انفجار ضخم أمام كنيسة القديسين بالإسكندرية

[mrwho1982]

لسه قاري الخبر علي مصراوي

الاسلام برييييييء من الاعمال القذرة دي

مش عارف ليه شامم ريحة حكومة مع فبركة

ربنا يستر عالبلد دي

فين جهاز الشرطة والامن ولا فالحين يتجدعنو عالغلابة .......ولا فالحين يحطو فاميه عالعربيات ويطمسو النمر .......وياخدو الرشاروي

لو بلد محترمة وزير الداخلية يقدم استقالته بكره الصبح وسيبوها لناس تفهم

حسبي الله ونعم الوكيل

دي تاني مشاركة حصلت بعد الموضوع ماحصل

وانا معاك بنسبة 100% ان الامن هو المسئول في الاول وفي الاخر

وممكن ماتصدقنيش لو قلتللك اني مضايق من امبارح لحد هذه اللحظة

تخيل يتقلب عيد لحزن ووفيات

ربنا يرحمنا برحمته واعزيك في الناس اللي ماتو واعزي نفسي عن الناس اللي ماتو

العربية لما انفجرت ماقالتش انا رايحة لواحد مسلم بس او مسيحي بس


لان احنا علاقاتنا اقوي من كده

اشكرك واحييك علي سعة صدرك وربنا يديم المعروف ويبعد عننا الفتن

[samcar]

شفتم بابا الفاتيكان على طول قال ايه؟؟ظ- لاحظوا سرعة رد الفعل - مش ايام غزه ما فتحش بقه

اللى ما يعرفوش المتامر ده ان حماية المسلمين - للاقباط فى مصر - اامن الف مره من حمايه خارجيه -
اظن الانجليز احتلوا مصر تحت مسمى حماية الاقليات - اظن الاقباط كانوا فى مقدمة ثورة 1919والامريكان اهم فى العراق - حموا المسيحيين ؟؟؟
نصيحتى للاصوات اللى طالعه من الاقباط- الاستقواء بالخارج حتيجى تبعاته عليكم اكتر ما حتيجى على المسلمين- شوفوا ايه اللى اتغير وليه سنه 1919 سنوت حنا بيه فدا النحاس باشا بحياته - وليه الامور اتعقدت فى الحاضر- شوفوا ايه اللى اتغير من نحيتكم انتم كمان شجع التطرف الاسلامى ان صوته يعلى

[meza]

شفتم بابا الفاتيكان على طول قال ايه؟؟ظ- لاحظوا سرعة رد الفعل - مش ايام غزه ما فتحش بقه

اللى ما يعرفوش المتامر ده ان حماية المسلمين - للاقباط فى مصر - اامن الف مره من حمايه خارجيه -
اظن الانجليز احتلوا مصر تحت مسمى حماية الاقليات - اظن الاقباط كانوا فى مقدمة ثورة 1919والامريكان اهم فى العراق - حموا المسيحيين ؟؟؟
نصيحتى للاصوات اللى طالعه من الاقباط- الاستقواء بالخارج حتيجى تبعاته عليكم اكتر ما حتيجى على المسلمين- شوفوا ايه اللى اتغير وليه سنه 1919 سنوت حنا بيه فدا النحاس باشا بحياته - وليه الامور اتعقدت فى الحاضر- شوفوا ايه اللى اتغير من نحيتكم انتم كمان شجع التطرف الاسلامى ان صوته يعلى

أجد خلط للكلام غير مفهوم ... ايه اللى جاب الإنجليز لبابا الفاتيكان و ايه اللى جاب الإنجليز لحماية الأقليات فى مصر و ايه اللى جاب الأمريكان لمسيحى العراق اللى اتقتلوا من عراقيين مسلمين من أرضهم؟!!!

بص حضرتك اللى شجع التطرف هو الهجوم المتزايد على الإسلام من الغرب خصوصاً بعد 11 سبتمبر لكن للأسف هو موجه برعونة شديدة لكل من هو مخالف لعقيدة الإسلام سواء عدو أو حبيب مما أساء لصورة الإسلام فى الداخل و الخارج.

