تعليق على مسلسل الجماعة

[د.أحمد سمير]

على فكرة المرشد العام السابق محمد مهدي عاكف حي يرزق
وهو أول مرشد عام سابق للجماعة التي اختارت محمد بديع مرشداً عاماً في حياة سلفه وبعد أول انتخابات للمرشد العام في تاريخ الجماعة ..
وهذا للتصحيح

[Mohamed_Hegazy]

انا لست من الاخوان ولكننى اعتقد ان هذا الروكسر لايكرة الاخوان فقط ولكنة يكرة كل ما هو اسلامى بشكل عام - ان كان مسلما فهى مصيبة لان بعض المسلمين اصبحو على غير هدى من كثرة الضربات التى توجه للأسلام وان كان غير ذلك فالمصيبة اهون

[powersha]

الفنان عزت العلايلي رأيه ( في المسلسل طبعا ) ان الحزب الوطني و الاخوان زي بعض و بيصارعوا بعض على حكم البلد و بيبيعوا و بيشتروا في الغلابة

+11111111111111111
من غير متكلم عن الحزب الوطنى الشعب كله عارف الفساد الى احنا فيه
اما الاخوان المسلمون انا لحد انتخبات مجلس الشعب السابقه كنت مطعاطف معاهم
لحد ملقتهم انهم ممكن يعملو اى حاجه علشان يوصلو للصلته
وبعد منجح مرشح الاخوان ولا شفنا وشه غير فى الاعياد فرق ايه بقى عن الحزب الوطنى

ولا اخوان ولا حزب وطنى الاتنين انيل من بعض
كلهم عيزين الصلته ويولع الشعب

[أبومعاذ]

اسمها السلطة مش الصلته :-)

[ahmed4000]

بصرف النظر عن ان المسلسل ساذج وعن ارائنا فى الاخوان (فكر كده تدخل على اى موقع تانى غير هنا وتنتقد الاخوان -مجرد انتقاد- وانت تعرف اسلوب الاخوان فى التعامل)

لكن الاخطر ان المسلسل بقيادة وحيد حامد متصدى للاسلام نفسه وبيحاول بكل الصور يشوه كل حاجة حتى لو بسيطة


فالحجاب والنقاب بدع غريبة جاية من بره وان زمان كل الناس مكنتش بتلبسها
لما حد يقول السلام عليكم يبقى شخص غريب
لقطات صغيرة لكن بتعكس كره رهيب للاسلام (مشهد البائعة المحجبة التى تبيع اللبس لحفيدة عزت العلايلى وهى متجهمة وتتعامل بفظاظة بدون اى داع -طيب ليه طالعة محجبة- وهل كل محجبة تبقى فظة ولا معناه ان المحجبات بيكرهوا غير المحجبات!!!أة هبل بيحاول يزرعه فى عقول الناس)

[ahmed4000]

طيب ما حماس من الاخوان و همه الوحيدين اللي قدروا يقفوا قدام اسرائيل ....

وقفوا قدام اسرائيل فين وازاى؟

[Ahmed Samy]

ب
لكن الاخطر ان المسلسل بقيادة وحيد حامد متصدى للاسلام نفسه وبيحاول بكل الصور يشوه كل حاجة حتى لو بسيطة


(مشهد البائعة المحجبة التى تبيع اللبس لحفيدة عزت العلايلى وهى متجهمة وتتعامل بفظاظة بدون اى داع -طيب ليه طالعة محجبة- وهل كل محجبة تبقى فظة ولا معناه ان المحجبات بيكرهوا غير المحجبات!!!أة هبل بيحاول يزرعه فى عقول الناس)

فعلا انا برضه استغربت من المشهد البياعة و هي هاتنط في كرش البت هههههه

و قعدت اسأل هو قصده ايه ...و جه على بالي التفسير ده بس قلت لأ يا واد هو مش العبط مش للدرجة دي

بس الظاهر انه للدرجة دي


ياااااخوفي لا المسلسل ده يترجم أو يدبلج للإنجليزية

يبقى ضربة زي ضربة 11-9

زيها تمام مع فرق النوايا

[Ahmed Eraqy]

+11111111111111111
من غير متكلم عن الحزب الوطنى الشعب كله عارف الفساد الى احنا فيه
اما الاخوان المسلمون انا لحد انتخبات مجلس الشعب السابقه كنت مطعاطف معاهم
لحد ملقتهم انهم ممكن يعملو اى حاجه علشان يوصلو للصلته
وبعد منجح مرشح الاخوان ولا شفنا وشه غير فى الاعياد فرق ايه بقى عن الحزب الوطنى

