البايك والمناخ الممطر

[johnghaly]

مساء الفل على كل الرجاله اللى معانا
انا حابب اعمل الموضوع ده عشين غرضين بصراحه اولا : عشان نتدرتش شويه وبما انى جديد معاكم فبحاول اعمل مواضيع علما بانى طبعاا(اقل خبره او معدم الخبره )مقارنتن بالعمالقه بتوع المنتده
اما ثانيا:عشان نتعلم من خبرتكم بردو طولت عليكم فى المقدمه ياشباب معلش
موضوع المطره الجامده بتاعت يوم 3/4/2011::كنت عايز كل واحد معاه بايك يحكيلى كان فين بيه لو كان فى مشوار واه التصرف الصح اللى ممكن الواحد يتصرفو لو كان فى مشوار وعملته معاه زى امبارح ,ولو كان صاحب البايك برود فى البيت وراكنه يحكيلى بقى التنظيف ازاى يعنى مثلا بنزينه ولا عادى ولا اه
ومعلش انا بس بحاول اشارككم وبردو اتعلم منكم :)

[MohssenRashed]

متابع جدا اوي خالص

[m3_dolphen]

اولا احييك على موضوعك ...

طبعا افضل شيئ فى الجو ده ماتخرجش خالص بالمكنة لأنه خطر كبير جدا ....
طيب لو لازم تخرج ومشوار ضرورى .. يبقى تمشى على أقل سرعة ممكنة اللى بيها متحتاجش تدوس فرامل فجأة
حاجة كمان مهمة اوعى تغير النقلة وانت بتحود يمين او شمال لأن ممكن العجلة الخلفية تزحف ويحصل ما لا يحمد عقباه .
وأخيرا انبه تانى الافضل متخرجش بمكنتك خالص فى الجو ده ..
وربنا يسترها على الكل .

[karembob]

مساء الفل على كل الرجاله اللى معانا
انا حابب اعمل الموضوع ده عشين غرضين بصراحه اولا : عشان نتدرتش شويه وبما انى جديد معاكم فبحاول اعمل مواضيع علما بانى طبعاا(اقل خبره او معدم الخبره )مقارنتن بالعمالقه بتوع المنتده
اما ثانيا:عشان نتعلم من خبرتكم بردو طولت عليكم فى المقدمه ياشباب معلش
موضوع المطره الجامده بتاعت يوم 3/4/2011::كنت عايز كل واحد معاه بايك يحكيلى كان فين بيه لو كان فى مشوار واه التصرف الصح اللى ممكن الواحد يتصرفو لو كان فى مشوار وعملته معاه زى امبارح ,ولو كان صاحب البايك برود فى البيت وراكنه يحكيلى بقى التنظيف ازاى يعنى مثلا بنزينه ولا عادى ولا اه
ومعلش انا بس بحاول اشارككم وبردو اتعلم منكم :)

لا يا عم دا موضوع مفيد جداً عشان الناس تعرف ازي في الظرف دا تعمل اي حته لو علي اقل حاجة بس تستفاد بيها
انا عن نفسي كنت في الشغل وشغلي في التحرير وطبعاً المطرة فضلة والبياك مركون في الشارع قلت انزل اخبي في حته لقيت الدنيا غرقانا سبته
اما وانا مروح كنت ماشي براحة جامد اوي وبردو اتبهدل واتبهدلة معا والبايك حسيت ان طالع من بير طين
البايك كدة لازم يتغسل في البنزينة عشان الطين بيتوغل جوا
ونصيحة ياريت محدش يمشي في الجو دا والطين دا بالبايك وافضل الركنة واستقل الموصلات شكر اjohnghal

[tamertamer]

انا عن نفسى كنت بالعربية وسيبة فى الجراج وعمرى مهطلع فى جو ذى دة انا كنت عامل موضوع اذاى تمشى فى جو ذى دة بس مش عارف راح فين

http://www.nilemotors.net/Nile/188539-a.html

هو موضوع بيتكلم عن الشبورة

[yascro]

احلى سواقه بايك بتكون ف الشتا بس المزاج يكون رايق
كل ما ف الموضوع ان حواسك كلها تكون منتبهه
وبلاش فرامل مفاجئه
وتهدى بال انجن بريك
دا على اساس ان الكوتش بتاعك حالته كويسه
و بالنسبه للملابس فيه افرول ووتر بروف لما بيطبق بييقى اد قبضه الايد
او اكبر شويه
وبالنسبه للبايك
غسله محترمه ف الجراج وكله يبقى تمام
بس السواقه ف الارض المبلوله نتيجه الشتا لا انصح بها على الاطلاق لما تنطوى عليه من اخطار
بس لو الظروف اجبرتك حاول تمشى بالراحه وتشغل الانوار بتاعه البايك
وتخلى بالك
كان فيه هنا موضوع اتناقشنا فيه عن الموضوع ده هجيب اللينك بتاعه

[m3_dolphen]

احلى سواقه بايك بتكون ف الشتا بس المزاج يكون رايق
كل ما ف الموضوع ان حواسك كلها تكون منتبهه
وبلاش فرامل مفاجئه
وتهدى بال انجن بريك
دا على اساس ان الكوتش بتاعك حالته كويسه
و بالنسبه للملابس فيه افرول ووتر بروف لما بيطبق بييقى اد قبضه الايد
او اكبر شويه
وبالنسبه للبايك
غسله محترمه ف الجراج وكله يبقى تمام
بس السواقه ف الارض المبلوله نتيجه الشتا لا انصح بها على الاطلاق لما تنطوى عليه من اخطار
بس لو الظروف اجبرتك حاول تمشى بالراحه وتشغل الانوار بتاعه البايك
وتخلى بالك
كان فيه هنا موضوع اتناقشنا فيه عن الموضوع ده هجيب اللينك بتاعه

