مسلحون يعترضون طريق سيارة ميكروباص ويسرقون كل من بها

[Samah AbdAllah]

يا بسكوتة عقدتينى !!! طب شوفى محافظة تانية غير اللى انا وانتى عايشين فيها هههههههههههههههههه

خدى عندك بقى سرقة معازيم فرح فى الداون تاون الخميس مش اللى فات لأ اللى قبلة ... ودى حقيقة

هههههههههههههههه
هعزل حاضر واروح محافظة تانية
انا سمعت عن موضوع الفرح ده بس بما انه كان مجرد سمع ومش من شاهد عيان مكتبتش عنه
لان كل موضوع كتبته كان من صاحب الحادثة اللى اتعرضلها
بس مهما عملوا برضه مش عاوزينهم يرجعوا
نتسرق من البلطجية والحرامية احسن ما كنا بنتسرق ونتهان منهم

[Karim_Monir]

تصدق وتؤمن بالله انا اشتركت مخصوص في المنتدي علشان خاطر ارد عليك لاني باقرأ عناوين المواقع في موقع اخر وكل يوم الاقيك جايب موضوع عن سرقة مكيروباص وعن نهب وعن بلطجة من اول يوم في الثورة واقسم بالله اول لما اقرأ عنوان حادثه في الموقع التاني اقول اكيد اللي اسمه باسكوته وادي امن الدولة كلها بتتحرق وربنا حينتقم منهم ويارب تفوء بقي وتعرف انهم مش حينفعوك بحاجة ولو انت انسان بتقول الحقيقة كنت قلت اي شء ايجابي عن الثورة بس كفاية كده علشان منظرك بقي وحش اوي وكان مفيش في اسكندرية غير البلطجة والسرقة والنهب ولو حد بيعمل كده فعلا حيكون اذناب الشرطة والداخلية بتوعك

يا ريت انت تبقي تشوف الملف الشخصيي للي بتتكلم عنها قبل ما تكتب كلام مالوش لازمة
للاسف دي اخبار حقيقية وكونك مش عايز تصدق حالة الانفلات الامني اللي بنعيشة دي مشكلتك
لكن حاليا مصر بتعيش اسوء حالات الانفلات الامني

[Sherif Khalifa]

يا ريت مصدر اى خبر يتكتب
انا عن نفسى مش مصدق اى خبر من الاخبار دى بدون مصدر
و ياريت بعد كدة عدم كتابة اى خبر بدون مصدر لعدم الاتاحة لاى فرص لانتشار الشائعات الى كترت جداااااااا

[sensitivets]

ياريت يكون فى اسلوب محترم اكتر من كدا فى ردك , لان اسلوبك مينفعش مع الناس اللى هنا والاعضاء المحترمبن اللى هنا

انت دماغك تعبانة وراحت لبعيد ,, امن دولة ايه اللى بتتكلم عليه وان العضو منه

العضو اللى بتتكلم عنه انت متعرفوش, فى هنا فى الموقع اكتر من 30 الف عضو عارفينه وعارفين انها عضوة معانا مش ولد كمان, وكلنا عارفنها انها انسانة محترمة ووطنية , وخايفة على البلد زى زيك ويمكن اكتر منك, وبنتشرف بوجودها معانا , وامثالك بصراحة ميشرفناش وجودهم معانا فى الموقع هنا

لقد خالفت القاعدة رقم (9) بند (أ) من قواعد المنتدى لذا يتوجب حصولك على عقوبه

مشرف 18ب
6-3-2011
11:55am

[shaddadfalcon1]

مصادر ايه بس ياجماعه

هي الاخبار هتنشر خبر كل واحد اتثبت وهو مروح ؟

طيب انا دلوقتي مراتي اتسرقت يوم السبت قبل اللي فات وجيت قولت هنا في المنتدي واكيد مش هيتنشر علي مصرواوي ولا الاخبار يبقي كده محدش هيصدق الا لما يبقي فيه مصدر؟

في الحاله دي انا المصدر لو مش مصدقني فده موضوع تاني خالص

[fineart607]

