تعليق على مسلسل الجماعة

[MaZaGAngeE]

الاخوان المسلمون من أهم و أقوى الهيئات الموجودة على الساحة المصرية من عام 1928 تقريبا حتى اليوم و في رمضان تم عرض مسلسل الجماعة اللي بيتكلم عن الاخوان من تأليف وحيد حامد

أنا مش من هواة التلفزيون , و نادرا ما بتفرج عليه و مش متابع أي مسلسلات لكن شفت حلقة امبارح و النهاردة بالصدفة من مسلسل الجماعة و كان من فترة حوالي سنة أو أكتر وحيد حامد المؤلف أعلن انه بيكتب مسلسل عن جماعة الاخوان المسلمين و حصلت مشاكل بينه و بين المحامي سيف الاسلام ابن الامام حسن البنا بسبب بعض التفاصيل اللي اتسربت عن المسلسل ...
المهم اني لاحظت 3 أو 4 مشاهد بين الفنان عبد العزيز مخيون المتهم بتمويل الجماعة و بين ضابط أمن الدولة و كان باين جدا خضوع مخيون و ضعفه و قلة حيلته امام الضابط المثقف الفاهم اللي بيتكلم بلسان مبين و بالمستندات ...
كمان واضح جدا ان المسلسل بيأكد ان الاخوان متطرفين و متشددين ..
من الحوار بتاع وكيل النيابة مع امه و الخدامة عن الحجاب و مع خطيبته واضح ان اللي عامل الحوار ضابط أمن دولة أصل مش معقول هتتكلم في بيتك أو مع خطيبتك باللهجة و الطريقة دي .
الفنان عزت العلايلي رأيه ( في المسلسل طبعا ) ان الحزب الوطني و الاخوان زي بعض و بيصارعوا بعض على حكم البلد و بيبيعوا و بيشتروا في الغلابة و ده صحيح فعلا بالنسبة للحزب الوطني لكن خطأ تماما في حق الاخوان لأننا عمرنا ما شفنا و لا سمعنا عن حد منهم بيبع و يشتري و يسمسر و ينهب في البلد بالشكل اللي بيحصل من سنة 1952 لحد دلوقتي و الله أعلم هيخلص امتى ...
بالنسبة للاخوان و بصفتي ابن احد القيادات الاخوانية ( مع اني مش من الاخوان ) و بحكم احتكاكي اللصيق بالكثير منهم على جميع مستوياتهم أقول الاخوان مش بالطريقة اللي عايزه الحكومة تقولها في المسلسل و لا بالضعف ده قدام أمن الدولة بالعكس أنا قابلت أكتر من ضابط صغير و كبير أمن دولة و مباحث و وكلاء نيابة و كلهم بيأكدوا ان التحقيقات دي متلفقة و انهم لازم يعملوا كده رغم عدم اقتناعهم باللي بيحصل و بيبقوا مش هقول ضعاف لأ مهزوزين قدام ثبات و قوة حجة الاخوان .....

المسلسل ده بيشوه حقيقة جماعة الاخوان المسلمين و بيحاول يدينا فكره غلط عنهم ....
المواقع دي ممكن تشوف فيها كتير عن الاخوان و تتعرف عليهم بصورة أكثر دقة و بعد كده انت تحكم همه كويسين و لا وحشين....

عن المسلسل :
http://www.alarabiya.net/articles/2010/08/14/116581.html

http://www.masrawy.com/News/Egypt/Politics/2010/august/14/ikhwaan.aspx

http://www.youm7.com/News.asp?NewsID=265737

http://www.gn4me.com/gn4me/details.jsp?artId=3810267&catId=54167&sec=news



عن الجماعة :

http://www.ikhwanonline.com/Default.asp

http://www.egyptwindow.net/

http://www.nowabikhwan.com/

http://www.google.com.eg/search?q=%D8%A7%D9%84%D8%A7%D8%AE%D9%88%D8%A7%D9%8 6+%D8%A7%D9%84%D9%85%D8%B3%D9%84%D9%85%D9%88%D9%86 &hl=ar&client=firefox-a&hs=C81&rls=org.mozilla:en-US:official&source=univ&tbs=vid:1&tbo=u&ei=6-lmTOeTEIOQjAeFr-nTBA&sa=X&oi=video_result_group&ct=title&resnum=4& ved=0CC8QqwQwAw

