إنتفاضة سكان المقطم ضد كارفور

[human]

ما هى المصيبة فى مكانه، ده فى مفصل منزل المقطم، عارف المسجد اللى بتلاقيه فى اول المقطم بعد المطلع علطول؟ هو قصاده بالظبط، و حواليه شوارع اعرضها 6 متر بالكتير و المبنى كان معمول اصلا ادارى و بقاله حوالى 7 سنين مش لاقيين حد ياخده علشان مفيش مكان لركن عربيات موظفين اى شركة تأجره، بأختصار الحتة دى قبل كارفور كانت عاملة زى القمع اللى بيسرسب العربيات اللى نازلة و اللى طالعة و فى اوقات الزحمة كان ممكن تقف على المطلع 5 - 10 دقايق علشان تعدى منها، تخييل بقى هيبقى عامل ازاى بعد كارفور.

المقطم واسع و كان ممكن يوجدوا 100 مكان اوسع و احسن.

الحته ديه ماينفعش يفتح فيها كشك لبان اصلا

[Mostafa Hessen]

والله يا جماعه الموضوع ده حيبقى مسخرة خالص
لأنى انا من المقطم وبطبيعة الحال فى ايام ببقى راجع من الشغل الساعة 5 مساءا بيبقى المطلع واقف وده من غير كارفور بسبب بى تك واتش بى سى والمغربى وبيت الحمد يعن المسألة مش ناقصة كارفور اللى حيخلى كل الناس اللى بتروح كارفور المعادى تستسهل وتطلع المقطم وتبقى كارثة محدش حيعرف يطلع او ينزل ...
بجانب ان فى موضوع كمان محدش واخد باله منه وهو ان المنطقة دى فى الهضبة العليا من المقطم واعتقد ان الحركة القوية اللى حتبقى موجوده فى المنطقة دى ممكن تاثر على الثبات الأرضى فيها .
فربنا يستر.

[YHYAKOTB]

مصر من كتر الزحمة هتتحول جراج كبير

[دليل المقطم]

بقينا فى 2017 اهو وتم افتتاحه خلاص للاسف :)
افتتاح كارفور فرع المقطم - دليل المقطم