مسلحون يعترضون طريق سيارة ميكروباص ويسرقون كل من بها

[Samah AbdAllah]

مسلحون يعترضون طريق سيارة ميكروباص
ويسرقون كل من بها

مع استمرار تجول البلطجية والحرامية بكل حرية فى ظل الغياب الامنى الشديد والمدبر لنشر الذعر والرعب بين المواطنين عقابا لهم على موقفهم ضد الشرطة
يعترض مجموعة من البلطجية المسلحين طريق ميكروباص على الطريق السريع بالاسكندرية
مهددين كل الركاب بالقتل اذا لم يسلموا كل ما معهم من نقود وذهب موبايلات
وتحت التهديد تخلى كل الركاب عن مامعهم وهم فى حالة ذعر شديد
وفور وصول كل منهم الى منزله سارع بالاتصال بكل من يعرف لينصحه بعدم حمل نقود كثيرة او ارتداء مصوغات

الى كل ضابط تخلى عن واجبه نرجو منك الا تعود
فبعد كل ما يحدث زاد غضبنا منكم واصبح التسامح مرفوض وصعب المنال

[Hany A Fattah]

حسبى الله ونعم الوكيل

[abdalah_hashem]

ربنا ينتقم من اللى كان السبب

[x_john]

أيه الى بيحصل ده ولا أكننا فى غابة

[megamoudy]

حسبي الله ونعم الوكيل

[ashrafsadany]

الى من تخلى عن واجبه او قصر فيه اعلم جيدآ انك خائن وجزائك القتل مثل الفار من القتال فحاول ان تتوب الى الله وتقوم بواجبك امام الله ورسوله كما اقسمت واما توصم بالخيانه فى الدنيا والاخره
وحسبى الله ونعم الوكيل

[ranyroro]

أتفق معك تماما في الغضب من عدم عودة الشرطة الى العمل بهذا الشكل الغير مفهوم. ولكن ارجو عدم الانسياق وراء الشائعات فرجاء من جميع الاخوة في المنتدى اذا لم تر الواقعة بنفسك لا تذكرها. لا نريد أن نرعب أنفسنا بانفسنا أرجوكم لا تخدموا من لا يريد استقرار البلاد و أمن الناس أرجوكم.

[م.احمد زكريا]

ان ما حدث من الداخلية

1 - انسحاب من امام المتظاهرين دون البقاء لتأمين المناطق الحيوية بالبلاد

2 - الانسحاب من اقسام الشرطة والبنوك والسفارات وووو

3- الإنسحاب من المرووووووووووور

4 - تهريب المسجونين سواء من الاقسام او السجون

كل ما فات ليس له وصف خير الخيانة العظمى
وله حكم التولي يوم الزحف
كل هذا ليس له عقاب غير القتل

ولكن يجب الاعتماد على الله ثم على القلة المحترمة الامينة في اداء واجبها لتعود هي والتائبين من رجال الشرطة وبتشجيع ومساندة من الشعب المصري

بمعنى ان يراقب كل شص نفسه ويطبق القانون على نفسه وان يدعو غيره لتطبيق القانون اعمالا بالحيث الشريف ( من راى منكم منكرا فليغيره ...)

ان شاء الله أزمه وهاتعدي

[shaddadfalcon1]

Baskota حضرتك مردتيش عليا علي السوال اللي سالته في موضوع قريبك اللي كان هيتسرق
هو حصل له الموقف فين في سموحه عشان انا شغلي هناك؟

[ahmedsamir5edr]

المصدر لو سمحتي ..
مش عاوزين بلبله

[Ahmed_Ramadan]

المصدر لو سمحتي ..
مش عاوزين بلبله

بلبلة ايه !!!! هوا حضرتك مش عايش معانا فى مصر ؟؟!! لو عاوز حوادث من النوع ده ممكن أملالك الصفحة حوادث من نفس النوع و بمصادر

[MASERATI]

السلام عليكم و رحمة الله و بركاته

أنا من رأيى أن أحسن حل مع الداخلية و الشرطة و زى ماهما مانعين الشرطة أنها تنزل الشوارع عشان ينتشر الذعر و الخوف بين الناس و بالتالى يقبلوا بالشرطة على أى وضع كان, أن رئيس الوزرا الجديد, يحط جدول زمنى للواء محمود وجدى, و فى خلاله يكون اللواء محمود وجدى نزل الشرطة تشتغل كويس و بكفاءة 100% و كأن شيئا لم يكن, عمل كده, أهلا و سهلا, ماعملش كده, يمشى وزير الداخلية و ييجى غيره و لو عصام شرف كان خايف من وزير الداخلية المصرى و مايقدرش يعمل معاه كده, احنا كمصريين اللى هنعمل كده و احنا اللى هنعمل حملة اسمها (حملة ال30 يوم لوزير الداخلية المصرى) اللى فى خلالها لازم يكون منزل الشرطة تشتغل فى كووووووووووووووول مواقعها زى البنى آدمين, ماذا و الا , معادنا بعد شهر ننزل ميدان التحرير و نطالب باقالة وزير الداخلية المصرى و ساعتها العالم كله هيقف معانا و ماحدش هيقدر يغلطنا, لأننا ادينا فرصة و هو اللى ماشتغلش.

صح كده و لا أنا غلطان ؟؟؟؟!!!!

[zeyad1810]

مسلحون يعترضون طريق سيارة ميكروباص
ويسرقون كل من بها

مع استمرار تجول البلجية والحرامية بكل حرية فى ظل الغياب الامنى الشديد والمدبر لنشر الذعر والرعب بين المواطنين عقابا لهم على موقفهم ضد الشرطة
يعترض مجموعة من البلطجية المسلحين طريق ميكروباص على الطريق السريع بالاسكندرية
مهددين كل الركاب بالقتل اذا لم يسلموا كل ما معهم من نقود وذهب موبايلات
وتحت التهديد تخلى كل الركاب عن مامعهم وهم فى حالة ذعر شديد
وفور وصول كل منهم الى منزله سارع بالاتصال بكل من يعرف لينصحه بعدم حمل نقود كثيرة او ارتداء مصوغات

الى كل ضابط تخلى عن واجبه نرجو منك الا تعود
فبعد كل ما يحدث زاد غضبنا منكم واصبح التسامح مرفوض وصعب المنال

يا رب الناس اللى مش فاهمة تفهم مين السبب فى اللى احنا فية ومين اللى لسة بيحاول يخرب البلد علشان ينتقم من الشعب

[Ahmed_Ramadan]

على فكرة الشرطة قبل كده ماكانتش عدلة أوى ولا بتشوف شغلها ....الأمن ده شعور أكتر منه تنفيذ على الأرض

اللى عاوز أقوله ان نص الشعب بلطجية على حرامية مينفعش معاهم موضوع حقوق الانسان و الكلام ده ...محتاج قسوة و تعامل من غير رحمة للنوعية ديه من الناس

[Dr_Smart]

لسه صاحبي من كام يوم على طريق دمنهور اسكندريه الزراعي فوجئ بقطاع طرق موقفين العربيه اللي قدامه ونزله صاحبها ضربوه بمطواه ... بس ربنا ستر لحق نفسه ولف بسرعه هرب