أخـرك كـــــام؟؟

[naser_56]

يا باشا الميه تكدب الغطاس
ممكن لو حضرتك عندك الشجاعه الكافيه تركب معايا اى موتوسيكل من اللى انا اتكلمت عنهم
وكونى قفلت عداد موتوسيكل ف سكه طوالى لمده بسيطه ده لا يؤهلنى لمنافسه الدكتور روسى
ومين همه اللى جربو الcbr1000rr
قالوا ان هو مش ثابت على الطريق
دا احسن بايك انا ركبته ف حياتى
وعشان كده ده موتوسيكلى الخاص
بالمناسبه انت راكب بايك نوعه ايه
وشكرا ليك لوصفك ليا انى كداب
وانا بادعوك انك تجيب احسن موتوسيكل انت ركبته لغايه الان
وتطلع كذمعايا سكه انت اللى تختارها ولو سبقت
هديك اكبر جايزه شفتها ف حياتك
CBR1000rr 2008
ولو انت خسرت وده اللى انا واثق منه
اخد البايك اللى انت سابقت بيه

ممكن ادخل معاكم بالموضوع

طيب عموما ال cbr 1000 2008 اخر عداده 299 وطبعا معروف انه ديجيتال ومفيهوش رقم 300 هو اخره 299 وطبعا مبيتعدهاش كرقم ولكن فعليا ممكن البايك يتعداها لو راكب عليه اغراض مثلا ولو تلاحظ هتشوف تقريبا الrbm بيكون تقريبا ما بين 13500 الي 14000 عند سرعه 299 وطبعا ده في حاله لما البايك يكون ستوك وطبعا لما يكون راكب عليه هوائيات او كام او بساتم اكيد بيديك تورك وسرعه اكبر ولكن انا هنا بتكلم علي مقياس السرعه الي هي299 اخر البايك الي مبيتعدهاش ولو حتي بسنتيمتر واحد ممكن تقولي اعتمدت علي ايه كمقياس لتحديد السرعه الي حضرتك وصلتها الي هي 310 عرفتها ازاي <<<<<<<< حاسس اني محامي بترافع في قضيه

ولو تشوف اي مقطع في اليوتيوب هتلاقي كل الفيديوهات اعلي سرعه 299

[yascro]

ودى صور من الرحله

[yascro]

الموتوسيكل فيه تعديلات
فيه فول اكسست سستم كامل اكرابوفيك افيليوشن تمنه 10 الاف جنيه
وفلتر k& n
,والعداد متعدل الكترونيا للقراءات الكبيره

[naser_56]

الموتوسيكل فيه تعديلات
فيه فول اكسست سستم كامل اكرابوفيك افيليوشن تمنه 10 الاف جنيه
وفلتر k& n
,والعداد متعدل الكترونيا للقراءات الكبيره

ما شاء الله والله يستر عليك وواضح السيستم في الصوره ومن وجهه نظري الاكرابوفيك من افضل الانواع في السيستم اكزوز كصوت واداء وفعلا سعره بيتعدا ال 10 الاف جنيه ولكن بصراحه اول مره اسمع عن تعديل العدادات ممكن تقولي متعدل فين في مصر ولا بره ولا هو بيجي جاهز متعدل للقرائات الكبيره

[yascro]

متعدل ف امريكا
وكنت هضيف نيترو بس لقيت انه ملهوش لازمه
وارقام الاداء عندى
من 0 ل 100 كيلو متر ف 2,8 ثانيه
والغيار الاولانى بيجيب لغايه 150 كيلو ف الساعه قبل الريد زون

[naser_56]

متعدل ف امريكا
وكنت هضيف نيترو بس لقيت انه ملهوش لازمه
وارقام الاداء عندى
من 0 ل 100 كيلو متر ف 2,8 ثانيه
والغيار الاولانى بيجيب لغايه 150 كيلو ف الساعه قبل الريد زون

