ضابط شرطة يعتدى على أستاذة بجامعة الزقازيق

[MASERATI]

هاقولك حاجة ياzidan2008.......................................

لسة سامع قصة من ظابط فى مدينة الشيخ زايد عن حكاية كدة وفى النهاية لما الظابط فتش الراجل(دكتور) لقى معاه سلاح ابيض فى العربية (مين منا مابيمشيش بسكينة فى العربية لزوم الصيانة) بس ما علينا...كان ممكن الظابط يمشى قانونى ويقول ان الدكتور معاه سلاح..لأ ، راح ملفقله مطوة قرن غزال ومقاومة اعتقال(بحجة :عشان يتربى)


روح السعودية وشوف لما الظابط بيوقفك بيقولك ايه فى الاخر(آسف على التعطيل)..ودى عمرى ماشفتها فى مصر

السلام عليكم و رحمة الله و بركاته

خلى بالك , أنا كتبت المشاركات اللى فاتت دى كوووووووووووووووولها و لم أتطرق اطلاقا لوجود أى عقد أو احساس بالنقص عند كتير من ظباط الشرطة -أكيد انت مش منهم- تجاه الأطباء و الصيادلة و المهندسين و اللى زيهم.

لكن لأن الأخ الفاضل Cars Sniper, لمح للنقطة دى فى مقولته المأثورة ( عشان يتربى ), فأنا قلت أدلو بدلوى فى الموضوع ده .

بالنسبة للسعودية , فأنا هحكى واقعة و أنا اقسم بالله العظيم أنها صحيحة و أن أنا كنت طرف فيها , مرة, أنا و زميل طبيب لى فى نفس المستشفى كنا مسافرين من بلد لبلد تانية, بتاع 180 كم, المهم , قبل مانطلع على الطريق, قاللى, ده رخصة العربية منتهية, أنا قولتله, منتهية من أد ايه؟؟؟؟, قاللى, من أسبوعين, قلتله, خلاص, لو حد سألنا قوله, مش فيه مدة سماح شهر -حته استعباط مصرى دى- و بالفعل ركبنا الطريق و احنا راجعين, الكمين وقفنا و قلنا الرخص و الهويات, اديناله الاقامات بتاعتنا و الرخص, لقى رخصة العربية منتهية, الظابط قاللنا, رخصة العربية منتهية , زميلى قاله,منتهية !!!!؟؟؟؟ , ازاى ؟؟؟؟ , الظابط قاله أهيه و شاورله عالتاريخ بتاع الرخصة,زميلى قاله, مش فيه مدة سماح شهر -طبعا مفيش مدة سماح هناك و لا حاجة- فالظابط قالنا, أنتوا شغالين فين, قلناله, فى مستشفى كذا, قال, يعنى أطبا, قلناله, آه, قام مدينا الرخص و الاقامات و قالنا, خلاص, مانقدر نسوى ليكوا شى, بالسلامة, آدى السعودية اللى بنقول عليهم جهلة و حافيين و بيكرهوا المصريين و عندهم احساس بالنقص تجاه المصريين المتعلمين, أنا قلت لزميلى ده, ده احنا لو فى مصر, كان الظابط ده ربطنا أنا و أنت فى الاكصدام الورانى بتاع العربية و مشى بالعربية لو عرف أننا دكاترة و الرخصة منتهية !!!!!!!!!!!

[zidan2008]

حلوه - ههههههههههههه-

كلمه واحده ارد بيها على الباشا - شهيد الشرطه- حد كان غصبك على دخول الكليه - مش برضه جريت ورا الواسطه و سهرت الليالى تدعى علشان يقبلوك - لو الحال مش عاجبك - استقيل - وهم بيقبلوا الاستقالت - مش زى زمان - اما بقى انه الناس مش مقدره والواجب والشعر ده كله - فالشعب ده سنه 86 لما الامن المركزى عملوا ثورتهم ما كانش فى ضابط شرطه واحد ماشى فى الشارع والشعب هو اللى حافظ على نفسه- اوعى تفتكر حد دلوقت بيستنجد بالشرطه- كل واحد بيستنجد بواسطته - اللى لما بتكون جامده بتجيب الشرطه تخدم- واظن لو راجعت صفحات الحوادث اللى بتقول عليها واللى بتبتدى بتوجيهات السيد الوزير لحد اصغر شنب فى المجموعه - تلاحظ ان التحرك بيبقى اما حد معروف رقاصه او ممثل - او شغب وثوره ووقع قتلى - يبتدى الجهاز الهمام يتحرك

