فولكس فاجن تعتزم تصنيع سياراتها في مصر

[abou-yahia]

كشف رئيس رابطة الصناعات المغذية للسيارات، علي توفيق، اليوم الثلاثاء، عن اعتزام شركة فولكس فاجن الألمانية، دخول نشاط تجميع السيارات التجارية في مصر.
وقال توفيق إن المعهد الألماني Rui Institute، والمسؤول عن التفاوض باسم فولكس فاجن في مصر، أكد للرابطة أن الشركة الألمانية ستتخذ قرار تجميع سيارات تجارية في مصر، بالإضافة إلى الدخول في مجال الصناعات المغذية للسيارات أغسطس المقبل.
وأضاف رئيس رابطة الصناعات المغذية، أن فاجن ستحقق طفرة في صناعة السيارات عالية الجودة في مصر، وبأسعار مناسبة، ما سيؤدي إلى التغلب على مشاكل ارتفاع السيارات في مصر.
وتعد شركة فولكسفاجن من أكبر شركات تصنيع السيارات الأوربية، ويتعدى انتجاها سنويا حاجز الـ 9.5 مليون سيارة على مستوى العالم، لتحتل رأس القائمة في أكثر السيارات مبيعا على مستوى العالم، وتصدر الشركة عدد يتجاوز الألف سيارة سنويا إلى مصر.

[ahmzd]

قرار فاشل تماما.. والله أعلم.
وخصوصا في الوقت الذي ألغت فيه مرسيدس تجميع سياراتها في مصر، وبي إم دبليو تدرس حاليا اتخاذ نفس القرار.

[abou-yahia]

قرار فاشل تماما.. والله أعلم.
وخصوصا في الوقت الذي ألغت فيه مرسيدس تجميع سياراتها في مصر، وبي إم دبليو تدرس حاليا اتخاذ نفس القرار.

ايه اللي فشله

مهي الفئة اللي حتستهدفها مختلفه

يعني لو جمعت الباسات مثلا مهي كده اكيد حتقلل في سعرها

باي باي مرسيدس ويلكم VAG Group

[MaZaGAngeE]

خبر غير منطقي ..
فولكس ليها مصنع في تركيا و اسبانيا و الصين…
هتعمل مصنع في مصر عشان الف عربية ? ولا عشان تصدر للشرق الاوسط في بلد غير مستقر امنيا و سعر عملة غير مستقر و بلد من اعلي معدلات الفساد ?
مرسيدس طلعت من السوق و هيه بتبيع اضعاف فولكس و بي ام هتطلع .. تويوتا و هيونداي لغوا مصانغهم بعد استلام الارض ..
مفيش مستقبل لاي مصانع في مصر بسبب العملة و الانهيار الاقتصادي و الفساد ..

[محمد دسوقى72]

سبحان الله اى صناعة عالمية تدخل فيها ايد مصرى 00000000000000 كفاية علينا الكشرى والفول والطعمية مفيش امل

[monamize4]

ياريت يكون الخبر صحيح فعلا (و لو انى شاكك فيه) ,, و نبقى خامس plant لفولكس ف افريقيا

[hugan]

لو العربيه تجميع محلي تتباع ارخص من المستورد
كان يبقي خير وبركه
لكن طبقا للنهب المنظم والقانوني ﻻءي تاجر مصري
العربيه تباع بسعر المستورد
مع جوده زباله طبعا
ان شاء الله فولكس مش هاتبيع عربيه في مصر

[Mzeid]

الخبر بيتكلم على السيارات التجارية

[dr_haitham79]

انا شايف لو فولكس عملت عربية شبيهة بالعربية البرازيلى جول
او باراتى
او اعادت انتاج عربية موديل اوائل الالفينات زى بولو ولا جولف 3
او نسخ جديدة تبقى خاصة بالسوق المصرى: هتنجح جدا فى مصر

بالنسبة لهروب مرسيدس وبى ام من مصر..
دى ممكن تكون فرصة اكبر لفولكس تثبت نفسها اكتر.
ولأنها تلاقى العمالة المدربة بالفعل اللى يبقوا الاساس اللى يزودوا منه عمالهم

بالمناسبة:
مرسيدس ماقفلتش مصانعها بسبب انهيار الاقتصاد والامن والفساد زى ما قال احد الزملاء الافاضل
لكن ده قرار متخذ من الشركة من 2010 اصلا
بسبب انها بحسبتها:
لما يتشال الجمارك من على العربيات فى 2019 هتبقى العربية المستوردة ارخص من المتصنعة فى مصر.

