سيراتو اتسرقت و صاحبها راح سرقها من الحرامي !!!-واقعة حقيقية

[MohammedAladel]

الف مبروك على رجوع العربيه. المفروض بقى صاحبك كان كلم الحرامى و قال له العربيه عندى انا بقى المره دى تدفع انت كام علشان أرجعها لك علشان الحرامى يتشل و نخلص من الأشكال الضاله دى

هاهاهاهاهاهاهاهاهاهاهاهاهاهاهاهاهاهاهاهاهاهاها حلوة دى

[tarek_rcc]

السلام عليكم

طبعا العنوان تقريبا شرح اللي حصل بس شوية تتفاصيل
ركن العربية الساعة 6 الصبح و طلع نزل علي صلاة الجمعة مش لاقي العربية !!!
السيارة تمت سرقتها بالنهار مش بالليل وفى الشارع عمل كل دة وماحدش خدباله ؟؟؟ لية منطقة مقطوعة مثلا ؟؟؟

راح جاب عربيته التانية و جاب حبل و شدها (كل ده تحت بيت الحرامي الساعة 6 الصبح ) المهم شدها لحد البيت و فضل يدور فيها و يجرب السلوك لحد ما دارت و جري علي القاهرة
صاحبك برضة سرقها فى نفس التوقيت تقريبا ...ههههه لا واضح فعلا شارع ساااااكن مافيهوش حد ...
الحرامية بقي بيسرقوا العربية ازاي ؟

ببساطة ولا كسروا ازاز ولا اي حاجة فكوا الكرتيرة الشمال --> جابوا السلوك بتاعة السنتر اللي في الخرطوم البلاستيك اللي واصل بين الباب و الضفيرة الامامية و لمسوهم بطريقة معينه و فتحوا العربية !!!!!!!!!!!!!!!!!!!!!!!!!!!!!!!!!!!!!!!!!!!!!!!!!! !!!!!!!!!!!!!!!!!!!!!!!!!!
معنى كدة ان صاحبك معندوش انذار .... لو فتح السنتر بدون فتح الانذار ها تعمل فرح ..ودة حصل معى كتييييير ..
الكارتيرة صاحب لاقاها في الشنطة و لقي السلوك متقشرة ناحية الباب الشمال

الحرامي بقي ميعرفشي ان صاحبي سرقها فبيكلمة لحد دلوقتي يساوم علي الفلوس عشان يتأكد هل صاحبي اللي اخدها ولا صبي من عنده
هو الحرامى جاب رقم صاحبك منين يا كبييير ؟؟؟ نصيحة خليها يغير رقم تليفونه احسن .
الطريقة اللي العربية اتسرقت بيها بالظبط :

العربية فيها مفتاح فصل و عرفوا يوصلوا له لانهم شغالين علي رواقة بقي ما العربية متغطية و بعيد عن البيت !!!!!!!!!!!!!!!!

الموضوع بقى لا علاقة له بنوع السيارة ....
بمعنى لو bmw برضه هاتتسرق بنفس الطريقة (بالسحب) من امام البيت ...بلاش تقطيع بالسوسو بقى ....ههههههه
وهو يعنى الحرامى لازم يقطع الحزام عشان يجر بة ما كان اشترى حبل وريح باله ....؟؟؟

[youssef_u]

صاحبك ده برنس

[hossam_elwani]

ياه مغامرات على بابا ... حمد الله على السلامه

[MITSUKERO]

كلم محامي من هناك معرفه المحامي جه طلع يعرف امين الشرطة فأمين الشرطة قاله ياعم انزل المنطقة الفلانية و شوف فلان و فلان و فلان هتلاقي العربية عند واحد منهم !!!!!!!!!!!!!!!!!!!!!!!

المحامي طلع عارف واحد من الحرامية دول فكلمة قاله العربية مش عندي بس هشوف

كلمة بعديها بكام ساعة قاله اه لقيتها و عايزين 40 الف !!!!!!!!!!!!!!!!!!!!!!!!!

ده بالنسبة للناس اللي بتسال ازاي الحرامي جاب تليفون صاحبي انا كاتب من الاول بس الناس بتقري بسرعة

بالنسبة للأخ اللي بيقول العربية اتسرقت بالنهار اوعدك هكلم الحرامي اقوله ميسرقشي بالنهار تاني !!!
و هبقي اسأله مشتراش حبل ليه !!!!!

