ضابط شرطة يعتدى على أستاذة بجامعة الزقازيق

[moody1]

مش عارف ليه مش مصدق الخبر

حاسس انه غير منطقى

يعنى ايه شتمها وضربها بالشلوت

لا وايه هيا لا عيتت ولا انهارت(زى الستات العادية يعنى) وكملت محاضراتها عادى

الخبر نصه عالاقل غير حقيقى وبعدين هيا لو عايز تقول اى حاجة هتتثبت فالمحضر(خصوصا انها هتخلى الطلاب يامنو على كلامها) فمقابل درجات اعمال السنة مثلا وهما ما هيصدقو

[samcar]

انت لو صحيح ظابط يبقى اكيد ظابط ليبى :f_eyeb1[1]:

حلوه - ههههههههههههه-

كلمه واحده ارد بيها على الباشا - شهيد الشرطه- حد كان غصبك على دخول الكليه - مش برضه جريت ورا الواسطه و سهرت الليالى تدعى علشان يقبلوك - لو الحال مش عاجبك - استقيل - وهم بيقبلوا الاستقالت - مش زى زمان - اما بقى انه الناس مش مقدره والواجب والشعر ده كله - فالشعب ده سنه 86 لما الامن المركزى عملوا ثورتهم ما كانش فى ضابط شرطه واحد ماشى فى الشارع والشعب هو اللى حافظ على نفسه- اوعى تفتكر حد دلوقت بيستنجد بالشرطه- كل واحد بيستنجد بواسطته - اللى لما بتكون جامده بتجيب الشرطه تخدم- واظن لو راجعت صفحات الحوادث اللى بتقول عليها واللى بتبتدى بتوجيهات السيد الوزير لحد اصغر شنب فى المجموعه - تلاحظ ان التحرك بيبقى اما حد معروف رقاصه او ممثل - او شغب وثوره ووقع قتلى - يبتدى الجهاز الهمام يتحرك

اكتب مذكراتك - على فكره فى ظابط ضميره صحى وكتب مذكراته وطبعا الدنيا اتقلبت عليه - ابقى دور على المذكرات دى - يمكن تغير رايك - يا باشا

-

[samcar]

انت بتهزر- مش كده - ايه اللى يخلى الافندى ده يدخل الجامعه من اصله ؟؟- كان داخل يزور بابا وحود غلط على المدرج - ويعنى ايه تنهار - دى دكتوره وامام طلاب - مش بياعه فى السوق - اما الدرجات والكلام ده - اظن طلبة اداب اخر ناس تفكر فى الكلام ده- وبعدين اذاكانت النيابه حولته للمحكمه يبقى الكلام له قدر كبير من الصحه-

اللى يحط نفسه فى موضع الشبهه يستاهل اللى يجرى له

اللى غايظنى - ان الافتديه بتوع الداخليه ما صدرش منهم اى تعليق - ولا سمعنا عن تحقيق داخلى يقول ابو نحله على كتفه ده ايه اللى دخله مدرج وقاعد والمحاضره شغاله

[rompo10]

ممكن نقول ليه الظباط بيعملوا كده عشان اي ظابط عارف انه مايعرفش يتنطط علي حد كبير وواصل فابيشوف الغلابه انا شفت موقف مش عارف هاتصدقوه ولا لا الموقف ده من حوالي سنتين كان بعد بوابات الجيزه عند الكمين المهم الظابط وقف عربيه وكان فيها شاب والظابط كان برتبه مقدم المهم انا ماسمعتش اول الحوار بس الاكيد انه قاله الرخص الشاب نزل من العربيه زي الطور الهايج وبسق في وشه والله ولا حد اتكلم معاه الظابط راح عليالكرسي بتاعه والواد توكل علي الله طبعا كان في كلام تاني بعد وريني الرخص اكيد عرفه بنفسه واتكلموا شويه

[MASERATI]