ولا اخوان ولا حزب وطنى الاتنين انيل من بعض
كلهم عيزين الصلته ويولع الشعب

على فكرة اعضاء مجلس الشعب من الاخوان ليهم اكتر من مكتب فى دوايرهم و الناس بترحلهم و بيخدموهم و عن تجربة احد اقاربى (مجربتش بنفسى بصراحة )

و لو على اللى بيعملوه ممكن تتابعهم على موقع مرشحيهم و تشوف كمية طلبات الاحاطة

كون ان حضرتك متعرفش ان ليهم مكاتب او مش بتابعهم فده مش ذنبهم

و بعدين موضوع السلطة ده رأيك

بس انت لو عندك هدف انك تطبق الشريعة الاسلامية ياترى هتعمل ايه

هل هتستخدم العنف و القتل و الارهاب

و لا هتستخدم وسيلة سلمية حضارية لتداول السلطة اللى هى حق لكل مواطن مهما كان اتجاهه (و لا هو حلال لكل الاحزاب و الاتجاهات و حرام على الاتجاه الاسلامى)

و لا هتقعد فى بيتكم و تربى عيالك

ولا فيه حل رابع محدش يعرفه غير حضرتك !!

[Dr Ahmed]

انا لست من الاخوان ولكننى اعتقد ان هذا الروكسر لايكرة الاخوان فقط ولكنة يكرة كل ما هو اسلامى بشكل عام - ان كان مسلما فهى مصيبة لان بعض المسلمين اصبحو على غير هدى من كثرة الضربات التى توجه للأسلام وان كان غير ذلك فالمصيبة اهون

خلينا نحسن الظن ببعض أكتر من كده وأعترض جدا على وصفك إياه بكره ما هو إسلامى فلا يوجد دليل على ذلك وربنا يهدينى ويهديه ويهديك ويهدينا كلنا

[powersha]

اسمها السلطة مش الصلته :-)

انا اسف العربى عندى ضايع

على فكرة اعضاء مجلس الشعب من الاخوان ليهم اكتر من مكتب فى دوايرهم و الناس بترحلهم و بيخدموهم و عن تجربة احد اقاربى (مجربتش بنفسى بصراحة )

و لو على اللى بيعملوه ممكن تتابعهم على موقع مرشحيهم و تشوف كمية طلبات الاحاطة

كون ان حضرتك متعرفش ان ليهم مكاتب او مش بتابعهم فده مش ذنبهم

و بعدين موضوع السلطة ده رأيك

بس انت لو عندك هدف انك تطبق الشريعة الاسلامية ياترى هتعمل ايه

هل هتستخدم العنف و القتل و الارهاب

و لا هتستخدم وسيلة سلمية حضارية لتداول السلطة اللى هى حق لكل مواطن مهما كان اتجاهه (و لا هو حلال لكل الاحزاب و الاتجاهات و حرام على الاتجاه الاسلامى)

و لا هتقعد فى بيتكم و تربى عيالك

ولا فيه حل رابع محدش يعرفه غير حضرتك !!

انا عارف ان ليهم مكاتب بس هى مقتصر على طلبات العمل (مجرد بيبعت جواب لوزاره القوه العامله )
اما ايه اتغير فى الحى مفيش
ووقت الانتخبات مرشح الاخوان عمل دعايه انتخابيه مشتركه هو ومرشح اخر مستقل (عمال) والمرشح الاخر ده معروف بسواء سمعته وهو الان انضم للحسب الوطنى
وده الى خلانى اقول انهم ممكن يعملو اى حاجه علشان يوصلو للسلطه (مش الصلته علشان محدش يزعل)

انا واحد مش تبع حد
الى يحقق ليا حياه كريمه انا معاه
الفقر الى الناس فيه خلاص قتلهم
ودينى بينى وبين ربى
الى بيتجرو بلدين كتير
انا مش عايز حزب وطنى كفايه الى احنا وصلنا له

انا عايز حد يحترم اداميه الشعب ده

[hh]

انا اسف العربى عندى ضايع


انا عارف ان ليهم مكاتب بس هى مقتصر على طلبات العمل (مجرد بيبعت جواب لوزاره القوه العامله )
اما ايه اتغير فى الحى مفيش
ووقت الانتخبات مرشح الاخوان عمل دعايه انتخابيه مشتركه هو ومرشح اخر مستقل (عمال) والمرشح الاخر ده معروف بسواء سمعته وهو الان انضم للحسب الوطنى
وده الى خلانى اقول انهم ممكن يعملو اى حاجه علشان يوصلو للسلطه (مش الصلته علشان محدش يزعل)

