الخبر دة للبيقول وفر فى الكهرباء ويلوم علينا !!!!!

[maka]

طب ما احنا التكييفات بتشتغل عندنا بالنهار برده , و مع ذلك وقت الذروة بالليل ؟
تيجي ازاي دي ؟

مربط الفرس فى مصر هو احمال التكييف يعنى الفئة العمرية الاكتر فى مصر هى الشباب فبالتالى معظم الناس بتكون فى اشغالها , يعنى نفرض ان مكان فيه 10 اشخاص بيشتغلوا مع بعض و المكان اللى هما فيه مشغالين فيه 3 تكييفات ولما بيخلصوا الشغل كل واحد بيرجع يشغل تكييف منفردا فى بيته بجانب ان فيه ناس معندهاش اصلا تكييفات فى شغلها

بجانب ان الستات العاملة طبعا لما بترجع بيتها بيبقى عليها مسئوليات زى تشغيل غسالة اتوماتيك او اى ادوات منزلية + انتشار القهاوى و الكافيهات + المحلات زى ما قال يوكو

وقت الذورة بيختلف من بلد للتانى حسب عوامل كتيبر زى سلوك الناس و طبيعة اعمالهم و بلد صناعية ولا زراعية ولا مش محددة هدفها

[maka]

في الغالب كان بيحصل في السنوات الماضية و كنا بناخد من السعودية برضه و اظن - و لست متأكدا - من ليبيا

ياباشا مفيش ربط تماما ما بين مصر و السعودية و الربط ما بين مصر و بلاد شمال افريقيا كانوا من سنتين بيعدوا له دراسة و لحد دلوقتى متمش لانه كان مخطط له يربط مصر باوربا عن طريق ايطاليا مرورا بشمال افريقيا لان المخطط هو اقامة سدود فى البلدان الافريقية و تجميع الطاقة فى مصر و تصديرها لاوربا حيث ان توليد الكهرباء ملوث للبيئة و التوليد من السدود اسهل و ارخص طرق التوليد من طاقات المتجددة , و طبعا المشروع توقف لان البلاد العربية معظمها متعثر كهربائيا فالاستفادة مش هتكون كاملة لصالح اوربا

الربط الوحيد الموجود ما بين مصر و الاردن بخطوط 500 كيلو فولت

لكن هذا العام واضح ان هناك مشكلة في الكهرباء في كافة الدول المجاورة تمنعها من تصدير الكهرباء كما يحدث في الماضي " زيادة في الاستهلاك - اعطال في محطات التوليد نتيجة ارتفاع درجات الحرارة - عدم وجود فائض لديهم في غير اوقات الذروة لأن يادوب الاستهلاك لديهم - في غير اوقات الذروة - يغطي الانتاج "

اضافة الي ان العجز في الكهرباء في وقت الذروة في مصر اكبر بكثير من ان يختفي ب600 ميجاوات فحسب

العجز لدينا مشكلة حكومية 100% نتيجة عدم التخطيط الجيد

لكن تصدير هذه الكمية للاردن مفيدة لنا اقتصاديا

لأن كده كده انتاج مصر علي مدار اليوم فرضا 20 ميجاوات

احنا طول اليوم استهلاكنا بيكون مابين - فرضا - 10 الي 15 ميجا وات يعني عندنا فائض طوال النهار

عدا وقت الذروة اللي بيكون استهلاكنا نط ل 25 ميجاوات - فرضا- فيصبح لدينا هذه المشكلة السخيفة

و دا ناتج الفكر المستقبلي للحكومة الذكية

ياباشا كلامك يبقى صح لو كفاءة المحطات كلها 100% لكن انت عندك محطات متقدرش تشغالها اكتر من 4 ساعات و محطات تكلفة الانتاج فيها مرتفعة نسبيا نظرا لقدمها و تهلكها و اكيد فيه محطات بتخرج اعطال و صيانة فالانتاج مش متساوى طول ساعات اليوم و لو لحظات انه ساعات بيقطع النور نهارا برده و الاحسن من التصدير انه يريح محطاته و يصينها استعداد لساعات الذروة

[x512]

اعتقد في المستقبل قطع الكهرباءء هيبقي اداة تهديد.....يا تنتخبو جيمي ميمون ياا هنقطع عنكو الكهربا

[Bishoy.Girgis]

بصراحة فعلا هو ده اللي ناقص ان بعد ما الحكومة تخلص علي الشعب المصري و متخليش في جيبهم مليم يقوموا طافيين عليهم النور

[tarekzein]

ياجماعه أنا كنت داخل المنتدى الإجتماعى عشان أعمل موضوع عن قطع النور اللى بيحصل يوميا من تلات لعشر ساعات

من فضلكوا عايزين أفكار عشان نوصل صوتنا للساده الكبار حرام اللى بيحصل ده وناس الأسانسير يقف بيهم وشيوخ وأطفال مايستحملوش الحر

أنا النهارده بعت رسالة أحتجاج لليوم السابع يمكن ينشروها ويمكن لأ

بس لازم كلنا نشارك ونوصل صوتنا لحد يحس بينا

ياريت لو فى أفكار تانيه وأنا أول مشارك

[hazoom2006]

