مصر تبدأ في خفض دعم الوقود تدريجيا في 2014

[مواطن مصرى]

اسلوب دعم الوقود الحالي فاشل ومكلف جدا جدا
ازاي بس معترضين؟
تعالو نفكر بالعقل

لو في 2 واحد معاه عربية 127 مكملتش 1000 سي سي والتاني معاه جيب او مرسيدس 2000 سي سي وانت طالع مين حيستهلك بنزين اكتر اكيد اللي معاه عربية اكبر وبالتالي كل ما كنت اغني وعربيتك اكبر تاخد دعم اكبر

بحسبة بسيطة بتاع ال127 حياخد دعم في السنة 900 جنيه وبتاع الجيب حياخد 12 الف جنيه واللي ماشي علي رجله مش حياخد ولا مليم
دا غير عربيات السفارات والقنصليات والسياحة اللي بتاخد دعم من الدولة !! طب لييييييه انا ادعم عربيات سفارة المانيا وسويسا ليييييييه
حاجة تانية انا اخويا بيشتغل في شركة ادوية ومدينوا عربية بيعمل بيها شغل الشركة وبيلف بيها مصر ليه الحكومة تقدم دعم لعربيات شركات القطاع الخاص؟؟؟ هم كانو بيبيعوا منتجاتهم بسعر مدعوم؟؟ طبعا لا

شركات الاسمنت والحديد والاسمدة بتاخد الطاقة عموما كهرباء وغاز وبترول بسعر مدعوم وتبيعلك المنتج بالسعر العالمي طب لييييه؟؟؟ يا اما يشتري الطاقة مدعومة ويقدملي سلعة رخيصة يا اما ياخدها بسعرها الحر ويبيع زي ما يحب وساعتها مش حيقدر يغلي لان المستورد موجوود وسعره معروف
انما الحكومة تدعمه من جيبي انا وجيب كل واحد بيدفع ضرايب وبعدين يبيعلك طن الاسمنت والحديد اغلي من المستورد؟؟ لا طبعا

شركات الاعلانات اللي مالية الشوارع باعلانات اسعارها خرافية تاخد كهرباء مدعومة تنور بيها اعلاناتها ليه؟؟
المطاعم والفنادق السياحية اللي الليلة فيها بمقام مرتب شهر ليه تاخد غاز وكهرباء مدعومة

................ الخ
واللستة طويلة


اننا ادفع الفلوس دي كلها للي ميستحقهاش وفي ناس مش لاقية لا تاكل ولا تلبس ولا تتعليم مش يبقا ظلم؟؟
طبعا ظلم واي واحد يقول غير كده يبقي يا اما مش فاهم يا امي بيستهبل

رفع الدعم عن الشرائح دي امر حتمي بل بالعكس ان استمراره امر غبي بيضيع فلوس البلد

يجي واحد يتفذلك ويقول طب انا عندي عربية 131 او 504 وموتورها كبير 2000 سي سي وبتاكل بنزين اعمل ايه وانا موظف غلبان:
الاجابة ان ترشيد الدعم مش علي اساس السعة اللترية للعربية بس انما الموديل وسنة الصنع
مينفعش ادفع العربيات القديمة سعر حر وعربية باسات 1400 سي سي تمنها 340 الف تاخد دعم

واحد تاني يقولي انا بقالي 20 سنة بحوش وجايب عربية نظيفة زيرو بالقسط ومقدرش ادفع بنزين غالي:
الاجابة ان الحلول كتير منها تقنين كمية محددة بكارت البنزين مدعومة واكتر من كده تدفع ويبقي انت ليك الاختيار اما ترشد استهلاكك بشكل معقول وتاخد البنزين مدعم او تلفلف بالعربية زي ما انت عايز وتدفع تكلفة رغباتك

واحد تاني يقولي انا معايا تاكسي وفاتح بيت ومينفعنيش المقنن بتاع الحكومة:
الحل اقلب غاز ويباقلك الاختيار اما تاخد الدعم في الغاز او تشيل تمن البنزين
ومحدش ينسي ان اقل مشوار بالتاكسي النهاردة ب 20 او 30 جنيه في الوقت الي تمن البنزين بتاع المشوار ميعديش 2 او 3 جنيه وبالتالي دعم البنزين مش مخلي السواقين مرخصين الاجرة ولا حاجة

التنظيم سهل انما المبدا لازم يكون واحد وهو
الدعم لمن يستحقه فقط

الكلام ده صح 100%

[tameraast]