اكتب مذكراتك - على فكره فى ظابط ضميره صحى وكتب مذكراته وطبعا الدنيا اتقلبت عليه - ابقى دور على المذكرات دى - يمكن تغير رايك - يا باشا

-

والصح الي اقصدو تطبيق القانون زي الاخ ده :اليوم السابع | طالبة وصديقها اختلقا واقعة وهمية خوفاً من عقاب أسرتها

[samcar]

قالك واسطة و فلوس و معارف طيب اقسم بالله اني ولة واسطة ولة حتي سماعة التليفون اترفعت ولة ربع جنيه اتدفع عشان اخشها وانا الي كنت عايزها عشان كمستقبل هي احسن
وهتقولي الكلية بتبوظ هرد عليك رد واحد شوف الكلية بتعمل اه في الي بيخالف او يعمل مشكلة
والراجل الي قال ظابط ليبي يبقي مش فاهم حاجة والله انتو فاكرين الظباط دي وحوش
شوف لما يبقي واحد في الكلية وشايف الناس كلها كرها هيخرج يعمل اه ؟ حط نفسك مكانه
والراجل ال قالك استقيل مهي مش بالسهل كان كله خلع لازم تعدي عشر سنين خدمة اوي ادفع
وسبب كره الشعب للشرطة عشان هما الي بيطبقو النظام و هما الي في وش الشعب في كل حاجة

عارف لو الشرطه بتطبق القانون على الكل -كان الشعب احترمها - لكن اللى بيحصل ان الشرطه بتطبق القانون على الضعيف بس- والامثله كتير - انا ماعرفش انت فى اى اداره - بس اظن مهما كانت الاداره لما ريسك - اللى ممكن يكون حتى رتبتك بس اقدم - يقول لك فلان رجع له رخصته او فلان اشر له على الطلب وخلصه بسرعه - اظن جنابك بتعظم وتقول تمام يا فندم

خد عندك ضابط المرافق يجى على بياع - بلاش نقول سريح صاحب دكان ومعلق حاجه بره على المحل - شيل يا جدع واقلب فى العربيه - انا شفت بقى صبى جزار - مسك نقيب مسح بكرامته الارض وشتمه بالاب والام - وعلشان المكان كان فى اربع محلات جزاره جنب بعض النقيب المحترم ركب عربيته وجرى - وعايز الشعب يحترم جهاز بالشكل ده

اظن عارف ان كل محلات الكباب اللى جنب اقسام بتلعن اليوم اللى حظهم جابهم جنب القسم- اظن عارف ليه - ههههههههههه- بذمتك ما تعزمتش من واحد صحبك فى قسم على اكلة كباب - والاجره معروفه - ههههههههههه

حكاية عشر سنين واستقاله انا سمعتها - بس فى بيقولوا ان ممكن تخلع بدرى لو دفعت - ههههههه- تدفع وانت داخل وتدفع والت خارج


قبل ما تلوم الناس لو م الجهاز اللى حول الشرطه من رمز الانضباط والعداله لرمز الفساد والسطوه

الذ حاجه تغير الشعار قال من خدمه الشعب لخدمة القانون او الوطن - ههههههههه- هو القانون ده مش معمول لحماية الشعب والوطن ده ايه مش ملك الشعب - ولا هى العنجهيه اللى خلت متخلف عقليا يطلع بالشعار ده

شرطه امريكا شعارها ايه - وليه يعنى ما غشتوش من امريكا شعار الشرطه- كل ما تعكوا حاجه تقولوا فى امريكا الشرطه بتعمل كذا - شعار الشرطه فى امريكا - للحمايه والخدمه - طب بلاش خدمه اللى حرقتكم قوى - مع ان خادم القوم سيدهم - وكنتم قلتم الشرطه لحماية الشعب -

بلا قرف بس حاقول ايه ما هو اللى ماسكين المناصب العليا فى الشرطه - متوسط اعمارهم - يقول انهم دخلوا ب 60 فى الميه ونازل - عايز يطلع منهم عقليات ازاى ؟؟؟؟

[Mostafa.Ismail]

والراجل الي قال ظابط ليبي يبقي مش فاهم حاجة والله انتو فاكرين الظباط دي وحوش

اكيد انا مش بفهم طبعا لان الظباط الليبين عارفين حال مصر انا اسف

هو عدم اللامؤاخذة انت ماسك فين؟ بس اوعى تقولى طرابلس ارجوك

[zidan2008]