انا متفهم موقف حضرتك المعارض للإستقواء بالخارج اللى انا شايفه مجرد صرخة إستغاثة بعد ما كل الأبواب اللى داخل بلدنا اتقفلت فى وشنا ... و للأسف حكومتنا لا ترضخ لمصالح شعبها بل للضغوط الخارجية .. فهمت حضرتك ليه التوجه ده بقى متزايد اليومين دول! ... ده حتى الإخوان بقوا يستقووا بالخارج يا راجل على كده!

[samoevil911]

يا عليكي يا دنيا
الأستاذ اللي داخل يكلم ويقول فتنة وليه مبتحصلش غير مع المسيحين .. يا استاذنا
انت عايش في فلوريدا .ز شفت ايه انت من اللي حصل .. شفت مين اللي كان بيجري بالمصابين .؟ شفت مين اللي كان بيعيط على الضحايا اكتر من سعاتك نفسك يمكن ؟ يا استاذ دانا منمتش امبارح عشان واحد زميلي مسيحي بكلمه لقيت موبليه مقفول نزلت الف عليه في الشوارع؟ بزمتك اللي بتقولوا دا كلام .. بجد عيب؟
سياتك عشان اعرفك . صحبي ساكن جنب الكنيسة بيقلي اصلا العربية كانت مركونة على صف الجامع مش الكنيسة . وبيقول ان مسلمين اتضروا وفي مسامين ماتو . وسور الجامع وقع والكنيسة نفسها محصلهاش حاجة والجامع اضر اكتر .
ومش بقول كدا عشان اقولك ان المسلمين كانوا مقصودين انا بقول كدا عشان نهدى .. وي ضحايا من النحيتين .. احنا في بلد واحدة بقلنا الاف السنين .ز

مش هسبق الأحداث واقولك موساد وقاعدة وكدا .. بس هقولك متحكمش على حد قبل ميكون معاك دليل.


اما حوار ان العمليات دي بتستهدف المسيحين ليه بس .. ؟
بكل بساطة ..
مين الفئة الأقلية في مصر (واسف على الرد بس انا بكلم بلسان الغرب) المسيحين
طيب امريكا ليها مين عندنا تضرب بيه استقرارنا ؟ المسيحين
دا من اقوى الأسباب اللي تكون حجة ليها في التدخل في شئونك ومن اهم الأسباب اللي تقلب بيها العالم على الأسلام ..
هي عايزة تعملك فتنة .ز بس في نفس الوقت تظهر ان الأسلام ارهاب .. تقوم تضرب عصفورين بحجر .. لكن لو فجرت مسلمين يبقي الموضو خرج من ان المسلمين ارهابين وهندخل على فتنة طائفية ..
دا غير انها لازم تبرز ان المسيحية اصبحت طرف مستهجن وضعيف للغاية امام جحافل المسلمين الأرهابين في مصر ... اللي هو (تقل لحد مالطبخة تستوي) عشان لما تضرب تقول انا صبرت عليهم كل دا
دا بردوا غير انها يهمها انها تحصل على جموع غاضبة من المسيحين يؤيدوا موقفها .. يعني تعمل ثورة غضب داخلية تؤيدها بعد كدا لما تدخل في شئون البلد



على فكرة المشكلة ان احنا تفكيرنا اضيق بكتير من تفكير السياسات الخارجية .. فاحنا بنبص على المدى القريب وهما بيلعبوا على البعيد عشان كدا دايما مش بنفهم تصرفاتهم .. حاجة شبه ويكيلكس كدا ..


فياريت نهدى .

[meza]

فياريت نهدى .

+1

يا ريت فعلاً نهدى شوية و إلا يكون هدف التفجيرات دى نجح.

نقدر مشاعر بعض يا جماعة شوية و ندى بعض العذر قبل ما نحكم على بعض و مش لازم كل كلمة تتقال دلوقتى و الدنيا بايظة خالص.

