السلام عليكم مشكلة فى ثرموستات الحرارة

[giuoshe]

مو 2007 والتكيف عامل 3000 ج وركبتة تبع شركة الأمل عند واحد اسمة م/ عمرو فايز .....
هو انت العربية مفيهاش تكيف

[gebreel]

للاسف لأ، بس انت ركبته تبع شركة الامل يعني في التوكيل ولا واحد كان شغال في التوكيل؟!
و اثره بالنسبة لسحب العربية ايه؟ و تبريده اخباره ايه؟! لاني فعلا بفكر جديا اركبو لاني فعلا بشيط و خصوصا مع بعض المشاكل في ظهري فالعرق و الهوا بيبهدلوني فبقى اساسي عندي
و ياريت كمان اعرف هو ياباني ولا روسي ولا ايه؟!
شكرا مقدما

[giuoshe]

انا مقدرش اقول اخبارة اية علشان لسة مركبة من اسبوعين بس الي مركبينة مبيشتكوش من حاجة بس انا بحب ادقق فى كل حاجة بس الميكانيكية بتوع التوكيل كانو بيقولو بلاش اركب تكيف بس مينفعش عربية من غير تكيف دلوقتى .

[giuoshe]

هو التكيف سنغافورى ومتركب تبع الامل انا روحت ودفعت الفلو س عندهم وخت كارت تركيب لل م/ عمرو فايز
اما بالنسبة للسحب فمتغيرش كتير بس طبعاً التكيف حمل على الموتور بس العربية بسحب والحرارة مع التكيف مذادتش عن 95 بس دة فى الزحمة اما والطريق فاضى 90
بس انا عندى سؤال ؟ هو انت عامل تعديل الحرارة بتاع العربية فى التوكيل ولا مش عاملة خالص

[gebreel]

و الله العربية روسي موديل 2004 انا كنت شاريها مستعملة و اللي اشترتها منو قال انو راح حمدي لادا اللي في طريق السويس تقريبا علشان يعمل التعديل الشرق اوسطي انا مش عارف بقى مدى صحة الكلام ده لو تقولي هو شكله ايه و فين اقولك على طول

[giuoshe]

هو عبارة عن خرطوم مية أسود وتخين متركب فية ثرموستات تحت فلتر الهوا وواخد الكهرباء من فردة كهربة البطارية
بس ممكن نعرف من غير كدة متعدلها ولا لاء هو انت المروحة بتشتغل على درجة حرارة كام

[gebreel]

هي بتشتغل عند الشرطة اللي قبل ال90 بس فيه حاجة غريبة قوي عندي انا شايفها ان المروحة بتشتغل فترة قصيرة اوي و بعد فترة اققصر بترجع تشتغل تاني يعني بتفصل قبل ماتبرد الموتور و تشتغل تاني علشان تكمل
الموضوع ده حصل لما غيرت الثرموستات بتاع العربية لكن قبل كدة كانت بتشتغل عند نفس المكان و تفضل شغالة زي اي عربية لحد ماتبرد الموتور و بعدين تفصل
تفتكر دي مشكلة في ايه يا باشا؟!

[future_aya]

اود ان اؤكد انة لا خوف من درجة حرارة 92 التى تعمل عندها المروحة لتصل الحرارة الى 85 .... ففى دائرة التبريد المغلقة التى بها قربة مياة وتسمى closed system لا خوف من درجة الحرارة 92 وانا اؤكد لك بانة لا خوف من درجة الحرارة 92
مع رجاء استخدام مياة التبريد الموصى بها والتاكد من ان الشد فى سير طلمبة المياة مناسب وغير متراخى
وبالعين المجردة فى قربة المياة يمكنكم التاكد من ان الرادياتير نظيف ودائرة المياة طبيعية او بمساعدة فنى ردياتير

وشكرا
Future_aya

[giuoshe]

متشكر يا جماعة الحمد لله أنا غيرت الثرموستات وطلع العيب فية