السلام عليكم مشكلة فى ثرموستات الحرارة

[giuoshe]

السلام عليكم ورحمة الله

دى أول مشاركة ليا / أنا عندى مشكلة فى ثرموستات مروحة التبريد الثرموستات كانت بتشتغل على 85 وبتفصل 80 - مرة واحدة لقيتها بتشغل على 92 وتفصل 90 جبت واحدة تانية 68/85 وركبتها اشتغلت على 92 وفصلت 90 على فكرة لعربية لادا سمارا 2115 مو 2007 ياريت لو حد يعرف يجاوبنى

[SAMEH_FOUAD]

اتاكد من مباة الردياتير والقربة انهم مليانين

[giuoshe]

الاتنين مليانين المشكلة ان الثرموستات القديم والجديد شغالين 90/92 وهما المفروض 68/85

[samirayad]

أعتقد حتحتاج تغير سلك تلقيط المروحه الواصل من الثرموستات للمروحه

[sab3aawy]

احتمال كبير ان الردياتير يكون شبه مسدود، لأن الثرموستات بيتحط فى ابرد نقطة فى الدايرة فى قاع الردياتير والحساس بيتحط فى اسخن نقطة فى الدايرة فى وش السلندر ، فلو حصل سدد فى الردياتير فبيخلى سريان المية بطئ جدا مما يؤدى الى ان الكمية البسيطة اللى بتعدى تبرد بشدة ثم تعود لتسخن بشدة فى المحرك، وده بيخلى الحرارة عند الحساس تكون عالية جدا وعند الثرموستات تكون واطية جدا فيحدث ان الثرموستات مليقطش غير لما الحرارة عند الحساس تعدى التسعين لأن الثرموستات شايفها عنده 60

السبب التانى اللى ممكن يؤدى الى ضعف سريان المياه ونفس النتيجة هو تلف جزئى او تآكل بطرمبة المية وده ممكن الكشف عليه بفك طرمبة المية ومعاينتها بالعين

[giuoshe]

السلام عليكم ورحمة الله وبركاتة
متشكر جدا على الرد سبعاوىوأسف على التأخيبر فى الرد بس انا عندى فى العربية 2 ثرموستات واحد فى الردياتير ودة الأصلى بتاع العربية وحرارتة 90/102 أما الثرموستات الثانى الي بسأل علية فدة فى كوعة المية وهما فى التوكيل بيعملوة تعديل علشان احنا هنا لوشوفنا حرارة العربية 100 درجة طبعا هنتخض هودة دة الي أنا بغيرة لما بيبوظ هل دة ينطبق مع كلام حضرتك والدياتير يكون مسدود

[tananybasha]

ممكن يكون العداد بيهيس عشان تتأكد هات واحد 68/75 و اتأكد لو نفس الدرجة يبقى العداد هو اللى فى حاجة و بيقرا درجة الحراره غلط من الموتور

[wardet]

هو عامة اعتقد انه عادى يعنى مفيش مشاكل لما يشتفل 90/92

[aid904]

"أعتقد حتحتاج تغير سلك تلقيط المروحه الواصل من الثرموستات للمروحه "
المشكله دي حصلتلي وفعلا اتحلت زي ما نصحني الباشمهندس سمير لما غيرت المروحه و السلك بتاعها بس للاسف رجعت تاني بعد 3 اسابيع
وعلشان كدة انت فعلا لازم تتاكد من طرمبه الميه انها تعمل بكفاءة وان الريداتير سالك زي ما قال المهندس سبعاوي
بس انا احب اضيف حاجه كمان يا ريت تراجع على حساس الحرارة وتتأكد انه كويس وانه مش عليه صدأ مثلا يقلل حساسيته

[aid904]

اه كمان نسيت حاول تقيس درجه حرارة الميه في الريداتير أو القربه بترموتر عند حد بتاع ريداتير علشان تعرف ان العداد سليم ولا بيخرف

[giuoshe]

السلام عليكم ورحمة الله وبركاتة
متشكر ياجماعة على المشاركة بس فى حاجة انا نسيت اوضحها هى ان كل دة ظهر لما ركبت تكيف للعربية هلى دة لية تأثير ولا لاء

[gebreel]

متابع

[giuoshe]

استاذ supriorboy حضرتك معاك نفس العربية

[gebreel]

اه بس مبسوط و زعلان

[gebreel]

انا حابب اعرف حضرتك ركبت التكييف فين و بكام و اخباره مع العربية ايه و موديل العربية كام؟!