[M.Osman]

الكلام ده لو في دولة محترمة
كان الداخلية اتشالت فيها

حسبي الله و نعم الوكيل

[m_elkhishin]

اما حوار ان العمليات دي بتستهدف المسيحين ليه بس .. ؟
بكل بساطة ..
مين الفئة الأقلية في مصر (واسف على الرد بس انا بكلم بلسان الغرب) المسيحين
طيب امريكا ليها مين عندنا تضرب بيه استقرارنا ؟ المسيحين
دا من اقوى الأسباب اللي تكون حجة ليها في التدخل في شئونك ومن اهم الأسباب اللي تقلب بيها العالم على الأسلام ..
هي عايزة تعملك فتنة .ز بس في نفس الوقت تظهر ان الأسلام ارهاب .. تقوم تضرب عصفورين بحجر .. لكن لو فجرت مسلمين يبقي الموضو خرج من ان المسلمين ارهابين وهندخل على فتنة طائفية ..
دا غير انها لازم تبرز ان المسيحية اصبحت طرف مستهجن وضعيف للغاية امام جحافل المسلمين الأرهابين في مصر ... اللي هو (تقل لحد مالطبخة تستوي) عشان لما تضرب تقول انا صبرت عليهم كل دا
دا بردوا غير انها يهمها انها تحصل على جموع غاضبة من المسيحين يؤيدوا موقفها .. يعني تعمل ثورة غضب داخلية تؤيدها بعد كدا لما تدخل في شئون البلد



على فكرة المشكلة ان احنا تفكيرنا اضيق بكتير من تفكير السياسات الخارجية .. فاحنا بنبص على المدى القريب وهما بيلعبوا على البعيد عشان كدا دايما مش بنفهم تصرفاتهم .. حاجة شبه ويكيلكس كدا ..


فياريت نهدى .

اسمحلي احييك على تحليلك اللي واضح جدا انه مبني على تحليل لسياسة دول الاستعمار وازاي بتنصب شباكها على فرائسها

بشكل بسيط، لو ضرب الاقلية المسيحية ايه اللي حيحصل

1- المسيحيين بحكم عددهم القليل مش حيقدروا ياخدوا حقهم، وبالتالي لازم قوة خارجية تساعدهم ياخدوا حقهم من الطغاة والظلمة.

2- تشويه صورة الاسلام أمام العالم أجمع، وبدل ما يكسبوا تعاطف العالم مع الاقليه المضطهدة فقط يبقى المكسب مضاعف بنشر الكره للاسلام. وبالتالي بدل ميلاقوا لنفسهم مبرر للاحتلال يلاقوا كمان ناس تساعدهم عليه.


طبعا دي طريقة المستعمر في الدول اللي فيها أقليات، لكن لو كان عدد المسيحيين قريب من عدد المسلمين كان ضرب في الاتنين عشان تبقى فتنه طائفية والاتنين يخلصوا على بعض.

[ابو حسين]

حسبي الله ونعم الوكيل
الي ممكن يفكر يعمل عمل زي دة لا دين له
حسبي الله ونعم الوكيل

[masryxt]

اللي مات مش مسيحي او مسلم

اللي ماتوا ممكن اكون انا منهم او انت بس لو حصلت فتنة اللي هايموت البلد اللي هيا انا وانت

عزائي للجميع

[Egyzizo]

أياً كان من فعلها ، فقد نجحوا فى مرادهم ولم يقتلوا فقط شهداء الاسكندرية وإنما قتلوا الفرحة فى نفوس كل أقباط مصر .. لا تتصوروا كم الكآبة والحزن الذى نعيش فيه .. أمهاتنا تبكى وشبابنا فقدوا الاحساس بالأمان.
لا يكاد يأتى علينا عيد مؤخراً إلا وتأتى معه طعنة غادرة من الخلف تضيع بهجة هذا العيد.

أنا مكتئب جداً.

[تامر.محمد]

تعزياتي
:(

[Adham]

أياً كان من فعلها ، فقد نجحوا فى مرادهم ولم يقتلوا فقط شهداء الاسكندرية وإنما قتلوا الفرحة فى نفوس كل أقباط مصر .. لا تتصوروا كم الكآبة والحزن الذى نعيش فيه .. أمهاتنا تبكى وشبابنا فقدوا الاحساس بالأمان.
لا يكاد يأتى علينا عيد مؤخراً إلا وتأتى معه طعنة غادرة من الخلف تضيع بهجة هذا العيد.

أنا مكتئب جداً.