الموضوع ده حصل فى المدينة الى ساكن فيها بس مع واحد واخذو منه سيارته ورموه فى الصحراء
حسبنا الله ونعم الوكيل
وكمان حصل فى مصنع دخلو وسرقوه بالليل
ربنا يعم بلدنا بالأمن والامن

والله على ما اقول شهيد

[Sherif Khalifa]

مصادر ايه بس ياجماعه

هي الاخبار هتنشر خبر كل واحد اتثبت وهو مروح ؟

طيب انا دلوقتي مراتي اتسرقت يوم السبت قبل اللي فات وجيت قولت هنا في المنتدي واكيد مش هيتنشر علي مصرواوي ولا الاخبار يبقي كده محدش هيصدق الا لما يبقي فيه مصدر؟
في الحاله دي انا المصدر لو مش مصدقني فده موضوع تاني خالص

هنا حضرتك نفسك المصدر
الموقف حصل معاك شخصيا
امانة الرواية عليك انت

انما بأة اخبار من نوعية " اصل انا سمعت من الجران" "واحد صحبى حكالى"
| مين قال لمين" اصل انا سمعت" كل دا غير مقبول و غير صحيح و لك ان تتأكد انها كلها اشاعات

[tarekzein]

لقد خالفت القاعدة رقم (9) بند (أ) من قواعد المنتدى لذا يتوجب حصولك على عقوبه

مشرف 18ب
6-3-2011
11:55am

أنا جيت أعلق لقيت المشرف نزل بالعقوبه

شكرا للإستجابه

ورجاء من الساده الأعضاء الإلتزام بآداب الحوار مع بعضنا البعض

[MOSHAKS]

متاكد من الخبر دة
انا بسافر على الطريق دة علطول و دايما بشوفة متأمن و مليان جيش لو اضرب اى عيار فى الهوا هتلاقى دبابة بترد عليك ..
ياريت تتاكد و تقولنا ..

حقيقى مع شاهد عيان لان والدى شغال فى جهاز العاشر وانا كنت بصلى معاه يوم الجمعه هناك وكنا موجودين فى الجهاز لما الناس جم جرى علينا بيستنجدوا بينا وقبلها من كام يوم وقفوا واحد بردوا صاحب محلات الاندلس للحلويات الموجوده فى العاشر وهو مروح بالليل وقطعوا عليه الطريق بسيارة دوبل كابينه واخدوا منه العربية الباسات بتاعته وضربوه على دماغه وجريوا
اما بالنسبة لتامين الجيش فهو مش مامن كل المناطق وخصوا طريق بلبيس العاشر لان اغلبه جبل ومدقات وطرق فرعية واضرب هناك من كام سنة لواءشرطة كان فى احد الحملات فى طريق اسمه رمسيس بين العاشر وبلبيس
يعنى وغير سواقين التاكسيات اللى بيلئوهم مرميين فى الشارع ومعدومين العافيه وياخدوا منهم عربياتهم ناحية مشروع ابنى بيتك وغير وغير وغير
وكفاية لحسن الواحد جواه غل يحرك جبل

وبعدين يجماعه والله العظيم صديق ليا اتصل بالشرطة من يومين كان فى بلطجية بيحاولو يسرقوا سوبر ماركت جانبه ولما اتصل بالشرطة اللى رد عليه بيحلفلى الف يمين انه قاله معلش كان زمان اعمل نفسك مش شايفهم
الشرطة خايفه تنزل فاكرين الناس هتعملهم كمين للانتقام منهم

احنا كل اللى بنقوله ده مش لتخويف الناس بس بناكد ان مش كل اللى بيتقال اشاعات والناس تخلى بالها اكتر ويأمن نفسه وهو ماشى قدر الامكان وميحولش يختصر طريق لتوفير الوقت وخصوصا لو طريق مقطوع ومفهوش ناس كتير
وربنا يستر على الجميع

[ashouhdy]

اللى عندة سلاح حى انا شارى بسعر معقول و حتتين كمان مش حتة واحدة بس يكون برانى مش ميرى مسروق

[chicobon]

(بسم الله الذى لا يضر مع أسمه شئ فى الأرض ولا فى السماء وهو السميع العليم)

من قالها فى الصباح لا يمسه شئ حتى يمسى . ومن قالها فى المساء لا يمسه شئ حتى يصبح