مصر تبدأ في خفض دعم الوقود تدريجيا في 2014

[Elawany13]

مصر تبدأ في خفض دعم الوقود تدريجيا في 2014



قال رئيس الوزراء المصري حازم الببلاوي الاحد ان مصر ستبدا في رفع الدعم عن الوقود تدريجيا قبل ان ترحل الحكومة الانتقالية العام المقبل دون المساس بالفقراء، لكن هذه الاصلاحات الطموحة تتوقف على انتهاء الاضطرابات التي تضرب البلاد.

واوضح الببلاوي في مقابلة مع وكالة الصحافة الفرنسية ان الحكومة تريد تخفيض دعم الوقود بشكل تدريجي وبما "لا يمس الشريحة الدنيا من المواطنين".

وتواجه حكومة الببلاوي التي عينها الجيش بعد عزل الرئيس محمد مرسي في تموز/ يوليو الفائت، تظاهرات اسبوعية لانصار الرئيس المعزول الذين اتهمهم الببلاوي بمحاولة خلق "ازمة" في مصر.

وقال رئيس الوزراء "اعتقد ان هذه الحكومة يجب أن تتوصل لبرنامج للسنوات الخمس او السبع القادمة وان تحاول تنفيذ المرحلة الأولى"، في اشارة لبرنامج خفض دعم الوقود الذي يلتهم نحو خمس ميزانية الدولة.

وشدد الببلاوي على ان "هذه المرحلة يجب ان تكون معتدلة ومقبولة بشكل معقول"، مؤكدا ان الاصلاحات "لن تمس دعم الغذاء، الأمر سيكون مقصورا على الطاقة، ولن يمس الشريحة الدنيا من المواطنين"، اي الفقراء ومحدودي الدخل.

[mahmoudahmad8]

و بكرة تشوفوا مصر

و بكرة تشوفوا مصر

[mahmoud.69]

احسن وبكره تتشو من مصر

[aouelfotouh]

ححكومة بلاوى

[amdd]

طيب

[amrelsaqqa]

ازاى مش هيأثر على الفقراء نفسى افهم ، وبعدين ما هو اي واحد دلوقتى غنى نسبيا ، هتقوللى البنزين هيبقى ب2 جنيه ونص ، هقلب فقير وقتى :d

انا مش فاهم ايه القرف ده ، هو ربنا مش هيتوب علينا من العقليات دى

[ysamerlabib]

الله يخرب بيت البهايم على الصبح
هي ناقصة يا عم انت

طيب انا حاركن العربية واركب بقى مواصلات الغلابة . يبقى حتتزحم زيادة
ويقولك الغلابة مش حتتأثر ... طيب يبقى يوريني الغلابة حتشتري خضار ولحمة منين بعد ما تكلفة النقل حتزيد على المنتج
ياجدعان بلاش عقلية 1901 ميلادية اللي عايشين فيها دي
وبكرة تولعوا في مصر

[Silent~Dream]

استغفر الله العظيم من كل ذنب عظيم يا رب ولينا لناس فاهمين مش عايشين فى البطيخ مره يشيلوا الدعم عن بنزين 95 و الحكومه ال ....... يقولك ده عشان الى هيحط 95 يبقى غنى و مش هيفرق معاه ما هو يا ......... منك ليه الشركات عشان سياسه التخلف بتاعت الجمارك و القرف بتنزل مواتير بسعه اقل و تربو عشان تدى اداء افضل و استهلاك بنزين افضل و ملوثات اقل يعنى بيئه افضل والله انا مش عارف الدماغ دى شغاله ازاى لو الواحد هيتكلم هيكتب الاف السطور و مش هيكفى كل الحكومات الى بتمسك مصر تفكيرهم رجعى جدا و بياخرونا سنين لورا و دلوقتى عايزين يشلوا الدعم خالص عن الطاقه يعنى هنلبس فى الحيط و طبعا المصرى معروف بالفهلوه هتلاقى غش البنزين زاد عشان الربح هيزيد الضعفين كمان

[fourseasons]

ربنا يستر ان شاء الله. ويعديها على خير.

[mahmoud ghanem]

انا كمان مش فاهم ... يعنى لما محمد مرسى كان عاوز يرفع الدعم عن الطاقة بالكامل واستلمنا كروت البنزين بتاعت العربيات وكل شهر ليك 150 لتر مدعم كان زى العسل وتـكبـيـــــــــــر ..