لا تبتأس و كن آمناً فانت و سط اخوتك في الوطن

اقسم لك الصبح انا عيوني دمعت مرتين و انا باتصل باتنين اصدقائي اقباط في اسكندرية للاطمئنان عليهم

اللي يقول ان مصر فيها فتنة او ان مسلميها ما بيحبوش مسيحييها يبقى مابيفهمش حاجة و مايعرفنااااااااااش

[otefa]

أياً كان من فعلها ، فقد نجحوا فى مرادهم ولم يقتلوا فقط شهداء الاسكندرية وإنما قتلوا الفرحة فى نفوس كل أقباط مصر .. لا تتصوروا كم الكآبة والحزن الذى نعيش فيه .. أمهاتنا تبكى وشبابنا فقدوا الاحساس بالأمان.
لا يكاد يأتى علينا عيد مؤخراً إلا وتأتى معه طعنة غادرة من الخلف تضيع بهجة هذا العيد.

أنا مكتئب جداً.

ربنا يجعلها أخر الأحزان علي الجميع...........وفعلا من فعلها أي من كان فقد تسبب في الحزن للجميع مسلم وقبطي

[samoevil911]

اسمحلي احييك على تحليلك اللي واضح جدا انه مبني على تحليل لسياسة دول الاستعمار وازاي بتنصب شباكها على فرائسها

بشكل بسيط، لو ضرب الاقلية المسيحية ايه اللي حيحصل

1- المسيحيين بحكم عددهم القليل مش حيقدروا ياخدوا حقهم، وبالتالي لازم قوة خارجية تساعدهم ياخدوا حقهم من الطغاة والظلمة.

2- تشويه صورة الاسلام أمام العالم أجمع، وبدل ما يكسبوا تعاطف العالم مع الاقليه المضطهدة فقط يبقى المكسب مضاعف بنشر الكره للاسلام. وبالتالي بدل ميلاقوا لنفسهم مبرر للاحتلال يلاقوا كمان ناس تساعدهم عليه.


طبعا دي طريقة المستعمر في الدول اللي فيها أقليات، لكن لو كان عدد المسيحيين قريب من عدد المسلمين كان ضرب في الاتنين عشان تبقى فتنه طائفية والاتنين يخلصوا على بعض.

ربنا يخليك
وفعلا لو الأعداد متقاربة كانوا ضربوا النحيتين ... وكان سعتها يبقي وضعنا زي دارفور والسودان ..

وبعدين انا في حاجة لافته نظري .. اشمعنا اختيار الكنيسة دي ؟؟؟
انا في تحيليل في مخي بس خايف اكون بسرح ..
ليه اختاروا كنيسة قدام مسجد .. رغم ان في كنايس بعيدة عن المساجد .. انا هستنى اشوف مين اللي عمل الموضوع دا الأول قبل مسرح

[Dr Ahmed]

برضه مع إحترامى لكل كلامكم .. مننساش إن الأمن هو المسئول الأكبر عن ما حدث ... ولازم يبقى فيه محاسبات لقادة قوات الأمن فى مصر .. ولا هما مش فالحين غير يتشطروا عالمعارضة و الإخوان!!! و فين المخابرات بتاعتنا؟؟؟
بره بيسيبوا أى متشدد أو متعصب يعمل اللى هو عاوزه بحرية لكن أول ما فكره يحيد و يتجه لإيذاء الآخرين بيتقبض عليه على طول .. هنا ولا عارفين يقبضوا عليهم قبل ولا بعد .. هو فى ايه؟

معلش يا جماعة .. إخوانى المسلمين اللى هنا .. إنتوا بتظلموا نفسكم لما بتحطوا نفسكم فى نفس خانة اللى بينفذوا التفجيرات دى ... كلنا عارفين أصلهم و إن كان الإسلام مبررهم لسفك الدماء فأنتم أكدتم مئة بل ألف مرة إن الإسلام منهم و من أفعالهم براء .. فلا داعى لإعادة نفس الكلام و التأكيد على ما نحن متأكدين منه بالفعل ... لم يقصد إخوانى المسيحيين هنا توجيه الإتهام لكم أو لدينكم.

تحياتى وخالص التعازى ليك ولجميع المصريين صديقى العزيز