ممكن نقول ليه الظباط بيعملوا كده عشان اي ظابط عارف انه مايعرفش يتنطط علي حد كبير وواصل فابيشوف الغلابه انا شفت موقف مش عارف هاتصدقوه ولا لا الموقف ده من حوالي سنتين كان بعد بوابات الجيزه عند الكمين المهم الظابط وقف عربيه وكان فيها شاب والظابط كان برتبه مقدم المهم انا ماسمعتش اول الحوار بس الاكيد انه قاله الرخص الشاب نزل من العربيه زي الطور الهايج وبسق في وشه والله ولا حد اتكلم معاه الظابط راح عليالكرسي بتاعه والواد توكل علي الله طبعا كان في كلام تاني بعد وريني الرخص اكيد عرفه بنفسه واتكلموا شويه

السلام عليكم و رحمة الله و بركاته

يا باشا , كان لازم تصور الموقف ده عالموبايل عشان ننزله عاليوتيوب , هو ده موقف يعدى كده بالساهل !!!!!!!!!!

[zidan2008]

قلت اللى على لسانى والله
وهاضيف عليه
المرتب الضعيف بتاع ظابط الشرطة بيلاقى فى المقابل تذكرة بنص التمن+ تأمين صحى كامل+ بوليصة تأمين تقريبا ب100000جنية من وهو طالب وواحدة كمان بعد التخرج+ حاجات تانية كتير
ثانيا بغض النظر انه دخل برضاه... والله لو قعدوا يحلفولى عالمصحف انهم داخلين الشرطة عشان يحموا البلد ماهصدقهم لان العيل الصغير عارف اللى داخل شرطة داخل ليه...مش معنى انه بيطلع عينه فى الشغل ..يروح مطلعة على الغلابة فقط
يعنى ايه حتة عيل عنده 22 سنة وينزل راجل كبير عنده50 سنة ويقعد يشتغله
وساعة مايقابل عيل صغير معاه واسطة بيكش ويبقى زى ال....
وحكاية 18 ساعة شغل فى اليوم فمنهم17.5 قاعد على الكرسى والامناء الحرامية شغالين الله ينور
والنبى ياخونا اللى مش قد الشغلانة مايدخلهاش من الاول
قسما بالله انا كرهت البلد بسبب الشرطة مع ان لغاية دلوقتى محدش بيعرف يفتح بقه معايا منهم والحمد لله
قرايبى اللى فى الشرطة الحمد لله محترمين...عمى عقيد ولما بيلاقى حد بيعدى الشارع على رجله بيوقف العربية ويقوله اتفضل عدى
ماحدش يحاول يقنعنا ان التيييت فى الشرطة مجرد قلة قليلة
الشرطة كلها 50 او 30 الف واحد بس

انا هفهمك اه الصح يا سيدي ولاة هلبسه تهمة ولا اي حاجة هو الي طلبه هيلبسة هو قال انه ضابط جيش يشيل شلتو معندناش تلبيس كل الي مطلوب البطاقة و متقنعنيش لما واحد يقول لظابط شرطة جيش التاني هيترعب هي عملية تقدير تقدرني اقدرك مش اكتر .

[zidan2008]

قالك واسطة و فلوس و معارف طيب اقسم بالله اني ولة واسطة ولة حتي سماعة التليفون اترفعت ولة ربع جنيه اتدفع عشان اخشها وانا الي كنت عايزها عشان كمستقبل هي احسن
وهتقولي الكلية بتبوظ هرد عليك رد واحد شوف الكلية بتعمل اه في الي بيخالف او يعمل مشكلة
والراجل الي قال ظابط ليبي يبقي مش فاهم حاجة والله انتو فاكرين الظباط دي وحوش
شوف لما يبقي واحد في الكلية وشايف الناس كلها كرها هيخرج يعمل اه ؟ حط نفسك مكانه
والراجل ال قالك استقيل مهي مش بالسهل كان كله خلع لازم تعدي عشر سنين خدمة اوي ادفع
وسبب كره الشعب للشرطة عشان هما الي بيطبقو النظام و هما الي في وش الشعب في كل حاجة

