إعـــــــلان

Collapse

.

,
See more
See less

تصفير متكرر عند الفرامل - و سزال عن الدبرياج !

Collapse
X
Collapse
 
  • Page of 2
  • Filter
  • الوقت
  • Show
Clear All
new posts
السابق 1 2 template التالي
  • #1

    تصفير متكرر عند الفرامل - و سزال عن الدبرياج !

    من حوالي شهر , السيارة كانت بتصفر صفارة اوتوبيس عام لما افرمل ... و صوت انكماش حديدي كدة , كنت في التوكيل .. قالولي تيل فرامل و طنابير !! ( العربية كانت عاملة ساعتها 23 الف كيلو )

    المهما سألت على اسعارها في التوكيل .. التيل الأمامي بي 300 جنيع و 2 طنابير بي 600 !

    طبعا نفضت ... ورحت بعدها بأسبوع للعفشجي الي اعرفة ... قالي تيل بس ...

    رحت شارع دمشق لقيت في 3 انواع لعربيتي

    نوع تركي بي 45 جنيه
    نوع ايطالي ( Eurogold ) ب 80 جنيه
    ونوع الماني ( MEYLE ) ب 120 جنيه

    انا قلت اخليني في النص و جبت ابو 80 و الراجل قالي انه هو هو المايلي بالظبط

    المهم رجعت للعفشجي .. ادي التيل ياعم .. فك و جاب صنفرة .. و صنفر الطنابير ( كان لونهم بني كدة مسود .. بقو فضي لامع بعد الصنفرة ) المهم ركب التيلين .. ( كانوا دايبين فعلا )

    هوب نقوم نجرب .. طبعا كانت الفرامل ضعيفة شوية علشان مطبعتش ... شوية شوية مسكت ..
    المهم عايز كام .. 20 جنيه .. ماشي .. سلام

    مفيش 3 ايام بعدها ... جيت افرمل .. نفس صوت الصفارة رجع !!! بنقس الحدة !

    الغريب اني لو مشيت بسعرة مسافة .. يعني على الدائري و جيت افرمل .. مفيش صوت خــــــالص ! انما لو على الهادي كدة في اشارة و لا حاجة ! اوتوبيس نقل عام !

    العفشجي بص تاني .. صنفر تاني .. قالي لأ .. التيل وحش !!

    انا بصراحة مش فاهم .. و محتاج مساعتدكم يا خبراء .. اعمل ايه ؟ علشان غير كمان الصوت .. انا خايف لآني انهاردة كنت على منزل اكتوبر . و جيبت افرمل .. اتشاهدت على روحي و انا بلاقي عربيتي بتقف بصعوبة جدا كنت حلبس فيلي قدامي ...

    ثانيا .. انا من هواة الدبرياج جدا !! الله يسامحه الي علمني سواقة .. اي حاجة دبرياج ! عايز افرمل عايز اهدي عايز الف .. دبرياج !!

    وانا شايف ان في مدرستين او 3 في الموضوع ده !

    ناس تقولك لآ .. مور وانت ماشي !! و من قراءتي لبعض المجلات الآمريكية . قالوا ان ده خطر جامد جدا و خطأ شائع !

    و ناس تقولك . لآ فرمل بدون دبرياج .. ولو حتبطل منك تدوم دايس دبرياج .. غير كدة متستعملوش خالص !

    و ناس تالتة قالتلي الي انا بعمله دا عادي !!

    انا بقالي 26000 كيلو بسوق وبستعمل الدبرياج كتيييييييييييييييير جدا ! في كل حاجة .. بس الحمد الله سليم مفيهوش حاجة ... انهي بقى الصح يا جماعة ؟؟؟

    شكر مقدما
    الكلمات الدلالية (Tags): 20, corsa, opel, opel corsa, اسعار, التو, التوكيل, الجديدة, الدبرياج, الفرامل, الي, بدون, تصفير, تغيير, توكيل, تيل, تيل فرامل, جماعة, حوادث, دبرياج, سامح, سزال, سعر, سيارة, شار, شارع دمشق, صاج, صوت, ضمان, طنابير, عايز, عربية, عمرة, عن, عند, عيوب, غيار, فرامل, فرامل اليد, في, فيديو, قطع, قطع الغيار, قطع غيار, كل, متكرر, مع, من, نوع تيل الفرامل, هي, وكيل
  • #2
    ممكن يكون نوع التيل وحش يا كريم او مضروب في الفرامل بالذات هات اغلي تيل موجود و الالماني دا حتلاقيه كويس.
    بس عاوز اسالك الصفره دي ايمه ولا لاء ؟
    مهو ممكن يكون فيه ميه او جاز جت علي الطنابير من الغسيل او من الشارع هيا اللي تخليها تطلع الصوت دا.
    بالنسبه للدبرياج بقي في انا عن نفسي بستعمل الطريقتين
    لما بتبقي الدنيا هاديه و ماشي براحتي باجي قبل المطب مثلا امور العربيه و اهدي بالفرامل بس لحد ما اعدي المطب و بعدين اعشق تاني.
    في الظروف الصعبه او لو عاوز الفرمله تبقي قوتها احسن بدوس علي الفرامل الاول استفيد من قوه الفرامل و قوه الموتور و هو متعشق و بعدين في الاخر اضغط دبرياج.
    بس غموما غلط انك تستغعمل الدبرياج علي طول علشان الاسطوانه .