اسلوب دعم الوقود الحالي فاشل ومكلف جدا جدا
ازاي بس معترضين؟
تعالو نفكر بالعقل

لو في 2 واحد معاه عربية 127 مكملتش 1000 سي سي والتاني معاه جيب او مرسيدس 2000 سي سي وانت طالع مين حيستهلك بنزين اكتر اكيد اللي معاه عربية اكبر وبالتالي كل ما كنت اغني وعربيتك اكبر تاخد دعم اكبر

بحسبة بسيطة بتاع ال127 حياخد دعم في السنة 900 جنيه وبتاع الجيب حياخد 12 الف جنيه واللي ماشي علي رجله مش حياخد ولا مليم
دا غير عربيات السفارات والقنصليات والسياحة اللي بتاخد دعم من الدولة !! طب لييييييه انا ادعم عربيات سفارة المانيا وسويسا ليييييييه
حاجة تانية انا اخويا بيشتغل في شركة ادوية ومدينوا عربية بيعمل بيها شغل الشركة وبيلف بيها مصر ليه الحكومة تقدم دعم لعربيات شركات القطاع الخاص؟؟؟ هم كانو بيبيعوا منتجاتهم بسعر مدعوم؟؟ طبعا لا

شركات الاسمنت والحديد والاسمدة بتاخد الطاقة عموما كهرباء وغاز وبترول بسعر مدعوم وتبيعلك المنتج بالسعر العالمي طب لييييه؟؟؟ يا اما يشتري الطاقة مدعومة ويقدملي سلعة رخيصة يا اما ياخدها بسعرها الحر ويبيع زي ما يحب وساعتها مش حيقدر يغلي لان المستورد موجوود وسعره معروف
انما الحكومة تدعمه من جيبي انا وجيب كل واحد بيدفع ضرايب وبعدين يبيعلك طن الاسمنت والحديد اغلي من المستورد؟؟ لا طبعا

شركات الاعلانات اللي مالية الشوارع باعلانات اسعارها خرافية تاخد كهرباء مدعومة تنور بيها اعلاناتها ليه؟؟
المطاعم والفنادق السياحية اللي الليلة فيها بمقام مرتب شهر ليه تاخد غاز وكهرباء مدعومة

................ الخ
واللستة طويلة


اننا ادفع الفلوس دي كلها للي ميستحقهاش وفي ناس مش لاقية لا تاكل ولا تلبس ولا تتعليم مش يبقا ظلم؟؟
طبعا ظلم واي واحد يقول غير كده يبقي يا اما مش فاهم يا امي بيستهبل

رفع الدعم عن الشرائح دي امر حتمي بل بالعكس ان استمراره امر غبي بيضيع فلوس البلد

يجي واحد يتفذلك ويقول طب انا عندي عربية 131 او 504 وموتورها كبير 2000 سي سي وبتاكل بنزين اعمل ايه وانا موظف غلبان:
الاجابة ان ترشيد الدعم مش علي اساس السعة اللترية للعربية بس انما الموديل وسنة الصنع
مينفعش ادفع العربيات القديمة سعر حر وعربية باسات 1400 سي سي تمنها 340 الف تاخد دعم

واحد تاني يقولي انا بقالي 20 سنة بحوش وجايب عربية نظيفة زيرو بالقسط ومقدرش ادفع بنزين غالي:
الاجابة ان الحلول كتير منها تقنين كمية محددة بكارت البنزين مدعومة واكتر من كده تدفع ويبقي انت ليك الاختيار اما ترشد استهلاكك بشكل معقول وتاخد البنزين مدعم او تلفلف بالعربية زي ما انت عايز وتدفع تكلفة رغباتك

واحد تاني يقولي انا معايا تاكسي وفاتح بيت ومينفعنيش المقنن بتاع الحكومة:
الحل اقلب غاز ويباقلك الاختيار اما تاخد الدعم في الغاز او تشيل تمن البنزين
ومحدش ينسي ان اقل مشوار بالتاكسي النهاردة ب 20 او 30 جنيه في الوقت الي تمن البنزين بتاع المشوار ميعديش 2 او 3 جنيه وبالتالي دعم البنزين مش مخلي السواقين مرخصين الاجرة ولا حاجة

التنظيم سهل انما المبدا لازم يكون واحد وهو
الدعم لمن يستحقه فقط

كلام حلو كلام جميل

بس ايه الى يضمن التنفيذ ,,,, استاذى انت فى مصر ,,, دوله اخترعوها علىشان يحطو فيها الفساد

