رينو سكالا في مصر بالاسعار-تحفة رينو نيسان

[Ralliart]

على فكره السيمبول هيا الرينو كليو 3 الجديده !!! بس السيدان بيقولوا عليها سيمبول و التيدا فئه مختلفه بالكامل و يابانيه بالكامل! السيمبول فرنسي تصنيع تركي

يا باشا الاتنين نفس الاساسيات وملهاش دعوه بمكان التصنيع
والكليو 3 والسيمبول بيتجمعو في فرنسا وتركيا والهند في نفس الوقت
والشاسيه بتاع التيدا هو الكليو 3 بس الفرق في المواتير وكل ماركه حاطه لمستها فيها

[Hosam_Optrawy]

شكرا جزيلا على الموضوع

هى العربيه 100 % كورى ولا كورى متقفله فى بلد تانيه ولا ايه بالظبط ؟

[mragh]

شكرا جزيلا على الموضوع

هى العربيه 100 % كورى ولا كورى متقفله فى بلد تانيه ولا ايه بالظبط ؟

على حسب معلوماتي هي ١٠٠٪ كوري

[Hosam_Optrawy]

على حسب معلوماتي هي ١٠٠٪ كوري

شكرا جزيلا على الرد

وياريت تبلغنا لو عرفت انها مش كورى 100 % او اتأكدت انها فعلا 100 % كورى

[M.Osman]

سعرها في الجوووووووووووووووووووووووووووول


علامة رينو
تصميم نيسان (الصني اللي منزلتش مصر)
و صناعة كوري

كوكتيل.... بس سعرها حلو برضه و هتبييع !!

[rafeee2]

شكراً للخبر والأسعار ,, جميلة وهتكسح الصني في رأيي

والأهم بصراحة: هتكتسح البومة اللى بقت زى الهم على القلب
عربية مفيهاش الهوا و ب 100 ألف جنيه

[محمد ابراهيم 1]

الكورولا احسن واللا النيسان صني؟

التمر حنة

[MaZaGAngeE]

التمر حنة

اجابة سليمة و صح و 100 100
مقدرش أجاوب أحسن من كده

[mohie777]

ياجماعه الشكل ده قديم وموجوده فى الخليج من اكتر من سنتين بس باسم نيسان
ويقال انها مجمعه فى الصين

[احمد فهمى]

فعلا دى صنى القديمه بتاعت الخليج بس اعتقد اكيد هتكون احسن من التجميع والكراسى المصرى اللى كسرتنا

[mmffor]

ياجماعه الشكل ده قديم وموجوده فى الخليج من اكتر من سنتين بس باسم نيسان
ويقال انها مجمعه فى الصين

its sold in gulf since 2 years or more that's true> its made in Korea but its never made or assembled in china

[sskarim]

السلام عليكم,
أنا دخلت جوا العربية دي النهارده عند واحد من موزعي رينو - كنت معدي من جنبهم.
هي اقتصادية جدا وشخصيا ماعجبتنيش...لقيت ركبتي خابطة في الدركسيون..علينا الطارة ..ورجعنا الكرسي..مافيش فايدة...!!..انا 178 سم فقط.
الخامات بتاعة التابلوه والفرش..مش فخم ومش مبهر..
ياريت تكون زي الصني المصري من حيث الاعتمادية والثبات والاداء..

[A.Lotfy]

هو كل شركة عالمية تلاقي عربية نجحت في مصر تروح منزلاها باسم تاني
شيفورليه نزلت اللانوس وقالت انها الجديدة كلليا وهيا نفسها دايو لانوس 2 بتاعة أبو الفتوح
ودلوقتي رينو جابت لنا scala

مش عارف ده طبيعي وازاي وكيل نيسان يوافق على كده ان عربية تنزل تاخد من حصته في السوق حتة لو هيا مجموعة عالمية واحدة

لكن الوكيل ف مصر مختلف

[DrMax]

والأهم بصراحة: هتكتسح البومة اللى بقت زى الهم على القلب
عربية مفيهاش الهوا و ب 100 ألف جنيه

انا مش فاهم البومه عاملة صداع لناس كتير ليه؟؟؟!!!! واى موضوع لو حتى بيتكلم عالموتوسيكلات تلاقى الناس بتحشر فيه البومه!!! بجد حاجة غريبه
الموضوع كلو على نيسان ورينو على ما اعتقد فمالوش علاقة باللانسر خالص

حضرتك ممكن تقولى بتكلم عليها عشان السعر قريب هقولك ما فى عربيات كتيييييييييييييير فى نفس السعر زى الاوبترا والالنترا والصنى والسيراتو بعض الفئات...اشمعنى هتكتسح البومه؟؟!! والغريب ان حضرت بتقول ان الاهم بصراحة انها تكتسح البومه!!!..ولا اكمن البومه محدش قدر يعيب فيها فى حاجة كعربية فمضايقة الناس اللى معاها عربيات تانيه اوى

وانا مبسوط انى جايب عربية زى الهم عالقلب وشايفها ميزة جامدة اخر حاجة...واعتقد ان لو عربية حضرتك بقت زى الهم عالقلب كنت فرحت بيها جدا وقولت اصلها ناجحة واثبتت كفاءتها

وبعدين السكالا دى عربية لا ليها اصل ولا فصل وانا عن نفسى مرضاش ادفع فيها فلوس...ازواق بقى

وحضرتك على اساس ايه قولت انها مفيهاش الهوا؟؟؟!!!
ممكن يطلع فيها عيوب وممكن تطلع كويسه...الله اعلم ...لما تتجرب فترة وتبان نبقى ساعتها نقول مفيهاش الهوا ولا فيها

نصيحة للناس اللى بتحشر البومه فى كل موضوع تسيب البومه فى حالها .... واللى البومه مضايقاه اوى كده ميركبهاش ولما يشوفها ماشية فى الشارع يعمل نفسه مش شايفها او يغمض عنيه بس متهيالى لو فكر فى كده هيمشى مغمض علطول!!!
تحياتى

[m_mekkawy]

دى اسمها عندنا نيسان صنى (كورى) والصنى بتاعتنا اللى احنا عارفنها صنى يابانى
بس صراحه الشركه عندنا جابت دفعه من الكورى الكل بيشتكى منها للعيوب دى
1-عدم الثبات اطلاقا على السرعات العاليه او المتوسطه
2-ردائة التقفيل وسوئ المواد المستخدمه داخليا
3-ضعف قوة التكيف بشكل ملحوظ
4-ضعف عزل الصوت
5-ضعف التسارع