[dr-mohamed]

[justify]
أمرت نيابة قسم ثان الزقازيق، اليوم، الأحد، بإشرف المستشار طارق أبو زيد المحامى العام لنيابات جنوب الشرقية، بحبس الملازم أول "أحمد محمد عبد اللطيف" 4 أيام على ذمة المحضر رقم 18486 جنح قسم ثان، وتحويله للمحاكمة العاجلة لتعديه بالضرب والسب والقذف على الدكتورة ......... رئيس قسم الجغرافيا بكلية الآداب جامعة الزقازيق، بعد اعتراضها على تواجده بين الطالبات وتعمد مضايقته لهن.

وتستكمل، "رغم أنى اكتشفت أن هذا الضابط نجل أستاذ جامعى بنفس الكلية قسم التاريخ وأنا حاليا أتعرض للضغوط للتنازل عن المحضر، لكن من المستحيل أن أتنازل عن حقى وسأظل أدافع عن كرامتى وكرامة الأستاذ الجامعى لآخر يوم ولن أتنازل إلا إذا دخلت القبر وتنقضى الدعوى بوفاتى".
[/justify]

طبعا معروف لناس كتير اني اخر واحد ممكن يدافع عن الموقف ده ان ظابط شرطة يدخل مدرج جامعي ويعتدي على الدكتور لكن زي ما ناس قال الموضوع فيه حاجة مش طبيعية بس هما قالوا كدة لان بعد ما المفروض انه ضربها في بطنه وهي كبيرة في السن اكيد في الخمسينات على الاقل تكمل المحاضرة وكأن لم يحدث شئ وهو امر غير متصور بسبب الاصابة الجسدية وحالة التوتر اللى المفروض تكون عليها
الاهم الجملتين اللى لونتهم بالازرق انه ابن دكتور في قسم اخر في نفس الكلية و ده ممكن يفسر لنا جزء من الغموض ان الموضوع كله يدور في اطار صراع داخلي بينها وبين ابو الولد ده
وممكن يكون هو احتك بيها بسبب خلافتها مع ابوه كأبن يري انه يدافع عن ابيه لكن لم يصل الموضوع للضرب
فين الحقيقة الله اعلم

على فكره لا هو كويس و لا الدكتور كويسه لانها كانت بتديلنا انسانيات في الكليه عندنا و كنا لازم نشتري كتاب رفيع بالشيت بتاعه ب 50 جنيه و لازم تشتري حل الشيت بتاعه و يدبس في الشيت ب 10 جنيه و لو حليته مع نفسك صفر يا كبير
شوف بقى الطمع غير اسلوبها المتهكم مكناش طايقينها فمتفتكروش انها الملاك البرئ و الظابط طبعا الطلبه مكنوش حيشيبوه كان اتفرم

اموت واعرف بيجي لهم قلب ازاي
وفين ادارات الجامعات
وفين العمداء والوزير اللى قارفنا وواجع دماغنا كل شوية بالتزامات وتجريم وتحريم
القانون بيقول ممنوع اجبار الطالب على الكتاب
لوائح الجامعات بتقول ان الكتب الدراسية للكليات النظرية لا تزيد في الترم الواحد للقسم الواحد عن 200 جنيه
الظاهر جامعات بيتطبق عليها القوانين وجامعات من المريخ


المشاركة الجاية طويلة اوي وفيها كلام كتير وردود كتير علشان كدة فضلت الردود تبقي في المشاركة نفسها

كله منكم لما يكون طالب او ظابط و شايف كل الناس كرهاه عشان بينتمي للشرطة

لكل فعل رد فعل ولا انت رايك ايه ؟؟؟؟؟؟؟؟

لما يدخل علي اي خبر ويلاقي الشتايم بالجملة وكل واحد بيتكلم بمزاجه و يشتم في كلية الشرطة الي ميعرفش عنها اي حاجة غير انو قدم ومقبلش وقالك عشان معنديش وسطة او عشان بياخدو فلوس

انا واحد من اللى بيشتموا في معظم الشرطة رغم انى والحمد لله لم اقدم فيها ولم افكر يوم ان ادخلها والحمد لله

لما ينزل الشارع ويلاقي الناس عايزة تتنطط عليه و محدش حابب الكلمة الي بتطلع منه زي الاخ المحترم بتاع الاسانسير وانا لو مكان الاخ والله كنت عرفت اعمل معاك الصح .