النظام ده هيطبق على الغلبان فى البلد

مفيش حكومه جت او شكلها هتيجى فى المستقبل القريب ليها رصيد ثقه

انت فى مصر و حط تحتها مليون خط


ليه اتحاسب على اللتر بالسعر الحر ,,,,,, و اصلا سوق العربيات مقفول على 1600 سى سى ساعتها يفتح السوق و يشيل الجمارك الحقيره و تتباعلى العربيه برضه بالسعر العالمى الحر

مش ادفع سعر حر للبنزين و سعر كيف تجار و ضريبه حكوميه


بلد تقرف ,,,,,,,,,,,,,,,,,,,,,,,,,,,,

[Ahmed_Adham]

أنا متفق بشده مع الناس اللي بتقول الحكومه تلغي جمارك السيارات مقابل تحرير سعر البنزين خصوصا ان حصيله جمارك السيارات لا تتعدى 2 مليار جنيه سنويا مقابل حوالي 95 مليار جنيه دعم للمحروقات ده غير ان جمارك السيارات في مصر معموله عشان تحمي صناعه تجميه السيارات لعدد محدود جدا من العربيات اللي مشايه في مصر والمصانع دي مش كثيفه العماله بطبيعتها وبالتالي الرابح الاكبر هوه مجموعه صغيره من رجال الاعمال ملاك مصانع تجميع السيارات في مصر.

[Honda_lover]

الي كل من يؤيد فكرة رفع الدعم اذا كنت تعتقد ان رفع الدعم سوف يوفر لمصر المليارات السنوية ومن ثم يعود عليك في السلع الاخرى او الخدمات الاخرى فانت واهم فلن يعود عليك شئ سوى الفقر وان كان موجود بالفعل فسوف يشتد .

[azkol2005]

انا بعت عربيتي وشغال مترو زحمه شويه بس لحد ما الواحد يشوف بكره فيه ايه والله خايف اضطر اهاجر من الارف والازمات واللامن وغيره وكمان البنزين بلد فيها ازمة دكوره

[Ahmed_Adham]

الي كل من يؤيد فكرة رفع الدعم اذا كنت تعتقد ان رفع الدعم سوف يوفر لمصر المليارات السنوية ومن ثم يعود عليك في السلع الاخرى او الخدمات الاخرى فانت واهم فلن يعود عليك شئ سوى الفقر وان كان موجود بالفعل فسوف يشتد .

وليه حضرتك بتفترض ان الدعم مش بيتسرق فعليا دلوقتي؟ تفتكر من 95 مليار جنيه الحكومه بتدفعهم سنويا لدعم الوقود كام % منهم بيوصلو لتنك عربيه واقفه في محطه بنزين؟ بالعكس بقى السلعه اللي ليها سعرين (بسبب دعمها) بتبقى مطمع للسرقه وده بيبان بشده في السلع التموينيه لما تجار بيبيعو السلع التموينيه المدعمه خارج نظاق النظام التمويني بسعر تاني.

[besso]

ياجماعه تعالو بس نتكلم فى كذا نقطه كده علشان الامور توضح

خلينا متفقين ان مافيش حد فى مصر كلها مش عايز الدعم يتشال لان من البديهى لو احنا فى دوله محترمه رفع الدعم هايعود على الناس بردو بس فى صوره تانيه (بس الكلام ده مش بيحصل فى بلدنا)

ثانيا انتو باصين للموضوع من زاويه واحده ان الناس ترشد الاستهلاك واللى قادر يدفع يدفع واللى مش قادر يركن عربيته


بالعقل كده عايز تبيعلى العربيه اضعاف اضعاف سعرها العالمى وكمان تبيعلى البنزين بسعره العالمى
مش مشكلتى اننا دوله اتقصادها صعيف مسئوليه الحكومه انها تعالج المشكله دى

لكن ما تجيش تقوللى عايز اوفر الدعم اصبح انا دلقوتى بشترى البنزين بسعره العالمى والعربيه باضعاف سعرها العالمى !!!!!!هو مين بيصرف على مين

قولناها قبل كده عايز تشيل الدعم عن الوقود اوك مافيش مشكله لكن فى المقابل

عايز مواصلات محترمه ومواعديها مظبوطه اضمن انى ما اتبهدلش فيها
اضمن انى هاوصل لمعادى اجرتها تكون باستطاعتى بما فيهم التاكس

طرق محترمه مرور مظبوط على الشعره ذى بقيه دول العالم

علاشن لما اركن عربيتى لان مش قادر ادفع فلوس لابنزين ما اروحش اتسحل فى الموصلات بقرفها

قدم خدمه كويسه للناس علشان يتقلبوا القرار

وعلى فكره ده اللى بيحصل فى العالم كله

لكن احنا عيبنا ان الحكومات بتمص دم الناس وخلاص المهم نعرف نجيب فلوس نديهم بيها مرتبات

ولا مصانع ولا اقتصاد ولا اى حاجه عاملين زى بتوع الكارته واحد كل وظيفته فى الحياه يلم من ده فلوس ويلم من ده وياخد شويه فى جيبه وخلاص

ياراجل ده احنا بنكسب فى العربيه اكتر ما المصنع بيكسب فيها !!!!!!!