ياجماعه أنا كنت داخل المنتدى الإجتماعى عشان أعمل موضوع عن قطع النور اللى بيحصل يوميا من تلات لعشر ساعات

من فضلكوا عايزين أفكار عشان نوصل صوتنا للساده الكبار حرام اللى بيحصل ده وناس الأسانسير يقف بيهم وشيوخ وأطفال مايستحملوش الحر

أنا النهارده بعت رسالة أحتجاج لليوم السابع يمكن ينشروها ويمكن لأ

بس لازم كلنا نشارك ونوصل صوتنا لحد يحس بينا

ياريت لو فى أفكار تانيه وأنا أول مشارك

ياباشا مهو الكبار عارفين ان الكهربا بتقطع وبيقولو هنعمل اية مانتو اللى ماوافقتوش على زيادة اسعار الكهرباء خليها تقطع بقا لغايه ماحنا اللى نقول زودو الاسعار بس متقطعوش النور

سياسة العصا والجزرة

وربنا ياخد الكبار كلهم

[Dr Zezo]

الربط الوحيد الموجود ما بين مصر و الاردن بخطوط 500 كيلو فولت

شكرا علي التصحيح

دا كده علي حسب البيانات المتوفرة احنا بنصدر سنويا للاردن فقط جزء محترم

ياباشا كلامك يبقى صح لو كفاءة المحطات كلها 100% لكن انت عندك محطات متقدرش تشغالها اكتر من 4 ساعات و محطات تكلفة الانتاج فيها مرتفعة نسبيا نظرا لقدمها و تهلكها و اكيد فيه محطات بتخرج اعطال و صيانة فالانتاج مش متساوى طول ساعات اليوم و لو لحظات انه ساعات بيقطع النور نهارا برده و الاحسن من التصدير انه يريح محطاته و يصينها استعداد لساعات الذروة

طبعا الكلام ده منطقي و مقنع جدا

بس حديثي مبني علي كلام السيد الوزير و نموذج هندسي كان معه عرضه في لقاء تليفزيوني من فترة يوضح خط الانتاج ثابت بشكل افقي عند رقم واحد

و الاستهلاك منحني متذبذب حسب الوقت و طوال النهار يكون الاستهلاك اقل من الانتاج بكثير

و فقط يزيد الاستهلاك عن الانتاج وقت الذروة

و بحسب حديثه انه لو توزع الاستهلاك طوال النهار ليست مشكلة لأن الانتاج متوافر

مش عارف رأي حضرتك ايه من خلال الخبرة و الدراسة العملية

[Dr Zezo]

من فضلكوا عايزين أفكار عشان نوصل صوتنا للساده الكبار

اليوم السابع | "وزير": قطع الكهرباء عن سكان القاهرة يتم بموافقة مجلس الوزراء

الرد السريع من الحكومة الذكية

[tarekzein]

اليوم السابع | "وزير": قطع الكهرباء عن سكان القاهرة يتم بموافقة مجلس الوزراء

الرد السريع من الحكومة الذكية

يبقى برده لازم رد فعل مننا
أحنا مش مواشى لامؤاخذه نمشى زى ماهما عايزين
دى حاجه تفلق

[Ghamrawy]

لو كده طب ليه مخدناش منهم ال600 ميجاوات دول في وقت الذروة عندنا!!!

علشان الاردن بتنور بالغاز المصرى عن طريق خط الغاز العربى اللى طالع من مصر للعقبة

و كده الحكومة حاتتلخبط فى الحساب و يعدوا على صوابعهم و تبقى فضيحة بريحة

[maka]

شكرا علي التصحيح

دا كده علي حسب البيانات المتوفرة احنا بنصدر سنويا للاردن فقط جزء محترم


المفروض الخط معمول للتبدل بين البلدين فى وقت الذروة لكن الحقيقى و اللى بيحصل الله اعلم


طبعا الكلام ده منطقي و مقنع جدا

بس حديثي مبني علي كلام السيد الوزير و نموذج هندسي كان معه عرضه في لقاء تليفزيوني من فترة يوضح خط الانتاج ثابت بشكل افقي عند رقم واحد

و الاستهلاك منحني متذبذب حسب الوقت و طوال النهار يكون الاستهلاك اقل من الانتاج بكثير

و فقط يزيد الاستهلاك عن الانتاج وقت الذروة

و بحسب حديثه انه لو توزع الاستهلاك طوال النهار ليست مشكلة لأن الانتاج متوافر

مش عارف رأي حضرتك ايه من خلال الخبرة و الدراسة العملية

كلام الوزير غير صحيح تماما الا اذا قرر يعتمد على المحطات الكويس و يكهن المحطات المستهلكة تماما و كده حرام لانه مش بيبى جديد

