انفجار ضخم أمام كنيسة القديسين بالإسكندرية

[Abomar77]

وقع انفجار ضخم في الساعات الأولى من يوم السبت أمام إحدى كنائس منطقة المنتزه بشرق الإسكندرية.وأفادت التحريات الأولية أن سيارة مفخخة هي سبب الانفجار الذي وقع أمام كنيسة القديسين بشارع خليل حمادة بالإسكندرية .. ولم يتسن الحصول على معلومات حول عدد الضحايا.
يذكر أن تنظيم القاعدة الهجوم السابق على كنيسة سيدة النجاة في بغداد عبر تسجيل صوتي، حيث أعطى التنظيم الكنيسة القبطية المصرية للإفراج عن قبطيتين مصريتين قيل إنهما اعتنقتا الإسلام لكن أعيدتا قسرا إلى دينهما السابق.
وقال التنظيم للإقباط انه إذا لم يفرج عن المرأتين فسيعم القتل جميع الأقباط "وسيجلب شنودة الدمار لجميع نصارى المنطقة".
وقال شهود عيان إن سيارة مفخخة ربما تكون وراء الانفجار، وإنهم رأوا أعداداً كثيرة من القتلى والمصابين، وأن سيارات إسعاف كثيرة هرعت لمكان الحادث.
ولم يصدر حتى الآن بياناً من وزارة الداخلية يوضح سبب وملابسات الانفجار أو أعداد القتلى والمصابين.
وشهدت محافظة الإسكندرية مؤخراً مظاهرات قام بها سلفيون إسلاميون للمطالبة بالإفراج عمن قالوا ''أسيرات مسلمات في الأديرة والكنائس القبطية''.


---------------------------------------------------------------------------------------


حسبي الله ونعم الوكيل انا مش عارف البلد ديه رايحة على فين ....


ياريت اي حد من الاسكندرية يطمنا عشان انا سمعت اني في ضحايا وإصابات ......


ربنا يستر

[mrwho1982]

لسه قاري الخبر علي مصراوي

الاسلام برييييييء من الاعمال القذرة دي

مش عارف ليه شامم ريحة حكومة مع فبركة

ربنا يستر عالبلد دي

فين جهاز الشرطة والامن ولا فالحين يتجدعنو عالغلابة .......ولا فالحين يحطو فاميه عالعربيات ويطمسو النمر .......وياخدو الرشاروي

لو بلد محترمة وزير الداخلية يقدم استقالته بكره الصبح وسيبوها لناس تفهم

حسبي الله ونعم الوكيل

[osama.m]

انا كلمت اصحابي في سيدي بشر بيقولوا سمعوا صوت جامد بس و الدنيا اتقلبت اسعاف و مطافي و امن بس محدش عارف في حد اتصاب ولا لا

ربنا يسترها علينا

[epnmasr]

حسبي الله ونعم الوكيل في كل من يحاول هدم وزعزعة الأستقرار والأمان في مصر

[mrwho1982]

حد من اسكندرية يقولنا ايه الاخبار

[محمد محمد]

لا حول ولا قوة الا بالله
ربنا يستر من التبعات اللى ممكن تحصل بسبب التفجير ده الله ينتقم من كل من كان سببا في هذا الموضوع.

[heshamzaky]

لية الاذى دة مهو بيقتل ناس مالهاش ذنب و ناس ابرياء حد من الاسكندرانية يطمنا

[kamalsalem]

اللهم اشهد اني واهل بيتي واهلي برئاء من دم الأبرياء.... اللهم عليك بمن يدنسون سمعة دينك فإني لا أقدر تغييراً بيدي ولا بلساني!

أنا بالأصالة عن نفسي كمصري مسلم وبالنيابة عن أهلي وأهل بيتي بعتذر لكل قبطي موجود هنا أو مش موجود

[beetleMOSH]

الله الله

ده ايه البشاير الحلوه دى
فى اول السنه كده
ربنا يستر ............