يا راجل قول كلام غير ده بقة الناس هي اللى بتتنطط على الشرطة ؟ ولا تقصد الناس اللى اسف في اللفظ بيزلوا رجال الشرطة ومبيقدروش يعملوا معاهم حاجة وبيطلعوا غلهم في الغلابة ؟؟؟؟؟؟؟؟
اما الصح فانت وضحته في مشاركتك التانية وهرد عليها



اناضابط شرطه عادي اكتشف يوما انه لم يعد يستطيع التحمل لم يعد يستطيع تحمل كم الاساءه التي توجه لضباط الشرطه المصريين
يا راجل اول مرة اعرف ان الشعب المفتري هو اللى ظالم الشرطة فعلا شعب يستاهل اللى بتعملوه فيه


هل يعلم هؤلاء ان ساعات عمله يوميا تتخطي احيانا 18 ساعه
هل يعلم هؤلاء انه لم يحضر يوم عيد مع زوجته واولاده
هل يتحمل هؤلاء قضاء ليال في العراء وبيات ايام في الزرعات والوحل
هل فقد هؤلاء زملاء او اصدقاء قتلهم رصاص تجار المخدارت او تجار سلاح

لكل مهنة متاعبها ومن يرتضي لنفسه مهنة يتحمل متاعبها ولا يعاير الاخرين بانه يعمل بها ومحدش غاصبك لو مش عاجباك اوي كدة

هل يعلم احدهم معني عين باتت تحرس في سبيل الله
هل الشرطة في مصر بوضعها الحالي هي هذه العين
ارجوك لو كانت هي العين الحارسة فلا نريد الحراسة

هل يعرف هؤلاء كم هو راتب رجل الشرطه ؟
اكبر من راتبي وانا معلم جامعي ولا احصل على اي ميزة من المميزات التي يحصلون عليها هم وغيرهم رغم الفارق التعليمي مع احترامي للجميع

هل يعي احدهم انه رغم راتبه الذي لايساوي كم الاهوال التي يراها في عمله مطالب ان يظهر بمظهر اجتماعي لائق يليق بوضعه الوظيفي
مظهر ايه بس الله يهديك اللبس الميري بيداري الدور والباقي على اللي لازم يلبسوا لبس مختلف كل شوية في شغلهم ولبس رسمي ومفيش اي مقابل


لماذا يطالبه البعض ان يصبح ملكا ؟
هههههههههههه
خطأ مطبعي منك لكنه معبر فعلا
لا نريدهم ملوكا نريدهم ملائكة وبشر في نفس الوقت
لكنهم للاسف جعلوا انفسهم ملوكا على من استطاعوا ذلك عليهم

لماذا اصبح مطالبا منه ان يتحمل كل هذه الاساءات ورغم هذا يتحلي بضبط النفس والقدره علي تحمل المواقف والعمل تحت الضغط
هو مين ده ؟؟؟؟؟؟


انتشرت الان كائنات تطالب بحقوق للمسجلين والبلطجه حقوق تحافظ علي مشاعرهم واحاسيسهم المرهفه من ان يجرحها ضابط شرطه
زي عماد الكبير الىل اتسبب الكليب بتاعه في فضيحة للشرطة والظابط اللى عذبه اخد سنتين ورجع لعمله مرة تانية وفي المقابل اتلبس عماد الكبير قضية محترمة توديه المشنقة والمحكمة طلعته براءة وادانت جهاز الشرطة ؟؟؟؟؟؟؟