انا واحد مش تبع حد
الى يحقق ليا حياه كريمه انا معاه
الفقر الى الناس فيه خلاص قتلهم
ودينى بينى وبين ربى
الى بيتجرو بلدين كتير
انا مش عايز حزب وطنى كفايه الى احنا وصلنا له

انا عايز حد يحترم اداميه الشعب ده

على فكرة أنا مش مع الاخوان خالص و مش بستريحلهم رغم اني بصراحة معنديش فكرة كافية عن أفكارهم, بس اللي أستوقفني في رد حضرتك موضوع أعضاء مجلس الشعب بتوع الأخوان انهم مبيغيروش حاجة في الحي.

تفتكر حضرتك واحد من الأخوان - اللي هما طبعا حبايب الحكومة - ايه مدى السلطة اللي ممكن تكون عنده عشان يقدر يعمل تغيير جزري زي ما حضرتك عايز؟؟

حعيد صياغة السؤال بطريقة تانية, لو أفترضنا ان الراجل فعلا بيحاول يحسن الأوضاع في دايرته, تفتكر حيلاقي استجابة من الحي و من شركات لكهربا و المية و الصرف الصحي.......الخ؟؟ كل الجهات التنفيذية دي ممكن تساعده انه يحسن أوضاع أهل دايرته عشان شعبيته تزيد؟؟

أعتقد ان مفيش حاجة الحكومة عايزاها أكتر من انها تثبت ان الأخوان فشلوا في تمثيل الشعب, و أهو بالمرة نكاية في أفراد الدايرة اللي انتخبوا واحد من الاخوان.

بالنسبة بقى للمسلسل انا أساسا الحمد لله مش بتابع أي مسلسلات بس لو فكرت اتفرج على مسلسل مصري عمري ما حتفرج على مسلسل بيتكلم على أي حاجة ليها علاقة بالاسلام كاتبه وحيد حامد و بيتعرض على القنوات الحكومية المصرية!!!!!!!

[Dr Ahmed]

بالنسبة بقى للمسلسل انا أساسا الحمد لله مش بتابع أي مسلسلات بس لو فكرت اتفرج على مسلسل مصري عمري ما حتفرج على مسلسل بيتكلم على أي حاجة ليها علاقة بالاسلام كاتبه وحيد حامد و بيتعرض على القنوات الحكومية المصرية!!!!!!!

+1
أنا غلطت وشفت منه دقايق زهقونى جدا وأعتقد رفعوا ضغطى والسكر ومضحكتش خالص زى ما الأخوة قالوا عليه كأنه كوميدى بالعكس زعلت جدا من الهجوم الغير مبرر على حاجات حلوة كتير وصح فى حياتنا

[بحري]

ومين قال أصلا إن وظيفة عضو مجلس الشعب هو اللهاث وراء التفاصيل من عينة الوظائف ومواسير الصرف ورصف الطرق وإنارتها..للأسف دي ثقافة شائعة وبتخلي اللي بيصرف أكثر واللي بينال تسهيلات الحكومة هو صاحب الأسهم الأعلى

بعد انتخابات ٢٠٠٥ والظهور الكاسح للإخوان في الإسكندرية جاءت الحكومة بعادل لبيب عشان يتعامل..راجل قديم وخبرة..منصبه السابق قبل المحاقظة كان مفتش عام قطاع أمن الدولة في الإسكندرية والبحيرة ومطروح

قلب كل شوارع اسكندرية وعمل أحلى كركبة وخلى الناس تزهق في عيشتها...والشائع يومها كان إن مجيئ لبيب هو تكدير لأهل الإسكندرية لوقوفهم بقوة خلف مرشحي الإخوان بعد سنوات الإعجاب والالتفاف حول المحجوب...ولتتحول المحافظة ككل إلى ملف أمني كبير يدار من مبنى أمن الدولة القريب من مبنى المحافظة

[dr-mohamed]

فلا هم اتبنوا على باطل ولا اللى هم فيه باطل إحنا بس اللى مش عارفين كفاية عنهم

ولو قريت كتب حسن البنا وعرفت فكره فى تطبيق الإسلام فى الحياة هتغير فكرتك جدا وعلى ضمانتى

