كاستم ولا ريس

[just_Welah]

طيب يا جماعه انا متعقد من الهوندا فا بفكر في سوزوكي او كوازاكي علشان اانا عاوز موتسيكل تقيل علي الطريق وبصراحه شايف ان الهوندا اخف موتسيكل موجود وطبعا عارف انه هو رقم واحد في المبيعات والانتشار وعارف ان باقي الانواع تقيله في بيعها عنه,, وفي نفس الوقت مش عاوز اجيب موتسيكل لو حاجه حصلتله لاقدر الله وده شيء وارد اتعب علي ما الاقي قطع الغيار بتاعته بس علي حسب علمي ان فيه ناس متخصصه في كل نوع يعني فيه واحد صاحبي عنده سوزوكي بيقولي ان اي حاجه عاوزها بيروح علطول علي واحد معين عنده كل حاجه للسوزوكي هل الكلام ده صحيح ولا بس بيسهلي الموضوع ياريت من تجربتكم وخبرتكم اقدر اوصل للشيء المناسب

نسيت ارد علي باقي النقط
اه اللي انت عايزه اجبهولك بس حاسب علي الشحن بالقطعه
ده االلي هتسمعه اما تشتري حاجه ملهاش قطع غيار ولو كداب حد يتكلم ويقولي ومش هزعل
في فمصر قطع غيار لسوزوكي ويايماها بس مش كل الموديلات
كوزاكي بلاش اه مكنه 10/10 بس بتراب الفلوس مفيش قطع غيار في مصر خاالص لازم من بره ثانيا اعلي حرق فيها فالماتور مش بيعمر ولا قطع الغيار

ممكن تعدل لو مش موجود اجيب حاجه شبها لهوندا بس ساعتها مع الوقت زي ماكون راكب مرسيدس وركبت قطع غيار بيجو تلاقيها فجاه بقت 127 مع احترامي اركاب ال 27
ده فكر وده فكره واللي مش فاهم خسران

[just_Welah]

يعني ماينفعش في المسافات الطويله ؟؟

100 200 كيلو مش سفر محتاج كاستم علي فكره اعتبره مشوار طويل بالريس ساعه الا او ساعه ونص

الكاستم بره للمسافات الطويله اللي بتتقاس بالساعات والايام مش بالدقايق زي ال 100 وال 200 كيلو . بعدين الريس متعه انسيابيه رهيبه تحسه بيعمل اللي انت بتفكر فيه مش الي بتفولوا اعمله

cbr 400 فاير ده اقتراحي ليك فيه واحده في المنتدي علي 17 هو كاتب حاله حلوه اوي عايز الهايبوزا سبيشيل اوردر دي تاخد ال 200 كيلو في 40 دقيقه صح بس ادفع بقي يا مدحت

عايز الستريت فايتر اللي علي مصراوي والله المكنه دي مكنه شرطه و ال 22 الف اللي كاتبهم دول 4 مرات تمنها الحقيقي والميه تكدب الغطاس هخلي اللي يجبها يسلمهالك نفس الشكل ومش هتكسر ال 7000

[KHALED2010]

ايوه انا شفتها فعلا على مصراوى

[yassermax]

الف شكر علي ردك الوافي وبصراحه افدتني فعلا بس انا النقطه اللي كنت بتكلم فيها علي مكنه ثقيله علي الطريق اني ركبت قبل كده هوندا 250 وبعد ال120 كانت هاترقص علي الطريق فا علشان انا هاستعملها في مشاوير طويله وطرق مفتوحه كنت خايف منها انما لو 400 او 600 زي ما انت بتقول كده يبقي فعلا افكر فيها

[yassermax]

وعندي سؤال تاني اذا سمحت هل المشي بالريس مسافه 200 متواصل كيلو بيأثر علي حاجه ؟؟ انا سمعت كلام كتير يعني ايه مدي تأثير المسافه علي الموتسيكل من ناحيه السخونه والكاوتش هل الكاوتش لازم يكون بمواصفات معينه او شيء من هذا القبيل ؟؟؟

[just_Welah]

الف شكر علي ردك الوافي وبصراحه افدتني فعلا بس انا النقطه اللي كنت بتكلم فيها علي مكنه ثقيله علي الطريق اني ركبت قبل كده هوندا 250 وبعد ال100 كانت هاترقص علي الطريق فا علشان انا هاستعملها في مشاوير طويله وطرق مفتوحه كنت خايف منها انما لو 400 او 600 زي ما انت بتقول كده يبقي فعلا افكر فيها

بالعكس بقه ال 250 لحد ال 140 متحسش بهزه اوي وبهدين اعدتك علي المكنه يا استاذ بتخلي الجري اسهل
المكنه الي 250 اللي ترقص بعد ال 100 كيلو دي فيها حاجه في الشاسيه او الماتور مش مربوط فيها حاجه غلط يعني
بس المكنه دي رغم ان وزنها خفيف سبتها حلو فعلا متحسش بضعفها غير بعد ال 140 وفي السحب بس
انا كنت راكب مشرحه وكانت بتجيب ال 140 150

نحسبها كده مينفعش اخلي جسمي يوقف الهوا لان الريس مصمم علي انه يخترق الهوا زي السهم عشان كده دايما وفي اي ريس لازم وشه يبقي اعرص من ضهره واوطي من التانك يعني ساحبته زي السهم بس سهم كبير شويه
لو 600 بلاش الا ف 3 2 1 4
عشان مكنه بجد كايبه وعامله زي الفيات اما تبوظ فيها حاجه تجر خاجه تانيه وهاكاذا وبعدين مش انسيابيه متحسش ان فيها قوه 600 سيسي ان بفضل ال 400 عنها والله
ومدام في مقدرتك يبقي 400 فاير مش في مقدرتك يبقي 400 عاده حاجه كمان ينفع تتعلم عليها

[just_Welah]

يعني في ال 600 يا 600rr يا حاجه غير الهوندا ياماها r6 سوزوكي gsxr 600 حاجه كده انما honda 600f لاء هتكرهك في المكن ومش منظر ولا موضوع وتحسها كده مخها تخين شويه

[yassermax]

طيب ال cbr 400 fire لو حالتها كويسه تعمل من كام لكام ومجاوبتش علي سؤالي بخصوص السرعات والمسافات وتأثيرها علي المكنه والكاوتش

[just_Welah]

هي افراج تعمل 18 ل 20 بس في حاجات كتير ارخص من كده استعمال وحالتها كويسه
بالنسبه للسرعات هيا امبيرها تقريبا 220 بتجبهم التاثير علي المكنه مش من الجري
لاء من القرص ازاي يعني ادي غياري مرتاح ومتشبغ
الكاوتش مبيتكلش من الجري بيتاكل من الملفات والفرمله الجامده غير كده ميبوظش غير بالغمر الافتراضي بقي
في هنا من 15 ل 17 وانت وشطارتك

[densfog]

طيب بعد ازنكم ايه الفرق بين الفير والعاديه فى الأمكانات والسعر ..... وشكرا

[mohamedtiger]

طبعا الكاستم لانه اساسا اتصنع عشان السفر

[KHALED2010]

الفير سحب وعزم اقوى من العادة