ريبل 250

[alfath8]

السلام عليكم ممكن الاعضاء يفيدونا عن اسعار وانواع هوندا ريبل 250 وهل هى كويس لانى دخلت على site Honda ,ولقيت منها انتاج 2010 ب 3000 دولار هل قطع غيارها متوفرة وهى طبعا تبريد هوا بس نعرف ايه مميزاتها وعيوبها

[eletr]

ممكن صورة للريبل و انا كنت اسمع ان الناس مابتحبش الريبل

[KHALED2010]

اتقضل ياباشا

[alfath8]

ممكن يا خالد تفيدنى اكتر انا ما طلبتش صور لانى عارف الشكل بس مواصفات تقنية واسعار واسعار قطع غيار وتستحمل ولا واخر سرعة فيها كام

[alfath8]

محدش هنا ولا ايه وبتقولوا المنتدى نايم ليه ممكن علشان الجو برد

[alfath8]

محدش يعرف حاجة عن الريبل ولا ايه

[sno7y]

السلام عليكم الاول
هى مكنه ممله شويه بس تتمتع بثبات رهيب والمحرك بتعها بينتج عزم اكتر من سرعه
اما بنسبه للسعر هى مش غاليه واحد صاحبى جيبها من 4 شهور كانت ب9000 جنيه وحالتها ممتازه هو عدا سعرها من 9000 الى 12000 جنيه
واقولك على حاجه كمان كان فى واحد عارض ربيل للبيع 250 cc وبيقول حاله جيده جدا وموتور مش حالل وطالب فيه 7500 جنيه
على مصراوى بس الاعلان قديم من يوم 5/12

[alfath8]

يعنى افراج وموديل حديث ممكن تعمل 10000 مثلا ولا ايه

[sno7y]

بص هسألك وقولك

[alfath8]

هاستنى ردك عليا

[alfath8]

لسه مفيش رد

[Ducati]

نصيحه بلاش ريبلالا لو جبتها ب 7000 - 8000 وتكون حالتها ممتاااااااااااااازه غير كده بلاش

انت روح اتفرج عليها وشوفها حجمها صغير جدا (يمكن بالنسبالي ) ومفهاش وسيلة تبريد يعني كانها صيني

وشكل الماتور والبايك صيني يعني تروح تجيب بايك صيني احسن وزيرو وعلى الاقل قطع غياره موجوده


خليك في الاستيد 400 وعلى فكره في واحد في مصراوي عارضها ب 11 الف جنيه ديه حلوه بس شوف حالتها

[alfath8]

طيب لو هنتكام على ريل 250 ولا استيد 400 من حيث الاداء وقطع الغيار والسعر لو افراج نرشح ايه انا شوفت استيد 400 عندنا فى بورسعيد عاملة 17000 افراج طبعا ده كتير شوية ولا

[Ducati]

اكيد قطع الغيار موجوده للأتنين اصل حتحتاج قطع غيار ايه ؟؟؟ فانوس فلاشرات جدون مقابض ؟؟ ممكن تركبه صيني

ورق دبرياج ؟ فلتر زيت ؟ فرامل ؟ سلك دبرياج ؟ جنزير ؟ كله موجود

كهربا؟ دينامو ممكن يتلف ومارش يتصلح ويتلف - ريكتيفير ؟ بوبينه ؟ كل ده تلاقيه بسهوله

هيا المشكله هنا في الحجم والشكل

وبالنسبه للأستيد ال 400 ب 17 افراج ده سعرها فعلا

[alfath8]

انا بسأل للمعرفة فقط انا معايا سوبر فور 400 بس هاتتباع علشان زنقة بسيطة وبفكر اجيب حاجة اخرها عشرة