريح بالك من الفلم ده كله
                والاستيراد اليابامي بيقى زي الفل لآنهم مش بيمشوا بالسيارات كتير

                ويا ريت لو اللى هيبيعهولك يركبهولك علشان تجربه وانت هناك


                وأقولكم في النهاية رمضان كريم
                والسلام عليكم جميعا
                [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

                Comment

                • #9
                  ملحوظه

                  أنا في منطقة بعيدة شوية فعلشان كده ما عنديش القدرة إني أجيب كربراتير مستعمل
                  لكن لما أقرب من مكان المستعمل والسيارة معايا هأشتريه
                  [SIZE=4][COLOR=darkred][SIGPIC][/SIGPIC]بسم الله الرحمن الرحيم [/COLOR][COLOR=darkred][COLOR=darkgreen][B](حَتَّى إذا اسْتيْأسَ الرُّسُلُ وَظَنُّواْ أنَّهُمْ قدْ كُذِبُواْ جَاءَهُمْ نَصْرٌنَا فَنُجِّيَ مَن نَّشَاء ولاَ يُرَدُّ بَأسٌنَا عَن القوْمِ المُجْرِمِينَ )[/B] [/COLOR][/COLOR][COLOR=darkred][COLOR=darkred]صدق الله العظيم. [/COLOR][/COLOR][COLOR=blue]سورة يوسف.110[/COLOR][/SIZE]

                  Comment

                  • #10
                    المشاركة الأصلية كتبت بواسطة yousef1978 مشاهدة المشاركة
                    السلام عليكم ورحمة الله وبركاته

                    كيف حالكم أحلى منتدي

                    أنا اخوكم مهندس يوسف
                    أعمل بالخليج

                    أنا مستغرب لحاجة فظييييييييييييييعة

                    لما بنشوف التلفزيون والمسلسلات بتاعتنا بأحس إن مصر بقت غابة والناس كلها بتحشش وبتضرب سرنجات ولا بتشم كله على الأقل

                    لكن لما بنص للمصريين اللى حوالينا ولا اللى زي اللى في المنتدى الجميل ده
                    أحس إننا والله من أطيب وأأدب شعوب العالم وإن فعلا مصر بخير

                    بخير بأهلها مش بحاجة تاني


                    المهم بخصوص الموضوع بتاع الكربراتير

                    أنا عندي هنا ميتسوبيشي جالانت
                    وفيها نفس المشكلة وغير فلتر البنزين ورشيت كذا نوع من اسبراي التنظيف

                    لكن ما عملش حاجة ملحوظه

                    يمكن الاسبراي بيخلي الكربراتير نظيف لمدة اسبوع مثلا وبعد كده شكرا

                    ولما حبيت أغير ( كت ) داخلي له الميكانيكي نصحني وقاللى طالما فكيت الكربراتير يبقى انساه مش هيرجع تاني

                    الحل الأمثل في رأيي لسيارتك إنك تدور على كربراتير استيراد مستعمل وهتلاقي سعره على ما أظن رخيص مئة ولا مئتين جنيه وتريح بالك من الفلم ده كله
                    والاستيراد اليابامي بيقى زي الفل لآنهم مش بيمشوا بالسيارات كتير

                    ويا ريت لو اللى هيبيعهولك يركبهولك علشان تجربه وانت هناك


                    وأقولكم في النهاية رمضان كريم
                    والسلام عليكم جميعا
                    جزاك الله خيرا اخي الكريم على مداخلتك .. على اي حال في كل مكان الجيد و القبيح و نسأل الله ان يزيد من الجيد و يزيل القبيح .

                    بالنسبة للي حضرتك قلته .. انا سمعت الكلام ده من كذا واحد .. قالولي ان الكاربوراتير مش حيرجع تاني زي ما كان .. بس سؤالي هنا لحضرتك .. لما اروح اشتري كاربوراتير استيراد طب منا حشتريه مفكوك يعني هيه هيه .. مش كده و لا ايه ؟ يعني حيبقه ايه الفرق بين بتاعي و بين اللي حشتريه ؟ و اللي عندي باظ من ايه اذا كان كل اللي اتعمل فيه مجرد تنظيف فقط ؟

                    بالنسبة بقه للكاربوراتير بتاعك .. عليك و على "التشليح" حتلاقي فيه طلبك ان شاء الله :)

                    رمضان كريم اخي .. و كل عام و انتم بخير

                    Comment

                    • #11
                      على اي حال في كل مكان الجيد و القبيح و نسأل الله ان يزيد من الجيد و يزيل القبيح .