تري لو حدث مع احدهم حادثه سرقه او اي حادث اخري الي من سيسرع طالبا العون والنجده ؟
والله ما فيه حد بيتسرق بيلجا للشرطة عادة لانه عارف انها مش هاتجيب له حقه واخرها ورقة محضر وشكر وشوف اخواننا اللى بتتسرق عربياتهم هنا كام واحد الشرطة رجعت له عربيته وكام واحد مرجعتش وكام واحد رجعها بنفسه والشرطة كانت بتتفرج عليه


http://www.facebook.com/topic.php?uid=132523343456131&topic=420#!/group.php?gid=132523343456131

انا هفهمك اه الصح يا سيدي ولاة هلبسه تهمة ولا اي حاجة هو الي طلبه هيلبسة هو قال انه ضابط جيش يشيل شلتو معندناش تلبيس كل الي مطلوب البطاقة و متقنعنيش لما واحد يقول لظابط شرطة جيش التاني هيترعب هي عملية تقدير تقدرني اقدرك مش اكتر .

الزميل كان بيتكلم عن طالب في كلية الشرطة وانت بتقول كان المفروض يقول للعضو اللى ادعي انه ظابط جيش وريني بطاقتك ؟
بأي حق يطالب طالب في كلية الشرطة ليس له اي صفة من مواطن ابراز بطاقته ولا دي من ضمن قانون الطوارئ ؟؟؟؟؟؟؟؟؟؟؟
ولو هانتكلم على الواقع اه فعلا لما بيبقي ظابط جيش مفيش ظابط شرطة بياخد منه لا حق ولا باطل واليك هذه الواقعة وهي حقيقية اعرف طرفها وهو ظابط طيار عسكري كان رايح لمكان معين تابع لعمله مقدرش اقوله وراكب عربيته وهي فورد فيستا ومفيمها كلها دارك ومفيش عليها نمر ووقفه امين شرطة في شارع رمسيس باتجاه العباسية عند ميدان رمسيس ونمرك معبرهوش وقاله اجري ياللا هات الظابط بتاعك وجه الظابط رخصك مفيش رخص بطاقتك قاله انت مش شايف يا اعمي اللبس هاسحب العربية قاله لو انت من ضهر ..... المس العربية علشان افرمك بيها العربية فيها خرايط مطارات ولو قربت منها هحرقك انت و....... ظابط الشرطة قاله يا سيدي لا اسحبها ولا عايز رخص اتفضل امشي
ومشي للاسف رغم انى انا وابوه كنا نتمني لو كان ظابط الشرطة طلع راجل وسحب العربية لاننا فعلا رافضين تصرفه لكن للاسف ده اللى حصل ولما كنا انا وابوه بنضطر ناخد العربية مشوار كنا بنطلع النمر من الشنطة نعلقها ونمشي بالعربية

[vinosse]

حتى لو تنازلت استاذة الجامعة لايجب ان يتنازل وزير الداخلية عن انفلات ضابط صغير الرتبة لاادرى ماذا سيفعل عندما يصل لرتبة لواء وانا اعرف حسم الوزير وانة لايتهاون عن الاخطاء
لو صحت الواقعة يجب ان يكون هناك موقف لعميد الكلية لان الغالبية العظمى من ضباط الشرطة مطحونيين فى العمل ويقدمون ارواحهم فى عمليات استشهادية ولايصح ان يتباهى اى ضابط بمنصبة لكن يبقى السؤال كيف دخل هذا الضابط الكلية والمدرج يجب ان يقوم العميد بتحقيق فورى

[Car's Sniper]

تري لو حدث مع احدهم حادثه سرقه او اي حادث اخري الي من سيسرع طالبا العون والنجده ؟

عندنا فى قسم الشرطة ياإما تستعيد اللى اتسرق منك وتسيب الحرامى حر طليق او تستعوض ربنا فى اللى اتسرق منك والحرامى يتسجن...عون ونجدة ايه بس

[shaddadfalcon1]

عندنا فى قسم الشرطة ياإما تستعيد اللى اتسرق منك وتسيب الحرامى حر طليق او تستعوض ربنا فى اللى اتسرق منك والحرامى يتسجن...عون ونجدة ايه بس

