إعـــــــلان

Collapse

.

,
See more
See less

فولكس فاجن تعتزم تصنيع سياراتها في مصر

Collapse
X
 
  • Filter
  • الوقت
  • Show
Clear All
new posts

  • #16
    أفلح إن صدق...

    Comment


    • #17
      المشاركة الأصلية كتبت بواسطة mif مشاهدة المشاركة
      لا لينا طبعا
      لما يتفتح مصنع يبقى فيه فرص عمل و استثمار
      و لما يشتغلوا في التجاري الاول و يكسبوا ..... يطوروا و يشتغلوا ي الملاكي .... و تزيد فرص العمل و الاستثمار
      و حنستفيد كمان ان المنتج اللى حيتصنع في مصر حيبقى ارخص من اللى ممكن يتجمع في مصر و حتبقى ارخص كتير جدا من المستوردة ..... و دا مكسب للافراد و الشركات و المؤسسات اللى بتشتري سيارات فولكس التجارية

      الصناعة شطارة
      الموضوع بتكلم عن صناعة مش تجميع و هنا مكسب لكل المصريين

      أولا.. أحب أحييك على حماسك الواضح جدا في كل ردودك....

      بس نفسي الحماس ده يبقى معاه شوية تأكد من المعلومات علشان يبقى الكلام كله ماشي مع بعضه.


      أنا لما قلت "الموضوع مش لينا" ما كانش قصدي إنه مش لمصر... إنما كان قصدي إنه مش لينا إحنا "اللي بنركب عربيات ملاكي"

      طبعا .. أي مصنع هيفتح في مصر فيه فايدة كبيرة وفرص عمل واستثمار.. ده مفيهوش خلاف.

      إنما أكيد حضرتك عارف إن اللي بيخلي شركات السيارات تفتح مصانع هو قيمة الجمرك العالية جدا.. واللي بتخلي من الصعب جدا إن حد في مصر يشتري عربية بسعر معقول إلا إذا كانت صناعة مصرية.. لإن ببساطة ما عليهاش جمرك.


      بس عايز أوضح لحضرتك كذا حاجة:

      1- كل السيارات المجمعة (الملاكي) في مصر أسعارها المفروض تكون أرخص من كده... والحكاية فيها مكسب كبير جدا للمصانع دي .. خصوصا لما تيجي تشوف إن فرق السعر عن المستورد قليل..

      يمكن اللي ممكن يرفع سعر التكلفة شوية هو الـoverheads .. أو التكاليف الإدارية.. لإن خط الإنتاج علشان يجيب تكلفته لازم يبقى فيه كمية إنتاج كبيرة... وده طبعا مش بيحصل في مصر.. وحتى لو أخدنا أكبر شركة تجميع سيارات في مصر (غبور مثلا) بتعمل كام ألف عربية في السنة وبتشتغل وردية واحدة في اليوم...

      علشان كده.. المصانع دي بتلجأ إنها تجمع الموديلات القديمة بخطوط إنتاج قديمة تكلفتها لا تزيد عن تكلفة الشحن لمصر.

      من الآخر.. الشغلانة دي مش جايبة همها .. ولو الجمرك اتشال.. مش هتلاقي ولا مصنع سيارات في مصر لإن كله هيطلع خسران.


      2- السيارات التجارية على عكس سيارات الملاكي... جمركها بسيط جدا (20% على ما أذكر)... وده شامل الميكروباصات والأوتوبيسات والنقل والنص نقل.. وأي حاجة شغالة بالديزل على ما أعتقد.

      ومع ذلك... صناعة السيارات التجارية (الأوتوبيسات تحديدا) ناجحة جدا في مصر... لعدة أسباب:
      * طبيعة تركيب الأوتوبيسات مختلفة تماما عن العربيات الملاكي.. خصوصا في مسألة الشاسيه المنفصل.. ودي بتخلي مسألة تصنيع الشاسيه في مصر أسهل.