[Ahmed_Adham]

ياجماعه تعالو بس نتكلم فى كذا نقطه كده علشان الامور توضح

خلينا متفقين ان مافيش حد فى مصر كلها مش عايز الدعم يتشال لان من البديهى لو احنا فى دوله محترمه رفع الدعم هايعود على الناس بردو بس فى صوره تانيه (بس الكلام ده مش بيحصل فى بلدنا)

ثانيا انتو باصين للموضوع من زاويه واحده ان الناس ترشد الاستهلاك واللى قادر يدفع يدفع واللى مش قادر يركن عربيته


بالعقل كده عايز تبيعلى العربيه اضعاف اضعاف سعرها العالمى وكمان تبيعلى البنزين بسعره العالمى
مش مشكلتى اننا دوله اتقصادها صعيف مسئوليه الحكومه انها تعالج المشكله دى

لكن ما تجيش تقوللى عايز اوفر الدعم اصبح انا دلقوتى بشترى البنزين بسعره العالمى والعربيه باضعاف سعرها العالمى !!!!!!هو مين بيصرف على مين

قولناها قبل كده عايز تشيل الدعم عن الوقود اوك مافيش مشكله لكن فى المقابل

عايز مواصلات محترمه ومواعديها مظبوطه اضمن انى ما اتبهدلش فيها
اضمن انى هاوصل لمعادى اجرتها تكون باستطاعتى بما فيهم التاكس

طرق محترمه مرور مظبوط على الشعره ذى بقيه دول العالم

علاشن لما اركن عربيتى لان مش قادر ادفع فلوس لابنزين ما اروحش اتسحل فى الموصلات بقرفها

قدم خدمه كويسه للناس علشان يتقلبوا القرار

وعلى فكره ده اللى بيحصل فى العالم كله

لكن احنا عيبنا ان الحكومات بتمص دم الناس وخلاص المهم نعرف نجيب فلوس نديهم بيها مرتبات

ولا مصانع ولا اقتصاد ولا اى حاجه عاملين زى بتوع الكارته واحد كل وظيفته فى الحياه يلم من ده فلوس ويلم من ده وياخد شويه فى جيبه وخلاص

ياراجل ده احنا بنكسب فى العربيه اكتر ما المصنع بيكسب فيها !!!!!!!

حضرتك بتقبض مرتبك الاول ولا بتنفقه الاول؟ اصلها عامله زي البيضه والفرخه. المواطن عايز الدنيا مرتاحه الاول قبل ما الدعم يتشال والحكومه عايزه الدعم يتشال الاول عشان تعرف تطور الخدمات.

أنا شايف بصراحه ان الحكومه بتصرف على دعم البنزين أكتر بكتير من دعم السلع التموينيه وبالتالي اللي ربنا فاتح عليه وجايب عربيه (حتى ولو بالقسط بس أهو قادر على قسط مش أقل من 1000جنيه في الشهر) واخد دعم أكتر بكتير اللي أخره في الدعم توفير أقل من 50 جنيه في زيت وسكر ورز مش بيكفوه ولازم يشتري قدهم مرتين بالسعر الحر عشان الحكومه ممعاهاش فلوس تضيف ولاده على التموين بتاعه.

العربيه اللي بتمشي 20 ألف كيلو في السنه وبمتوسط استهلاك 10 كيلو للتر محتاجه 2000 لتر بنزين وبافتراض البنزين دلوقتي 2 جنيه للتر وسعره الحقيقي 4 جنيه يبقى الحكومه بتدي كل واحد معاه عربيه 4000 جنيه في السنه دعم بنزين في حين اللي ممعاهوش عربيه أخره سلع تموينيه ب 500-600 جنيه في السنه من الحكومه.

لازم منبقاش انانيين يا جماعه مصر مش ملاك سيارات بس. عدد العربيات الملاكي في مصر ييجي كام جنب عدد السكان؟ الغالبيه العظمى ناس بتركب المواصلات العامه سواء حكوميه أو فرديه ودي شغاله بسولار وغاز.

