يعني إيه power commander .... ؟!

[otefa]

ههههههه......فيه دينو وحيد في المعادي تقريبا واحد أمريكي جايبه........دياب ألي عارف مكانه كان جاب سيرته مرة

[HOTSHOT]

السلام عليكم يا شباب . انا شايف كلام كتير هنا و كلو تقريبا صح لكن كل واحد بيقول بطريقه مختلفه عن التاني و دة مش غلط و لا عيب.
ملخص الموضوع ان الباور كوماندور عبارة شريحة كموبيوتر بتنظم كمير و نسبة الخليط ما بين الهواء و البنزين للحصول علي افضل اداء. و دة بيركب علي النجكشن بس مش الكربريتور . و فعلا بيزيد من قدرة الموتسيكل و التسارع . و الجميل كمان انه ممكن يقلل من استهلاك البنزين .
اكيد كل موتسيكل له ظبطة علي الباور كوندور . و اللي بيحددها الاضافات اللي موجودة في الموتسيكل زي ما الاخوة الافاضل سبق و قالوا. في خرائط ضبط كتيرة علي النت (maps) . اللي بيحصل في مصر انهم بيحملو الخريطة من اللاب توب علي الباوركوندر و يطلع يجرب و يشوف الاداء ايه . و يحمل اللي بعدها و يجرب لحد ما يوصل لانسب خريطة للموتسيكل .
لكن الصح ان الموتسيكل يترفع و ويتحط علي جهاز الداينو و نبتدي نظبط الموتسيكل بناء علي الرسم البياني اللي بيطلع علي شاشة الدينو ( اللي بتمثل فعليا اداء الموتسيكل) للحد ما نوصل لاحسن ادء . و الظبطة دي ما تخرش الميه . للاسف ما فيش حد في مصر ممكن يظبط الباور كواندور علي الدينو .. ايوة فيه داينو في مصر لاكن الولد بيوصلك الموتسيكل و يقولك تعامل انتي و عيش يا باشا. اللي بيقول الباور كونادور زي قلتو وا لوش لازمة . اقولة ان انا جربت اخو موتسيكلي بس من غير بوار كوماندور . حسيت اني راكب معزة . اذا مش حيجي الموتسيكل بالباور كوماندر متظبط من برة يبقا وفر فلوسك و اتجيبهوش . تمنة حوالي 250-300 دولار غير الشحن و الجمرك. ...... معلومة جديدة لسة مجربها من اسبوعين ... عملوا اضافة لبرنامج البارو كوناندور يخليه يتحكم في طرنبة البنزين و انتي بتضبطة علي عدد لفات الموتور و نسبة الزيادة في ضخ البنزين . و دة مالوش دعوة بالخريطة. الخريطة زي ما هيا بالنسب بتاعتها . لكن شغل الطرنبة و معدلات تدفق البنزين هيا اللي بتتغير علي حسب ظروف القيادة . ارجو اني اكون وضحت حاجة ممكن يكون حد مش واخد بالو منها . معلش انا اتاخرت في الرد يا دياب لاني كنت مسافر 10 ايام و لسه راجع .
و تحت امركو جميعا

[yascro]

حمد الله ع السلامه يا دكتور

[Mzeid]

شكرا على المعلومات القيمة