                      Comment

                      • #12
                        أولا في ملحوظه مهمه احب اعرفها للناس المتابعين
                        ان الكربراتير ده بستم وليس أكس وباب
                        وطبعا ده مدام اتفك يبقي 70% مش بيرجع تاني
                        والحل الوحيد لصاحب الموضوع انه يروح مركز الصفا وده مركز متخصص كربراتير وفعلا أكثر من رائع
                        ومكانه في أخر جسر السويس جنب بنزينه وطنيه
                        وشوف الناس هناك هتقولك ايه واعرف التكلفه ايه
                        وعموما الكربراتير حاله ممتازه هيعملو حوالي 700 جنيه
                        بس عموما لو روحت المركز ده عرفهم انك عايز تفك الكربراتير تاني ويركبوه من الاول علشان العيب يختفي تماما لكن لو ظبطوه ممكن يرجع تاني
                        وربنا يعوض عليك
                        وانا عموما عامل موضوع للكريستاله مخصوص ولو محتاج اي حاجاه انا تحت الامر
                        وياريت متحاولش تعمل حاجه تاني علشان دي كلها فلوس علي الفاضي
                        [CENTER]:11_5_14[1]:[/CENTER]

                        Comment

                        • #13
                          ان الكربراتير ده بستم وليس أكس وباب
                          بغض النظر عن كيفية التحكم فى فتح بوابة الكربوراتير
                          بس فيه بيكات للسرعه البطيئه والعاليه
                          وياريت لو عندك صوره وتوضيح شامل ليه
                          نكون شاكرين
                          وانا عموما عامل موضوع للكريستاله مخصوص ولو محتاج اي حاجاه انا تحت الامر
                          ياريت برضه
                          تدمج لينك الموضوع ده
                          مع الموضوع الحالى من أجل الأطلاع على موضوعك
                          وشكرا ليك

                          Comment

                          • #14
                            المشاركة الأصلية كتبت بواسطة hema_lancer مشاهدة المشاركة
                            أولا في ملحوظه مهمه احب اعرفها للناس المتابعين
                            ان الكربراتير ده بستم وليس أكس وباب
                            وطبعا ده مدام اتفك يبقي 70% مش بيرجع تاني
                            والحل الوحيد لصاحب الموضوع انه يروح مركز الصفا وده مركز متخصص كربراتير وفعلا أكثر من رائع
                            ومكانه في أخر جسر السويس جنب بنزينه وطنيه
                            وشوف الناس هناك هتقولك ايه واعرف التكلفه ايه
                            وعموما الكربراتير حاله ممتازه هيعملو حوالي 700 جنيه
                            بس عموما لو روحت المركز ده عرفهم انك عايز تفك الكربراتير تاني ويركبوه من الاول علشان العيب يختفي تماما لكن لو ظبطوه ممكن يرجع تاني
                            وربنا يعوض عليك
                            وانا عموما عامل موضوع للكريستاله مخصوص ولو محتاج اي حاجاه انا تحت الامر
                            وياريت متحاولش تعمل حاجه تاني علشان دي كلها فلوس علي الفاضي
                            جزاك الله خيرا يا أخ هيما على مشاركتك .. ان شاء الله اروح لمركز الصفا ده و ربنا المستعان .

                            Comment

                            • #15
                              متابع معاكوا بإهتمام

                              وإن شاء الله المشكلة تحل سريعا
                              [CENTER][U][FONT=Courier New]D . a . \ A Y M A N[/FONT][/U][/CENTER]
                              [CENTER][U][FONT=Courier New]A . S . Y[/FONT][/U][/CENTER]

                              N.Y.S.M.A سابقاً

                              Comment

                              السابق 1 2 template التالي
                              Working...
                              X