http://ar.wikipedia.org/wiki/%D8%A7%D9%84%D8%A5%D8%AE%D9%88%D8%A7%D9%86_%D8%A7% D9%84%D9%85%D8%B3%D9%84%D9%85%D9%88%D9%86

http://www.sharkiaonline.com/

http://www.ikhwan.net/forum/

http://www.ikhwanwiki.com/index.php?title=%D8%A7%D9%84%D8%B5%D9%81%D8%AD%D8% A9_%D8%A7%D9%84%D8%B1%D8%A6%D9%8A%D8%B3%D9%8A%D8%A 9

http://ikhwan.net/wiki/index.php?title=%D8%A7%D9%84%D8%B5%D9%81%D8%AD%D8% A9_%D8%A7%D9%84%D8%B1%D8%A6%D9%8A%D8%B3%D9%8A%D8%A 9

http://ikhwantube.org/

http://www.ikhwanweb.com/


أنا مش بدافع عن الاخوان و لا بدعي حد يكون منهم لكن أنا شفت مغالطات تاريخية و معاصرة منها حاجات شفتها بنفسي و حاجات سمعتها من ناس أصدق كل كلمة بيقولوها .....

ياريت قبل ما نختلف مع الاخوان نعرف الأول مين همه و تاريخهم ايه و عايزين مننا ايه .....

[PRO-DRIVE]

هي الكوميديا بجد في ادوار الناس اللي من الداخليه

[MaZaGAngeE]

هي الكوميديا بجد في ادوار الناس اللي من الداخليه

مش كده برضه
وكيل النيابة ذوق جدا و حساس و ضابط أمن الدولة راجل آخر عقل و شياكة وجمال و هادي و مؤدب

امال احنا مش بنشوف لا ضباط و لا وكلاء نيابة زي دول ليه ؟؟؟
كل اللي بنشوفهم معلقين نمر ملاكي أبو جهل و نسور نحاس على عربياتهم

[SeiffoZ]

بيجى على قنوات إيه و الساعة كام ؟؟؟ بخلاف القاهرة و الناس

[mahmoudysf]

اعتقد ان اكبر غباء للي عايز ياهجم الاخوان ويشوة صورتهم ان عمل المسلسل ده
بيتهايالي ان الحاجات دي بتفيد الاخوان مش بضرهم
وخيبة الحكومة بتبان لما بتعمل حاجة زي كدة

[MaZaGAngeE]

اعتقد ان اكبر غباء للي عايز ياهجم الاخوان ويشوة صورتهم ان عمل المسلسل ده
بيتهايالي ان الحاجات دي بتفيد الاخوان مش بضرهم
وخيبة الحكومة بتبان لما بتعمل حاجة زي كدة

عندك حق
لما الحكومة تصور ضباطها و وكلاء النيابة و المسؤولين في صورة الراجل الطيب العاقل العادل اللي بيخاف على الناس و يحميها ..... طب ما كل الشعب غني و فقير بيخاف و يقلق يععدي من قدام قسم و لا نقطة و لا كمين مش يدخل أمن الدولة ....

و طبعا مش كل الشعب عارف الاخوان و بيحتك بيهم رغم انتشارهم الواسع و خدماتهم الكتيرة جدا الغير محسوسة لكن لما الحكومة تصورهم في شكل الارهابيين المتطرفين هيخلوا الناس تبدأ تسأل عنهم و مين دول و أفكارهم ايه و ده هيزود انتماء الناس ليهم و حبهم كمان ........

الحكومة ما اتعلمتش حاجة من بوش و بلير في العراق و بيكرروا نفس الخطأ ..............

