رينو سكالا في مصر بالاسعار-تحفة رينو نيسان

[rafeee2]

انا مش فاهم البومه عاملة صداع لناس كتير ليه؟؟؟!!!! واى موضوع لو حتى بيتكلم عالموتوسيكلات تلاقى الناس بتحشر فيه البومه!!! بجد حاجة غريبه
الموضوع كلو على نيسان ورينو على ما اعتقد فمالوش علاقة باللانسر خالص

حضرتك ممكن تقولى بتكلم عليها عشان السعر قريب هقولك ما فى عربيات كتيييييييييييييير فى نفس السعر زى الاوبترا والالنترا والصنى والسيراتو بعض الفئات...اشمعنى هتكتسح البومه؟؟!! والغريب ان حضرت بتقول ان الاهم بصراحة انها تكتسح البومه!!!..ولا اكمن البومه محدش قدر يعيب فيها فى حاجة كعربية فمضايقة الناس اللى معاها عربيات تانيه اوى

وانا مبسوط انى جايب عربية زى الهم عالقلب وشايفها ميزة جامدة اخر حاجة...واعتقد ان لو عربية حضرتك بقت زى الهم عالقلب كنت فرحت بيها جدا وقولت اصلها ناجحة واثبتت كفاءتها

وبعدين السكالا دى عربية لا ليها اصل ولا فصل وانا عن نفسى مرضاش ادفع فيها فلوس...ازواق بقى

وحضرتك على اساس ايه قولت انها مفيهاش الهوا؟؟؟!!!
ممكن يطلع فيها عيوب وممكن تطلع كويسه...الله اعلم ...لما تتجرب فترة وتبان نبقى ساعتها نقول مفيهاش الهوا ولا فيها

نصيحة للناس اللى بتحشر البومه فى كل موضوع تسيب البومه فى حالها .... واللى البومه مضايقاه اوى كده ميركبهاش ولما يشوفها ماشية فى الشارع يعمل نفسه مش شايفها او يغمض عنيه بس متهيالى لو فكر فى كده هيمشى مغمض علطول!!!
تحياتى

أنا مقصدش أدايق حد، بس دايماً ملاك أى عربية بيدافعوا عنها.. ما هو أحد الأعضاء قال هتكسح الصني في رأيي، ايه المشكلة يعنى؟
على العموم..

"مفيهاش الهوا" مقصود بيها الكماليات و عوامل الأمان، زى ما ممكن تشوف كده:

لانسر1300 أوتوماتيك106000 جنيه
تكييف - باور ستيرنج - سنتر لوك مع ريموت كنترول - زجاج كهرباء - مرايات كهرباء - عفشة خدمة شاقة - تجهيزات كاسيت (4 سماعات واريال وضفيرة)

سكالا 1600 أوتوماتيك103000 جنيه
كل ما سبق +
cd mp3
- نظام الفرامل مانع للإنزلاق abs + ebd
- وسادة هوائيه للسائق
- وسادة هوائيه للراكب الأمامي
- عجلة قيادة متعددة الوظائف للتحكم في الراديو
- جنوط رياضيه مقاس ١٥ بوصة
- مراية جانبية يمكن طيها اتوماتيكياً
- مصابيح ضباب اماميه
- عجلة قيادة مكسوه بالجلد
- مقبض تغيير السرعات مكسو بالجلد

محدش بيختلف ان اللانسر عربية كويسة، و على فكرة أنا شخصياً جربت لانسر 1300 مانوال 2005 (لمدة شهر) و 1300 أوتوماتيك 2006 (يمكن شهرين)، و نيسان صنى 2004 أوتوماتيك (اسبوع أو اثنين) و سكالا 2007 أوتوماتيك تحت اسم نيسان صنى(شهر و شوية)، و أكتر واحدة عجبتنى فى كل دول هى اللانسر 1300 مانوال

و لكن....

106000 كتير أوى على الكماليات القليلة ديه، و محدش يختلف على الموضوع ده خالص

يمكن نزول عربية بمواصفات السكالا يخلى ميتسوبيشى تعيد التفكير فى سعر اللانسر

[Dr_Smart]

شكرا على الموضوع يا باشا

انا اتلخبطت .... مالناش دعوه بالعلامه والتقفيل خلينا في المهم

الموتور والفتيس والشاسيه ... نيسان ولا رينو ولا سامسونج ؟؟؟

[AAAH]

عربيه جميله وشركة محترمة

[mhmdalsaadany]

عربية جميلة وممكن تكتسح لو عدلوا فيها عيوب الصني

[pink_world]