[mif]

خبر غير منطقي ..
فولكس ليها مصنع في تركيا و اسبانيا و الصين…
بالعكس كلام منطقي جدا
فولكس تنافس تويوتا و جي ام على رقم واحد في العالم في اعلى المبيعات
فمنطقي ان ولكس تفتح مصنع جديد لزيادة المبيعات السنوية

و بعدين هي فولكس فاتحة مصانع في تركيا و اسبانيا و الصين فقط !!!
هتعمل مصنع في مصر عشان الف عربية ? ولا عشان تصدر للشرق الاوسط في بلد غير مستقر امنيا و سعر عملة غير مستقر و بلد من اعلي معدلات الفساد ?
انت بتسأل سؤال اجابته ان الفكرة منطقية جدا
اذا كانت مبيعات فولكس في مصر ضعيفة فباسباب كتير جدا منها الاسعار و توافر قطع الغيار باسعار معقولة و سهولة الصيانة و كلها بتتحل بافتتاح مصنع يقلل اسعار المنتج و قطع غياره و صيانته
يبقى مش حتبيع 1000 في سنة ... و اكيد عارفة ان السوق المصري من اكبر اسواق المنطقة و اقتحامه مكسب لفولكس و لمصر .
الصناعة تتجاوز عوائق كثيرة جدا
مرسيدس طلعت من السوق و هي بتبيع اضعاف فولكس و بي ام هتطلع ..
فكر مرسيدس لا يعتمد على فكرة اعلى ارقام مبيعات
مرسيدس تهتم بالجودة و استحداث دائم لتكنولوجيات جديدة .... و السوق المصري دمر سمعة مرسيدس بسبب حكاية البنزين 92 و المكن اللى اتدمر من غير ما يمشي خالص و المحاكم اجبرت مرسيدس على تغييرها . دي نقطة
النقطة الثانية هي ففكرة الغاء الجمارك مع اوروبا هدفها ايه ؟
هدفها خلق فرص عمل جديدة على الاراضي الاوروبية .... بدل ما يعلموا المصريين .... يزودوا الانتاج عندهم و يصدروا ...... و فعلا بالجمارك صفر سعر المنتج الاوروبي حيبقى ارخص من التجميع المحلي
و بي ام نفس الحكاية (اوجع دماغي مع ناس معندهاش ضمير ليه ..... انا ازود الصناعة و اصدر و ممكن يتعمل فئات خاصة لشمال افريقيا ..... زى بيجو لما عملت ال 301 )
و دا دليل
خطوة اخدتها البافارية
http://www.nilemotors.net/Nile/46815...post3875967933


تويوتا و هيونداي لغوا مصانغهم بعد استلام الارض ..
اذا كان عن تويوتا الاتفاقيات كانت بتم في اواخر 2010 و الثورة نيلت الحكاية
و الموضوع اتأجل ...... و اللى نيلها اكتر الخونة اللى خلوا مصدر سيارات تويوتا لمصر تركيا .

رغم ان تويوتا الى الان لديها رغبة فى ان سياراتها تتصنع على ارض مصر .
و الموضوع لو تم المواطن المصري كان حيركب احدث كورولا بمبلغ لا يتجاوز 120 الف لاعلى فئة (و ممكن ارخص كمان .... الصناعة شطارة مش التجارة ).

تويوتا كانت تعتزم جعل مصر مصدر كورولا و ياريس و هايس و هايلكس فى شمال و وسط افريقيا و لكنه لم يحدث و قد لا يحدث بسبب كارهي مصر و المصريين .

لكن للاسف بعض الناس (يدعوا انهم مصريين ) لا تتمنى اى خير للمواطن المصري . للاسف


اما عن هيونداي .... كل اللى سمعته انها كانت عايزة تاخد النصر للسيارات كارض فقط و الدولة رفضت

و ياريت لو عندك معلومة تانية تعرفنا.

مفيش مستقبل لاي مصانع في مصر بسبب العملة و الانهيار الاقتصادي و الفساد ..