لا حول ولا قوة الا بالله

اكيد انا مش بفهم طبعا لان الظباط الليبين عارفين حال مصر :f_eyeb1[1]: انا اسف

هو عدم اللامؤاخذة انت ماسك فين؟ بس اوعى تقولى طرابلس ارجوك

يسيدي ماسهل حاجة في الدنيا دي الغلط و قلة الادب
يعني تحترمني احترمك هتتجاوز حدودك هتسرف وده مش تهديد انا بفهمك
وجهاز الشرطة جهاز محترم
ومش هقولك انه مفهوش سلبيات
بس هقولك الايجابيات اكتر
وهرد علي الاخ الي بيقول انهم متخلفين عشان 60 % : انت شكللك قدمت و مقبلتش عندك عقدة منهم
اقسملك بالله اني في ناس كانت جايلها طب وهندسة سبوها ودخلو شرطة افهم انتا بقي
و معترض علي 60 ليه مالحربية كدة و بتلع عباكرة.
واه الي بوظ الشرطة مش الشعب انتا بتقول عشان بتفرق بين الناس مين الناس دي مش الشعب
مش انتو الي بتدفعو الرشاوي ؟
اسال نفسك
انتو بتضحكو علي نفسكم
وبقولك انا معترف اني في سلبيات ولازم يكون في ظباط مش كويسة و كويسة عشان التعامل مع المجرمين
والله الي ايده في الميه مش زي الي ايده في النار


واخيرا بشكرم علي سعت صدركم وفي الاخر كلنا اخوات ولة تقولي ظابط ولا مواطن عادي احنا موجودين لحمايتكم

وهرد علي الاستاذ الي كان بيقول علي الموقف بتاع ظابط الجوية انا قلت لحضرتك انها عملية تقدير
والظابط زعل عشان الشرطة شايفة شغلها ولعلمك ليه حق يعارده ويجبلو الشرطة العسكرية .

[ahmed1981]

كل فئة فيها الكويس والوحش

والمجتمع المصري يمر الآن بأسوأ أزمة أخلاقية في العصر الحديث
وبالتالي توقع أن تجد أغلبية فئات المجتمع يطغى عليها القبيح والحسن لا يظهر

والشرطة جزء من الشعب وليست مخلوقات أخرى
وأهاليهم كثير منهم دفعوا رشاوي ليدخل أبناءهم الشرطة
أليست الرشوة حرام ؟
أليس أهاليهم أفراد عاديين ؟

المواطن المصري بيكون بدون سلطات فلا تظهر سلبياته الفرعونية وتظهر سلبياته الأخرى
لكن فوجئت بهؤلاء عندما دخلوا الجيش مثلاً وكان خدمتهم شرطة عسكرية تحولوا إلى ملاعين إلا قليل القليل

أساتذة الجامعات برضه منهم الكويس والوحش وإن كان إرتباطهم بالعلم بيؤدب من أخلاقهم قليلاً
لكن تعامل معهم في الحياة تجد منهم الحرامي والفرعون والكويس

المجتمع كله يمر بمرحلة في قمة الوضاعة الأخلاقية إلا القليل وربنا يستر عليه
لأن السيئة بتعم
ربنا يعافينا

[Col. Eng. Khaled]

وهرد علي الاستاذ الي كان بيقول علي الموقف بتاع ظابط الجوية انا قلت لحضرتك انها عملية تقدير
والظابط زعل عشان الشرطة شايفة شغلها ولعلمك ليه حق يعارده ويجبلو الشرطة العسكرية .

في حالة الإصابات و جرائم النفس فقط

[samcar]

يسيدي ماسهل حاجة في الدنيا دي الغلط و قلة الادب
يعني تحترمني احترمك هتتجاوز حدودك هتسرف وده مش تهديد انا بفهمك
وجهاز الشرطة جهاز محترم
ومش هقولك انه مفهوش سلبيات
بس هقولك الايجابيات اكتر

لو الايجابيات اكتر - كان ظهر- وما كنتش انت دخلت تدافع العمل الكويس بيبان
وهرد علي الاخ الي بيقول انهم متخلفين عشان 60 % : انت شكللك قدمت و مقبلتش عند
هههههه- ضحكتنى - لا انا كان نفسى اطلع طيار- بس خبت ودخلت هندسه

ك عقدة منهم
اقسملك بالله اني في ناس كانت جايلها طب وهندسة سبوها ودخلو شرطة
طبعا - على الاقل النهب فى الشرطه مقنن- ومين حيقبض على اصحاب البيت