لا ياعم ابوس علي ايدك كده كفايه ولا نيتروس ولا هم بيعمل معاك انفتاحات ماتتوقعاش وهتلاقي البايك راح منك شمال ولا يمين حتي قبل ما ترمش ولو انته سرعه استجابتك وردود فعلك كانت ايه مش هتقدر تلجمه ؟ ده غير انه بيعدملك البايك ! ممكن تركبه في حاله انك تكون خلاص كرهت الدنيا والي فيها بس ما قلتليش ايه رأيك في صوت الاكرابوفيك بعد rbm 7 اكيد طرب ؟ انا بكتب حاليا وبتخيل جمال الصوت بصراحه

[yascro]

يا باشا انت تشرفنى ف اسكندريه وتتفسح بالموتوسيكل اللى يعجبك
واشيلك فوق راسى
مش بس اسمعك صوت البايك

[naser_56]

يا باشا انت تشرفنى ف اسكندريه وتتفسح بالموتوسيكل اللى يعجبك
واشيلك فوق راسى
مش بس اسمعك صوت البايك

ياباشا الله يسلمك ويسلم راسك ولكن للاسف انا مش في مصر انا في الكويت ونازل بعد شهر بأذن الله ولما انزل بجيلك بالسوزوكي ان شاء الله نطلع سوا

[yascro]

يا باشا نشرف ف اى وقت
ولو العضو اسلام قبل التحدى هيكون فيه موتوسيكل تحت امرك طول اجازتك
وعد منى

[kemozico]

انا كنت ماشى 120\ساعه بموتوسيكل صينى حلاوه واقصى سرعه مشيت بيها كانت 140 واقصى مسافه بين اسكندريه كفر الدوار الزراعى

[yascro]

الموتوسيكلات دى موجوده عندى ف اسكندريه
معلش مش بعرف اصور كويس بس وعد افضى نفسى واجيب صور كويسه
للمجموعه كلها
وانا حطيت الهلميت ف كل الصور عشان محدش يقول اثبت ان المكن ده عندك
او انت جايبه من الفيس بوك

[eslam_2010]

اولا اشكرك انك ثبت بالصور

ثانيا انا فى القاهره وفى امتحانات والدنيا خربانه

ثالثا تشرفنا فى اى وقت عند وليد وخالد فى مصر الجديده وده الرقم 010184305

رابعا ديه رحله كانت فى بورتو السخنه وبعض الصور عشان اثبتلك

http://www.nilemotors.net/Nile/115268-a.html

[yascro]

اولا اشكرك انك ثبت بالصور

ثانيا انا فى القاهره وفى امتحانات والدنيا خربانه

ثالثا تشرفنا فى اى وقت عند وليد وخالد فى مصر الجديده وده الرقم 010184305

رابعا ديه رحله كانت فى بورتو السخنه وبعض الصور عشان اثبتلك

http://www.nilemotors.net/nile/115268-a.html

اولا ربنا يوفقك ف امتحاناتك



ثانيا الرقم اللى انت حاطه 9 ارقام



ثالثا اللى بيتهم حد بالكدب مش بيقوله شكرا

[eslam_2010]

متزعلش انى قولتلك لو كلامك صح اثبتلى بالصور اصل الحاجات الى انت قولتها كان خيال شويه

زى العداد المتعدل ده صعب قوى تلقيه فى مصر ومتزعلش مره تانيه

وده الرقم تانى 0101843055

تشرفنا فى اى وقت

[HOTSHOT]

ايه يا عم yascro احنا مش اتفقنا انك تبطل تتراهن علي موتسيكلات البشر . قلنا ان الكلام دة حرام انك تستولي علي حاجات الناس.

اخوانا دياب اللي هوا yasco مش بيهزر . بجد مش بهزر .فمحدش يتهور و يدخل معاه في رهان او سباق . لان بياخد الموتسيكل فعلا . و اذا خسر فعلا بيسيب موتسيكله.