حاجة غلط في الفتيس الاتوماتك؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Mahmoud_405]

السلام عليكم...
من حوالي اسبوع روحت غيرت كابل ال kickdown بناع الفتيس الاتوماتك وكمان غيرت زيت وفلتر وكان كلو تمام بس ولما اجي اهدي بيبقي فية رعشة في النقل العكسي مابين التاني والاول... روحت لمركز صيانة تاني قاسلي الزيت لاقاه عالية فسحب منة شوية والرعشة خفت بس لسة موجوده ...قاللي عادي ده فايز الزبت بتاع الفتيس وحتروح مع الوقت..... بس مارحتشي.....قولت تشوف الزيت .... لاقتو زياده بس المرادي زياده خفيفة..... روحت لبتاع زيت علشان يقللو... الزيت بقي قليل (مابين ال max و ال medium ) اصل انا عندي 3 علامات في مقاس الزيت بتاع الفتيس....... برده لسة فية رعشة؟؟؟؟

مش عارف ده اية...مع العلم ماكنتشي موجوده قبل ما اغير الزيت والفلتر والكابل....وكمان حاجة الرعشة مابتجيش الا لما اكون ماشي بسرعة واهدي انما لما اكون ماشي اقل من 60 كيلو مابتجيش خالص!!!!!!!!!!!!!!!!!!!!!!!
ارجو الافاده من خبراء الفتيس الاتوماتك
وشكرا

[hazem_khidr]

يا تري الكاوتش بتاعك كويس ولا في فرده بايظه؟؟؟
جبت زيت فتيس نوعه ايه ؟؟

[Heshaam]

ممكن المشكلة في كابل الكيك دون

[zeyad1810]

انا حصلى مرة موضوع الرعشة بعد سرعة 70 كيلو واكتشفت ان المشكلة عنى فى الكاوتش لما غيرتة الرعشة راحت

[Mahmoud_405]

جبت زيت فتيس موبيل والكازتش عندي سليم..............اروح تاني اشوف اية المشكلة ولا اسبها وهي حتروح مع الوقت

[hazem_khidr]

لا روح اكشف احسن لو متاكد ان كاوتشك كويس و زيت فتيسك كان كويس مش منتهي الصلاحيه

[Mahmoud_405]

انا روحت لمهندس كويس وقالي ده فايز الزيت....حاجة عادية وحتروح مع الوقت....بس انا برده مش مستريح؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

[Heshaam]

زي ما أ. حازم قالك كده فوق اكشف عليه في التوكيل أو أي مركز معتمد. عشان تتجنب أي تفاقم لمشكلة ممكن تكون بسيطة أوي

وإن شاء الله خير

[Mahmoud_405]

الف شكرا ياجماعة علي الردود

[Adham]

حاول توصف اكتر ازاي الرعشة دي بتحصل و بتحس بيها ازاي هل هيه في العربية كلها و لا بتحس بيها في الدواسة بتاعه البنزين و لا في الدركسيون؟؟؟؟

و جرب كويس هل على كل الغيارات او اثناء الغيار العكسي بينهم كلهم وللا في غيار معين

و ياريت تتأكد من نوع الزيت و اذا كان زيت تمام و للا مضروب و الفلتر (الصفاية) هل اصلي و للا اية

[Mahmoud_405]

الفلتر اصلي ... والزيت موبيل....بص ياادهم باشا.. العربية من الثبات وانا بزود السرعة كلة تمام مفيش اي حاجة لكن لما اهدي لحد 20 كيلو ترعش رعشة بسيطة ولو هديت اكتر الرعشة تروح لكن لو زرد بنزين اثناء الرعشة تزيد اكتر والعربية تكركر لحد 4- كيلو بعد كده عادي!!!!!!!!!!!!!!! حاجة غريبة ؟؟؟ الرعشة بسيطة جدا ذي الرعشة بتاعت العربية المانيوال لما تكون طالع بالعربية من غير ماتكون دايس دبرياج بنحس ان العربية حتبطل لكن مبتبطلشي!!!!!!!!!!!!!!!!!!!!!!!!!!!!!!!!!!!!

[Mahmoud_405]

سوري اصدي من غير ماتكون دايس بنزين

[Adham]

متهيألي و الله أعلم ان العربية مش بتسقط غيار, يعني لما انت تمشي على 60 و العربية ماشية عالثالث, انت لو هديت ل 40 العربية مش بتنزل للغيار التاني و بتفضل عالتالت علشان كدة الغيار بيبقى عالي عالموتور و حمل علية فلازم تهدي اكتر علشان تاخد الغيار التاني, لكن لو دست بنزين مش حاتسقط التاني

يبقى كدة انت كل اللي محتاجة ان سلك الكيك داون يتشد شوية, و تتأكد منها انك تبص عالار بي ام لما تلاقي الرعشة دي, لو لقيتة واطي قوي معناة ان كدة فعلا العربية لسة عالتالت, و لو دست بنزين جامد شوية لما تعمل كدة لو سقطت التاني حاتلاقي الكيك داون سقط التاني و الار بي ام علي لأن العربقية سقطت التاني, جرب و شوف, و لو كدة ارجع للميكانيكي يشد سلك الكيك داون

و الله أعلم

[Adham]

وممكن برضة تتأكد لما تحصل الرعشة انك تنزل العصاية عالغيار التاني2 و ساعتها حاتلاقي ان RPM ارتفع و العربية سحبت كويس و الرعشة راحت و لما توصل لل50 مثلا ارفع العصاية عالغيار التالتD3 او عال D

[OsKaR]

ممكن المشكلة في كابل الكيك دون

+1