      * أغلب المكونات في الأوتوبيسات موجودة في مصر.. بمعنى إن المكون المحلي في الأوتوبيسات أعلى بكتير (يمكن يوصل لحدود 80%)... وده بيخلي الأسعار أرخص.

      * الأوتوبيسات عموما على مستوى العالم بتتصنع بأسلوب يدوي.. مش محتاجة روبوت زي العربيات التانية... ودي ميزة موجودة في مصر عن دول العالم المتقدم لإن تكلفة اليد العاملة هناك غالية جدا.

      * الأوتوبيسات تقدر تعدل تصميمها بسهولة.. لإن الموضوع مش بيخرج برة الشكل الخارجي للأوتوبيس في أغلب الأحوال.. واحنا عندنا خبرات تصميمية في مصر (خريجي فنون تطبيقية) بالإضافة إلى هواة على مستوى عالي.. وفيه بعضهم ليه لمسات شفناها في بعض الأوتوبيسات في شوارع مصر.

      * طبيعة الأوتوبيسات إنها مش بتتغير من الناحية التصميمية بسرعة (على عكس الملاكي).. يعني تكاليف التصميم قليلة جدا.
      فكل ده يخلي تصنيع السيارات التجارية مربح في مصر.. بس مش زي الربح اللي جاي من الملاكي...

      بس صدقني.. اللي شغالين في تصنيع الملاكي عارفين إن الاستثمار بتاعهم عمره قصير.. وحتى لو وصل بعضهم لحوالي 20 سنة دلوقتي.. بس مش متوقع إن يستمر 20 سنة كمان... إنما بالنسبة للأوتوبيسات فطريقة التصنيع الحالية تخلي المصنعين عندهم نظرة للمستقبل البعيد "نسبيا".

      ...
      [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
      [I]مَثَلٌ صينِيّ[/I][/QUOTE]

      [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
      [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
      [/SIZE][/FONT]
      أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
      [SIGPIC][/SIGPIC]

      Comment


      • #18
        اشجع اى عضو عنده امل فى ان البلد هتبقى كويسه ان شاء الله وان البلد اصبحت مستقره امنيا ولو نسبيا لكن تحقق الامن وستعزز موقفه باذن الله من الان فصاعدا فانا عن نفسى عندى امل ان شاء الله فى ان البلد تكون للامام ومشروع كهذا بعون الله سينجح ٠٠٠٠٠٠٠ وماينفعش يكون راينا فى بلدنا غير كده اصلا والا هنسيبها ونروح فين
        فتح سابقا

        Comment


        • #19
          هو لازم إنتاج المصانع من المركبات يكون موجه للاسواق المحليه

          اللي اعرفه مثلا

          ان مرسيدس كانت بتصدر الفئة s اللي اسواق الصين من مصنعها هنا في مصر

          هما حيستفيدوا من خوافز الاستثمار اللي حيحصلوا عليها في البدايه في انهم يزودوا الميزه النسبيه ليهم عن اي حد
          [SIGPIC][/SIGPIC]

          afrtow سابقاً
          [FONT="Courier New"][SIZE="4"][COLOR="DarkSlateBlue"][B]
          [gdwl] الإمام الشافعي
          إني رأيت وقوف الماء يفسده * * * إن ساح طاب وإن لم يجرِ لم يطبِ
          والأُسد لولا فراق الأرض ما افترست * * *والسهم لولا فراق القوس لم يصبِ
          والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

          Comment


          • #20
            المشاركة الأصلية كتبت بواسطة borio1704 مشاهدة المشاركة

            أولا.. أحب أحييك على حماسك الواضح جدا في كل ردودك....

            بس نفسي الحماس ده يبقى معاه شوية تأكد من المعلومات علشان يبقى الكلام كله ماشي مع بعضه.


            أنا لما قلت "الموضوع مش لينا" ما كانش قصدي إنه مش لمصر... إنما كان قصدي إنه مش لينا إحنا "اللي بنركب عربيات ملاكي"

            طبعا .. أي مصنع هيفتح في مصر فيه فايدة كبيرة وفرص عمل واستثمار.. ده مفيهوش خلاف.