انا مالي انا اتسرقت بالنهار ولا بلليل !!! و جاب حبل ولا قطع الحزام !!!! انا حكيت اللي حصل وخلاص

و علي فكرة اكيد اكيد صاحبي و الحرامي مش ساكنين في نفس الشارع !!! ده برضة للأخ اللي بيقول واضح ان شارع ساكن مفيهوش حد !!!!!

لو اي حد يعرف اي حد من المسجلين الخطر هيعرف ان وقت نومهم بيبتدي من بعد الفجر و ده اللي خلي صاحبي ينزل الساعة 6 الصبح في المنطقة بتاعتهم و فعلا لقاها هسسسسسسس

و عربية صاحبي اتسرقت يوم الجمعة الساعة 6 او 7 و علي حد علمي برضة ان الناس مش بتصحي بدري يوم الجمعة

لهجة التشكيك دي استفزتني جدا انا زمان كنت بشوف ناس بتكتب حاجات تفيد بيها الناس و الاقي برضة واحد "فلوطة" (حته اخوان بقي ههههه)داخل يشكك و يعمل بدل ما يضيف و كنت بستغرب جدا ليه يعني بدل ما نساعد بعض نشكك في بعض و نستفز بعض !!!

انا ولا فارق معايا السيراتو بتتسرق ولا مش بتتسرق كل الفكرة ان صاحبي في الشغل بيحكيلي و بيقولي حصل كذا كذا كذا قولت اقول للناس تخلي بالها زي ما انا متعود هنا بتعلم من الناس و لما بتيجي قدامي حاجة اقدر افيد بيها بقولها

والله وراء القصد و السبيل

[adelghanem]

بارك الله فيك ...فعلا فى ناس سايبه القصه الاصليه وعامله نفسها شارلوك هولمز وبعنى اكتشفت ثغرات فى القصه وصاحبها كذاب.....!!! ولا يهمك انا فعلا استفدت والف شكر

[احمد المصرى]

بارك الله فيك ...فعلا فى ناس سايبه القصه الاصليه وعامله نفسها شارلوك هولمز وبعنى اكتشفت ثغرات فى القصه وصاحبها كذاب.....!!! ولا يهمك انا فعلا استفدت والف شكر

المشكله ان الناس هنا كل مده يدخل حد ويقول قصه الله اعلم بمدى صحتها بس انا شخصيا فى واحد كتب موضوع طويل عريض وكل ما ابعتله اقوله عملت ايه ميردش وحتى احد الاعضاء قاله انت اساسا مش ساكن فى المكان ال انت كاتبه والدليل مشاركه ليه قبل المشاركه ال هو قال فيها ان عربيته اتسرقت ب 10 دقائق وانا شخصيا بقول فيه حسبى الله ونعم الوكيل علشان بيروع الناس لا اكثر ولا اقل بعتبر دا مرض نفسى عن الراجل دا وعلى فكره احيانا بيكون موجود فى المنتدى



بالنسبه لموضوعنا حاليا


الحمد لله ان العربيه رجعت لصاحبها ودا اهم شى فى الموضوع

[kar!m]

شكرا جدا على نقل التجربة.

[m_m_k_z]

awla el 7amd llh 3la slamt el 3rabya ...... w ba3den elly bey2ollak en el nas bet2t3 fe el 3rabya bshhadt el tawkel nafso en kia cerato model 2010 btetse2 bkol sohola w fe3la kia cerato b2t zay el zeft .... bel monasba ana m3aya kia cerato 2010 w etsr2et el shahr elly fat w lesa l'3ayt delwa2ty mesh 3aref etsr2t ezay bs hya reg3t el 7amd llh ....... ana bardo '3ayrt el kwalen w shafrt remote el 3arabya w hageb gps tracker el yomen elly gayeen dol ..... ma7desh yestahz2 bkss el ser2a de l2nha mawgoda fe3la ..

[S O P H O S]

تمام انه رجعها
والحمد الله علي كل شئ ..

[Karim_Monir]

يا جماعة فكرة المنتديات بتقوم على نقل التجارب الواقعية عشان كلنا نحتاط
بدل ما تروح لميكانيكي يشتغلك ولا كهربائي يفتح لنفسه شغل
وكذلك في الموضوع هنا والف شكر لصاحب الموضوع على نقل التجربة

[MITSUKERO]

يا جماعة فكرة المنتديات بتقوم على نقل التجارب الواقعية عشان كلنا نحتاط
بدل ما تروح لميكانيكي يشتغلك ولا كهربائي يفتح لنفسه شغل
وكذلك في الموضوع هنا والف شكر لصاحب الموضوع على نقل التجربة

ربنا يخليك يا استاذ كريم انا اتشتمت كتير اوي بسبب الموضوع ده و اللي يقول مسطول و اللي يقول بألف !!!

