مشكلة تعبتنى نفسيا !!!.

[midoshack]

إخوانى الكرام
السلام عليكم ورحمة الله وبركاته

عندى عربية هيونداى النترا 97 اوتوماتيك ،،

فيها مشكلة غريبه ما فيش ميكانيكى عرفها وهى ان العربية لما بتسخن وامشى بيها مسافة موش كبيرة..
ابطل واجى ادور لازم وحتما ولا بد استنى عليها عشر دقايق علشان تدور
وطبعا المشكلة دى بتخلى شكلى وحش جدا لما بكون بمون بنزين وبعطل الناس ورايا وبأضطر اشوف حد وندفعها لخارج البنزينه ..
المرجو من اخوانى اصحاب الخبرات والمهندسين الرد عليا ويا ريت يكون رد قاطع فضلا وليس امرا
لانى تعبت من اللف على الميكانيكيه وعاوز ياريت حل جذرى للمشكلة دى..
وبارك الله فيكم مقدما ومشكورين كل الشكر

[aymansaad]

عيب مارش انا كنت نفس المشكلة وكان المارش هو السبب

[midoshack]

اشكرك بشده اخى ايمن ،،طب فى الحالة دى لازم كدا اغير المارش ولا اعمل ايه ؟؟ وهل كانت عندك نفس العربيه او اوتوماتيك ؟؟

[samirayad]

أكشف على البوبينا لما العربييه تعمل مشوار وتسخن وتبطل ومترضاش تدور معاك
لو بردت البوبينا بفوطه مبلوله ودارت على طول يبقى هى السبب

لو مفيش نتيجه أيجابيه يبقى

عيب مارش

وحتحتاج تغير جلب المارش وخصوصا الأماميه

[midoshack]

تسلم ايدك اخى الكريم ابو احمد
العربية ولله الحمد ما بتبطلش معايا وهيا سخنة حتى لو مشيت بيها مسافة وفى عز الحر والحمد لله لكن لو بطلتها من الكونتاكت يبقى لازم استنى عشر دقايق على الاقل واعتقد كما تفضلت احتمال البوبينا محتاجه تبرد شويه ..بس معلش سا محنى لو حبيت اعمل التجربة اللى قلت عليها انى ابرد البوبينا ممكن تقولى مكانها فين بالظبط ..وليك الاجر والثواب عند الله..

[M.FOUAD]

ممكن يكون الاتوماتيك بتاع المارش بس اللي عايز يتغير

[samirayad]

العربية ولله الحمد ما بتبطلش معايا وهيا سخنة حتى لو مشيت بيها مسافة وفى عز الحر والحمد لله

ما أنا فعلا عارف أن ده قصدك
بس ممكن لما أنت تبطل العربيه (زى موقف البنزينه مثلا )
والبوبينا كانت ساخنه زياده عن الازم
ممكن يحصل عدم توليد فولت جيد كافى لتوليد شراره مع الدواره الجديده

عموما مش حنخسر حاجه أما نجرب موضوع البوبينا قبل المارش

وأعمل الآتى

1- هات فوطه صفراء مبلوله بالماء بعد ماتبطل أنت العربيه
وطبعا أعصرها برضه
2- حط الفوطه على جسم البوبينا من بره بهدف تبريدها لمده دقيقه أو أثنين مثلا وبعد كده جرب الدواره

وموضوع المارش أهو معانا فى الحسبان

والبوبينا هى اللى طالع منها الكابل التخين اللى رايح لنصف وش الأسبراتير
وبتبقى سوداء غالبا

[midoshack]

يا سلام عليك يا ابو احمد اكرمك الله
انا هاجرب وان شاء الله هارد عليكم ويكون خير بإذن الله
واشكرك لاهتمامك واشكر كل من اهتم ووضع رد
جزاكم الله خير الجزاء

[samirayad]

الله يخليك وبالتوفيق وأدى شكل بوبينا وجايبلك منظور من الداخل


الكابل اللى فوق ده اللى رايح لوش الأسبراتير (كبل الضغط العالى اللى رايح للأسبراتير )