قريت قريب مقالة اقتصادية ان السعر الحقيقي للدولار في مصر لا يتجاوز 7.50 و ان السبب الرئيسي في ارتفاع سعره مافيا السوق السوداء و انتشار تداول العملة في شكل بنك نوت .
يعني احنا اللى بنعمل كدا في نفسنا ... و الحمد لله في قرارات اتخدت قليلت من تضخم اسعار العملات الاجنبية كتير . و الكل يشهد بكدا

الانهيار الاقتصادي : كلمة كبيرة قوي و مصر ما دخلتش فيها و باذن الله تعالى لم و لن تنهار
بلاش كلمات سلبية و خلينا ايجابيين .. فعلا اقتصادنا متضرر جدا و لكنه لم ينهار و في تحسن

الفساد : هي دي فعلا اللى مدمرة البلد و ربنا يصلح الحال و يرحمنا من الفساد و الفاسدين
و على فكرة اسؤ ما في الفساد قاعدة الهرم و ليس رأسه


اتمنى انى اشوف بدل المصنع عشرات المصانع زي الهند و البارزيل و الصين و روسيا و المكسيك
و باذن الله ينجحوا و يقدموا للمواطن المصري منتجات جيدة و ممتازة باسعار عادلة زي اوروبا و امريكا

[borio1704]

زي ما قال زميلنا Mzeid قبل كده...

الخبر بيتكلم عن السيارات التجارية..


حد عارف يعني إيه سيارات تجارية؟؟؟


يعني سيارات النقل والنص نقل والفان التجاري وكل ما يستخدم في التجارة...




حاجات زي كده:

فولزفاجن كادي


أو كده

فولزفاجن كارافيل


أو كده

فولزفاجن أماروك


أو كده

فولزفاجن كرافتر




وأغلب الظن إنها هي آخر صورة بس...


لسبب بسيط..


إن مصر ميزتها الأساسية في تجميع الأوتوبيسات وسيارات النقل.. لإن تصنيعها أسهل وتعقيداتها أقل ومتطلبات الزباين بتوعها مش عالية..

يعني تقدر تحط فيها تكنولوجيا قديمة ورخيصة وفي نفس الوقت يعتمد عليها.


ده موقع فولزفاجن للسيارات التجارية... تقدر تاخد فكرة كافية منه

http://www.volkswagen-commercial-vehicles.com/en/models.html

على فكرة... شركات السيارات اللي بتصدر في مصر هي اللي بتشتغل في الأوتوبيسات والنقل بس.


فما تاخدوش الموضوع بجد كده.. الموضوع مش لينا.


...

[Ahmedo0o]

سياره محترمه وعريقه
بس التجميع الالمانى شكله مالوش مجال فى أفريقيا
إحنا نبداء باليابانى بدل الكورى اللى بهدلنا فى مصر

[ayaamna]

يا جماعه الخبر بيقول ان فولكس لسه
ها تتخذ القرار يعنى لسه ما اتخذتهوش
يعنى فنكوش
ولما تتخذه يبقى ربنا يسهلها

[mif]

فما تاخدوش الموضوع بجد كده.. الموضوع مش لينا.


لا لينا طبعا
لما يتفتح مصنع يبقى فيه فرص عمل و استثمار
و لما يشتغلوا في التجاري الاول و يكسبوا ..... يطوروا و يشتغلوا ي الملاكي .... و تزيد فرص العمل و الاستثمار
و حنستفيد كمان ان المنتج اللى حيتصنع في مصر حيبقى ارخص من اللى ممكن يتجمع في مصر و حتبقى ارخص كتير جدا من المستوردة ..... و دا مكسب للافراد و الشركات و المؤسسات اللى بتشتري سيارات فولكس التجارية

الصناعة شطارة
الموضوع بتكلم عن صناعة مش تجميع و هنا مكسب لكل المصريين
...

[mif]

يا جماعه الخبر بيقول ان فولكس لسه
ها تتخذ القرار يعنى لسه ما اتخذتهوش
يعنى فنكوش
ولما تتخذه يبقى ربنا يسهلها

ممكن فعلا يتراجعوا.... و ممكن ينفذوا اقتراحتهم و لازم نشجعهم ...و حيبقى مكسب لينا