بالشفا يا شعب ياللى فرحان بالوزاره والجيش

[mazagngi2010]

القاهرة (رويترز) - قال محتجون ان قوات من الجيش المصري فضت بالقوة يوم الجمعة اعتصام محتجين في ميدان التحرير بالقاهرة.

وقال أحمد بهجت وهو أحد المحتجين في اتصال هاتفي مع رويترز ان جنودا من الجيش وأفرادا من الشرطة العسكرية ضربوا المحتجين وعددهم مئات بالعصي الكهربية.

وأضاف أن "هناك حالة من الكر والفر الان بين قوات الجيش والمحتجين الذين فروا الى الشوارع الجانبية."

وتابع أنه يرى محتجا مصابا يحمله عدد من زملائه.
المصدر
ظ‚ظˆط§طھ ظ…ظ† ط§ظ„ط¬ظٹط´ ط§ظ„ظ…طµط±ظٹ طھظپط¶ ط§ط¹طھطµط§ظ…ط§ ظپظٹ ظ…ظٹط¯ط§ظ† ط§ظ„طھط.ط±ظٹط± ط¨ط§ظ„ظ‚ظˆط© | ط£ط®ط¨ط§ط± ط§ظ„ط´ط±ظ‚ ط§ظ„ط£ظˆط³ط· | Reuters
=====================
والتفاصيل على رصد وقريب الصور هتنزل
اللى خايف منه حصل وتشككى الدايم فى الجيش ونتايج الثوره اللى متبشرش بالخير طلع صح مليون فى الميه
الضرب بالعصيان الكهربا والاعتقال شغال دلوقتى فى التحرير الله ينور
واللى يقول الجيش والشعب ايد واحده يبص على طريقه تعامل قيادات الجيش مع مطالب الناس الاساسيه ومحاسبه الفاسدين الكبار ...............
وياريت اللى يقول ماهو الدنيا لازم تمشى عندنا شغل بكره .........................علشان عمر ماثوره تقف علشان الناس عندها شغل بكره او ولادهم عندهم بكره مدرسه
واللى شايف ان الثوره جابت نتايجها يدخل هنا

http://www.nilemotors.net/Nile/203530-a.html

ويفتكر اللى قاله الباشا مدير الامن امبارح واخبار ترشيح احمد زكى بدر لتولى محافظه القاهره والوشوش المعفنه اللى رجعت تمسك مناصب قياديه فى البلد
الثوره الحقيقيه اللى ماشيه صح فى تغيير كل القديم هيا ليبيا علشان كده التمن غالى قوى مش يفطتين حلوين فى التحرير ورئيس اشتغل الناس وقاعد فى شرم ..........................تثبت الناس على التلفزيون
فوقوا بقى




تم حصولك على إنذار مصحوبا بوقف لمخالفة القاعدة 13 مع من يخالفك الرأي

مراقب المنتدى

2:00 ص

27 فبراير

[Hacker5]

يا نهار اسود !!!!!!!!!!!!

[medo2o1o]

انا قلت فى موضوع تانى و هقولها تانى و تالت

يا نااااااااااااااااااااااااااااااااااااااااااااااااا ااااااااااااااااااس..لما تلاقي واحد عنده غرغرينا في حته من جسمه ينفع تكب عليها شوية ميه و تلفها بشاش و تصبر عليها كام شهر و تاخد مسكنات و مضاد حيوي لحد ما تخف؟ولا لازم تبتر الحته ديه وما ينفعش تديها مهله او فرصه؟عشان الفساد مايستشريش اكتر من كده؟!انا معلوماتي لازم البتر و لو حتشيل حته صغننه كمان سليمه احتياطي..احسن ما تخسر حياة البني ادم كلها

[A7MED_PHARMA]

لا حل إلا البتر
وموضوع الوشوش العكرة دي ..مابقاش ينفع
نفسي ييجي حد ماسمعناش عنه قبل كده
حد جديد بدل الناس الي بقت عاملة زي الاسهال المزمن ده
قرررررررررف

[تامر.محمد]

سلام عليكم
لا حول ولا قوة الا بالله

الأخبار حقيقية فعلا
:(

[elrasy]

ربنا يستر
انا فعلا بحترم الجيش ,, حاسس انهم مش قادرين يواكبوا مطالب الثورة,,, او مش عايزيين!!!!!!!!!!!