[besso]

ايوه ماشى الفتره بقى اللى على ما يبتدوا يبنوا فيها خدمات دى قد ايه؟؟؟؟؟
وحال الناس هايبقى عامل ازاى ساعتها

ماهو عراف لو مثلا الحكومه طلعت بخطه او قرار يغير من نظام الماوصلات فى مصر حاجه الناس تعرف بيها ان فيه شغل بجد يخلى الناس تثق فيهم لكن ما تقولليش هالغى الدعم وحلنى بقى على ما اعمللك خدمات

او مثلا انا هارفع الدعم بنسبه ى وفى نفس الوقت هاقلل من الجمارك بنسبه ساعتها الناس هات ان فيه شغل بجد

المشكله كمان ان ما ينفعش احل مشكله على حساب ناس تانيه

[SAMEH_FOUAD]

ياجماعة ماهو عشان يتم الغاء الدعم عن البنزين ففية ناس مش هتقدر تدفع , يبقى قبل مايلغى الدعم , لازم اكون موفر الاتى :

1- وسائل مواصلات ( ادمية ) يقدر الشعب يروح بيها اشغالة

2- توفير عدد اكبر من الاتوبيسات , لان هيئة النقل العام تقريبا بتشتغل ب40 % بس من اتوبيساتها عشان توفر السولار , وطبعا دة بيخلى وسائل المواصلات زحمة على طول

3- توفير السولار اللى هيشغل المواصلات


انا موافق انة يلغى الدعم بصورة جزئية , ودة لسبب واحد ان مرتب المواطن المصرى مش هيقدر يتحمل كمان اعباء فلوس وقود الا لو تم تطبيق شروط

1- الرقابة على الاسعار , لان الناس لما بتصدق بنزين غلى تلاقى كل حاجة غليت مع انهم بيستخدموا السولار بس ماتعرفش اية اللى بيحصل

2- الحكومة تراقب اسعار تعريفة الميكروباصات وهية اللى تحددها

3- الرقابة على محطات الوقود من حيث عدم غش الوقود , لانى مش كمان ادفع البنزين بالسعر الحر وكمان اخدة مغشوش

4 - تطبيق عمل كروت البنزين بحيث طلمبة البنزين ماتفتحش الا عند وضع الكارت الخاص بصاحب المركبة , وبكدة هيوفر بنزين ومافيش حاجة هتتهرب او تتعبى فى جراكن

5- يكون فى رقابة على سواقين الاجرة مش يلعبوا فى العداد براحتهم وتلاقى نفسك مشوار مايعديش 5 كم دافع فية الضعف

يضمنلى كل دة وانا موافق يلغى الدعم كلة

وساعتها مش هبقى متضايق انى باخد مواصلات عامة لانى هبقى عارف انها ادمية وكويسة

[akmm]

بالرغم من اننا لانملك الاعتراض على رفع الدعم ... ولكن سؤال منطقى وبسيط ماهى الضمانات ان لما يرفع الدعم الاقى المقابل له من اول وجود البنزين وتوفره الى جودته الحقيقيه نهايه ان المتوفلر من ملايين الدعم تعود على المواطن الغلبان ... مجرد سؤال .

[MuhamedNabil]

المشكلة ان رفع دعم الوقود ككل ( مش بس بنزين 92-95 ) حيسمع فى اكتر من حاجة و لازم يكون مدروس كويس
احنا بنبص على البنزين البنحطه فى عربيتنا بس مش دى القضية بس رفع الدعم عن الوقود كله ده غالبا حيسمع فى كل حاجة و مش مرة واحدة لا اكتر من مرة

- موصلات و نقل بضائع بشكل مباشر
- اسعار كل السلع بسبب النقل دى مرة
- اسعار السلع و الخدمات تانى عشان الناس البتشتغل الموصلات زادت عاليها و اصبحت بحاجة لزيادة فى المرتبات كل ده بيتحمل على سعر السلع البنشتريها
- مصاريف المدارس و الجامعات عشات الموظفين و اتوبيسات النقل و كل حاجة سعرها زاد حيتم تحميلها على المصاريف.

طبعا الزيادات بتتفاوت و لاكن كله فى الاخر بيتكوم على المواطن فى ايام معدودة بمجرد رفع الدعم.
اعتقد الافضل رفع الدعم عن 90-92-95 انما لو رفع الدعم عن السولار و اللازم يكون عنده خطة يحافظ باقى الاسعار.

و الواحد يتمنى ان يكون رفع الدعم من اجل ترشيد دعم مش للتخلص من عبئه لان لو لترشيد الدعم يبقى فى امل ان يبقى فيه تطوير فى اى حدمات تانية انما لو للتخلص من عبئ الدعم ده يبقى مش حنشوف من وراه حاجة