[Adham]

لا حول و لا قوة الا بالله

لية كدة

دول مواطنين مصريين ابرياء بيحتفلوا بعيدهم و بيصلوا صلاة العيد في الكنيسة

يعني زي اللي بيفرقع قنبلة امام مسجد فجر يوم العيد

الناس دي عايزة تولع البلد و نبقى زي لبنان او العراق

[factorialx]

عربية مفخخه هي حصلت نبقى زي العراق

و هي ناقصه إرهاب في الوقت ده

إيه اللي حصل مسلمين و مسحيين و يهود كانوا عايشين مع بعض من أكتر من 1400 سنة
إيه اللي جرى دلوقتي

الناس فاهمه الدين إزاي

ده لو كانوا مسلمين اصلا اللي عملوا كده

ربنا يحمي مصر و المصريين

[amribrahim]

اليوم السابع | سقوط قتلى ومصابين أمام كنيسة القديسين بالإسكندرية

اليوم السابع | انفجار سيارة مفخخة أمام كنيسة القديسين بالإسكندرية

ظ‚طھظ„ظ‰ ظˆط¬ط±طظ‰ ظپظٹ ط§ظ†ظپط¬ط§ط± ط¶ط®ظ… ط£ظ…ط§ظ… ظƒظ†ظٹط³ط© ط¨ط§ظ„ظ…ظ†طھط²ظ‡ ظپظٹ ط§ظ„ط¥ط³ظƒظ†ط¯ط±ظٹط©

ط§ظ„ط¨ط¯ظٹظ„ | ط§ظ„ط¨ط¯ظٹظ„ » ط³ظٹط§ط±ط© ظ…ظپط®ط®ط© طھط³طھظ‡ط¯ظپ ظƒظ†ظٹط³ط© ط§ظ„ظ‚ط¯ظٹط³ظٹظ† ط¨ط§ظ„ط¥ط³ظƒظ†ط¯ط±ظٹط© ظˆط£ظ†ط¨ط§ط، ط¹ظ† ط³ظ‚ظˆط· ط¹ط´ط±ط§طھ ط§ظ„ظ…طµط§ط¨ظٹظ†

[mrwho1982]

حكومة فاشلة في كل حاجة


حسبي الله ونعم الوكيل

[hon]

ربنا يستر على البلد
وبعدين فين بتوع الامن وامن الدولة الى مبتخفاش عليهم دبة النملة
ولا هما مشغولين فى مراقبة النت الفيس بوك واى حد يتكلم بكلمة ولا اية؟
طبعا فشل امنى وحكومى من الدرجة الاولى

[heshamzaky]

الخبر دة من اليوم السابع منقول
انفجرت 3 سيارات أمام كنيسة "القديسين" بشارع خليل حمادة بمحافظة الإسكندرية، فى تمام الساعة الثانية عشرة و20 دقيقة بعد منتصف الليل، بالتزامن مع الاحتفالات بالعام الجديد 2011.
وحسبما أكد شهود عيان لـ"اليوم السابع"، فإن سيارة مفخخة لم يتم تحديد فئتها حتى الآن انفجرت أمام كنيسة القديسين فى تمام الساعة 12 و20 دقيقة بعد منتصف الليل بعد خروج الإخوة الأقباط من الكنيسة، وأضاف شهود العيان أن قوة انفجار السيارة المفخخة أدى إلى انفجار سيارتين بجوار السيارة الأصلية، وهو الأمر الذى أثار الرعب.

وقال شهود العيان إن الانفجار أسفر عن وفاة وإصابة العشرات من الأقباط والمسلمين ولم يتم تحديد عددهم النهائى حتى الآن، وجار نقل المصابين والضحايا إلى المستشفيات.

وفى نفس السياق انتقل مدير أمن الإسكندرية، اللواء محمد إبراهيم، إلى موقع الحادث، وأمر على الفور بالقيام بتمشيط موقع الحادث، تحسبا لأى انفجارات أخرى.

أخبار متعلقة :

انفجار سيارة مفخخة أمام كنيسة القديسين بالإسكندرية