            إنما أكيد حضرتك عارف إن اللي بيخلي شركات السيارات تفتح مصانع هو قيمة الجمرك العالية جدا.. واللي بتخلي من الصعب جدا إن حد في مصر يشتري عربية بسعر معقول إلا إذا كانت صناعة مصرية.. لإن ببساطة ما عليهاش جمرك.


            بس عايز أوضح لحضرتك كذا حاجة:

            1- كل السيارات المجمعة (الملاكي) في مصر أسعارها المفروض تكون أرخص من كده... والحكاية فيها مكسب كبير جدا للمصانع دي .. خصوصا لما تيجي تشوف إن فرق السعر عن المستورد قليل..


            يمكن اللي ممكن يرفع سعر التكلفة شوية هو الـoverheads .. أو التكاليف الإدارية.. لإن خط الإنتاج علشان يجيب تكلفته لازم يبقى فيه كمية إنتاج كبيرة... وده طبعا مش بيحصل في مصر.. وحتى لو أخدنا أكبر شركة تجميع سيارات في مصر (غبور مثلا) بتعمل كام ألف عربية في السنة وبتشتغل وردية واحدة في اليوم...

            علشان كده.. المصانع دي بتلجأ إنها تجمع الموديلات القديمة بخطوط إنتاج قديمة تكلفتها لا تزيد عن تكلفة الشحن لمصر.

            من الآخر.. الشغلانة دي مش جايبة همها .. ولو الجمرك اتشال.. مش هتلاقي ولا مصنع سيارات في مصر لإن كله هيطلع خسران.


            2- السيارات التجارية على عكس سيارات الملاكي... جمركها بسيط جدا (20% على ما أذكر)... وده شامل الميكروباصات والأوتوبيسات والنقل والنص نقل.. وأي حاجة شغالة بالديزل على ما أعتقد.

            ومع ذلك... صناعة السيارات التجارية (الأوتوبيسات تحديدا) ناجحة جدا في مصر... لعدة أسباب:
            * طبيعة تركيب الأوتوبيسات مختلفة تماما عن العربيات الملاكي.. خصوصا في مسألة الشاسيه المنفصل.. ودي بتخلي مسألة تصنيع الشاسيه في مصر أسهل.

            * أغلب المكونات في الأوتوبيسات موجودة في مصر.. بمعنى إن المكون المحلي في الأوتوبيسات أعلى بكتير (يمكن يوصل لحدود 80%)... وده بيخلي الأسعار أرخص.

            * الأوتوبيسات عموما على مستوى العالم بتتصنع بأسلوب يدوي.. مش محتاجة روبوت زي العربيات التانية... ودي ميزة موجودة في مصر عن دول العالم المتقدم لإن تكلفة اليد العاملة هناك غالية جدا.

            * الأوتوبيسات تقدر تعدل تصميمها بسهولة.. لإن الموضوع مش بيخرج برة الشكل الخارجي للأوتوبيس في أغلب الأحوال.. واحنا عندنا خبرات تصميمية في مصر (خريجي فنون تطبيقية) بالإضافة إلى هواة على مستوى عالي.. وفيه بعضهم ليه لمسات شفناها في بعض الأوتوبيسات في شوارع مصر.

            * طبيعة الأوتوبيسات إنها مش بتتغير من الناحية التصميمية بسرعة (على عكس الملاكي).. يعني تكاليف التصميم قليلة جدا.
            فكل ده يخلي تصنيع السيارات التجارية مربح في مصر.. بس مش زي الربح اللي جاي من الملاكي...

            بس صدقني.. اللي شغالين في تصنيع الملاكي عارفين إن الاستثمار بتاعهم عمره قصير.. وحتى لو وصل بعضهم لحوالي 20 سنة دلوقتي.. بس مش متوقع إن يستمر 20 سنة كمان... إنما بالنسبة للأوتوبيسات فطريقة التصنيع الحالية تخلي المصنعين عندهم نظرة للمستقبل البعيد "نسبيا".