    Comment

    • #3
      +100000 ليك يا حازم
      [CENTER][sor2]http://www2.0zz0.com/2012/03/20/06/448963560.jpg[/sor2]
      [FONT=Book Antiqua]TAHOE THE LEGEND[/FONT]
      [/CENTER]

      Comment

      • #4
        شكرا يا حــازم بجد !!

        غالبا كدة حجيب الألماني ده , لأ الصوت دائم يا حازم بقالو كام يوم .. انا فاهم قصدك بحكاية الماية و الجاز .. بس اعتقد دع شكله تيل مضروب !

        بالنسبة لحكاية الدبرياج , انا بقيت احاول اهو اقلل منه :)
        ولقيت كام فيديو على جوجل كدة بينصحك اذاي تحافظ عليه .

        طب بس كدة الطنابير سليمة ؟؟ و هل طبيعي اني اغير تيل او حتى طنابير عند 26 ولا لأ ؟

        شكرا تاني يا حازم

        Comment

        • #5
          انا عندي نفس المشكلة مع اني جايب تيل جي ام اورجينال ب 130 جنيه و طنابيو جديدة اورجينال جي ام !!!

          ولا بغسل العربية الا كل فين و فين !!!

          Comment

          • #6
            المشاركة الأصلية كتبت بواسطة CryptonX
            شكرا يا حــازم بجد !!

            غالبا كدة حجيب الألماني ده , لأ الصوت دائم يا حازم بقالو كام يوم .. انا فاهم قصدك بحكاية الماية و الجاز .. بس اعتقد دع شكله تيل مضروب !

            بالنسبة لحكاية الدبرياج , انا بقيت احاول اهو اقلل منه :)
            ولقيت كام فيديو على جوجل كدة بينصحك اذاي تحافظ عليه .

            طب بس كدة الطنابير سليمة ؟؟ و هل طبيعي اني اغير تيل او حتى طنابير عند 26 ولا لأ ؟

            شكرا تاني يا حازم
            ma3lesh 7akteb bel 7erouf el english 3ashan el 3araby sa3b 3alaya :?

            El mohem 2ana teel faramel GM 2a3ad ma3aya sana bel zabt :D 7awaly 9,000 ... 2ana opel corsa wa dah tab3an beytna7al 3ala 7asab sewa2tak..... ya3ni range el ta3'yeer beyb2a 3ala 7asab sewa2tak.... mate2darsh te2ool momken yo3od ad eih awy...

            Lama tigi teshtery el teel et2aked eno smooth wa et2aked men sena3to, wa 2es2al kaza ma7al wenta betgeeb... wa bel zat el faramel 2ew3a testar5as feeha!!

            Soot el sofara momken yeb2a el teel 3ayez yetnadaf, roo7 5aly el mekaniky ely rakeb yendafo wa garab, manafa3sh yeb2a enta 3awez wa7ed gedid...

            Ama bel nesba lel tanabeer, moshkeltak moush 3eeeb tanabeer, howa lel 2asaf, shaklak estaneet keteer 3ala bal ma 3'ayart el teel, ya3ni el 7adeeda beta3et el teel kanet 3amala takol fel tanaber, el mafroud awel matla2y sofara fel faramel tekshef 3aleeha teel wala tandeef, wa dah 7aytawel 3omr el tanabeer.....

            2argo eny 2akoun sa3edtak!! Goodluck

            Comment

            • #7
              يا مرحب يا مرحب ب فولكانووو !!!

              فينك يا مان ؟

              واحشني :lol: :lol:

              Comment

              • #8
                والله يا فولكانو تعبتنى على ما قريت اللى كتبته
                ولو عاوز كلامك ينقرى حاول تكتب بالعربى نصيحة من اخوك

                Comment

                • #9
                  Re: تصفير متكرر عند الفرامل - و سزال عن الدبرياج !

                  المشاركة الأصلية كتبت بواسطة CryptonX


                  وانا شايف ان في مدرستين او 3 في الموضوع ده !

                  ناس تقولك لآ .. مور وانت ماشي !! و من قراءتي لبعض المجلات الآمريكية . قالوا ان ده خطر جامد جدا و خطأ شائع !

                  و ناس تقولك . لآ فرمل بدون دبرياج .. ولو حتبطل منك تدوم دايس دبرياج .. غير كدة متستعملوش خالص !