المكتوب عليه high - voltage coil cable

[midoshack]

روعة ما شاء الله شغل احترافى سلمت يداك وسلمت اخى الحبيب ابو احمد

[samirayad]

الله يخليك
وأدعو الله أن يوفقك وتصل الى ماترجوه

[midoshack]

السلام عليكم ورحمة الله وبركاته

عدنــا والعود احمد
احبتى الكرام مهندسنا الغالى ابو احمد
اليكم اولا مشكلتى حتى نتذكر سويا الاحداث

عندى عربية هيونداى النترا 97 اوتوماتيك ،،

فيها مشكلة غريبه ما فيش ميكانيكى عرفها وهى ان العربية لما بتسخن وامشى بيها مسافة موش كبيرة..
ابطل واجى ادور لازم وحتما ولا بد استنى عليها عشر دقايق علشان تدور
وطبعا المشكلة دى بتخلى شكلى وحش جدا لما بكون بمون بنزين وبعطل الناس ورايا وبأضطر اشوف حد وندفعها لخارج البنزينه ..
المرجو من اخوانى اصحاب الخبرات والمهندسين الرد عليا ويا ريت يكون رد قاطع فضلا وليس امرا
لانى تعبت من اللف على الميكانيكيه وعاوز ياريت حل جذرى للمشكلة دى..
وبارك الله فيكم مقدما ومشكورين كل

قمت بعمل زيارة للسيد الكهربائى وسالته عن البوبينا وقال ان عربيتى ما فيهاش بوبينا وقلت له على المشكله وقال لى الرداغ فيه مشكلة وروحت للميكانيكى وقال لى عربيتك مافيهاش رداغ قلت له امال فيها ايه
المهم شرحت له المشكله وقال لى ان السبب هو طرمبة بنزين كهرباء
المهم زهقت من كتر الفتاوى ورجعت لكم تانى وارجوكم من لديه الحل الاكيد او يعلم السبب الرئيسى لا بيخل على ..والف شكر للجميع
وتحياتى

[pro_samir]

هيا لو مشكلة طرمبة البنزين مش هيكون ليها علاقة بإن العربية تبرد علشان تدور ، لكن هتغيب شوية فى التدوير بس علي ما البنزين يوصل للموتور .. والله أعلم

[samirayad]

السلام عليكم ورحمة الله وبركاته

عدنــا والعود احمد
احبتى الكرام مهندسنا الغالى ابو احمد
اليكم اولا مشكلتى حتى نتذكر سويا الاحداث


قمت بعمل زيارة للسيد الكهربائى وسالته عن البوبينا وقال ان عربيتى ما فيهاش بوبينا وقلت له على المشكله وقال لى الرداغ فيه مشكلة وروحت للميكانيكى وقال لى عربيتك مافيهاش رداغ قلت له امال فيها ايه
المهم شرحت له المشكله وقال لى ان السبب هو طرمبة بنزين كهرباء
المهم زهقت من كتر الفتاوى ورجعت لكم تانى وارجوكم من لديه الحل الاكيد او يعلم السبب الرئيسى لا بيخل على ..والف شكر للجميع
وتحياتى

من رأيى يا أخى
أنك تشوف كهربائى غيره
لأن واضح أنه ملوش فى العربيات
ومفيش عربيه مفيهاش بوبينا

وأفتكر أننا تناولنا المشكله دى قبل كده
وقلت لحضرتك
يا البوبينا بتسخن ....يا جلبة المارش بتقفش مع السخونه

[midoshack]

يا البوبينا بتسخن ....يا جلبة المارش بتقفش مع السخونه

اشكرك للتوضيح اخى الحبيب..انا فتحت الكبوت وبصيت ما لقيت شكل البوبينا اللى كنت واضعها حضرتك ..وعلشان كدا انا صدقت الكهربائى ويمكن يكون ليها شكل تانى ..عامة هاشوف كهربائى غيره والله المستعان..
وبارك الله فيكم للمساعدة وجزاكم الله خيرا