[AmatoALLAH]

ربنا يستر

[cayman69300]

الكلام دة مش واقعى و الدليل الجزيرة
لان الجزيرة لو شافت ان عسكرى فى الجيش هيضرب مواطن بعد 40 سنة كانوا نشورا بيها الدنيا و عملوها فتنة
اللى معاه صورة ياريت يبعتها و نشوف بعنيننا

[otefa]

أختيارات الأستطلاع محدودة
أضطريت أصوت بأه مؤقتا ولتكن مهلة 2 أسبوع لنرى أنجازات الجيش لم تكن بالمستوى المطلوب الناس تنزل تاني أنما كل كام يوم مظاهرة صعبة قوي .....ده رأي

[mazagngi2010]

elrasy
ياباشا من الاول خالص وهما مش معانا ولا عايزين يغيروا حاجه
=========
بالطريقه الجميله دى انسى يافارما هيفضلوا كابسين على نفسنا
=========
الاعتصام اللى قدام المجلس هتتفض بالفوه دلوقتى
وشوفوا اللى حصل النهارده قدام مديريه امن المنصوره
YouTube - ‫ط´ط¨ظƒط© ط±طµط¯ |ط§ظ„ظ…ظ†طµظˆط±ط©| ط§ط´طھط¨ط§ظƒط§طھ ظ…ط¯ظٹط±ظٹط© ط§ظ„ط§ظ…ظ†‬‎
الجيش مصمم يولعها تانى بطريقته البطيئه جدا فى الاستجابه للناس وتضامنه مع الحرس القديم
=========
cayman69300
ماتستعجلش الخير جاى فى الطريق وسيب الجزيره مشغوله بليبيا دلوقتى

[aly_hosny]

موصليش اي حاجة ان الجيش ضرب فعلا زي ما الجزيرة بتقول
و ال في المنصورة دول بتوع الامن المركزي

[elrasy]

فعلا مفيش اى حد جايب سيرة عن الخبر دة
ولا حتى الجزيرة اللى بتحبنا

[mazagngi2010]

موصليش اي حاجة ان الجيش ضرب فعلا زي ما الجزيرة بتقول
و ال في المنصورة دول بتوع الامن المركزي

مانا عارف انه امن مركزى اللى عايز اوصله ان خلاص الفلول كلها بدات تتلم تانى و تخليص التار البايت قرب قوى
ورجاله الوطنى بداوا يشتغلوا تانى بقوه
حقيقة ما حدث داخل مدينة المنصورة

قيام مجموعة من رجال أعمال الحزب الواطى وعلى رأسهم ...... محمد بسيونى بالدفع بمجموعة بلطجية للقيام بمظاهرة ورفعو صندوق للرمز لشهداء الثورة وعند وصولهم أمام مديرية أمن الدقهلية وضعو الصندوق على الأرض وتم فتح الصندوق وظهر ما بداخله

الصندوق كان ممتلئ بكمية طوب كبيرة جدا رشقو بها مديرية الأمن مما دفع الأمن للرد عليهم بغباء وعنف فالتعامل ولم يفرق بينهم لوقع اصابات خطيرة وبين المارة العاديين وباقى المتظاهرين السلمين مما أدى لقيام الامن بالدفع بالقناصة وإستخدام الغاز المسيل للدموع

[aly_hosny]

فعلا مفيش اى حد جايب سيرة عن الخبر دة
ولا حتى الجزيرة اللى بتحبنا

الجزيرة شغالة عند حضرتك ؟

[wael17]

القاهرة (رويترز) - قال محتجون ان قوات من الجيش المصري فضت بالقوة يوم الجمعة اعتصام محتجين في ميدان التحرير بالقاهرة.