مش شهرين لما شقتي اتقلبت كان يوم الجمعه الصبح ورحت القسم الساعه 8 الصبح والباشا مرضيش يصحي من النوم عشان يعملي المحضر غير بعد العصر ولما جه عشان يعمل معاينه قلتله انتو مش هترفعو بصمات قاللي لازم يبقي في حد مقتول عشان نرفع بصمات
ومن يوميها كل مانروح القسم المخبرين وامناء الشرطه يلهفو مننا فلوس وولا سمعنا حاجه عن اللي اتسرق

ياراجل ده انا رحت بنفسي سلمت الحرامي بعدها باسبوع لما مسكناه وهو بيسرق شقه تانيه واقسم بالله ماعرفو يعملو معاه حاجه
حرامي متسلم معاه موبايل عليه نمر الناس اللي كانو معاه واللي الناس سمعت اساميهم وعارفين ساكنين فين مكلفوش خاطرهم وراحو جابوهم
ياتري لو اتسرق كان واحد مسنود كانو هيركنوه طول النهار عشان يعملو المحضر وكانو هسييبو الحرامي من غير مايعرفو مين اللي سرق معاه والحاجه اللي اتسرقت فين؟

الشرطه دلوقتي اخر مكان الجا اليه لما يحصلي حاجه وانا غلطان اني سلمت الحرامي اساسا

الشرطه دلوقتي لحمايه وخدمة البشوات الكبار
والقله القليله المحترمه منهم هتلاقيهم في مكاتب ولا مرور ولا اي حاجه نايمه

اللي يقولي الشرطه حلوه وبتحمي الناس يقرا الأخبار ويشوق قسم سيدي جابر متهم حتي الان في مقتل كام واحد من بعد خالد سعيد

[MOUSTAFA_SAAD]

يا جماعه المشاكل دية غالبيتها بتحصل من الضباط الصغيرين يعنى العيال بمعنى اصح خصوصا ان فيهم ناس بعضها قليل الاصل بصراحه
لكن والله مش كل الضباط كده فيه ناس كتير جدا عارفه ربنا ومحترمين وبيراعوا ربنا فى شغلهم
يعنى الضابط ده زيه زى المواطن المصرى فيه اللى عنده ضمير وفيه اللى معندوش بس الفرق ان السلطه اللى معاه بتخلى تاثيره يبان اكتر والوزير دلؤتى ما بيرحمشى حد منهم وكله ماشى جنب الحيط وخايف على نفسه الا بعض الهمج زى اللى عمل المشكله ده ولو الدكتورة ماتنزلتشى عن حقها يبقى مستقبله ضاع
فمش عاوزين نظلم برده الناس ونعمم الموضوع وياريت كفايه كده والموضوع يتقفل لان المنظر مش حيبقى كويس لما نوجه الاتهامات بالشكل ده

كل مكان فيه وفيه

[Car's Sniper]

كل مكان فيه وفيه

الا المكان ده...ماينفعش يبقى فيه
لما مايعجبكش دكتور مثلا وشاسفه مش محترم فى تعامله هتلاقى قصادك مليون دكتور غيره تختار اللى حضرتك عايزه
اما الشرطة فهو اللى بيفرض نفسه عليك وماينفعش تختار الظابط اللى تتعامل معاه
غير كدة الغلطة من الظابط بتساوى ظلم كبير جدا للمواطن

[MASERATI]

قالك واسطة و فلوس و معارف طيب اقسم بالله اني ولة واسطة ولة حتي سماعة التليفون اترفعت ولة ربع جنيه اتدفع عشان اخشها وانا الي كنت عايزها عشان كمستقبل هي احسن .................................................. ........

والراجل ال قالك استقيل مهي مش بالسهل كان كله خلع لازم تعدي عشر سنين خدمة اوي ادفع......................