انا عايز استفادة واحدة فقط من تاليف موضوع زي ده بالتفاصيل دي بطريقة السرقة !!!!!! و الأشد ان في اعضاء حصلت معاهم دخلوا اكدوا الموضوع !!!!

لأخر مرة اقسم بالله الموضوع ده حقيقي و حصل مع صاحبي في الشغل و اللي عايز يروح يشوف العربية او يقابل صاحب العربية يبعتلي علي الخاص

اخر حاجة حصلت بالمناسبة ان فيه واحد شغال في مغسلة جنب البيت شاف الحرامية و هم بيسرقوا العربية بس متوقعشي انها بتتسرق لان العربية غريبة عن المنطقة فأفتكرها عطلانه و بيشدوها و اللي اثار انتباهه انهم لما الحبل اللي معاهم اتقطع لقاهم بيقطعوا احزمة الامان و راح يبص فشاف معاهم 3 ألي فخاف و رجع و مفتحشي بقه غير لما موضوع العربية انتشر في المكان

ربنا يحفظنا و كل الهدف والله ان الناس تخلي بالها مش اكتر و متسبشي مفتاح عربيتك مع البواب ولا مع السايس ولا تسيب عربيتك في مكان خطر و امن علي عربيتك لو تقدر

[m_adeleid]

ادعي بقي ان الحرامي ميكونش بيخش علي النت و يشوف موضوعك بالصدفه
طبعا حيعرف ان صاحبك اللي اخدها في ثواني

[m_adeleid]

لسا عربيه واحد صاحبي مسروقه السبت اللي فات الصبح من تحت بيت اخته في حدايق الاهرام
لانوس سودا

[SAMEH_FOUAD]

ربنا يخليك يا استاذ كريم انا اتشتمت كتير اوي بسبب الموضوع ده و اللي يقول مسطول و اللي يقول بألف !!!

انا عايز استفادة واحدة فقط من تاليف موضوع زي ده بالتفاصيل دي بطريقة السرقة !!!!!! و الأشد ان في اعضاء حصلت معاهم دخلوا اكدوا الموضوع !!!!

لأخر مرة اقسم بالله الموضوع ده حقيقي و حصل مع صاحبي في الشغل و اللي عايز يروح يشوف العربية او يقابل صاحب العربية يبعتلي علي الخاص

اخر حاجة حصلت بالمناسبة ان فيه واحد شغال في مغسلة جنب البيت شاف الحرامية و هم بيسرقوا العربية بس متوقعشي انها بتتسرق لان العربية غريبة عن المنطقة فأفتكرها عطلانه و بيشدوها و اللي اثار انتباهه انهم لما الحبل اللي معاهم اتقطع لقاهم بيقطعوا احزمة الامان و راح يبص فشاف معاهم 3 ألي فخاف و رجع و مفتحشي بقه غير لما موضوع العربية انتشر في المكان

ربنا يحفظنا و كل الهدف والله ان الناس تخلي بالها مش اكتر و متسبشي مفتاح عربيتك مع البواب ولا مع السايس ولا تسيب عربيتك في مكان خطر و امن علي عربيتك لو تقدر

ياباشا سيبك اللى يقول يقول واللى يتهكم براحتة

انت بتعمل خير بأنك بتوعى الناس ربنا يجعلة فى ميزان حسناتك , واحنا مصدقينك ياباشا ماتقلقش

وان شاء الله ربنا يكفينا شر السرقة

والف مبروك لصاحبك على رجوع العربية , وان شاء الله ماتتكررش معاة , وخلية بقى لو هينزل البلد دية , ماينزلهاش تانى بالعربية او ماينزلهاش تانى اصلا

وربنا ينتقم من كل الحرامية اللى فى البلد اللى بيستحلوا فلوس وحق مش من حقهم

حتى لو هما مسكترين على الناس دية انها تركب عربيات وهما مش راكبين , معلش يعنى دية ارزاق ولو هية كدة بقى يبقى اللى راكب عربية ب100 الف يروح يسرق الناس اللى معاهم عربيات بمليون عشان مستكتر عليهم النعمة اللى ربنا مديهالهم , لانهم لو عرفوا الناس دية شارية العربيات ازاى وقسط وفلوس بدين كانوا عرفوا ان مش كل اللى راكب عربية مستريح ومتهنى

ربنا يهديهم , ويبعدهم عننا , ويبعدنا عنهم