إنتفاضة سكان المقطم ضد كارفور

[ecybrarian]

ما يعملوه هنا في المنصورة احسن...

"أهالي المنصورة عايزينك يا كارفور" !!

Lol

صحيح!!! هو مافيش في مصر غير القاهرة والاسكندرية عند كارفور!! مش هو سبينيس فاتح في الغردقة واعتقد مترو فاتح في شرم..

نرجع للموضوع الأصلي..سكان المقطم مش ضد كارفور بالعكس ده اكيد هاينفع سكان المقطم والخليفة..نحن نعترض على اختيار المكان..انتم ما عندكمش فكرة المكان ده رقبة الزجاجة لمدينة المقطم (-: مقطم سيتي :-) لما يفتح كارفور هاتلاي مدخل المدينة هايبقى زي مدخل شارع العشرين في فيصل بل اسوأ. راجع ردود ابوليليا (حسام حسن).

[M.Elhamy]

أنا بجد مش متخيل الموقف بعد ماالزفت ده يفتح ... الدنيا حتبقى واقفة جدا

[sherif222]

ما ضاع حق وراؤه مطالب

[Migo123]

لو الفرع ده اتفتح (واغلب الظن انه هيتفتح لان مستحيل كمية الفلوس اللي اتصرفت عليه دي من غير ما يكونو مأمنين نفسهم قانونيا) هتبقى كارثه لكل مستخدمي الطريق ... وخصوصا اللي ركابين عربيات مانيوال ... تخيل نفسك واقف على المطلع ما يقرب من ساعه عشان تقدر تخش المقطم ... وياريت الزحمه في شارع عادي لا على مطلع .... دي هتبقى مسخره

دعوه لكل سكان المقطم المتواجدون في المنتدى للتضامن مع الحمله
بلاش نعتمد على رفعت السعيد وامثاله لانه لا هيحل ولا هيربط
والمقاطعه بعد ما يفتح مش هتجيب اي نتيجه ... لانه ببساطه هتفشل بمجرد الاعلان عن عروض على كام علبة صلصه..

مبدئيا قبل التشغيل لازم نقنع المسئولين عن المرور بالكارثه اللي هتحصل
ممكن نعمل بروفه لتشغيل الفرع في يوم اللي جاية ونشوف اثره على المرور في حضور المسئولين

[ecybrarian]

نجاح حملة سكان المقطم
تم منع الركن امام كارفور اكسبرس المقطم، ووضعت الشركة يافطة مكتوب عليها "يوجد جراج"

[sab3aawy]

باعتبارى واحد من المارين بالمقطم بصورة شبه يومية فأنا متضامن مع سكان المقطم ولو كارفور تسبب فى أزمة مرور فى هذة المنطقة فسأقاطع كل فروع كارفور

[CryptonX]

طب انا ساكن في شارع سيتي ستارز ...

بروح من شغلي في 10 دقائق .. .اقف الف في طريق النصر في 20 دقيقة ..

اركن في 15 دقيقة ...

طب اعلق يافطة علي انهي حتة في سيتي ستارز ؟


--

اكثر حاجة غايظاني ... ماشي سيتي ستارز جراشه مش مجاني ولا حاجة ..

الاقي عربيات تمنها فوق ال 100 الف جنيه .. و ساعات كمان بال 500 الف واكثر !

بتزاحم برة ويركن صف تاني و تالت و يقفل لفات ! علشان ميدفعش 5 جنيه انتظار !

يعني مش ممكن ابدا صف bmw 3 و 5 و كام جولف على كام ميجان علي كام مرسيديس !

مستخصرين يركنوا جوة علشان ميفدعوش 5-10 جنيه .. !

ببقى عايز اولع في سيارتهم !

[Terrible_DaRsH]

اكثر حاجة غايظاني ... ماشي سيتي ستارز جراشه مش مجاني ولا حاجة ..

الاقي عربيات تمنها فوق ال 100 الف جنيه .. و ساعات كمان بال 500 الف واكثر !

بتزاحم برة ويركن صف تاني و تالت و يقفل لفات ! علشان ميدفعش 5 جنيه انتظار !

يعني مش ممكن ابدا صف bmw 3 و 5 و كام جولف على كام ميجان علي كام مرسيديس !

مستخصرين يركنوا جوة علشان ميفدعوش 5-10 جنيه .. !

ببقى عايز اولع في سيارتهم !

تصدق انا كمان بستغرب ! لما تنزل جراج اى مول مش سيتى ستارز بس هتلاقى اكثر العربيات موديلات 90 و عربيات لا يتعدى تمنها 60 او 70 الف و بره راكنين هامر فى نصف الشارع ..