                  و ناس تالتة قالتلي الي انا بعمله دا عادي !!
                  ليه غلط إني أمور الفتيس و أنا ماشي ؟؟

                  بالنسبة للفرامل , كان المفروض إنك تجيب أحسن نوع من الأول , علشان ممكن لو نوع التيل وحش يبوظلك الطنابير - حتي لو مابيعملش صوت - , ده غير إن الفرامل لازم دايما تكون زي الفل , ما ينفعش فيها قطع غيار نص نص .

                  Comment

                  • #10
                    المشاركة الأصلية كتبت بواسطة hazem_khidr
                    في الظروف الصعبه او لو عاوز الفرمله تبقي قوتها احسن بدوس علي الفرامل الاول استفيد من قوه الفرامل و قوه الموتور و هو متعشق و بعدين في الاخر اضغط دبرياج.
                    بس غموما غلط انك تستغعمل الدبرياج علي طول علشان الاسطوانه .
                    10+

                    MMamdouh
                    [CENTER]What is the difference between ignorance and apathy?...I don't know & I don't care[/CENTER]

                    [CENTER][SIGPIC][/SIGPIC][/CENTER]


                    [SIZE=6][marq="3;right;3;scroll"]اللى ميعرفش... يقول هجس[/marq][/SIZE]

                    [marq="Error"]what goes around... comes around[/marq]


                    [CENTER][URL="http://www.cardomain.com/ride/567267"]MMamdouh's Lanos on CarDomain
                    [/URL][/CENTER]

                    [URL="http://www.nilemotors.net/Nile/showthread.php?t=85421"]
                    [/URL]

                    Comment

                    • #11
                      شكر ليك يا فولكانو , و شكرا لكل الي شاركو ! و شكرا للتاكيد يا استاذ ممدوح

                      انا حنزل اجيب الطقم الألماني الأصلي انهاردة انشاء الله .

                      Comment

                      • #12
                        غير التيل و هات النوع النضيف الغالي ابو 300 جنية في التوكيل(مانت كدة كدة برضة لو حاتغير طنابير حاتجيب التيل تاني برضة علشان الطنابير الجديدة ماتبظش)

                        و نضف الطنابير و صنفرها بصنفرة حديدي ناعمه

                        و ركب التيل و شوف بعد يومين الصوت حايمنع و للا لأ

                        لو مامنعش يبقى غير الطنبورتين كمان

                        Comment

                        • #13
                          المشاركة الأصلية كتبت بواسطة modux
                          يا مرحب يا مرحب ب فولكانووو !!!

                          فينك يا مان ؟

                          واحشني :lol: :lol:
                          و أنت كمان و الله :lol:
                          المشاركة الأصلية كتبت بواسطة ابوحميد
                          والله يا فولكانو تعبتنى على ما قريت اللى كتبته
                          ولو عاوز كلامك ينقرى حاول تكتب بالعربى نصيحة من اخوك
                          معلش يا باشا أنا أسف و الله بس كنت عايز أكتب كتير و أنا بكتب بشويش أوى بالعربى :?

                          Comment

                          • #14
                            انا من هواة الدبرياج جدا !! الله يسامحه الي علمني سواقة .. اي حاجة دبرياج ! عايز افرمل عايز اهدي عايز الف .. دبرياج !!

                            وانا شايف ان في مدرستين او 3 في الموضوع ده !

                            ناس تقولك لآ .. مور وانت ماشي !! و من قراءتي لبعض المجلات الآمريكية . قالوا ان ده خطر جامد جدا و خطأ شائع !

                            و ناس تقولك . لآ فرمل بدون دبرياج .. ولو حتبطل منك تدوم دايس دبرياج .. غير كدة متستعملوش خالص !

                            و ناس تالتة قالتلي الي انا بعمله دا عادي !!

                            انا بقالي 26000 كيلو بسوق وبستعمل الدبرياج كتيييييييييييييييير جدا ! في كل حاجة .. بس الحمد الله سليم مفيهوش حاجة ... انهي بقى الصح يا جماعة ؟؟؟
                            متستعملش الدبرياج غير لما تدور العربية ولما تنقل من غيار لغيار وعند التهديه قبل وقوف العربية.

                            اما بخصوص التيل ةالطنابير فمتسترخصش في الحجات دي لان الخامات بتختلف والفرامل من اهم اجزاء العربية.
                            [CENTER][COLOR=Red]لأي استفسار أو شكوى بخصوص الإدارة والإشراف والدعم الفني، يرجى المراسلة على:[/COLOR]
                            [/CENTER]


                            [RIGHT][CENTER][COLOR=Navy][B][EMAIL="nilemotors.all@gmail.com"]Nilemotors.all@gmail.com[/EMAIL][/B][/COLOR][/CENTER]
                            [/RIGHT]

                            Comment

                            • #15
                              سوري يا كريم نسيت اقولك ان لو الطنابير تعبانه و انت بتدوس فرامل حتحس برعشه في الدوايسه تحت رجلك ساعتها تعرف ان الطنابير دي وحشه

                              Comment

                              السابق 1 2 template التالي
                              Working...
                              X