ريبل 250

[Ducati]

ياراجل معاك cb4 400 وعايز تنزل لمستى قليل قوي كده ههههههههههه حرام عليك ده انت حتكره نفسك

اصدقك تنزل لمستى قليل لاكن مش 250 خالص

[zoom2zoom]

بصراحه موتوسيكل تعبان ومنصحش حد بركوبه خالص

[alfath8]

الرأى رايكم اجيب ايه على قد فلوسى انصحونى معلش ان اضطررت للبيع علشان الفلوس وسوبر فو مقعدش معايا شهرين وكانت حالته جميلة بس ده ظروف حصلت غصب عنى الوقتى اقدر اجيب 10000 اجيب بيهم ايه معقول لان المبلغ على حد علمى اجيب cbr 250 حالته زفت صح

[Ducati]

لو عندك امكانية تقسيط ممكن تشوف اي حد عارض استيد ب 14000 ولا حاجه واديله 10 وقسط ال 4 اغلبهم بيوافق لان السوق نايم بعدين انا مش قلتلك في واحد عارض استيد 400 في مصراوي على 11 كلمه وشوفها حالتها ايه

[Nour_safwan]

أنا كان معايا واحده سيستم أمريكي والمكنه دي روعه فوق الوصف ثبات وسرعه ومناوره وتجميع وكنت بأدي بيها عالطريق مع سي بي أر 250 والله وكانت بتقول معاه بس إنت عارف الفرق طبعا بين الإتنين سلندر والأربعه عشان كده السي بي أر كانت بتتفوق على الريبل بس والله كانت مكنه روعه
في واحد يا باشا عنده ريبل سيستم أمريكي إفراج في معرض إسمه إبراهيم أسعد
وده رقمه 0122637197 بعد إذن الإدارة طبعا

[KHALED2010]

طب كمل كمان 2000 وجيبلك حته 250 عادة استعمال نضيف وريح نفسك ومش هتحس بفرق كبير هوا فى فرق بس مش للدرجه

[alfath8]

المشكلة يا خالد فى الفلوس وطبعا مقدرش استنى علشان اجيب cbr وانا مقتنع ان الريبل صغيرة وشكلها عجيب شوية بالمقارنةباللى كنت راكبها بس مش احس ما اجيب صينى

[sno7y]

على فكره الربيل مش وحشه قوى كده لدرجه دى هى مكنه كويسه وبرده يابانى فى الاخر على فكره الافراج بتعها بيعمل 10000 جنيه بس صعب تلقى افراج دلوقتى عشان السوق نايم شويه وهى مكنه ندره شويه مش اى حد بيشتغل فيها وعلى فكره ممكن تجيب cbr 250 ب10000 جنيه حاله كويسه مش تعبانه زى ما بتقول ان شوفت 250 cbr با10000 جنيه وحالتها كويسه جدا

[alfath8]

انا عندنا فى بورسعيد اقل حاجة تجيبها افراج cbr 250 r تعمل 11 تعبانة ملة او 14 حالة العامة كويسة ومش ممكن تلاقى مستعمل الا حالل موتور وانا عارف الميكانيكى اللى بيشتغل فيهم علشان كده بقولك هتبقى تعبانة جدا

[sno7y]

لا بقى تعال عندنا وهتلقى حاجه حالتها كويسه انا ولله كانت قدامى مكنه 250 cbr وكان صاحبها عايز 10500 بس كانت عايزه مرايه وتيل فرامل

[Nour_safwan]

ياعم إسمع كلامي وروح إتفرج على الريبل دي يمكن تعجبك مطلوب فيها 10 وممكن تنزل معاه 500 ولا 1000 وانت وشطارتك والمكنه إفراج وحالتها ممتازه
وده رقمه بعد إذن الإدارة 0127267387 محمد سعيد

[sno7y]

خلاص روح لابراهيم زى ما بقولك الاستاذ نور وشوف المكنه الى هناك وعلى فكره انا اعرف الاستاذ ابرهيم اسعد راجل محترم وجد وملوش فى الحوارات

[rrchico]

خلاص روح لابراهيم زى ما بقولك الاستاذ نور وشوف المكنه الى هناك وعلى فكره انا اعرف الاستاذ ابرهيم اسعد راجل محترم وجد وملوش فى الحوارات

الموتوسيكل عندى انا اشتريتة من ابراهيم و لو عايز كلمنى هو افراج و عامل 17000 كيلو استايل امريكى و بجد موتوسيكل وهمى ... انا بفكر ابيع عشان مش فاضى للسواقة عشان شغلى ف راكنة على طول .. و تحت امرك فى السعر مش حنختلف ... شكرا
نمرتى 0110002855 ريمون

[KHALED2010]

الموتوسيكل عندى انا اشتريتة من ابراهيم و لو عايز كلمنى هو افراج و عامل 17000 كيلو استايل امريكى و بجد موتوسيكل وهمى ... انا بفكر ابيع عشان مش فاضى للسواقة عشان شغلى ف راكنة على طول .. و تحت امرك فى السعر مش حنختلف ... شكرا
نمرتى 0110002855 ريمون

الريبل دى لو شدت ممكن تجيب كام سرعه تقريبا

[rrchico]

الريبل دى لو شدت ممكن تجيب كام سرعه تقريبا

ازيك يا خالد الاول عشان انا متابع لكل التوبيكس بتاعتك ... بص انا مش سويق انا بقالى شهرين بس بسوق لكن جربت اجرى بية جاب لغاية 130 كم و عدادة 140 كم .. انا اصلا كنت بتنفض من الرعب بس عشان مجنون عربيات ف قلت اجرب بالموتوسيكل اهى موتة ولا اكثر ... و ربنا يحفظنا كلنا ... نهارك لذيذ :)