ودلوقتى بقت حاجة تقرف وحكومة مش عارف اية وانقلاب ابن مش عارف اية

اتقوا الله .. وادعوا بالخير

[horas3000]

مفيش فايده
و انا متوقع كده اصلا من بدري
نفس الفكر العقيم

[mo7a_mo7a]

اسلوب دعم الوقود الحالي فاشل ومكلف جدا جدا
ازاي بس معترضين؟
تعالو نفكر بالعقل

لو في 2 واحد معاه عربية 127 مكملتش 1000 سي سي والتاني معاه جيب او مرسيدس 2000 سي سي وانت طالع مين حيستهلك بنزين اكتر اكيد اللي معاه عربية اكبر وبالتالي كل ما كنت اغني وعربيتك اكبر تاخد دعم اكبر

بحسبة بسيطة بتاع ال127 حياخد دعم في السنة 900 جنيه وبتاع الجيب حياخد 12 الف جنيه واللي ماشي علي رجله مش حياخد ولا مليم
دا غير عربيات السفارات والقنصليات والسياحة اللي بتاخد دعم من الدولة !! طب لييييييه انا ادعم عربيات سفارة المانيا وسويسا ليييييييه
حاجة تانية انا اخويا بيشتغل في شركة ادوية ومدينوا عربية بيعمل بيها شغل الشركة وبيلف بيها مصر ليه الحكومة تقدم دعم لعربيات شركات القطاع الخاص؟؟؟ هم كانو بيبيعوا منتجاتهم بسعر مدعوم؟؟ طبعا لا

شركات الاسمنت والحديد والاسمدة بتاخد الطاقة عموما كهرباء وغاز وبترول بسعر مدعوم وتبيعلك المنتج بالسعر العالمي طب لييييه؟؟؟ يا اما يشتري الطاقة مدعومة ويقدملي سلعة رخيصة يا اما ياخدها بسعرها الحر ويبيع زي ما يحب وساعتها مش حيقدر يغلي لان المستورد موجوود وسعره معروف
انما الحكومة تدعمه من جيبي انا وجيب كل واحد بيدفع ضرايب وبعدين يبيعلك طن الاسمنت والحديد اغلي من المستورد؟؟ لا طبعا

شركات الاعلانات اللي مالية الشوارع باعلانات اسعارها خرافية تاخد كهرباء مدعومة تنور بيها اعلاناتها ليه؟؟
المطاعم والفنادق السياحية اللي الليلة فيها بمقام مرتب شهر ليه تاخد غاز وكهرباء مدعومة

................ الخ
واللستة طويلة


اننا ادفع الفلوس دي كلها للي ميستحقهاش وفي ناس مش لاقية لا تاكل ولا تلبس ولا تتعليم مش يبقا ظلم؟؟
طبعا ظلم واي واحد يقول غير كده يبقي يا اما مش فاهم يا امي بيستهبل

رفع الدعم عن الشرائح دي امر حتمي بل بالعكس ان استمراره امر غبي بيضيع فلوس البلد

يجي واحد يتفذلك ويقول طب انا عندي عربية 131 او 504 وموتورها كبير 2000 سي سي وبتاكل بنزين اعمل ايه وانا موظف غلبان:
الاجابة ان ترشيد الدعم مش علي اساس السعة اللترية للعربية بس انما الموديل وسنة الصنع
مينفعش ادفع العربيات القديمة سعر حر وعربية باسات 1400 سي سي تمنها 340 الف تاخد دعم

واحد تاني يقولي انا بقالي 20 سنة بحوش وجايب عربية نظيفة زيرو بالقسط ومقدرش ادفع بنزين غالي:
الاجابة ان الحلول كتير منها تقنين كمية محددة بكارت البنزين مدعومة واكتر من كده تدفع ويبقي انت ليك الاختيار اما ترشد استهلاكك بشكل معقول وتاخد البنزين مدعم او تلفلف بالعربية زي ما انت عايز وتدفع تكلفة رغباتك

واحد تاني يقولي انا معايا تاكسي وفاتح بيت ومينفعنيش المقنن بتاع الحكومة:
الحل اقلب غاز ويباقلك الاختيار اما تاخد الدعم في الغاز او تشيل تمن البنزين
ومحدش ينسي ان اقل مشوار بالتاكسي النهاردة ب 20 او 30 جنيه في الوقت الي تمن البنزين بتاع المشوار ميعديش 2 او 3 جنيه وبالتالي دعم البنزين مش مخلي السواقين مرخصين الاجرة ولا حاجة

التنظيم سهل انما المبدا لازم يكون واحد وهو
الدعم لمن يستحقه فقط

[Merooxx]

ازاى مش هيأثر على الفقراء نفسى افهم ، وبعدين ما هو اي واحد دلوقتى غنى نسبيا ، هتقوللى البنزين هيبقى ب2 جنيه ونص ، هقلب فقير وقتى :d

انا مش فاهم ايه القرف ده ، هو ربنا مش هيتوب علينا من العقليات دى

فعلا والله

[Merooxx]

اسلوب دعم الوقود الحالي فاشل ومكلف جدا جدا
ازاي بس معترضين؟
تعالو نفكر بالعقل

لو في 2 واحد معاه عربية 127 مكملتش 1000 سي سي والتاني معاه جيب او مرسيدس 2000 سي سي وانت طالع مين حيستهلك بنزين اكتر اكيد اللي معاه عربية اكبر وبالتالي كل ما كنت اغني وعربيتك اكبر تاخد دعم اكبر