افهم انتا بقي
و معترض علي 60 ليه مالحربية كدة و بتلع عباكرة.
ومين قال انى معترض على الشرطه بس- حربيه جويه او غيرها مفروض تاخد النخبه مش البليد اللى ابوه بيدفع له رشوه

واه الي بوظ الشرطة مش الشعب انتا بتقول عشان بتفرق بين الناس مين الناس دي مش الشعب
مش انتو الي بتدفعو الرشاوي ؟
اه ومين اللى اجبر الناس على الدفع ؟؟؟- هو لو كان فى انضباط كان اللى يحاول يرشى مفروض يتمسك- مش يستحلى العمليه ويقننها ؟
اسال نفسك
انتو بتضحكو علي نفسكم
وبقولك انا معترف اني في سلبيات ولازم يكون في ظباط مش كويسة و كويسة عشان التعامل مع المجرمين
اى مجرمين- ما قلت لك لما بتيجى ساعة الجد الشطارع بتبقى على الغلبان -
والله الي ايده في الميه مش زي الي ايده في النار

والله المهندس اللى بيشتغل فى الجبل وتحت الميه مخاطره اكتر من ضابط الشرطه اللى بيخرج فى زفه علشان يمسك كام بياع - والدكتور اللى بيعالج مريض بمرض معدى - اخطر من جناب الضابط اللى بيتشمس فى مداخل الكليات


واخيرا بشكرم علي سعت صدركم وفي الاخر كلنا اخوات ولة تقولي ظابط ولا مواطن عادي احنا موجودين لحمايتكم

والله لو الناس حست بكده حيكون لكم تقدير خاص - لكن طول مالناس حاسه انكم بتحموا الظالم وتتشطروا على المظلوم كرههم لكم حيزيد

وهرد علي الاستاذ الي كان بيقول علي الموقف بتاع ظابط الجوية انا قلت لحضرتك انها عملية تقدير
والظابط زعل عشان الشرطة شايفة شغلها ولعلمك ليه حق يعارده ويجبلو الشرطة العسكرية .

[MOUSTAFA_SAAD]

كل فئة فيها الكويس والوحش

والمجتمع المصري يمر الآن بأسوأ أزمة أخلاقية في العصر الحديث
وبالتالي توقع أن تجد أغلبية فئات المجتمع يطغى عليها القبيح والحسن لا يظهر

والشرطة جزء من الشعب وليست مخلوقات أخرى
وأهاليهم كثير منهم دفعوا رشاوي ليدخل أبناءهم الشرطة
أليست الرشوة حرام ؟
أليس أهاليهم أفراد عاديين ؟

المواطن المصري بيكون بدون سلطات فلا تظهر سلبياته الفرعونية وتظهر سلبياته الأخرى
لكن فوجئت بهؤلاء عندما دخلوا الجيش مثلاً وكان خدمتهم شرطة عسكرية تحولوا إلى ملاعين إلا قليل القليل

أساتذة الجامعات برضه منهم الكويس والوحش وإن كان إرتباطهم بالعلم بيؤدب من أخلاقهم قليلاً
لكن تعامل معهم في الحياة تجد منهم الحرامي والفرعون والكويس

المجتمع كله يمر بمرحلة في قمة الوضاعة الأخلاقية إلا القليل وربنا يستر عليه
لأن السيئة بتعم
ربنا يعافينا

+1111111111111

[ahmedjumpo]

اههههه يا جماعة فكرتونى باللى حصلى من يومين و خلانى اتأكدت ان مصر مافيهاش لا شرطة و لا امن و فائدة الشرطة فقط للأمور السياسية و ذوى النفوذ
و اللى حصلى باختصار انى صحيت من يومين الصبح لاقيت زجاج الباب الخلفى مكسر و كان فى العربية جاكتين اتسرقوا فتخيلت للحظة ان فى شرطة ممكن تجيب حقى و اتصلت بالنجدة و اخدوا البيانات و قالوا جايين و لكن من ساعتها و الى اللحظة و لا حد سأل و لانى كنت فاكر ان لسه فى أمل فى ما يسمى بالشرطة فقولت اروح انا القسم بالعربية و روحت و يا ريتنى ما روحت ثلاث ساعات علشان اعمل المحضر لانى مش لاقى البيه اللى هيعمل المحضر و قولتلوا على اسماء محلات ممكن تكون شافت اللى سرق و هو يقولك ببرود مش مهم و هيقولوا مشوفناش حاجة و بالنسبة للمعاينة مكلفش نفسه انه يطلع يعملها و عملها و هو قاعد على الكرسى
و بتقولوا شرطة و امن الله يرحم لما الواحد كان فى السعودية كان الواحد يطلب الشرطة فى خلال خمس الى عشر دقائق تلاقيها عندك و التعامل المحترم بتاعهم و دايما بيحاولوا يحلوا المشاكل بصفة ودية الاول
هيه ربنا يكرم و الواحد يرجع تانى و عاليه العوض فيكى يا مصر يا بلد القوى صاحب النفوذ اما اللى معندوش فا عليه و على دراعه و خلى المجرمين يزيدوا علشان تسجل فى انجازات هذه الفترة من تاريخ مصر

