مصدر امني تطبيق عقوبة عدم ربط الحزام من اليوم

[Omar Mahmoud]

انا بدأت بنفسي النهارده و حطيت الحزام و كان فيه مسافه باخدها عكسي علشان بتختصر السكه
مردتش امشيها النهارده و اخدت السكه الاطول

مكنش حد واقف ولا لجنه ولا حاجه

والنهارده كان فيه شارع رئيسي جدا فى اسكندريه و تم تطهيره من الباعه الجائلين و الموضوع مفرحني جدا
شارع اربع حارات كان حاره واحده و النهارده بقي ٤ حارات تانى و سيوله مروريه رهيبه و الناس كلها ماشيه
على الرصيف علشان بقي فيه رصيف و الاغرب ان المحلات كلها شغاله علشان مبقاش فيه جائلين

نفسي يكملوا و انا من النهارده هبدأ بنفسي و ياريت كله واحد يبدأ بنفسه و نشوف النتيجة :)))

الشارع ده كان خالد بن الوليد؟؟

[Trondo]

لا سعد زغلول محطه الرمل مفهوش بائع واحد الان

[drcobra]

مفيش احسن من احترام القانون

[hossam_elwani]

خبر كويس جدااا بس حبس عشان حزام !!!!!!!! محتاجه تفسير دى

انا من مرتدى الحزام حتى ولو المشوار جوه البلد اتعدوت على كده على الرغم ان فى ال 3 سنيين الى فاتو مكنش اى ضابط او كمين بدور عليه تماما

والسؤال القانون اصلا كان موجوده ومحدد فيه العقوبه مين بقه الى عدله وليه ماكنش بيطبق وانا بعدى على اى لجنه ايه هو القانون بيتم تطبيقه بالتقسيط وحسب الهوى ؟؟!!!!!

و ياريت يتطبق على الكل من اعلى قاضى لاى طابط ووكيل نيابه صغير وطبعا اشك

[الريس حميدو]

الحزام يا جماعة لم يوضع في العربيات من باب العبث

هو يقلل من خطر التعرض لاصابة اثناء الحوادث خصوصا اصابة الرأس
في اوروبا حاليا صار اجباري حتى على الركاب في الخلف

[svneleven]

يا جماعة بالله عليكم ما فيش حد بيقلل من قيمة استعمال حزام الأمان. أنا باستعمله و أنا في الجراج. احنا بنقول ان انت سايب العكسي و اللي دون السن القانوني و القيادة ياستهتار و التكتوك و اللي من غير نمر و كل مافيا الميكروباصات و جاي تتكلم علي حزام الأمان؟ واضح أنه جباية مش أكتر و عامة أفلح ان صدق. و ما حدش يقول بداية اللي يبدأ يبدأ بالأهم.

[K.Ossama]

يا جماعة بالله عليكم ما فيش حد بيقلل من قيمة استعمال حزام الأمان. أنا باستعمله و أنا في الجراج. احنا بنقول ان انت سايب العكسي و اللي دون السن القانوني و القيادة ياستهتار و التكتوك و اللي من غير نمر و كل مافيا الميكروباصات و جاي تتكلم علي حزام الأمان؟ واضح أنه جباية مش أكتر و عامة أفلح ان صدق. و ما حدش يقول بداية اللي يبدأ يبدأ بالأهم.

بالضبط
ده إللى أنا بقوله من أول الموضوع
وكل شوية تلاقى حد داخل فينا شمال ويرص فوائد الحزام.
أنا بربط الحزام من التسعينات ولا كان فى قانون ولا حاجة
ولكن الإعتراض على الترتيب، الاهم فالمهم

[HeRo_LaNCeR]

حبس طب الغرامه مقدور عليها لكن اتحبس عشان معملتش الحزام
داحنا هنشوف ايام طين

[waga]

مصدر أمني: تطبيق قانون غرامة عدم ربط حزام الأمان لسائقي السيارات من اليوم.. #مصر
الغرامة : ١٠٠ إلى ٣٠٠ جنیھ
العقوبة : الحبس من ١ شھر إلى ٣ أشھر

very good safty for you and all whom drive a car