وسبب كره الشعب للشرطة عشان هما الي بيطبقو النظام و هما الي في وش الشعب في كل حاجة

السلام عليكم و رحمة الله و بركاته

طاب , أما هى مستقبل أحسن زى ما أنت بتقول , أوماااااااااااااال فين المشكلة بأه ؟؟؟؟

ماحنا متفقين أهوه !!!!!!!!!!!!!, أنا بقول أنك دخلتها عشان هى مستقبل أحسن و امتيازاتها كتيرة و سلطتها كبيرة و بالذات اليومين دول فى بلد زى مصر, أى عسكرى فى الشرطة , البلد محتاجاه جدا فى الوقت الحالى, مش عشان يحافظ عالأمن و الأمان -ماتفهمنيش غلط- لكن عشان يحافظ على أمن الكرسى اللى قاعد عليه أبو جيمى و اللى حواليه,و بالتالى أنا مش لاقى مبرر أنك بتشتكى منها مر الشكوى كده !!!!!!!!, ماهى زى الفل أهيه .

أنا أول مرة الصراحة, بجد , أعرف حكاية أنك ماينفعش أنك تستقيل الا بعد خدمة 10 سنين , بس هل معنى كده, أننا هنسمع كل سنة عن طوفاااااااااااااااان من ظباط الشرطة اللى بيستقيلوا من الجحيم المستعر ده, أول ما يوصلوا سن ال31 على أساس أنه بيتخرج من كلية الشرطة و هو عنده تقريبا 21 سنة؟؟؟؟؟

يا أخى الفاضل , بفضل الله تعالى, الصح واضح و الغلط واضح و المنتدى هنا بفضل الله, كله ناس واعية و مثقفة و عندها خبرة فى الحياة و مش معنى أنك لما تقول رأيك و الناس هنا فى المنتدى , ماتردش عليك و تناقشك, أن كده بأه رأيك سليم و صح, و مهما حولت تلاقى من تفسيرات و تبريرات لتحسين وجه جهاز الشرطة أمام الشعب المصرى, فكل هذه المحاولات ستبوء بالفشل الذريع مالم يتحسن أداء جهاز الشرطة فعلا و هتبقى زى اللى بيحط معلقة صلصة فى البحر و عاوز لون يبقى أحمر .

[Car's Sniper]

هاقولك حاجة ياzidan2008...تقريبا انت لسة طالب
واكيد عارف معظم طلبة الشرطة لما بياخدوا اجازة بيروحوا يعملوا ايه...يعنى مثلا انتوا عندكوا 17 يوم اجازة المفروض تذاكروا فيها
تلاقى 16 يوم منهم للهلس من السنكحة مع(...) او شرب ال(...) ...انا مش باقول كلهم كدة لكن اكتر من70% منهم كدة
ودى حاجة مش مبشرة خالص ...
حاول تشوف اسلوب كلام الظباط مع الناس بيبقى عامل ازاى وانت هاتعرف الشعب بيكره الشرطة ليه
روح عند لجنة الروبيكى اللى عند مقابر العاشر من رمضان وشوف الظابط اللى اسمه ( ا ) ومعاه عربية 127 بمبى ...الحشيش مضيعه بمعنى الكلمة
لسة سامع قصة من ظابط فى مدينة الشيخ زايد عن حكاية كدة وفى النهاية لما الظابط فتش الراجل(دكتور) لقى معاه سلاح ابيض فى العربية (مين منا مابيمشيش بسكينة فى العربية لزوم الصيانة) بس ما علينا...كان ممكن الظابط يمشى قانونى ويقول ان الدكتور معاه سلاح..لأ ، راح ملفقله مطوة قرن غزال ومقاومة اعتقال(بحجة :عشان يتربى)
روح السعودية وشوف لما الظابط بيوقفك بيقولك ايه فى الاخر(آسف على التعطيل)..ودى عمرى ماشفتها فى مصر
لو انت من الظباط اللى بتعامل الناس بأدب ...يبقى ليك كامل احترامى وتقديرى
بس ياريت بافعال مش مجرد اقوال