مصدر امني تطبيق عقوبة عدم ربط الحزام من اليوم

[Karim_Monir]

مصدر أمني: تطبيق قانون غرامة عدم ربط حزام الأمان لسائقي السيارات من اليوم.. #مصر
الغرامة : ١٠٠ إلى ٣٠٠ جنیھ
العقوبة : الحبس من ١ شھر إلى ٣ أشھر

[abofarah]

الحزام بايظ

[gadoo30]

يا مسهل عقبال ما يولعوا فى اللى بيمشو عكس الاتجاة ويسببو كوارث ونخلص منهم امين يا رب
ومفيش اخبار عن مواقف الميكروباص العشوائية اللى مكرهانا فى حياتنا

[exact]

حبس عشان حزام!!!!!!!!!! امال عكس اتجاه ياخد مؤبد!!!!!!!!!!1

[A.Adel]

حبس عشان الحزام
غرامة ماشي , بس حبس !!!!!!!!!!!!

يعني لو واحد نسي الحزام يتحبس شهر

طيب عكس الإتجاه ممكن حبس عشان بيعرض حياة الآخرين للخطر
مع إن العقوبة المفروض تبقى بحد اقصى سحب الرخصة مدى الحياة
مش يتحبس زي المجرمين

بس الحزام إيه اللي فيها بقى
يوم ما يخبط هو اللي هيضر , مش هيضر غيره في أي حاجة

[J A G U A R]

انا عمرى ما ربطت الحزام فى حياتى وانا سايق غير وانا داخل على لجنه ومش على طول كمان

[ashouhdy]

طب وبالنسبة للتكاتك

وبالنسبة للميكروباصات اللى ماشية تخبط في خلق الله

وبالنسبة للماشيين من غير نمر اصلا


ولا هى غرامة عشان بتوع الملاكي بس ولاد ناس وحيدفعوا لكن بتوع التكاتك والميكروباصات حينزلوا يعملولهم قلق وخناقة

[K.Ossama]

طب وبالنسبة للتكاتك

وبالنسبة للميكروباصات اللى ماشية تخبط في خلق الله

وبالنسبة للماشيين من غير نمر اصلا

ولا هى غرامة عشان بتوع الملاكي بس ولاد ناس وحيدفعوا لكن بتوع التكاتك والميكروباصات حينزلوا يعملولهم قلق وخناقة

بالنسبه الحاجات التانية دى بسيطة يا دوك
إنما الحزام.........ده ما يتسكتش عليه

[temo85]

مفيش مشكله اربطه بس لما الاقي الظابط و المستشار ماشي رابطه برضه و بيطبق عليه القانون ساعتها يبقي اللي مش رابطه يتحبس من غير كلام !!!
وهو حل مشاكل المرور فى الحزام فى مدينه لا تتعدي سرعه السياره فيها 40 كم/ساعه !!!

[Adnfalcon]

الجو حر مش طالبه حزام

[Omar Mahmoud]

اللي بيحط المخالفات ده بيفكر في ايه؟؟؟
ده بييجي في الهايفة و يتصدر،تحبس واحد مربطش الحزام بتاعه و في الاخر الضرر هيبقي ليه هو
ما تتشطروا علي التكاتك اللي بتمشي في جامعة الدول قصاد الونش عادي جدا و الميكروباصات اللي قافلة الشارع و اللي بيمشوا عكسي علي الصحراوي في الحارة الشمال.

[eng.m7md.ali]

انا بلبس حمالات -_-

[AHMED__ZIZO]

هى طالبة خنقة ما كفاية اللى احنا فيه
ولا هو اى هبل وخلاص؟؟؟؟؟؟؟؟؟؟؟

[svneleven]

موضوع لم فلوس مش أكتر هو مش خايف عليك و لا عاوز يطبق نظام و لا قانون. لكن الصراحة لازم كلنا نربط الحزام عشان مصلحتنا مش عشان حاجة تاني. الحزام و الله أحيان كتير ربنا بيجعله سبب في انقاذ أرواح.

[gadoo30]

موضوع لم فلوس مش أكتر هو مش خايف عليك و لا عاوز يطبق نظام و لا قانون. لكن الصراحة لازم كلنا نربط الحزام عشان مصلحتنا مش عشان حاجة تاني. الحزام و الله أحيان كتير ربنا بيجعله سبب في انقاذ أرواح.

كلامك سليم الحزام حماية ليك مش لحد تانى وانا الحمد لله طول عمرى بربط الحزام وعمرى ما سوقت من غيرة ومرة باظ فى عربيتى القديمة الدوجان وكان مش بيلوك لو اتشد بسرعة كنت مضايق قوى ومش عارف اصلحة بس كنت برضة بربطة وبعدين بعت العربية
الحزام تانى امان ليك وللى راكب معاك وفعلا ياما نفع ناس
المهم تفعيل باقى قوانين المرور علشان الانضباط فى الشارع وي سلام لو يقصفو عمر سواقين المقطورات والكوارث اللى بيعملوها
ربنا يحفظنا جميعا من كل سوء