[Ahmed Samy]

اللي عمل المسلسل ده

زي الدبة اللي قتلت صاحبها

نصوص خايبة و تهجم واضح و رسائل صريحة (مع انها قال يعني مستخبية)

أنا ما باحبش الإخوان لأني اتعاملت مع تلاتة أربعة منهم و لاقيت التعامل مش هو ....و مش شايفهم مثل يحتذي به ...هم كويسين مع بعض قوي ..وبس

بس المشكلة مش فيهم ولا في تصويرهم في المسلسل شياطين لأن حوارات الغرف المغلقة احنا مانعرفهاش ولا النوايا نعرفها برضه

غلطة المسلسل في كم النصائح الركيكة و الجمل المفتخرة اللي بتتحشر حشر في حوارات عادية جدا لدرجة انها مضحكة أحيانا

الغلطة التانية زي ماقال مزاجانجي ......اظهار الضباط زي حرس الجامعة اللي بينحني للدكتور ووكيل النيابة اللي قاعد "يرغي" مع أحمد حلمي انهم ملائكة بيض بجناحات

لا ياشييييييييييييخ


الظابط اللي كتب المسلسل ده كان علمي تقريبا

[mr_safwt]

انا عن نفسى ما بطيقش الاتنين الحزب والاخوان
لان الشعب كلة ثقافتة واحدة عمرنا ما اتعلمنا نبقى فريق واحد
شوفوا برة تبقى حضانة بامكانيات مهولة ويحط على الترابيزة الواحدة علبة الوان واحدة عشان يعلموا الاطفال ازاى يشتركوا فيها
احنا عندنا بقى من الحضانة محدش يدى حاجتة لحد ولا ياخد حاجة من حد ولا يساعد زميلة
ويقولك الحسنة بتخص والسيئة بتعم دة اللى اتعلمناة فى المدارس
انى لازم اظهر نفسى انا فقط عشان الحسنة بتخص

عشان كدة اى سياسية عندنا فاشلة لان محدش اتعلم يبقى ازاى فريق واحد كلة بيعمل لنفسة
يعنى فى الاصل دة نتيجة تعليم وثقافة فاشلة

[midomagde]

ما بنى على باطل فهو باطل
مفيش احزاب فى الاسلام (يعنى اللى معاهم يبقى اخ مسلم اما اللى مش عجبهم يبقى ايه؟)
وبعدين دا حتى الازهر ومناهجه مش عاجباهم (يبقى يفصلوا دين على مزاجهم والكتب المرجعيه ليهم كتب حسن البنا.طب دا اسموا كلام)اللهم ضرب الظالمين بالظالمين واخرجنا منهم سالمين.قولو امين

[Dr Ahmed]

ما بنى على باطل فهو باطل
مفيش احزاب فى الاسلام (يعنى اللى معاهم يبقى اخ مسلم اما اللى مش عجبهم يبقى ايه؟)

حضرتك اللى بتقول كدا على حسب فهمك ,,, إنما هم مقالوش

سؤالك زى اللى بيسأل هو الحزب الوطنى اللى فيه وطنى واللى مش فيه خونة؟

وللا حزب الأمة اللى فيه من الأمة واللى براه أجانب؟

أو زى اللى بيسأل هو اللى فى جامعة القاهرة لازم يكون من القاهرة؟؟؟؟؟؟؟؟


فلا هم اتبنوا على باطل ولا اللى هم فيه باطل إحنا بس اللى مش عارفين كفاية عنهم

ولو قريت كتب حسن البنا وعرفت فكره فى تطبيق الإسلام فى الحياة هتغير فكرتك جدا وعلى ضمانتى

[ahm_fa2002]

علي فكرة ياجماعة المسلسل ده فاشل والناس عارفة الحلو من الوحش ومحدش بيتفرج علية واغلبية اللي بيتفرج علية هم الاخوان من اجل الضحك

[brashy101]

علي ميييييييين يا حكومه ؟؟؟؟؟

[أبومعاذ]

ولا المسلسل دا صح ولا الأخوان ملايكة

[MarEgypt]

لما حصلت احداث سبتمبر 2001
امريكا حاولت تشوه الدين الاسلامى
بطريقه مغلوطه ومبالغ فيها

قبل التشويه ناس كثيره لم تكن تسمع عن الاسلام سوى انه دين يدين به شعوب منطقة الشرق الاوسط
بعد التشويه الناس دى حبت تتعرف اكتر ايه هو الاسلام