[نور القمر]

الحل في باركنج كبير زي كارفور طريق مصر اسكندرية
عندهم باركنج تحت الارض بمساحة كارفور كله

[M.Osman]

لو الفرع ده اتفتح (واغلب الظن انه هيتفتح لان مستحيل كمية الفلوس اللي اتصرفت عليه دي من غير ما يكونو مأمنين نفسهم قانونيا) هتبقى كارثه لكل مستخدمي الطريق ... وخصوصا اللي ركابين عربيات مانيوال ... تخيل نفسك واقف على المطلع ما يقرب من ساعه عشان تقدر تخش المقطم ... وياريت الزحمه في شارع عادي لا على مطلع .... دي هتبقى مسخره

يااااه
دا بجد تبقى حاجة صعبة صعبة اوي... مطلع واقف بجد هتبقى حاجة صعبة جداً
يا رب ما يفتح هناك

[ابو حسين]

طب انا ساكن في شارع سيتي ستارز ...

بروح من شغلي في 10 دقائق .. .اقف الف في طريق النصر في 20 دقيقة ..

اركن في 15 دقيقة ...

طب اعلق يافطة علي انهي حتة في سيتي ستارز ؟


--

اكثر حاجة غايظاني ... ماشي سيتي ستارز جراشه مش مجاني ولا حاجة ..

الاقي عربيات تمنها فوق ال 100 الف جنيه .. و ساعات كمان بال 500 الف واكثر !

بتزاحم برة ويركن صف تاني و تالت و يقفل لفات ! علشان ميدفعش 5 جنيه انتظار !

يعني مش ممكن ابدا صف bmw 3 و 5 و كام جولف على كام ميجان علي كام مرسيديس !

مستخصرين يركنوا جوة علشان ميفدعوش 5-10 جنيه .. !

ببقى عايز اولع في سيارتهم !

[dr.hany]

الله ينور عليهم رجالة

[smax]

انتفااااااااضة !!!!!!!!!!!!!!!!!

[Michael_Lanos]

تلاقى الحي واكل فيها مبلغ محترم جداااااااا
مش مشكله الناس بقه

[Eng.Osama.Afifi]

ده تخلف معلش ..

عشوائيات ايه اللى مش عايزنها !! مال كارفور و مال العشوائيات ؟؟ ده بالعكس هيعمل لهم حركة تجارية و هما اول ناس هيروحوا ساعة العروض ..

ثانيا انا بروح على طول كارفور المعادى , عمرى ما شفت الدنيا واقفة هناك , لانهم منظمين المرور بشكل جيد جدا , نزلة من الدائري تؤدى الى كارفور على طول و جراج ل 3000 سيارة ( مجانى ) منظم جدا جدا و حركة مرورية سريعة هناك و مفيش اى مشكلة ..

و اصلا صاحبي ساكن فى المقطم فى انظف مكان هناك و احسن موقع فى المقطم كله , اول ما تدخل الشارع هناك ما تسمعش صريخ ابن يومين و اغلب شوارع المقطم كلها كده , فعايز اعرف مين اللى مضطهد كارفور و كارفور هيعمل لهم ايه يعنى !!!

ما هى المصيبة فى مكانه، ده فى مفصل منزل المقطم، عارف المسجد اللى بتلاقيه فى اول المقطم بعد المطلع علطول؟ هو قصاده بالظبط، و حواليه شوارع اعرضها 6 متر بالكتير و المبنى كان معمول اصلا ادارى و بقاله حوالى 7 سنين مش لاقيين حد ياخده علشان مفيش مكان لركن عربيات موظفين اى شركة تأجره، بأختصار الحتة دى قبل كارفور كانت عاملة زى القمع اللى بيسرسب العربيات اللى نازلة و اللى طالعة و فى اوقات الزحمة كان ممكن تقف على المطلع 5 - 10 دقايق علشان تعدى منها، تخييل بقى هيبقى عامل ازاى بعد كارفور.

المقطم واسع و كان ممكن يوجدوا 100 مكان اوسع و احسن.

بالمناسبة أنا من سكان المقطم ... وزي ما الأخ قال ... الفرع حيخنق منزل صلاح سالم تماما ... ماينفعش حتى العربيات تركن صف أولاني حتى ... منطقة صعب فيها إقامة أي منشأة تجارية ... إذا كان بي تيك بعض الأحيان بيوقف الشارع ... فما بالك بكارفور

المشكلة إن المقطم فيه حتت واسعة أوي أوي أوي ... وعايزة تتعمر ومش حتخنق حد خالص ... مايعملوا الموضوع ده هناك ويخلصوا ... كفاية الأرض إللي عند السنترال !

بس على ما شوفت ... حطوا يافطة بيقولوا ... جراج مجاني يستوعب 200 سيارة !

إسبوع وحتلاقي كام سايس كدة مبلطجين على المنطقة ويركنوا الناس !