[fadod]

.
واه الي بوظ الشرطة مش الشعب انتا بتقول عشان بتفرق بين الناس مين الناس دي مش الشعب
مش انتو الي بتدفعو الرشاوي ؟
اسال نفسك
انتو بتضحكو علي نفسكم
وبقولك انا معترف اني في سلبيات ولازم يكون في ظباط مش كويسة و كويسة عشان التعامل مع المجرمين
والله الي ايده في الميه مش زي الي ايده في النار


.

بصراحه أنا موافقك على الجمله ده ....الشرطه جزء من الشعب..والشعب فاسد تماما ..يعني المرتشين في كل حته مش ظباط وبس

[Mostafa.Ismail]

يسيدي ماسهل حاجة في الدنيا دي الغلط و قلة الادب
يعني تحترمني احترمك هتتجاوز حدودك هتسرف وده مش تهديد انا بفهمك

مش فاهم اية دخل "الغلط وقلة الادب" والاحترام والتهديد فى الرد عليا ...!!!!!!!!
انا ساألتك انت ماسك فين؟! اية هو سؤال صعب قوى وكمان طلع فية غلط وقلة ادب ....
عموما يا سيادة الظابط المحترم شكرا مرة تانية...

[zidan2008]

مش فاهم اية دخل "الغلط وقلة الادب" والاحترام والتهديد فى الرد عليا ...!!!!!!!!
انا ساألتك انت ماسك فين؟! اية هو سؤال صعب قوى وكمان طلع فية غلط وقلة ادب ....
عموما يا سيادة الظابط المحترم شكرا مرة تانية...

يسيدي انا مغلطش في حضرتك
حضرتك عمال تقول ظابط ليبة ومش ليبي انا بكلمك بحترام علي الاقل احترمني
وحضرتك مهما كانت مهنتك حتي لو كنت حرامي متحبش حد يشتم في مهنتك الظابط الي انتو مش طيقينو ده دخل الكلية 4 سنين من عمره شاف فيها كل حاجة و جميع انواع الضغط النفسي عشان يعرف يتعامل مع سيادتكم و الشرطة جزء من الشعب انتو الي بتفرقو بينا
وانا اسف يااستاذ لو كنت ضيقتك بكلامي ولك جزير الشكر والاحترام

[zidan2008]

و خلاصة القول انا دخلت اوضحلكم حجات عايبة عن ناس كتير منكم
انتو فاكرين الشرطة دي وحوش او ناس من كوكب تاني لا هم منكم هتلاقي اخوك او قريبك او صديقك واحد منهم و لازم هتكرهوهم عشان هم الي بيطبقو القانون هما الي في الصورة
المشكلة مش فيهم انتو بتمسكو في الي في وشكم و تنسو الي صدر القانون
هي هيئة تنفيذية يعني بتنفذ الاوامر
والظابط الي انتو مش طيقينو ده انتو مش عارفين حالو اه
الي يسيب بيتو و مراتو و اولاده واهله و يخدم البلد ووقت الاعياد يكون بعيد عنهم
عشان يحمي سيادتكم وانا مبفرقش بين الشرطة والشعب كلهم جزء لا يتجزء يعني تخيل الدولة من غير شرطة
او تخيل بلد من غير شغب العجلة متمشيش
ولازم الناس تكون خايفة من الشرطة ده امر طبيعي عشان هما الي بيطبقو القانون ده في اي بلد كدة
و المشكلة في الاعلام انو سلبي هو الي ضاحك علي الناس بتشوفو الاحداث من زوية واحدة


وشكرا لكم جميعا ولكم جزير الشكر

[Mostafa.Ismail]

يسيدي ماسهل حاجة في الدنيا دي الغلط و قلة الادب
يعني تحترمني احترمك هتتجاوز حدودك هتسرف وده مش تهديد انا بفهمك

وياريت تقولى لما حد بيتجاوز حدودة معاك بتتصرف معاه ازاى ؟!!!!