وقال أحمد بهجت وهو أحد المحتجين في اتصال هاتفي مع رويترز ان جنودا من الجيش وأفرادا من الشرطة العسكرية ضربوا المحتجين وعددهم مئات بالعصي الكهربية.

وأضاف أن "هناك حالة من الكر والفر الان بين قوات الجيش والمحتجين الذين فروا الى الشوارع الجانبية."

وتابع أنه يرى محتجا مصابا يحمله عدد من زملائه.
المصدر
ظ‚ظˆط§طھ ظ…ظ† ط§ظ„ط¬ظٹط´ ط§ظ„ظ…طµط±ظٹ طھظپط¶ ط§ط¹طھطµط§ظ…ط§ ظپظٹ ظ…ظٹط¯ط§ظ† ط§ظ„طھط.ط±ظٹط± ط¨ط§ظ„ظ‚ظˆط© | ط£ط®ط¨ط§ط± ط§ظ„ط´ط±ظ‚ ط§ظ„ط£ظˆط³ط· | reuters
=====================
والتفاصيل على رصد وقريب الصور هتنزل
اللى خايف منه حصل وتشككى الدايم فى الجيش ونتايج الثوره اللى متبشرش بالخير طلع صح مليون فى الميه
الضرب بالعصيان الكهربا والاعتقال شغال دلوقتى فى التحرير الله ينور
واللى يقول الجيش والشعب ايد واحده يبص على طريقه تعامل قيادات الجيش مع مطالب الناس الاساسيه ومحاسبه الفاسدين الكبار ويخرس خالص
وياريت اللى يقول ماهو الدنيا لازم تمشى عندنا شغل بكره اهنيه على خيبته القويه علشان عمر ماثوره تقف علشان الناس عندها شغل بكره او ولادهم عندهم بكره مدرسه
واللى شايف ان الثوره جابت نتايجها يدخل هنا

http://www.nilemotors.net/nile/203530-a.html

ويفتكر اللى قاله الباشا مدير الامن امبارح واخبار ترشيح احمد زكى بدر لتولى محافظه القاهره والوشوش المعفنه اللى رجعت تمسك مناصب قياديه فى البلد
الثوره الحقيقيه اللى ماشيه صح فى تغيير كل القديم هيا ليبيا علشان كده التمن غالى قوى مش يفطتين حلوين فى التحرير ورئيس اشتغل الناس وقاعد فى شرم وناس لابسه بدل عسكريه تثبت الناس على التلفزيون
فوقوا بقى

الجيش صبر كتير قوي بس للصبر حدود
و الخبر بيقول ان المعتصمين كانوا عدة مئات و اتحدي ان تيجي اي حكومة جديدة و مايكونش في "عدة مئات معترضين" عليها...يبقي كل ما هاتيجي حكومة هايطلع "عدة مئات" يقولك هانعمل اعتصام و أهداف الثورة لم تتحقق
مفيش دولة في الدنيا ينفع تعيش من غير نظام..من غير حكومة...من غير شرطة و تبقي الحياة كلها مظاهرات و اعتصامات في الميدان
و بعدين حضرتك شايف ايه الحل دلوقتي بعد الجيش ما فض المعتصمين بالقوة؟ نعمل جمعة غضب تاني و ننزل نطحن الجيش اللي انت بتسميهم (ناس لابسه بدل عسكريه تثبت الناس على التلفزيون)

واللى يقول الجيش والشعب ايد واحده يبص على طريقه تعامل قيادات الجيش مع مطالب الناس الاساسيه ومحاسبه الفاسدين الكبار ويخرس خالص

لا معلش ماهو احنا مش هانخلص من ديكتاتور كبس علي نفسنا 30 سنة عشان تيجي حضرتك تقولنا " يخرس خالص"...لا اي واحد من حقه يقول رأيه و مش من حق حد يحجر علي رأي حد و يقوله "يخرس خالص"