النتيجة: فى نسبه الكارهة للاسلام - ازدادوا تعصب ضد الاسلام
لكن الناس المعتدله (fair) بالنسبه للاسلام - ارادوا ان يعرفوا ما هو الاسلام - لدرجة ان فى 2001/2002 تم بيع جميع المصاحف فى امريكا

واكتشفت امريكا ان عدد المسلمين فى زياده - وان حملتها نتائجها عكسيه
فبدوا يصححوا الخطط - ويتقربوا من المسلمين - والرئيس اوباما امر ببناء مسجد ومجمع اسلامى بالقرب من مكان برجى التجاره المنهارين ، فى محاوله جديده لاستفزاز مشاعر الامريكان ضد المسلمين وقلب الرأى العام الامريكى على المسلمين

ما يفعله المسلسل مشابه لما فعلته امريكا، بالاضافه الى فقدان الثقه فى الاعلام وبخاصة الاعلام الحكومى، لأن الجميع يعرف (يقيناً او بشكوك) أن الاعلام الحكومى غير عادل (not fair) وموجه لخدمة الحزب الحاكم. وهذا يجعلنا الكثير ينظر بشك لاى تصريح او ماده اعلاميه حكومية ويقول الكلمه المنتشره (أكيد الموضوع دا فيه إن ، ....)

يمكن تصنيف المسلمين بالنسبه للاخوان الى 3 اقسان:
1- مسلمون منتمون للاخوان (نسبه صغيره)
2- مسلمون حزب وطنى أو متشددون ضد للاخوان (نسبه صغيره)
3- مسلمون عاديون بدون اى انتمائات (السواد الاعظم)

المسلمون العاديون بدون اى انتمائات ----> هؤلاء المستهدفون من المسلسل وبخاصة صغار السن (أشك فى تاثير المسلسل عليهم كما يتوقع منتجوه)

المسلسل يستهدف اساساً الجيل الناشئ فى سن من (13 الى 21) سنه ، هذا السن (سن المراهقة) الذى يتحدد فيه اتجاه الشخص وميوله وتتحدد شخصيته، باتباع قدوه قد يكون (اب ، اخ اكبر ، صديق ، مدرس ، رمز تاريخى ، ....)
الجيل الناشئ هم المستهدفون بعمليات (غسل الدماغ إذا جاز التعبير)

مثل ما حدث من قبل

ايام الرئيس الراحل جمال عبدالناصر، كانت سياسة الدوله اشتراكية ، تمشياً مع السياسه الروسية والتى هى بالاصل شيوعيه
طبقنا الشيوعيه (مبادئ لينن) ، باستثناء ما يتعارض مع الدين (جمال عبدالناصر فى الاصل اخوان مسلمين - قبل تولى الحكم) - سواء الدين الاسلامى او الدين المسيحى
كان يوجد تيار اخوان مسلمين - ولم يكن هناك اى خوف منه بالنسبه للدوله - حتى حدوث حادث المنشيه الشهير
ثم بدء ظهور التيار الشيوعى - وكان فى نفس طريق الدولى

ثم تولى الرئيس الراحل انور السادات ، حكم البلاد ، وغير سياسه الدوله للرأس ماليه (السياسه الامريكية)
وبدأت الدوله تحارب الشيوعين (لدرجة دعم التيار الاسلامى "متمثل فى الاخوان المسلمين" ليقضى على الشيوعين) - وبدأت آلة الاعلام تفعل ضد الشيوعين - مثل ما تفعله الان ضد الاخوان المسلمين
مع فارقين مهمين جداً - 1) وقتها كنا منتصر فى حرب 73 - وهذا ادى الى وجود ثقه كبيره جداً فى الحكومة وصانعى القرار بالدوله
2) لم يكن وقتها سموات مفتوحه. ومصدر الثقافة الاعلامية الوحيد الاعلام الحكومى

النتيجة: نجحت الحملة نجاح مزهل ضد الشيوعين حتى الان - لدرجة ان لو واحد قال لك "أنت شوعى" - اعتبرتها شتيمه واهانه. وووواووووو


يوجد تناقضات كثيره فى المسلسل ناهيك طبعاً عن تصوير أمن الدوله بالصوره المثلى (لو قريت مواضيع المنتدى ، هتكتشف ان الى بيلاقى عربيه راكنه فى الشارع الى ساكن فيه ، بيشك انها مسروقة ، بيخاف يبلغ عنها عشان مايدخلش قسم الشرطة - دا طبعاً مش من فراغ)

احد الممثلين فى المسلسل يقول ان الاخوان المسلمين تغلغلوا فى الدوله - فى منهم ظباط شرطة وجيش وانك لا تعرفهم الا بعد المعاش وخلع البدله الميرى.