            ...
            كلامك مهم جدا لو ركزنا فيه ممكن نستفيد حاجة مهمة جدا

            مش لازم نبقي بنصنع كل حاجة واى حاجه حتى لو بتخسر
            ممكن نركز على الصناعات الناجحة عندنا ونوجه ليها كل الدعم عشان نتفوق فيها
            ونلغي الصناعات الغير ناجحة نهائيا ونستبدلها بالاستيراد

            يعنى لو احنا فعلا ناجحين فى تجميع السيارات التجارية خلاص نوجه الدعم ليها عشان نتفوق ونرفع حجم انتاجنا ونبدء بالتصدير
            وفى المقابل نقلل الدعم والتسهيلات والحماية لصناعة الملاكي طالما المنتج المستورد ارخص وصعوبة المنافسه حتقضى على الصناعة بالتدريج

            وفى النهاية الهدف من صناعة هو توفير منتج بديل عن المستورد بسعر ارخص وجودة مماثلة
            لو الجودة لم تتحقق والسعر مش ارخص يبقي الصناعة فشلت والتمسك بيها اهدار لموارد الدولة
            [SIGPIC][/SIGPIC]

            kingaya سابقاً

            Comment


            • #21
              المشاركة الأصلية كتبت بواسطة m.elwan مشاهدة المشاركة
              كلامك مهم جدا لو ركزنا فيه ممكن نستفيد حاجة مهمة جدا

              مش لازم نبقي بنصنع كل حاجة واى حاجه حتى لو بتخسر
              ممكن نركز على الصناعات الناجحة عندنا ونوجه ليها كل الدعم عشان نتفوق فيها
              ونلغي الصناعات الغير ناجحة نهائيا ونستبدلها بالاستيراد

              يعنى لو احنا فعلا ناجحين فى تجميع السيارات التجارية خلاص نوجه الدعم ليها عشان نتفوق ونرفع حجم انتاجنا ونبدء بالتصدير
              وفى المقابل نقلل الدعم والتسهيلات والحماية لصناعة الملاكي طالما المنتج المستورد ارخص وصعوبة المنافسه حتقضى على الصناعة بالتدريج

              وفى النهاية الهدف من صناعة هو توفير منتج بديل عن المستورد بسعر ارخص وجودة مماثلة
              لو الجودة لم تتحقق والسعر مش ارخص يبقي الصناعة فشلت والتمسك بيها اهدار لموارد الدولة
              دا الكلام المظبوط فعلا. لكن لو نظرت بمنظور اوسع من انواع الصناعات. حتلاقي ان مصر ناجحة جدا في الزراعة من الاف السنين ولو زكزنا في الزراعة وكبر حجم الرقعة الزراعية سنويا. ومصاد المياه. حنكون حاجة تانيا ومحدش حينافسنا
              غير ان الزراعة بتفتح بند صناعة مغذية للنشاط الزراعي وهي حدث ولا حرج. من الغزل والنسيج والسكر والادوية الي المعدات الثقيلة في الزراعى كالاوناش والجرارات والمحاريت وخلافة.
              ولنا امثلة في دول اوروبية كثيرة اقتصادها قائم فقط علي الزراعة كنيوزيلاندا وفنلاندا والنروبج.....

              Comment


              • #22
                المشاركة الأصلية كتبت بواسطة abou-yahia مشاهدة المشاركة
                هو لازم إنتاج المصانع من المركبات يكون موجه للاسواق المحليه

                اللي اعرفه مثلا

                ان مرسيدس كانت بتصدر الفئة s اللي اسواق الصين من مصنعها هنا في مصر

                هما حيستفيدوا من خوافز الاستثمار اللي حيحصلوا عليها في البدايه في انهم يزودوا الميزه النسبيه ليهم عن اي حد

                للأسف... 90% على الأقل من مصانع السيارات في مصر هدفها أساسا فتح بوابة للدخول في السوق المصري فقط.. يعني محدش بيدور على زيادة وتحسين الإنتاج.. ولا خطط مستقبلية .. ولا تصدير طبعا.