بحسبة بسيطة بتاع ال127 حياخد دعم في السنة 900 جنيه وبتاع الجيب حياخد 12 الف جنيه واللي ماشي علي رجله مش حياخد ولا مليم
دا غير عربيات السفارات والقنصليات والسياحة اللي بتاخد دعم من الدولة !! طب لييييييه انا ادعم عربيات سفارة المانيا وسويسا ليييييييه
حاجة تانية انا اخويا بيشتغل في شركة ادوية ومدينوا عربية بيعمل بيها شغل الشركة وبيلف بيها مصر ليه الحكومة تقدم دعم لعربيات شركات القطاع الخاص؟؟؟ هم كانو بيبيعوا منتجاتهم بسعر مدعوم؟؟ طبعا لا

شركات الاسمنت والحديد والاسمدة بتاخد الطاقة عموما كهرباء وغاز وبترول بسعر مدعوم وتبيعلك المنتج بالسعر العالمي طب لييييه؟؟؟ يا اما يشتري الطاقة مدعومة ويقدملي سلعة رخيصة يا اما ياخدها بسعرها الحر ويبيع زي ما يحب وساعتها مش حيقدر يغلي لان المستورد موجوود وسعره معروف
انما الحكومة تدعمه من جيبي انا وجيب كل واحد بيدفع ضرايب وبعدين يبيعلك طن الاسمنت والحديد اغلي من المستورد؟؟ لا طبعا

شركات الاعلانات اللي مالية الشوارع باعلانات اسعارها خرافية تاخد كهرباء مدعومة تنور بيها اعلاناتها ليه؟؟
المطاعم والفنادق السياحية اللي الليلة فيها بمقام مرتب شهر ليه تاخد غاز وكهرباء مدعومة

................ الخ
واللستة طويلة


اننا ادفع الفلوس دي كلها للي ميستحقهاش وفي ناس مش لاقية لا تاكل ولا تلبس ولا تتعليم مش يبقا ظلم؟؟
طبعا ظلم واي واحد يقول غير كده يبقي يا اما مش فاهم يا امي بيستهبل

رفع الدعم عن الشرائح دي امر حتمي بل بالعكس ان استمراره امر غبي بيضيع فلوس البلد

يجي واحد يتفذلك ويقول طب انا عندي عربية 131 او 504 وموتورها كبير 2000 سي سي وبتاكل بنزين اعمل ايه وانا موظف غلبان:
الاجابة ان ترشيد الدعم مش علي اساس السعة اللترية للعربية بس انما الموديل وسنة الصنع
مينفعش ادفع العربيات القديمة سعر حر وعربية باسات 1400 سي سي تمنها 340 الف تاخد دعم

واحد تاني يقولي انا بقالي 20 سنة بحوش وجايب عربية نظيفة زيرو بالقسط ومقدرش ادفع بنزين غالي:
الاجابة ان الحلول كتير منها تقنين كمية محددة بكارت البنزين مدعومة واكتر من كده تدفع ويبقي انت ليك الاختيار اما ترشد استهلاكك بشكل معقول وتاخد البنزين مدعم او تلفلف بالعربية زي ما انت عايز وتدفع تكلفة رغباتك

واحد تاني يقولي انا معايا تاكسي وفاتح بيت ومينفعنيش المقنن بتاع الحكومة:
الحل اقلب غاز ويباقلك الاختيار اما تاخد الدعم في الغاز او تشيل تمن البنزين
ومحدش ينسي ان اقل مشوار بالتاكسي النهاردة ب 20 او 30 جنيه في الوقت الي تمن البنزين بتاع المشوار ميعديش 2 او 3 جنيه وبالتالي دعم البنزين مش مخلي السواقين مرخصين الاجرة ولا حاجة

التنظيم سهل انما المبدا لازم يكون واحد وهو
الدعم لمن يستحقه فقط

كلام سليم بس يطبق بشروط

[omda hassnin]

أتفق مع من يؤيد رفع الدعم وأيضاً أتفق مع من يؤيد أستمرار الدعم
لكن ياساده دى أخطاء الحكومات المتعاقبه علينا من سنه 1990 إلى ألان
وبكل أسف الطبقة اللى عايزينها تدفع بدون دعم هما اللى فعلا بيستفيدو بكل حاجة مدعومه
والطبقة اللى عايزنها تستفيد بالدعم هما اللى الحكومات بتمص دمهم ليعيش أصحاب المليارات
وكل مايحصلون عليه زيت وسكر مدعم !!
حقاً أنها مصر التى تدار بعقلية القرن التاسع عشر ولم نرتقى لما يحلم به المواطن العادى
بل أستجبنا وأتحدنا مع أصحاب المصالح والنفوذ