بالشفا يا شعب ياللى فرحان بالوزاره والجيش

[mazagngi2010]

ياجيش متجنناش بقى
هو فيه حاجه فى عرف الجيش اسمها غير مقصوده
عايزين تعتذروا شيلوا الحكومه وحاسبوا الروس الكبيره لكن شغل ال3 ورقات ده فضوكم منه بقى

[romioramy]

حقيقة اللى حصل أمبارح فى ميدان التحرير - شاهد عيان ومشاهد من الميدان
رابط المشاركة
قبل أن أبدأ فى الإجابة على بعض الأسئة التى احتار فيها الكثيرون عن حقيقة ماحدث بالأمس فى ميدان التحرير خلينا نفتكر حديث النبى صلى الله عليه وسلم الذى يقول فيه "كفى بالمرء كذباً أن يحدث بكل ماسمع " أوعى تكون من مروجى الشائعات والأحداث بلا دليل ، البلد فى وضع حساس جدا ولاتتحمل كترت الكلام أرجوك أبوس إيدك أتأكد من كل كلمة قبل متكتب لإن الكملة بتفرق دلوقتى كتير جدا والله
كنت فى الميدان وشايف بعنيه محدش قاللى وتلاقى حد واقف بيحكى فى التليفون لواحد حكاية غير اللى بتحصل قدام عنيه تماماً فما بالك لما توصلك الحكاية وأنت قاعد على الفيس بوك ممكن تكون اتغيرت أد أيه؟
مش هطول عليكم خلينا ندخل على ماحدث فى الميدان مباشرة
هل فعلا قام الجيش بإخلاء الميدان بالقوة ؟
نعم
هل كان استخدام القوة مفرطاً تجاه المعتصمين ؟
لا

ماهى أشكال القوة التى استخدمها الجيش ؟

- القوات الخاصة كانت هيئتهم مخيفه إلى حد كبير وفكوا بعض خيام المعتصمين وقاموا بضرب البعض "ويشتبه وفقاً لبعض المصابين "كلام محتمل ولكن ليس عليه دليل" أن هؤلاء ينتمون للداخلية وليس للقوات المسلحة
- تعدى بالسب من بعض الضباط الصغار "فقط"
- ركض خلف المعتصمين فى صفوف من قبل عساكر الجيش فى الشوارع الجانبيه لإخلاء الميدان
- سقوط بعض المعتصمين من أثار ذلك الركض وضرب بعضهم
- تم احتجاز بعض المعتصمين لدقائق لم يسألوا فيها عن اى شىء ثم انصرفوا
- صواعق كهربائية معظمها كان للتخويف
- أصيب بعض المعتصمين بإصابات معظمها طفيفه جدا

ماذا كان رد فعل "بعض المعتصمين؟
- بعضهم قام برشق الجيش بالحجارة واصيب فرد من افراد الجيش "لاأعرف مدى أصابته"
- قام الكثير من المعتصمين باعتراض من يريد القاء الحجارة أو استخدام العنف تجاه الجيش

هل أخطأ الجيش فى طريقة فض الأعتصام؟

نعم

هل ماحدث من الجيش يرتقى إلى تخوينه وجعله فى موقف ضد الثورة؟
بالتأكيد لالالالالالالالالالالالالالالالالالالالاا

مشاهد هامة جدا ًمن الميدان
1- فى الساعة الثالثة صباحا كان المعتصمين يتبادلون الحوار بشكل رائع جدا مع الشرطة العسكرية وقوات الجيش الأخرى وكأن شىء لم يكن "وأنا اقسم بالله على ذلك"
2- سمعت ورأيت والله بنفسى "صف ضابط" يقول لنا ( هنيونى واشتمونى واعملوا اللى انتو عايزينه والله ماهكلمكم لأنى معاكم ولو حد غلط صوابعك مش زى بعض ومفيش أوامر بضرب أى حد )
3- فى حديث مع فرد من الشرطة العسكرية اقسم لى بالله أن الأوامر عند نزولهم إلى الميدان أنه فى حالة تعدى اى من المعتصمين عليهم بالسب أو بالضرب حتى أن لايردوا ذلك التعدى بأى شكل من الأشكال
4- هناك الكثير من مثيرى الفتن وغير المدركين لخظورة الأمر الذين يروجون الشائعات
5- أحد المصابين فى قدمه قال لى : إن الناس كانوا بيرجعوا للوراء فعلقت رجله فى حديده فكاد الجنود يدهسونه إلا أن ضابط برتبة مقدم أمرهم بالتوقف وقام بحمله واخرج قدمه بمساعدة الجنود ثم تركه ينصرف"
6- الشباب فى ميدان طلعت حرب يشعلون النار للتدفئة ويغنون أغانى الشيخ إمام رحمه الله
7- ونقلا عن ضابط فى الميدان من المتوقع إصدار بيان من الجيش بخصوص هذه الأحداث صباحاً
باختصار وأنا شاهد عيان على ماحدث فى ميدان التحرير ومعي كثير من الشباب الثقات المحترمين الموجودين فى مداخل مختلفة للميدان إن ماحدث من الجيش هو تجاوز بلاشك يحتاج إلى تفسير لكنه لايرتقى إلى مرحلة استخدام العنف المفرط أو تخوين الجيش أو الشائعات التى روجها الكثيرون
أرجوك انشر هذا الكلام فى أسرع وقت قبل أن تنتشر الأخبار الكاذبة والمبالغ فيها فى الصباح ويحدث ملايحمد عقباه دعونا لانخسر الشىء الوحيد المحترم فى البلد "وفى حالة ثبت لنا العكس لاقدر الله فلن نصمت أبداً"

"هذه المقالة ليس الغرض منها بالتأكيد الأعتراض على الأعتصام وإنما أنا مع كل المطالب الموجوده فيه ودليل ذلك أنى كنت فى الميدان لكن الغرض منها هو توضيح ماحدث بالأمس "

[medo_2060]

مش معنى ان الجيش عمل كدا يبقى خائن وانقلب ضدنا اظن الاغلبيه فاهمه واحنا بنثق فيهم
واتمنى يقيلوا الحكومه ويعلنوا موقفهم من أمن الدوله بدل ما اللف والدوران فى الحته دى... أتمنى يطمنوا الناس لان بعد كل الاخبار الى شوفناها اليومين الى فاتوا دول الى كان مطمن 70% بقى مطمن 40%

[Everlasting]

مفيش احسن من التجاهل التام للى يستفزك لان دايما بيكون كلامهم غلط فى الاخر

بالظبط كده ... المشكلة انهم مش بيضعوا في الاعتبار حالة الاحتقان اللى موجودة عند الناس.