                بدليل إن موديلات كتير توقف إنتاجها في الخارج وخطوط إنتاجها اتنقلت لمصر لإنها ما بقتش تنفع في مصانعها الأصلية..

                تقدر تقول لي ليه اللانوس بتتعمل في مصر لحد دلوقتي؟؟ ولا الفيرنا.. ولا اللادا 2017.. ولا الأفيو ؟؟؟؟

                العربيات الصيني المجمعة في مصر ليها استثناء له علاقة بصناعة السيارات في الصين... ومع ذلك .. العربيات الصيني المجمعة في مصر مش بتتصدر بردو لأي سوق مجاور على الأقل زي السعودية مثلا .. اللي شوارعها مليانة عربيات جيلي إمجراند EC7 و EC8!!!

                الحكاية عايزة رؤية للمستقبل بإنشاء صناعة وطنية حقيقية... والكلام ده لا يمكن يحصل إلا إذا كان عندك صناعة وطنية فعلا.. مش ماركات عالمية جاية تجمع عندك

                بص للهند.. وشوف "تاتا" اللي بقى عندها سيارات بتتصدر في أغلب دول العالم "النامي".. وبدأ يبقى ليها اسمها اللي بقى بيتقال في أغلب مجلات السيارات في العالم.. وكمان بقى عندها أرباح ورأس مال يخليها تشتري ماركات عريقة زي "جاجوار" و"لاندروفر" حاليا.

                الكلام ده محصلش من فراغ.. لازم يبقى فيه صناعة وطنية ليها رؤية وبتشتغل بجد علشان تحققها.



                بس معلش .. اسمحلي.. بصراحة مش مصدق إن مصر تصدر عربيات للصين!!!

                إزاي تصدر عربيات للصين والصين بتصنع كل ماركات العالم تقريبا دلوقتي؟؟ وده لو كان حصل.. فأغلب الظن إنه "لوط lot" واحد وخلاص..

                عموما.. أنا أعرف إن مصنع مرسيدس في مصر كان أساسا مصدر أساسي للعفشة الأمامية في بعض طرازات مرسيدس على مستوى العالم.. وتحديدا كقطع غيار ما بعد البيع.. وهو ده اللي هيفضل شغال بعد توقف تجميع السيارات.

                الكلام ده من ناس أعرفهم شغالة جوه المصنع.. وأعرف ناس كمان من المصنع اللي بيورد لهم خامات المعادن.


                ...
                [QUOTE][FONT=tahoma][COLOR=Blue][SIZE=5]لا تُعْطِنِي سَمَكَةً... بَلْ عَلِّمْنِي كَيْفَ أَصْطادُ[/SIZE][/COLOR][/FONT]
                [I]مَثَلٌ صينِيّ[/I][/QUOTE]

                [FONT=Arial][SIZE=4][COLOR=green]Trust me, I'm an Engineer[/COLOR][/SIZE][/FONT]
                [FONT=Verdana][SIZE=4][I][COLOR=DarkRed]Ahmed Nabil Al-Bora'ie[/COLOR][/I]
                [/SIZE][/FONT]
                أعشق السيارات.. أحب [COLOR=#e00909]اليابانية[/COLOR]، [COLOR=#e00909]الكو[/COLOR][COLOR=RoyalBlue]رية[/COLOR]... ولا أفضل [COLOR=RoyalBlue]الأوروبية[/COLOR]
                [SIGPIC][/SIGPIC]

                Comment


                • #23
                  المشاركة الأصلية كتبت بواسطة borio1704 مشاهدة المشاركة


                  بس معلش .. اسمحلي.. بصراحة مش مصدق إن مصر تصدر عربيات للصين!!!

                  إزاي تصدر عربيات للصين والصين بتصنع كل ماركات العالم تقريبا دلوقتي؟؟ وده لو كان حصل.. فأغلب الظن إنه "لوط lot" واحد وخلاص..