1- الكلام ده متعرض مع دراستى لان فعلا فيه محطات متقدرش تشتغل طول اليوم حسب ما درست و كمان مينفعش ينتج كهرباء هو مش محتاجها - لانها تعتبر خسارة - الا فى حالة واحدة بس و هى ان المحطة هتفصل ساعة ولا 2 بس فى اليوم , يعنى فرضا محطة كذا عاوز اشغلها من 4 العصر الى 10 الصبح باجى على الساعة 2 ابداء احضر المحطة علشان اقدر احمالها على 4 و اشيل من عليها الحمل 10 فضطر افصلها 12 يبقى خسارة لى لو فصلت المكنة لان عملية ال start بترهق المكنة فدى بتبقى محطات اساسية طول اليوم لكن الكل مش كده

2- الكلام ده متعرض مع خبرتى العملية لانى بالفعل شغل فى محطة توليد صغيرة قدرتها 23 ميجا وات بس تابعة لشركة خاصة مش لشركة الكهرباء مينفعش اطلع كهرباء انا مش محتاجها لكن اللى بيحصل ان المكنة شغالة , الاسكادا قرات ان الحمل زاد المكنة اما توفق نفسها اتوماتك على الحمل الجديد اما بمعرفة المهندس المسئول
و شركة الكهرباء فيها سيستم اسكادا على كبير فى مركز التحكم اللى فى شبرا متصل بجميع محطات الجمهورية و منه يقدر يخاطب المحطات و يتحكم فيها بجانب ان المفروض معهم جدول تنبؤية بالاحمال فى كل ساعة

الخلاصة مينفعش اشغل كده و خلاص الاحمال بتزيد ادخل مكن او محطات باكملها الحمل بيقل ابداء احرج يعنى زى التباديل و التوافيق

و عاوز افهم حضرتك حاجة انه بيقطع عليا و عليك و على الناس الغلابة لاننا مش كاتبيين عقود او حجزين مساحة من الشبكة يعنى الشركة اللى انا فيها حاجزة 20 ميجا وات بخطين على الشبكة و فى احيان كتيير اوى مش بنستخدمها لكن فيه عقد ملزم و مينفعش يقطع الخطين مع بعض و لمدة طويل زى مبيحصل فى البيوت لان الشركة هتلجا للقضاء و الغرامة فبالتالى بيريح دماغه و ميزعلش الكبار و يبهدل الصغيرين لانه ممكن يغير العقود دى و يجبر الشركات عن التخلى عن مساحتها فى وقت الذروة

و اسف على الاطالة

[zaza_lanos]

زى ما عملوا فى الغاز

[Dr Zezo]

و عاوز افهم حضرتك حاجة انه بيقطع عليا و عليك و على الناس الغلابة لاننا مش كاتبيين عقود او حجزين مساحة من الشبكة يعنى الشركة اللى انا فيها حاجزة 20 ميجا وات بخطين على الشبكة و فى احيان كتيير اوى مش بنستخدمها لكن فيه عقد ملزم و مينفعش يقطع الخطين مع بعض و لمدة طويل زى مبيحصل فى البيوت لان الشركة هتلجا للقضاء و الغرامة فبالتالى بيريح دماغه و ميزعلش الكبار و يبهدل الصغيرين لانه ممكن يغير العقود دى و يجبر الشركات عن التخلى عن مساحتها فى وقت الذروة

اسف على الاطالة

مفيش اطالة و لا حاجة دي معلومات مهمة

كل سنة و حضرتك طيب

[ahmed-moga]

النهارده عرفت الخبر ده من المصري اليوم

وزارة الكهرباء تعلن ايقاف سياسة قطع الكهرباء بالتناوب بين المناطق ......... وربنا يستر من

بعد النقط ومنكونش احنا الضحيه علشان اكيد الناس الكبار اشتكت فالصغيرين هما هيكونوا الضحيه

[Ahmed Hassan]

و عاوز افهم حضرتك حاجة انه بيقطع عليا و عليك و على الناس الغلابة لاننا مش كاتبيين عقود او حجزين مساحة من الشبكة يعنى الشركة اللى انا فيها حاجزة 20 ميجا وات بخطين على الشبكة و فى احيان كتيير اوى مش بنستخدمها لكن فيه عقد ملزم و مينفعش يقطع الخطين مع بعض و لمدة طويل زى مبيحصل فى البيوت لان الشركة هتلجا للقضاء و الغرامة فبالتالى بيريح دماغه و ميزعلش الكبار و يبهدل الصغيرين لانه ممكن يغير العقود دى و يجبر الشركات عن التخلى عن مساحتها فى وقت الذروة

و اسف على الاطالة

طيب احنا ميناء حاويات يعني اوناش مفترسه شغاله بالكهرباء... ده غير الحاويات المبرده اللي بتكون في الميناء يعني حمل كهرباء عالي. داخل عندنا 2 feeders و بصفه شبه يوميه مصدر من الاتنين و ساعات الاتنين بيقعوا... و الظريف انه مش مخطط للكلام ده و لكن بسبب اعطال من المحطات. عايز اقولك ان بسبب الانقطاعات دي ممكن تخسر الافات الدولارات قطع غيار للاجزاء الكهربائيه المتضرره في الاوناش و ده غير عطلة الشغل. يعني ولا كبير و لا صغير عارف يفلت منهم!!