تمام كده ياديبو يا لذيذ يارايق ... احب أكد على موضوع تشغيل الأنوار وخصوصا بالنهار لأن إضاءة النور فى الجوده بيخلى كل العربيات تاخد بالها ان فى موتوسيكل وراه لأنه مش بياخدوا بالهم وبيحصل بلاوى ربنا يسترها

[yascro]

تمام كده ياديبو يا لذيذ يارايق ... احب أكد على موضوع تشغيل الأنوار وخصوصا بالنهار لأن إضاءة النور فى الجوده بيخلى كل العربيات تاخد بالها ان فى موتوسيكل وراه لأنه مش بياخدوا بالهم وبيحصل بلاوى ربنا يسترها

ربنا يخليك يا محمد
وده لينك الموضوع اللى اتناقشنا فيه
ابتداء من المشاركه رقم 3

http://www.nilemotors.net/Nile/175595-a.html

[MohssenRashed]

انا معنديش بايك بس متابع جدا عشان بحب الموتسكلات و يمكن ربنا يكرم. المهم لما كنت في تايلاند هناك السكوتر ( فسبا) كتير جدا و رخيصه جدااااا بس على طول ماشين بالنور العالي حتى الصبح.

[johnghaly]

بشكركم جميعا غلى المعلومات الهايله وبشكر محسن و دولفين وكريم و وتامر ويسكرو

[yascro]

انا معنديش بايك بس متابع جدا عشان بحب الموتسكلات و يمكن ربنا يكرم. المهم لما كنت في تايلاند هناك السكوتر ( فسبا) كتير جدا و رخيصه جدااااا بس على طول ماشين بالنور العالي حتى الصبح.

النور العالى ده من وسائل الامان عشان العربيات تشوفه وهوجاى من وراها ف المرايا

[mtgalx]

جامد الموضوع ده
انا ابارح كنت في الاقبال و كنت بغير الكوتشة ( ديبو كان حاضر معايا بكل حواسه ) و طبعاً انا عملت لنفسي اساسيات علان السواقة في المطر و هي

1- تنسي ان انتا تجري و تكون لازق في عربية علشان الفرامل و الزحلقة بتعتها
2- لما تكون عايز تهدي البيك بسرعة اعتمد علي الانجين بريك طبعاً و انت سايب بنزين علشان لو بيك عالي ذي ال1000 مثلاً تيجي يا معلم تسقط و انتا كابس بنزين يجي الاول يشقلطقك
3 - تنسي خالص موضوع الغرز
4 - الملفات براحة و علي سرعة هادية ( متفتكرش نفسك روسي و تخش بني دون) و ايدك ثابته علي البنزين و طبعاً مافيش ميلان جامد علشان لو في حاجة طلعت قدامك مرة واحدة تعرف تهدي من غير ما يحصل ليك حاجة
5 - ابعد قدر الامكان عن برك الميه علشا ميكونش في نقره تشقلطك بالبيك
6 - السرعة علي حسب الطريق و الزحمة وطبعاً بتبقي اقل من المعتاد بكتير
7 - لو انتا لابس خوزة يستحسن تكون لابس جونتي علشان الاسكرينة بتاعت الخوزة حتتملي نقط ميا و لو عملتها بايدك حطليط فالجونتي تقدر تمسح بيه احسن
8 - طبعاً الدنيا بتبقي مغيمة فتولع النور
9- سرعة ثابتة من غير قرص في الملفات ولا كبس فرامل مرة واحدة و لو عايز تزود سرعة درجها احسن يعني متنتش الغيار و تكبس بنزين

و طبعاً عينك مركزة علي الطريق بما انك سايب ماسفة حلوة مابينك و مابين الي قدامك علشان تقدر تتفدي اي نقرة او اي حاجة ممكن تطلع مفاجأة علشان متعملش اي حركة سريعة بالبيك فتتزحلق و تقع

بالنسبة بقه للبهدلة انتا بتتبل و ده عادي خالص
الطينه لزوم المطر
الجونتي علشان فيه ناس حلو بتجري حتلاقي رزاز طينه غرقق انتا و اسكرينة الخوزة فتقدر تمسحا من غير ما تعتم او تليط الرؤية

و ربنا معانا

و ممكن تجيب الافرول الوتر بروف الي ديبو قال عاليه و فيه زيه بالظبط للبيك ( علشان تغطية و انتا راكنه ) و تاخد بالك ان الكوتش مش حيسخن بسرعة ذي الظروف العادية فا ممكن تتزحلق

[Shady_mas2000]

انا كنت بايت فالشغل بالليل وكل شويه ابص عليه
من شباك المكتب بس مش ف ايدى حاجه اعملها
وكانت نتيجه طبيعيه انى اجى ادوره الصبح وانا
مروح زهقنى ف الدواره وف الاخر دورته زق..

[tamatemo]

والله الافضل عدم الخروج بيه او بالعربية في الاجواء الغريبة دي لغاية الامور ما تتظبط

[hassan_gost]

طيب بالنسبه لغسيل المكنه..فى ناس بتغسل بالكمبروسر..ده عادى..ولا ليه اى اضرار؟
والمكنه كلها تتغسل عادى بالمياه بعنى الفبر والموتور عادى؟؟