عربيتي الفيرنا ال 2008 Gtr

[ahmednabeel]

أصدقائي الاعزاء والقائمين على المنتدى الرائع ده انا عرفت نفسي في المنتدى الاجتماعي انا عضو جديد ده تاني يوم ليا معاكم أسمي أحمد نبيل مساعد مدير المكاتب الامامية في الفورسيزون عندي 29 سنه ومن سكان المهندسيين ودي صور عربيتي الفيرنا 2008 قولوا لي ايه رأيكم العربية معمول فيها شغل كتير العربية عاملة 5000 كيلومتر بس اولا فيها body kit وسينسور ركنه وعداد ار بي ام ودركسيون اسبور وفيها كاست بايونيير 3050 وريموت دركسيون مالتي فانكشن ومسكت الفتيس مومو والعربية معول ليها زرار عان تدور منه مش بتدور بالمفتاح زي الميجان والبي ام والمرسيدس والشنطة بتتفتح بالريموت ومن جوه مع العلم انها اول فئة في الفيرنا اللي الشنطة بتتفتح بالمفتاح بالاضافة للجنوط طبعا والفرش الجلد بالأضافة لجهاز Portable PSP Sony بس ؟

على فكرة أنا هستلم الاستيكرز الخاص بأعضاء المنتدى من الاخ الفاضل محمد ممدوح بكره !!

بس أسيبكم مع الصور وان شاء الله ابعتلكم غيرها قريب واي سؤال انا جاهز

قولوا مشاء الله والله أكبر








ودي صورة ليها من جوه العربية يارب تعجبكم

[Hesham_91]

-مخالفة للقاعدة رقم 6 بند "ب".

[ahmednabeel]

تسلم يا ahesho91 على زوقك وكلامك الجميل

[أبو كنوز]

بسم الله ما شاء الله.ربنا يباركلك فيها

[أبو كنوز]

بس قولي يا أحمد باشا لو سمحت ال body kit اتكلف كام و يا رب يباركلك فيها.

[ahmednabeel]

أبو كنوز اهلا وسهلا بيك وتسلم على الكلام الجميل ده

اما بخصوص الbody kit بص ياسيدي أنا عملته في الحرفيين عند واحد بجد استاذ فيبر اسمه تامر جلهوم في بلوك 4 في الحرفيين ده عنوانه هناك هتروحلة وقوله انك من طرف أحمد بتاع فندق الفورسيزون هيعملك خصم كويس ولو حبيت اكلمهولك قبل ما تروح بس قولي معنديش اي مانع ليك اوي اي حد من الاخوة الاعضاء رقمي 0111662442
اما بخصوص التكلفه هو بيكلف 700 جنية بس لو من طرفي هيعملهولك ب 550 جنية بس

اما الرش فا بتاع الدوكو لازم يعملك معجون فايبر ويكون صنايعي كويس عشان يظبط الاداء بتاع العربية الرش لو حده اتكلف 600جنية وده سعر كويس خصوصا ان سعر علبه المعجون الفايبر غالي والعربية بتاخد 2

ولو حبيت بتاع الدوكو بتاعي استاذ رهيب مستحيل يعمل حاجه في العربية وحد يشفها يقول انها معمولة او مرشوشة بره التوكيل

واي حاجه انا في الخدمة لجميع الاعضاء ورقمي كما هو اعلاه

[mahamedaraby]

بسم الله ماشاء الله

ربنا يباركلك فيها ويكفيك شرها باذن الله

عربيه شكلها روعه ومعمول فيها تعديلات حلوه

[ahmednabeel]

تسلم يا محمد عربي باشا على كلامك ومرورك الكريم وان شاء الله التقي بيكم كلكم في اللقائات اللي بتم بين الاعضاء

[أبو كنوز]

أنا شاكر لحضرتك أوي يا أستاذ أحمد.

[ahmednabeel]

ديما في الخدمة يا استاذ سامي

[أبو كنوز]

ديما في الخدمة يا استاذ سامي

أستاذ أحمد أنا بعتلك رساله علي الخاص عشان كنت عايز استفسر عن ال body kit

[ahmednabeel]

أنا لسه بعتلك الرد عليها حالا

ولو اي حد عنده استفسار انا في الخدمة

[mohamed_88sk]

بجد بجد ما شاء الله ,, ربنا يباركلك فيها ويملهالك بركة وتسعى بيها في الخير دايما يارب

شغل نضيف ما شاء الله وذوقه عالي بيدل على ذوق صاحبه

معلش عندي استفهام صغير ,, هو المالتي فانكشن نازل في الطارة ؟؟ ولا ده ريموت كونترول بتاع الكاست حاضرتك حاطه ومعلقه في الطاره ؟؟

[tutankhamoun]

العربية شكلها جميل قوي يا باشا
ربنا يباركلك فيها و يحفظك من الطريق
و الشغل كمان اللي معمول فيها نظيف ....... ما شاء الله تعالى
اللهم بارك له فيها و أحفظها من أعين الحاسدين و أحفظها من سائقي الميكروباظ و من كل شر

و أنصر أخواننا في فلسطين ووحد صفوف المسلمين

[Islam Amer]

لا تنسي ذكر الله

ربنا يكفك شرها