                  عموما.. أنا أعرف إن مصنع مرسيدس في مصر كان أساسا مصدر أساسي للعفشة الأمامية في بعض طرازات مرسيدس على مستوى العالم.. وتحديدا كقطع غيار ما بعد البيع.. وهو ده اللي هيفضل شغال بعد توقف تجميع السيارات.

                  الكلام ده من ناس أعرفهم شغالة جوه المصنع.. وأعرف ناس كمان من المصنع اللي بيورد لهم خامات المعادن.


                  ...
                  ده لنك للخبر الوحيد اللي عرفت اوصل ليه

                  http://www.masress.com/soutelomma/5812

                  الموضوع قديم وواضح انه حصلت مشاكل تتعلق بجوده المنتج

                  المبدأ موجود اهه

                  بس احنا واضح اللي قصرنا

                  معلومه كنت سمعتها من مصدر ثقه بس من حوالي 10 سنين معرفش الي الان ام لا

                  ان مصنع قنديل للصلب في مصر هو اللي بيورد الي امرسيدس الهياكل بتاعتها

                  فيه حاجات ايجابيه

                  بس المشكله فينا احنا مفيش استمراريه
                  [SIGPIC][/SIGPIC]

                  afrtow سابقاً
                  [FONT="Courier New"][SIZE="4"][COLOR="DarkSlateBlue"][B]
                  [gdwl] الإمام الشافعي
                  إني رأيت وقوف الماء يفسده * * * إن ساح طاب وإن لم يجرِ لم يطبِ
                  والأُسد لولا فراق الأرض ما افترست * * *والسهم لولا فراق القوس لم يصبِ
                  والشمس لو وقفت في الفلك دائمة * * * لملّها الناس من عربٍ ومن عجمِ[[/gdwl]/B][/COLOR][/SIZE][/FONT]

                  Comment


                  • #24
                    المشاركة الأصلية كتبت بواسطة borio1704 مشاهدة المشاركة

                    أولا.. أحب أحييك على حماسك الواضح جدا في كل ردودك....
                    اشكرك

                    بس نفسي الحماس ده يبقى معاه شوية تأكد من المعلومات علشان يبقى الكلام كله ماشي مع بعضه.
                    بحاول دايما اتاكد من معلوماتي ..... و انا بستفيد جدا من تعليقاتك كلها معلومات ممتازة

                    أنا لما قلت "الموضوع مش لينا" ما كانش قصدي إنه مش لمصر... إنما كان قصدي إنه مش لينا إحنا "اللي بنركب عربيات ملاكي"

                    طبعا .. أي مصنع هيفتح في مصر فيه فايدة كبيرة وفرص عمل واستثمار.. ده مفيهوش خلاف.
                    و انا برضو وضحت قصدي .... انه استثمار ...... و الصناعة شطارة
                    إنما أكيد حضرتك عارف إن اللي بيخلي شركات السيارات تفتح مصانع هو قيمة الجمرك العالية...واللي بتخلي من الصعب جدا إن حد في مصر يشتري عربية بسعر معقول إلا إذا كانت صناعة مصرية.. لإن ببساطة ما عليهاش جمرك.
                    الخصم على المنتج المجمع محليا على حسب نسبة التجميع المحلي

                    بس عايز أوضح لحضرتك كذا حاجة:

                    1- كل السيارات المجمعة (الملاكي) في مصر أسعارها المفروض تكون أرخص من كده... والحكاية فيها مكسب كبير جدا للمصانع دي .. خصوصا لما تيجي تشوف إن فرق السعر عن المستورد قليل..

                    يمكن اللي ممكن يرفع سعر التكلفة شوية هو الـoverheads .. أو التكاليف الإدارية.. لإن خط الإنتاج علشان يجيب تكلفته لازم يبقى فيه كمية إنتاج كبيرة... وده طبعا مش بيحصل في مصر.. وحتى لو أخدنا أكبر شركة تجميع سيارات في مصر (غبور مثلا) بتعمل كام ألف عربية في السنة وبتشتغل وردية واحدة في اليوم...