بجد حاجه مستفزه
يعني الشكل ده نازل برا من 3 سنين ولسه فاكرين ينزلوه دلوقت ولا لما لقوا ان الكوري هينزلوا منها شكل جديد قالوا نرميها للي هنا

وكمان منزلينها اغلى من السوبر صالون مع اني حسب ما قريت في المنتديات الخليجيه انها ارخص من الياباني عندهم (وده المفروض عشان هيا تصنيع كوري)

[kemoelord]

بجد حاجه مستفزه
يعني الشكل ده نازل برا من 3 سنين ولسه فاكرين ينزلوه دلوقت ولا لما لقوا ان الكوري هينزلوا منها شكل جديد قالوا نرميها للي هنا

وكمان منزلينها اغلى من السوبر صالون مع اني حسب ما قريت في المنتديات الخليجيه انها ارخص من الياباني عندهم (وده المفروض عشان هيا تصنيع كوري)

+1111111111111111 كلامك صحيح طبعا , بس انا مش عارف الضحك على العقول ده هيتوقف امتى , دلوقتي العربيه دي تقفيل كوري ويوم لما احب اعملها الصيانه هتكلفني قد كده لان قطع غيارها غاليه اوي , بالنسبه للشكل اكيد في اتفاق بين شركة نيسان وشركة رينو

[osoliman88]

صنى باسم رينو..... طب و الصنى اللى باسم نيسان هيحصل فيها ايه

100 100

[pink_world]

ايوه صحيح النيسان الصني مصيرها ايه ؟؟؟؟
انا بقالي شهور بفكر اجيب عربيه واخر حاجه استقريت عليها صني زيرو وكنت خايفه عشان شكلها ماتغيرش من زمان ينزل شكل جديد يضرب سعر الشكل الحالي
بس العربيه اللي نزلت دي محيراني ياترى لو نيسان صني اتغير شكلها هتنزل الجديده كوري برضو وهيبطلوا يعملوا ياباني؟؟ ولا ممكن ينزلوا ياباني تاني؟؟يعني اتوكل على الله واجيب نيسان صني ولا استنى اشوف اخبار الجديده دي ايه

[Hosam_Optrawy]

ايوه صحيح النيسان الصني مصيرها ايه ؟؟؟؟
انا بقالي شهور بفكر اجيب عربيه واخر حاجه استقريت عليها صني زيرو وكنت خايفه عشان شكلها ماتغيرش من زمان ينزل شكل جديد يضرب سعر الشكل الحالي
بس العربيه اللي نزلت دي محيراني ياترى لو نيسان صني اتغير شكلها هتنزل الجديده كوري برضو وهيبطلوا يعملوا ياباني؟؟ ولا ممكن ينزلوا ياباني تاني؟؟يعني اتوكل على الله واجيب نيسان صني ولا استنى اشوف اخبار الجديده دي ايه

نيسان لو كانوا عايزين ينزلوا الصنى الكورى كانوا نزلوها من زمان من ساعة ما نزلت برا

ماعتقدش انهم ينزلوها وتبقى هى هى السكالا بس فرق العلامه والتوكيل

مستحيل

اعتقد الصنى هاتفضل زى ماهى يابانى تقفيل مصرى مش هاتنزل يابانى تانى خلاص

لانها مش موجوده برا يابانى اصلا

النيسان اليابانى الوحيده فى مصر دلوقتى هى التيدا

والله اعلم المستقبل فيه ايه

[aljurjani]

أنا جلست في السيارتين في المصرية ولم أسترح في الجلوس في الصني وكانت قعدة سكالا مريحة أكثر وفرشها أفضل رغم حركات الأبنوس وخلافه الموجودة في الصني.

الصني سيارة انتهت تكنولوجياً، وسكالا تندرج في سياسة رينو وفيات في صنع سيارات رخيصة نسبياً خارج دول العالم الأول لتوزيعها في العالم الثالث.

أعتقد أن سكالا صفقة معقولة وأعتقد أن تقفيلها قد يكون أفضل من الصني كذلك.

[emadkabary]

اعلم ان الموضوع قديم وارغب فى الاستفادة

[تامر.محمد]

هو انا بس اللي شايف مشاركة واحدة بس في الموضوع ده و اغلب المواضيع بالنسبة لي فاضية ؟

[Mo3taz Selim]

هو انا بس اللي شايف مشاركة واحدة بس في الموضوع ده و اغلب المواضيع بالنسبة لي فاضية ؟

برده نفس النظام

[mmffor]

المشاركات كلها واضحة عندي