قريت كتير وسمعت كتير وشفت اكتر وللاسف يا دكتور احمد مقدرتش اقتنع ولا غيروا اي حاجة في قناعاتي

في الحقيقة أنا لا مع الحزب الوطني او غيره من الاحزاب و لا الاخوان بل علي العكس أنا أري أن كلا منهم يسعي لتحقيق أغراضه و أهدافه هو و ليس تحقيق مصلحة هذا البلد او هذا الشعب أو حتي الاسلام كما يدعي البعض من الاخوان

ا

+++++++++++++=2

ومين قال أصلا إن وظيفة عضو مجلس الشعب هو اللهاث وراء التفاصيل من عينة الوظائف ومواسير الصرف ورصف الطرق وإنارتها..للأسف دي ثقافة شائعة وبتخلي اللي بيصرف أكثر واللي بينال تسهيلات الحكومة هو صاحب الأسهم الأعلى

بعد انتخابات ٢٠٠٥ والظهور الكاسح للإخوان في الإسكندرية جاءت الحكومة بعادل لبيب عشان يتعامل..راجل قديم وخبرة..منصبه السابق قبل المحاقظة كان مفتش عام قطاع أمن الدولة في الإسكندرية والبحيرة ومطروح

قلب كل شوارع اسكندرية وعمل أحلى كركبة وخلى الناس تزهق في عيشتها...والشائع يومها كان إن مجيئ لبيب هو تكدير لأهل الإسكندرية لوقوفهم بقوة خلف مرشحي الإخوان بعد سنوات الإعجاب والالتفاف حول المحجوب...ولتتحول المحافظة ككل إلى ملف أمني كبير يدار من مبنى أمن الدولة القريب من مبنى المحافظة

لا يا دكتور بحري معلش اصحح معلومة حضرتك عادل لبيب لم يأتوا به من امل الدولة الي محافظة الاسكندرية مباشرة
عادل لبيب بعد ان ترك العمل بالداخلية عين محفظ لقنا وعمل احسن شغل فيها وبعدها اتنقل محافظ للبحيرة وبدا يعمل شغل كويس لكن ملحقش لان كان حصل تغيير واتنقل محافظ لاسكندرية وهو راجل منظم بيحب كل حاجة تمشي صح
كون ده بيتعارض مع العشوائيات اللى استقرت واصبحت هي القاعدة لا يعني انه غلط او عايز يكركب او يزهق الناس في عيشتها

ووظيفة عضو مجلس الشعب شقين واحد عن الامة والتاني عن الدائرة اللى انتخبته

[بحري]

أهلا بيك يا دكتور محمد
أنا عارف إنه راح قنا الأول وعمل شغل تجميل وتحسينات وسبب ذهابه لهناك أيضا هو خلفيته الأمنية

وعندما ذهب للبحيرة فتح بطنها كما يقولون وتم نقله إلى الإسكندرية سريعا لتنفيذ المطلوب

أما عن كونه راجل منظم بيحب كل حاجة تمشي صح فأنا أختلف مع حضرتك تماما في هذه الجزئية..تاريخه معروف لكل من احتك به أو بمعاونيه دون الخوض في تفاصيل

المحافظات والأحياء مش محتاجة لواءات أمن دولة ومخابرات وغيرهم من أهل الثقة لا الكفاءة الذين يحولون الحكم المدني لحكم عسكري لا يعرف إلا أن يأمر فيطاع..بلا أدنى مراعاة أو حساب للأبعاد الاجتماعية والإنسانية.. وبلا سابق خبرة حقيقية في التخطيط والتنظيم والمتابعة اللهم إلا تخطيط وتنظيم ومتابعة الملفات السياسية والأمنية التي تتعارض مع توجهات الحكومة والساسة..بيئة مختلفة تماما يعيش فيها الإنسان ويترقى إلى أعلى مناصبها ثم يكون المطلوب منه أن يخلع البيادة والقايش ويتعامل مع عامة الناس

إسكندرية رايحة في داهية يا دكتور محمد من ناحية المرافق والمواصلات والتنظيم الأمن العام...اسأل أي حد عايش فيها أو زارها في المصيف عشان تتأكد من ده

اسكندرية ناجحة جدا من ناحية الأمن السياسي..لكن من ناحية الأمن الجنائي فلنا الله ولا حول ولا قوة إلا به..شأنها شأن كل محافظات مصر على فكرة

ونجاح الأمن السياسي مؤقت ثم لا يلبث أن ينهار حينما تعم الفوضى الناتجة عن العشوائية والفقر ثم الجريمة