                    علشان كده.. المصانع دي بتلجأ إنها تجمع الموديلات القديمة بخطوط إنتاج قديمة تكلفتها لا تزيد عن تكلفة الشحن لمصر.

                    من الآخر.. الشغلانة دي مش جايبة همها .. ولو الجمرك اتشال.. مش هتلاقي ولا مصنع سيارات في مصر لإن كله هيطلع خسران.
                    و هي دي الكرة الاساسية للجمارك ..... جمرك يعني رسوم حمائية .... لحماية النتج المحلي

                    علشان كدا الصناعة بتحل كل المشاكل اللى حضرتك ذكرتها

                    2- السيارات التجارية على عكس سيارات الملاكي... جمركها بسيط جدا (20% على ما أذكر)... وده شامل الميكروباصات والأوتوبيسات والنقل والنص نقل.. وأي حاجة شغالة بالديزل على ما أعتقد.
                    رسوم النقل بيتحدد على اساس الحمولة و طبيعة الاستخدام و سنة الانتاج ....و في حالات كتير بيعدي ال 20% و خاصة سيارات النقل الخفيف حمولة اقل من 5 طن و هي الفئة الاكثر انتشارا
                    ومع ذلك... صناعة السيارات التجارية (الأوتوبيسات تحديدا) ناجحة جدا في مصر... لعدة أسباب:
                    * طبيعة تركيب الأوتوبيسات مختلفة تماما عن العربيات الملاكي.. خصوصا في مسألة الشاسيه المنفصل.. ودي بتخلي مسألة تصنيع الشاسيه في مصر أسهل.

                    * أغلب المكونات في الأوتوبيسات موجودة في مصر.. بمعنى إن المكون المحلي في الأوتوبيسات أعلى بكتير (يمكن يوصل لحدود 80%)... وده بيخلي الأسعار أرخص.
                    دا فعلا و لكن احنا هنا بنتكلم عن السيارات الصندوقية ..
                    زى اوتوبيسات هندسية و mcv , marcopolo , و ميني باصات ال 28 راكب و اعلى من شيفرولية الوهاب و غيره
                    .. و هي فئة سيارات لا تصنعها فولكس كما ذكرت انت في التعليقات السابقة.
                    مثل كادي و ترانسبورتر و كرافتر و اماروك .
                    و هنا فولكس داخلة في كاتوجري جديد من سيارات نقل البضائع و الركاب غير متور ي مصر لا تصنيع و لا تجميع

                    * الأوتوبيسات عموما على مستوى العالم بتتصنع بأسلوب يدوي.. مش محتاجة روبوت زي العربيات التانية... ودي ميزة موجودة في مصر عن دول العالم المتقدم لإن تكلفة اليد العاملة هناك غالية جدا.

                    * الأوتوبيسات تقدر تعدل تصميمها بسهولة.. لإن الموضوع مش بيخرج برة الشكل الخارجي للأوتوبيس في أغلب الأحوال.. واحنا عندنا خبرات تصميمية في مصر (خريجي فنون تطبيقية) بالإضافة إلى هواة على مستوى عالي.. وفيه بعضهم ليه لمسات شفناها في بعض الأوتوبيسات في شوارع مصر.

                    * طبيعة الأوتوبيسات إنها مش بتتغير من الناحية التصميمية بسرعة (على عكس الملاكي).. يعني تكاليف التصميم قليلة جدا.
                    فكل ده يخلي تصنيع السيارات التجارية مربح في مصر.. بس مش زي الربح اللي جاي من الملاكي...

                    بس صدقني.. اللي شغالين في تصنيع الملاكي عارفين إن الاستثمار بتاعهم عمره قصير.. وحتى لو وصل بعضهم لحوالي 20 سنة دلوقتي.. بس مش متوقع إن يستمر 20 سنة كمان... إنما بالنسبة للأوتوبيسات فطريقة التصنيع الحالية تخلي المصنعين عندهم نظرة للمستقبل البعيد "نسبيا".