المقوله دى فيها اهانه لذكاء المشاهد - كلنا عرفين ان فى القبول لكليات الشرطه والجيش - تحريات ليس لها حدود - وللاقارب حتى الدرجه الرابعه والخامسه والديزليون
التحريات دى بتم اذاى - لو واحد كان ابوه شيوعى - ايام جمال عبدالناصر ، او كان ابوه تيار اسلامى ايام السادات - هل يقبل ام لا؟

بيشوفوا اتجاه الدوله فى الوقت دا كان ايه؟ وهل هو كان مع اتجاه الدوله أم ضد اتجاه الدوله ؟ وبناءاً عليه يتم قبوله

اوضحها اكتر: نفترض انك انت دلوقت حزب وطنى مخلص متفانى؟ إذا انت مع اتجاه الدوله
نفترض (جدلاً) - أن فى الانتخابات القادمة حزب غير الوطنى هو الذى فاز بالانتخابات "حزب الأكس واى ذت" ، واصبح الحزب الوطنى حزب معارضة - وانت نفضت للحزب الوطنى
بعد عشرين سنه ابنك اراد أن يدخل كلية شرطة، وقتها تقول التحريات ان والده كان حزب وطنى فى وقت كانت الدوله كلها والنظام حزب وطنى --> إذا والده مع النظام --> إذا يقبل فى كلية شرطة

دا بالظبط بالنسبه للظباط الى هما اخوان مسلمين --> دخلوا الاخوان فى وقت كانت الدوله بتدعم التيار الاسلامى --> فمن الغباء انك تحاسبهم دلوقت لأن دا معناه أن النظام بينتقم من مؤيديه وكوادره

[katz]

اولا انا ضد الاخوان كتيار سياسى لأسباب كثيرة ليس هنا موضعها

لكن المسلسل يقدم صورتين

الأولى لرجال امن الدولة سواء مباحث او نيابة و هؤلاء ملائكة مثقفون طيبون و آخر حلاوة
الثانية لرجال الاخوان الذين لا يتوانى المسلسل عن سيهم و كيل الاتهامات المباشرة لهم و انهم هم سبب البلاء و المصايب كلها

انا كمواطن بسيط لا اعرف شيئا عن الاخوان و توجهاتهم اول ما اشوف الصورة الناصعة البياض لرجال امن الدولة و التى يعلمها جيدا كل المصريين هأقول ده مسلسل كله كذب و تلفيق

و طالما ان المسلسل كذاب يبقى الاخوان دول حاجة تانية خالص و ناس طيبة و ولاد حلال

هذا هو الانطباع الذى اعتقد انه سيترسب عند الناس عند مشاهدة المسلسل
و اعتقد انه بنهاية المسلسلل سترتفع شعبية حسن البنا بين قطاعات من الناس عمرها ما كانت تعرف عنه حاجة
و هكذا يضر الصديق الجاهل من حيث اراد ان ينفع

انا شخصيا لو بأكتب مثل هذا المسلسل لكنت اعترفت بكل اخطاء امن الدولة و قدمتهم على انهم بشر يعملون تحت ضغط شديد يتسبب فى ارتكابهم الكثير من الأخطاء و لكن ما يدفعهم لذلك هو اجرام الاخوان الذى لا يترك لهم بديلا الا هذا الطريق
دا لو كاتب المسلسل كان يريد ان يقدم صورة متوازنه تحظى بقبول المشاهدين و تكرههم فى الاخوان لكن الكاتب اراد ان يقول تمام يا افندم انا معاكم 100% مش اقل و يمكن اكتر