                    كلام مظبوط جدا و علشان كدا الصناعة هي الحل ..... واحد بيبدأ و الباقية تجري وراه
                    ...
                    تحياتي لحضرتك و لتعليقاتك المميزة

                    Comment


                    • #25
                      المشاركة الأصلية كتبت بواسطة eng_amg مشاهدة المشاركة
                      دا الكلام المظبوط فعلا. لكن لو نظرت بمنظور اوسع من انواع الصناعات. حتلاقي ان مصر ناجحة جدا في الزراعة من الاف السنين ولو زكزنا في الزراعة وكبر حجم الرقعة الزراعية سنويا. ومصاد المياه. حنكون حاجة تانيا ومحدش حينافسنا
                      غير ان الزراعة بتفتح بند صناعة مغذية للنشاط الزراعي وهي حدث ولا حرج. من الغزل والنسيج والسكر والادوية الي المعدات الثقيلة في الزراعى كالاوناش والجرارات والمحاريت وخلافة.
                      ولنا امثلة في دول اوروبية كثيرة اقتصادها قائم فقط علي الزراعة كنيوزيلاندا وفنلاندا والنروبج.....
                      الله ينور عليك
                      كلام مظبوط
                      و لا يمنع اننا نحقق اكتفاء ذاتى ي سلعة اصبحت استيراتجية جدا و هى وسائل النقل من العام و الخاص

                      Comment


                      • #26
                        المشاركة الأصلية كتبت بواسطة abou-yahia مشاهدة المشاركة
                        ده لنك للخبر الوحيد اللي عرفت اوصل ليه

                        http://www.masress.com/soutelomma/5812

                        الموضوع قديم وواضح انه حصلت مشاكل تتعلق بجوده المنتج

                        المبدأ موجود اهه

                        بس احنا واضح اللي قصرنا

                        معلومه كنت سمعتها من مصدر ثقه بس من حوالي 10 سنين معرفش الي الان ام لا

                        ان مصنع قنديل للصلب في مصر هو اللي بيورد الي امرسيدس الهياكل بتاعتها

                        فيه حاجات ايجابيه

                        بس المشكله فينا احنا مفيش استمراريه
                        مازال الامل موجود
                        و اذا كان فيه عوائق زمان .... ممكن تتحل و الموضوع يمشي
                        المهم يكون عندنا الرغبة و الارادة و يجب ان نعمل بجد و تحفيز للوصول للالهدف (صناعة سيارات متاكاملة بنسبة 100%)

                        Comment


                        • #27
                          المشاركة الأصلية كتبت بواسطة mazagangee مشاهدة المشاركة
                          خبر غير منطقي ..
                          فولكس ليها مصنع في تركيا و اسبانيا و الصين…
                          هتعمل مصنع في مصر عشان الف عربية ? ولا عشان تصدر للشرق الاوسط في بلد غير مستقر امنيا و سعر عملة غير مستقر و بلد من اعلي معدلات الفساد ?
                          مرسيدس طلعت من السوق و هيه بتبيع اضعاف فولكس و بي ام هتطلع .. تويوتا و هيونداي لغوا مصانغهم بعد استلام الارض ..
                          مفيش مستقبل لاي مصانع في مصر بسبب العملة و الانهيار الاقتصادي و الفساد ..
                          اللى بيقول الحقائق الصادمة دى بيقولوا عليه اخوانى وعايز يخرب البلد وده جزاء اى حد عايز ينبه لخلل او لبلوى بتحصل فى البلد
                          mhelshaar سابقا

                          Comment


                          • #28
                            اللي شايف ان 30 سونيا ثورة هيشوف ان مصر قد الدنيا و دول براحتهم بقي خليهم مصدقين فنكوش كل يوم لحد ما يصحوا علي مصيبة سودة جاية لحد عندنا
                            [mshosh2]http://www.4shared.com/photo/lCkSz74F/morsee.html[/mshosh2]

                            Comment


                            • #29
                              ان شاء الله بكرة احسن،رغم أنف الحاقدين

                              Comment

                              Working...
                              X